اعاجاي-التاي تورابى   ›   اقپارات ايدىنى   ›   شينجياڭ حابارلارى

جاڭا دامۋ ۇستانىمىن دايەكتىلەندىرىپ، ءتۇيىندى نىساندار قۇرىلىسىن جەدەلدەتىپ، بۇكىل رايون ەكونوميكاسىنىڭ جوعارى ساپالى دامۋىنا قوزعاۋشى كۇش ۇستەپ، سەرپىن بەرەيىك

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى بۇكىل رايوننىڭ ءتۇيىندى نىساندار قۇرىلىسى قىزمەتىن اقىلداستى، ورنالاستىردى

جاڭا دامۋ ۇستانىمىن دايەكتىلەندىرىپ، ءتۇيىندى نىساندار قۇرىلىسىن جەدەلدەتىپ، بۇكىل رايون ەكونوميكاسىنىڭ جوعارى ساپالى دامۋىنا قوزعاۋشى كۇش ۇستەپ، سەرپىن بەرەيىك

چىن چۋانگو ءماجىلىستى باسقاردى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 22 - كۇنى ۇرىمجىدەن حابارلايدى. 3 - ايدىڭ 22 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، بۇكىل رايوننىڭ ءتۇيىندى نىساندار قۇرىلىسى قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس بۇكىل رايوننىڭ تۇراقتى مۇلىككە قارجى قوسۋدىڭ جانە ءتۇيىندى نىسانداردىڭ ىلگەرىلەتىلۋ جاعدايى جونىندەگى مالىمەتتى تىڭدادى. ءماجىلىس مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جاۋاپكەرشىلىك سەزىمدى، كوكەي تەستىلىك سەزىمدى شىنايى كۇشەيتىپ، اناعۇرلىم بەرىك بەكىممەن، اناعۇرلىم پارمەندى شارالارمەن ءتۇيىندى نىساندار قۇرىلىسىن بار كۇشپەن ويداعىداي يگەرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ نىسانالارىن، مىندەتتەرىن جۇزەگە اسىرۋ ءۇشىن ماڭىزدى تىرەك جانە پارمەندى كەپىلدىك ازىرلەۋ كەرەك.

  ءبىرىنشى، جاڭا دامۋ ۇستانىمىن تاباندىلىقپەن دايەكتىلەندىرۋ كەرەك. جاڭا دامۋ ۇستانىمى ارقىلى ءتۇيىندى نىساندار قۇرىلىسىنا ءبىر تۇتاس جەتەكشىلىك ەتۋگە تاباندى بولىپ، جاپپاي دوڭگەلەك داۋلەتتى قوعام ورناتۋدىڭ نىسانالارىن، مىندەتتەرىن ارقاۋ ەتە وتىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، مەملەكەتتىڭ كاسىپ سالاسى ساياساتىن جانە قارجى قوسۋ بەتالىسىن كوزدەپ، بۇكىل رايوننىڭ ەكونوميكالىق، قوعامدىق دامۋىنىڭ ۇزاق بولاشاقتىق قاجەتىن نازارعا الىپ، ءوز ارتىقشىلىعىن جانە كاسىپ سالاسى نەگىزىن تياناق ەتىپ، ولقىلىقتار مەن ءالسىز بۋىنداردى تولىقتاۋمەن بىرلەستىرىپ، نىسانداردى عىلمي جوسپارلاپ، الەۋمەتتىك دەنساۋلىق ساقتاۋداعى، شۇعىل جاعدايعا توتەپ بەرۋ بويىنشا باسقارۋداعى، حالىق تۇرمىسى سالالارىنداعى ولقىلىقتاردى جەدەل تولىقتاپ، جوعارى ساپالى نىساندار قۇرىلىسى ارقىلى ارتۋدى ورنىقتىرىپ، رەفورمانى جەبەپ، قۇرىلىمدى رەتتەپ، حالىق تۇرمىسىنا تيىمدىلىك جاساپ، حاۋىپ - قاتەردەن ساقتانىپ، ورنىقتىلىقتى ساقتاۋ كەرەك.

