اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدا 90 مىڭعا جۋىق ورتا ـ باستاۋىش مەكتەپ وقۋشىلارى مەكتەپ قۇشاعىنا ورالىپ وقۋىن باستادى

  التاي گازەتىنىڭ ءتىلشىسى جۇڭ چۇنچۇن، پراكتيكانت دۇيسەن جانات ۇلى حابارلايدى. 3 ـ ايدىڭ 23 ـ كۇنى ايماق بويىنشا 90 مىڭعا جۋىق ورتا ـ باستاۋىش مەكتەپ وقۋشىسى دەنە تەمپەراتۋراسىن ولشەۋ ارقىلى مەكتەپكە كىرىپ جاڭا وقۋ ماۋسىمىن باستادى.

  ءتىلشى التاي قالالىق تاجىريبە باستاۋىش مەكتەبىنە بارعاندا بۇل مەكتەپتىڭ وقۋشىلارعا ارنالعان ارناۋلى جولىنداعى ەسكەرتۋ بەلگىسىنىڭ ايقىن، تەكسەرۋ قۇرىلعىلارىنىڭ تولىق ەكەندىگىن، مەكتەپ قاقپاسىندا وقۋشىلاردىڭ 1.2 مەتر ارالىق ساقتاپ تارتىپپەن دەنە تەمپەراتۋراسىن ولشەتىپ كىرىپ جاتقاندىعىن كوردى.

  3 ـ ايدىڭ 23 ـ كۇنى التاي قالالىق تاجىريبە باستاۋىش مەكتەبى وقۋ باستادى. تاڭەرتەڭگى ساعات 9 دان باستاپ وقۋشىلار دەنە تەمپەراتۋراسىن ولشەتكەننەن كەيىن تارتىپپەن مەكتەپكە كىرۋدە. (ارداق فوتوسى)

  التاي قالالىق تاجىريبە باستاۋىش مەكتەبى پارتيا باس ياچەيكاسىنىڭ شۋجيى جۋ جيڭ بىلاي دەدى: ”وقىتۋشى ـ وقۋشىلارعا اقىسىز ماسكى تاراتىپ قالماستان، وقۋشىلاردىڭ مەكتەپتەگى كەزىندەگى دەنە تەمپەراتۋراسىن 4 رەت ولشەيمىز، قالىپسىز جاعداي بايقالسا دەركەزىندە مەكتەپ قۇرعان ەمدەۋ ـ باقىلاۋ تۇيىنىنە اپارىپ باقىلايمىز. ءار كۇنى تازالىق جۇرگىزىپ، دەزينفەكسيالاۋ قىزمەت ولشەمى مەن ءتارتىبى بويىنشا مەكتەپكە، كلاستارعا، ستولعا، ەسىك تۇتقاسىنا، دارەتحاناعا دەزينفەكسيالاۋ جۇرگىزەمىز، ساباق ارالىعىندا تەرەزەلەردى اشىپ كلاستىڭ اۋاسىن الماسترامىز“.

  3 ـ ايدىڭ 23 ـ كۇنى التاي قالالىق تاجىريبە باستاۋىش مەكتەبى وقۋ باستادى. وقۋشىلار مەن وقىتۋشىلار وقۋ باستاعان 1 ـ ساباقتى تىڭداۋدا. (لي شينلي فوتوسى)

  سول كۇنى تۇستەن بۇرىن ءتىلشى التاي قالالىق 2 ـ ورتا مەكتەپكە بارعانىندا بۇل مەكتەپتىڭ الدە قاشان ساباق باستاپ قويعاندىعىن كوردى. وقىتۋشى ىندەتتەن ساقتانۋ ـ تىزگىندەۋ شاراسىن توڭىرەكتەي تاربيە جۇرگىزىپ، تەلە كەسكىن قويۋ، وقۋشىلار لەكسيا سويلەۋ قاتارلى ءتۇرلى تاسىلدەر ارقىلى وقۋشىلارعا جاڭا تيپتى ايدارشا ۆيرۋس وكپە قابىنۋ ىندەتىنىڭ ەرەكشەلىگىن، جاسىرىن كەزەڭى مەن اۋرۋ بەلگىسى، تارالۋ جولى مەن ءتاسىلى، ساقتانۋ ـ تىزگىندەۋ ءتۇيىنى قاتارلى قاتىستى بىلىمدەردى جەتكىزىپ، وقۋشىلاردى ىندەتكە دۇرىس مامىلە جاساۋعا جەتەكشىلىك ەتىپ، وزىندىك قورعانۋ تانىمى مەن ساقتانۋ قۋاتىن كۇشەيتتى.

