اعاجاي-التاي تورابى   ›   اقپارات ايدىنى   ›   شينجياڭ حابارلارى

داشىمىن سۋ قويماسى ينجەنەرياسىندا قاۋىرت قۇرىلىس جۇرگىزىلۋدە

مەملەكەتتىڭ ءتۇيىندى سۋ يگىلىگى ينجەنەرياسى

داشىمىن سۋ قويماسى ينجەنەرياسىندا قاۋىرت قۇرىلىس جۇرگىزىلۋدە

3 - ايدىڭ 23 - كۇنى جۇمىسشىلار چەرشەن اۋدانى چەرشەن وزەنى داشىمىن سۋ قويماسىنىڭ قۇرىلىس باسىندا جۇمىس ىستەۋدە. □ سۋرەتتى سۋ شين تۇسىرگەن

  گازەتىمىزدىڭ بايىنعولين وبلىسىنداعى تىلشىلەر پۋنكتىنەن جوۋ حايشيا 3 - ايدىڭ 23 - كۇنى چەرشەننەن حابارلايدى. 3 - ايدىڭ 20 - كۇنى جالپى ءبىر ميلليارد 900 ميلليون يۋاننان استام قارجى قوسىلعان مەملەكەتتىڭ ءتۇيىندى سۋ يگىلىگى ينجەنەرياسى − چەرشەن اۋدانى چەرشەن وزەنى داشىمىن سۋ قويماسىندا جۇمىس قالپىنا كەلدى. قۇرىلىس باسىندا جۇمىسشىلار قازۋ، ءبىر جاقتى ەتۋ سياقتى ءتۇرلى جۇمىستارمەن شۇعىلدانۋدا. قازىر 1 - ءنومىرلى قاتىناس تۋنەلى، 2 - ءنومىرلى قاتىناس تۋنەلى سياقتى قۇرىلىستار جالپى بەتتىك اياقتالىپ، ەلەكتر شىعارۋعا سۋ جەتكىزۋ تۋنەلى، توسپا ۇستىندەگى تاسقىن ىعىستىرۋ ناۋاسى، توسپا تۇبىندەگى تاسقىن اعىزۋ، قۇم شايۋ تۋنەلى تۇتاستىرىلىپ بولدى. بىرىككەن سۋ ەنگىزۋ اۋىزىنىڭ قۇم - توپىراق قۇرىلىسى ءبىتىپ، شىرعالاڭ قاقپاعى مەن قوس باعىتتاعى قاقپاق ماشيناسى ورناتىلىپ، سول جاق جاعانىڭ بيىك ەرنەۋىن ءبىر جاقتى ەتۋ اياقتالدى.

  ”ءبىز قازىر جۇمىس جۇرگىزىپ جاتقان بولىك − توسپا ۇستىندەگى تاسقىن ىعىستىرۋ ناۋاسى، ول داشىمىن سۋ يگىلىگى تورابىنىڭ اسا ماڭىزدى بولىگى، توسپا ىسكە قوسىلعان مەزگىلدە ولشەمنەن جوعارى تاسقىنعا ءدوپ كەلگەندە، توسپانىڭ حاۋىپسىزدىگىن قورعاۋ رولىن اتقارادى“، - دەدى ينجەنەريا نىسانىنىڭ جاۋاپتىسى شيڭ جۇنشى.

  داشىمىن سۋ قويماسى ينجەنەرياسى 2015 - جىلى 10 - ايدىڭ 12 - كۇنى جۇمىس باستاپ قۇرىلىس جۇرگىزگەننەن بەرى، جالپى ءبىر ميلليارد 760 ميلليون يۋان قارجى قوسىلدى، بۇل جالپى قوسىلعان قارجىنىڭ %89.8ىن ۇستايدى، بيىل جىل سوڭىندا تيەكتى بەكىتىپ سۋ ساقتاۋدى جۇزەگە اسىرادى. نىسان سالىنىپ بولعاننان كەيىن، چەرچەن وزەنىنىڭ جوعارى اعارىنداعى تاۋلى وڭىردەگى تاسقىن تىزگىندەلىپ، مەڭگەرىلىپ، چەرچەن وزەنىنىڭ تومەنگى اعارىنداعى قورعانىس وبيەكتىلەرىنىڭ تاسقىننان ساقتانۋ ولشەمى قازىرگى 3 جىلدا ءبىر رەت ءدوپ كەلۋدەن 20 جىلدا ءبىر رەت ءدوپ كەلۋگە جوعارىلاتىلادى. سۋارمالى وڭىردەگى 341 مىڭ 400 مۋ اۋماق مەڭگەرىلىپ، ورتا، تومەنگى اعارداعى تاسقىننان ساقتانۋ ولشەمى جانە ەگىستىكتەردىڭ سۋارىلۋىنا كەپىلدىك ەتۋ سالىستىرماسى جوعارىلايدى، سۋارمالى وڭىردە ماۋسىمدىق سيپاتتى سۋ جەتىسپەۋ ماسەلەسى ءونىمدى شەشىلەدى. سونىمەن بىرگە سول ماڭداعى ەلەكتر تورابىن ەلەكتر كۇشى تىرەگىمەن قامداپ، چەرچەن اۋدانىنىڭ جانە بيڭتۋان 2 - شى 37 - تۋانىنىڭ، 38 - تۋانىنىڭ ونەركاسىپ، اۋىل شارۋاشىلىعىنىڭ دامۋىن ەلەكترمەن قامداۋ، ەلەكتر ىستەتۋ قاجەتىن قاناعاتتاندىرۋ، جەرگىلىكتى ورىننىڭ ەكونوميكالىق، قوعامدىق دامۋدى جەبەۋ جونىنەن ماڭىزدى ءمان الادى.

  شيڭ جۇنشى بىلاي دەدى: ”وسى نىسان جۇمىسىن قالپىنا كەلتىرۋىن قامتاماسىز ەتۋ ءۇشىن، 3 - ايدىڭ 17 - كۇنى نىسان قۇرىلىسىنىڭ 111 قىزمەتكەرى تۇيىننەن تۇيىنگە جەتكىزەتىن كولىكپەن قۇرىلىس جۇرگىزۋ جۇمىس باسىنا كەلدى. تۇلعالىق ورنالاستىرۋ - جايعاستىرۋعا نەگىزدەلگەندە، 4 - ايدا قۇرىلىس ورنىنداعى قىزمەتكەرلەر 350 ادامعا جەتىپ، جاپپاي جۇمىستى قالپىنا كەلتىرۋگە شىنايى كەپىلدىك ەتىلەدى“.

جاۋاپتى رەداكتور : ءاننا اكىمقان قىزى