اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

”بالاۋسا“ قيمىلى كوكتەمگى ەگىس دايىندىعىن كەپىلمەن قامدادى

  التاي گازەتىنىڭ ءتىلشىسى جۇڭ چۇنچۇن، ەرىكتى ءتىلشى جيا شين حابارلايدى. تاياۋدا، ايماق ەگىن شارۋاشىلىعىنا قاتىستى ۋنيۆەرسال زاڭ اتقارۋشىلاردىڭ جانە ەگىن شارۋاشىلىق ماتەريالدارى تيجارات ساۋداگەرلەرىنىڭ بەينە جازبا تاربيەلەۋ كۋرسىن وتكىزىپ، ايماقتاعى ەگىن شارۋاشىلىعىنا قاتىستى ۋنيۆەرسال زاڭ اتقارۋشىلار قوسىنىنىڭ زاڭ اتقارۋ دەڭگەيىن اناعۇرلىم جوعارىلاتىپ، ەگىن شارۋاشىلىق ماتەريالدارى تيجاراتىمەن شۇعىلداناتىن ساۋداگەرلەردىڭ زاڭعا بويسۇنىپ، تيجارات جۇرگىزۋ تانىمىن كۇشەيتتى.مىنە، بۇل ايماقتىڭ ەگىن شارۋاشىلىق ماتەريالدارىندا جالعاندىققا سوققى بەرۋدىڭ “بالاۋسا” قيمىلىنىڭ باستاعاندىعىنان دەرەك بەرىپ، كوكتەمگى ەگىس دايىندىعىن ويداعىداي ورىستەتۋدى كەپىلمەن قامدادى.

  بىرنەشە كۇننەن بەرى، ايماق 2 ارناۋلى تەكسەرۋ گرۋپپاسىن ۇيىمداستىرىپ، اۋداندارعا (قالاعا) ءبىر ايعا جالعاسقان ارناۋلى تەكسەرۋ ورىستەتىپ، تۇقىم، حيميالىق تىڭايتقىش، ەگىس ءدارىسى قاتارلى ەگىن شارۋاشىلىق ماتەريالدارى ساپاسىن توڭىرەكتەي ارناۋلى زاڭ اتقارۋ قيمىلىن ورىستەتتى. وسى رەتكى ارناۋلى تەكسەرۋدە زات باعاسىن ءوسىرۋ، ەگىن شارۋاشلىق ماتەريالى بازارىنىڭ تيجارات ءتارتىبىن ءبۇلدىرۋ، تۇتىنۋشىلاردىڭ ۇقىق ـ مۇددەسىنە زيان جەتكىزۋ قاتارلى زاڭعا قايشى ارەكەتتەرگە قاتاڭ سوققى بەرىپ، ەگىن شارۋاشىلىق ماتەريالى تيجارات ساۋداگەرلەرىنەن ەسەپتىڭ انىق، ينفورماتسياسىنىڭ دۇرىس، زات ەنگىزۋ، ساتۋ ارناسىنىڭ انىق بولۋىن، ەگىن شارۋاشىلىق ماتەريالدارى بازارىنىڭ جۇيەلى، ءتارتىپتى بولۋىنا كەپىلدىك ەتىپ، ەگىنشى ـ مالشىلاردىڭ ۇقىق ـ مۇددەسىن قامتاماسىزداندىرۋدى تالاپ ەتتى.

  قازىر ايماق ەگىن شارۋاشىلىق ماتەريالى بازارىنا 316 ادام (رەت) تەكسەرۋ جۇرگىزىپ، ەگىن شارۋاشىلىق ماتەريالى بازارى، دۇكەن جانە ءوندىرىس تيجارات كاسىپورىندارىنان 164 ىنە تەكسەرۋ جۇرگىزىپ، ەگىن شارۋاشىلىق ماتەريالدارىندا جالعانعا سوققى بەرۋ ۇگىت ماتەريالىنان 9850 داناسىن تاراتىپ، ماسەلە بايقالعان ءارى تۇزەتۋگە بۇيىرىلعان ەگىن شارۋاشلىق تيجاراتىمەن اينالىساتىن دۇكەن 6 بولدى.

  جىل ەسەبى ـــ كوكتەمدە. كوكتەمگى ەگىس دايىندىعى ءبىر جىلدىق ەگىن شارۋاشىلىق ءوندىرىسى ءساتتى جۇرىلۋدىڭ، ەگىس داقىلدارىنان مول ءونىم الۋدىڭ نەگىزى. جىل باسىنان بەرى، ايماقتاعى كوپ تاراۋ ”ەرتە جوبا جاساۋ، ەرتە ورنالاستىرۋ، ەرتە ىسكە كىرىسۋ“، ءتۇرلى شارانى قاتار قولدانۋ ارقىلى كوكتەمگى ەگىس دايىندىعى ورايىن مىقتى يگەرىپ، كوكتەمگى ەگىن شارۋاشىلىق ءوندىرىسىن نىق قاداممەن جەبەدى.

  ۇعىسۋعا قاراعاندا، ايماقتىق اۋىل شارۋاشىلىق تاراۋلارى ەگىن شارۋاشىلىق ماتەريالىمەن قامداۋ كاسىپورىندارىن، ەگىن شارۋاشىلىق ماتەريالدارىن وندىرەتىن كاسىپورىنداردىڭ قارىز اقشا الۋ قاجەتىنە قاراي، سوڭىنا ءتۇسىپ قىزمەت وتەۋدى بەلسەنە جاقسى ىستەپ، قارجىنىڭ ەرتە تياناقتاندىرىلۋىنا كەپىلدىك ەتىپ، كوكتەمگى ەگىس ءوندىرىسىن قامتاماسىزداندىردى. سونىمەن قاتار، ىندەتتەن ساقتانۋ ـ تىزگىندەۋ كەزىندە ەگىن، مال شارۋاشىلىق ونىمدەرىمەن قامداۋدى قامتاماسىزداندىرۋ ءۇشىن، ايماقتاعى مال جانە ءۇي قۇستارى تۇرلەرىنىڭ مولشەرى، سويىسحانا، تاسىمالداۋىنا ءار كۇنى ورنالاستىرۋ جاساپ، كوكتەمدەگى مالدىڭ كوشى ـ قونى جانە ءتول الۋ، مارقالاندىرۋ قىزمەتىنە ەرتە باستان ورنالاستىرۋ جاسادى.

  قازىرگە دەيىن ايماقتا جۇمىسى قالپىنا كەلگەن ەگىن شارۋاشىلىعىنا ساياتىن كاسىپورىن 93 بولىپ، قوراداعى مال سانى 2 ميلليون 875 مىڭ 300 باس (تۇياق)، زاپاس حيميالىق تىڭايتقىش 42 مىڭ 600 توننا، ەگىس ءدارىسى ءبىر ميلليون 208 مىڭ توننا، ەگىستىككە پايدالاناتىن جارعاق 2051 توننا، تامشىلاتىپ سۋارۋ بەلدەۋى 12 مىڭ 219 توننا، ءتۇرلى ەگىس داقىلى تۇقىمى 8456 توننا بولىپ، ءتۇرلى ەگىس ماشيناسىنان 20مىڭ 800 ىن تەكسەرىپ رەمونتتادى.

جاۋاپتى رەداكتور : ءاننا اكىمقان قىزى