  كوكتوعاي اۋداندىق تولىق ورتا مەكتەپتىڭ وقىتۋشىلارى وقۋشىلاردىڭ دەنە تەمپەراتۋراسىن ولشەۋدە. (فۋ شيۋان فوتوسى)

  وسى مەكتەپتىڭ 8 ـ جىلدىق 3 ـ كلاس وقۋشىسى چي جينرۇي بىلاي دەدى: ”ىندەت كەزىندە ماسكا تاعىپ، وقۋشىلارمەن توپتاسپايمىن، ۇيگە قايتقان سوڭ قول جۋىپ، جاڭا وقۋ ماۋسىمى كەزىندەگى ۇيرەنۋ ـ دەمالىس ۋاقىتىمدى ويداعىداي ورنالاستىرىپ، قۇلشىنا ۇيرەنەمىن“.

  ۇعىسۋعا قاراعاندا، التاي قالالىق 2 ـ ورتا مەكتەپتىڭ ىندەتتەن ساقتانۋ زاتتىق ماتەريالدارى جەتكىلىكتى بولعان، بۇل مەكتەپ ۋاقىتقا ءبولىپ ساقتانۋ ـ تىزگىندەۋ ءتۇيىنىن تۇراقتاندىرىپ، قاقپادان كىرگەن ـ شىققانداردى باقىلاپ ـ باسقارىپ، وقۋشىلاردىڭ مەكتەپ ىشىندە ارەكەت جاساۋىن رايونعا ءبولىپ باسقارىپ، وقۋشىلاردىڭ وقۋ كەزىندە ىندەتتەن ويداعىداي قورعانۋىنا كەپىلدىك ەتكەن.

  ساباق باستاۋدان بۇرىن التاي قالالىق تاجىريبە باستاۋىش مەكتەبىنىڭ وقىتۋشىسى كلاستى ديزەنفەكسيالاۋدا. (لي شينلي فوتوسى)

  التاي قالالىق 2 ـ ورتا مەكتەبى پارتيا باس ياچەيكاسىنىڭ شۋجيى جۋ حۇڭيۇن بىلاي دەدى: ”وقۋ باستاۋ الدىندا وقىتۋشى ـ وقۋشىلاردىڭ دەنساۋلىق ينفورماتسياسىن جاپپاي تەكسەرىپ، حاۋىپسىزدىك كومەسكى حاۋىپ ـ قاتەرىن باتىل تەجەدىك. سونىمەن بىرگە، وقۋ باستاعاننان كەيىنگى ىندەتتەن ساقتانۋ زاتتىق ماتەريالدارىن تولىق دايىندادىق“.

  قابا اۋداندىق اققايىڭ ورتا مەكتەبىنىڭ وقىتۋشىسى مەكتەپتىڭ الەۋمەتتىك رايونىن جاپپاي دەزينفەكسيالاۋدا. (عارىش فوتوسى)

  ۇعىسۋعا قاراعاندا، ايماق تۇتاس ايماقتاعى مەكتەپتەردى جىلدىقتارعا، ايىرىم ۋاقىتقا بولىپ عىلمي، جۇيەلى ۇيىمداستىرىپ، جىنتىكتى، ناقتى، قاتاڭ شارا قولدانىپ، ”ءبىر مەكتەپتە ءبىر شارا بولۋدى“ توڭىرەكتەپ، ىندەتتەن ساقتانۋ ـ تىزگىندەۋ جوباسى مەن شۇعىل جاعدايدى ءبىرجاقتىلى ەتۋ جوباسىن جاسادى. سونىمەن بىرگە، مەكتەپ اۋلا ورتاسىن رەتكە سالىپ وڭاۋ، ەمدەۋ، ساقشى قىزمەتكەرلەرى مەكتەپتە تۇرۋ، تاراۋلار بىرلەسىپ اتتانىسقا كەلۋ مەحانيزمىن، ىندەتتەن ساقتانۋ ـ تىزگىندەۋ زاتتىق ماتەريالدارىن دايىنداۋ قاتارلى شارالاردى بەلسەنە اتقارىپ، مەكتەپتىڭ ىندەتتەن ساقتانۋ ـ تىزگىندەۋ قىزمەتىن بار كۇشپەن قامتاماسىزداندىردى.

جاۋاپتى رەداكتور : ءاننا اكىمقان قىزى