  ەكىنشى، وراي تانىمىن كۇشەيتىپ، ءتيىمدى جاعدايدان پايدالانىپ ورگە ۇمتىلۋ كەرەك. ورتالىقتىڭ ىندەتتىڭ ىقپالىنا توتەپ بەرۋى، نىسان قۇرىلىستارىنا قولداۋ كورسەتۋى، ءونىمدى قارجى قوسۋدى كەڭەيتۋى سىندى ماڭىزدى ورايدى مىقتى ۇستاپ، بۇكىل رايوننىڭ ىندەتتەن ساقتانۋ - تىزگىندەۋ جاعدايى ۇزدىكسىز جاقسارعان، ەكونوميكالىق، قوعامدىق ءتارتىپ جاپپاي قالپىنا كەلگەن ابزالدىلىقتى ساۋلەلەندىرىپ، ساياساتتى ءدال كوزدەپ نىسانداردى جوبالاپ، بارلىق ءادىس - امالدى قولدانىپ نىسانداردى ىسكە قوسىپ، كۇندى تۇنگە جالعاپ نىساندار قۇرىلىسىن جۇرگىزىپ، ەلەۋلى نىسان قۇرىلىسى ارقىلى ءونىمدى قارجى قوسۋدى جەتەكتەپ، ەكونوميكانىڭ ارتۋىن ورنىقتىرۋ كەرەك.

  ءۇشىنشى، نازاردى ماڭىزدى تۇيىنگە شوعىرلاندىرىپ، ءونىمدى قارجى قوسۋدى كەڭەيتۋ كەرەك. مەملەكەت ءتۇيىندى تۇردە قولداۋ كورسەتەتىن الەۋمەتتىك دەنساۋلىق ساقتاۋ، شۇعىل جاعدايعا توتەپ بەرۋ زاتتىق ماتەريالدارمەن قامتاماسىز ەتۋ، حابارلاسۋ، قاتىناس سياقتى سالالاردى ارقاۋ ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ جانە شينجياڭعا باعىتتامالى كومەكتەسۋدىڭ ابزالدىلىعىن ساۋلەلەندىرىپ، نىسانداردى بەلسەنە جوسپارلاۋ، ىلگەرىلەتۋ؛ جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، زەردەلى جاساۋ، ادامسىز ۇلەستىرۋ - جەتكىزۋ، جەلىدە تۇتىنۋ، ەمدەۋ - دەنساۋلىق ساقتاۋ سياقتى ىندەت كەزىندە قۋاتتى ءوسۋ مۇمكىندىگىن ايگىلەگەن جاڭا وركەندەگەن كاسىپ سالالارىنىڭ دامۋىنا، الەۋەتتەنۋىنە بەلسەنە قولداۋ كورسەتىپ، تەحنيكادا جاڭالىق اشۋ، ۇلگىدە جاڭالىق اشۋ ارقىلى نىسان قۇرىلىسىنا قۋات ۇستەۋ؛ ورتالىقتىڭ مەجە ەسەبى ىشىندەگى قارجى قوسۋعا جانە ۇكىمەتتىك ارنايى زايوم قارجىسىنا بەلسەنە قول جەتكىزىپ، ۇكىمەتتىك قارجى قوسۋدىڭ جەتەكشى رولىن تولىق ساۋلەلەندىرىپ، ساۋداگەر شاقىرۋ تاسىلىنە جاڭالىق ەنگىزىپ، قارجى ەنگىزۋ ارنالارىن كەڭەيتىپ، حالىقتىق قارجى قوسۋلاردىڭ بەلسەندىلىگىن جۇمىلدىرۋعا ءمان بەرىپ، قارجى قوسۋدىڭ ساپاسى مەن تيىمدىلىگىن ۇزدىكسىز جوعارىلاتۋ كەرەك.

  ءتورتىنشى، قۇرىلىس اياق الىسىن جەدەلدەتىپ، ساپانى ءوسىرىپ، ونىمدىلىكتى ارتتىرۋ كەرەك. نىسانداردىڭ الدىڭعى مەرزىمدىك قىزمەتتەرىن عىلمي، ناقتى ىسكەرلىكپەن ورىستەتىپ، سايكەستى شارتتار مەن قولداۋ سيپاتىنداعى حۇجاتتاردى جوعارى ونىمدىلىكپەن دايىنداپ، ”ءبىر توبىنىڭ قۇرىلىسىن جۇرگىزۋ، ءبىر توبىنىڭ قۇرىلىسىن باستاۋ، ءبىر توبىن زاپاس ساقتاۋ“ سىندى ۇتىمدى اينالىم قالىپتاستىرۋ؛ ايقىندالعان ەلەۋلى ينجەنەريالار مەن نەگىزدىك قۇرىلعى قۇرىلىسىن جەدەل جوسپارلاپ، سالىنۋ ۇستىندەگى جانە جاڭادان قۇرىلىس باستايتىن نىساندار قۇرىلىسىنىڭ اياق الىسىن جەدەلدەتىپ، ەرتە سالا باستاۋعا، قۇرىلىستى ەرتە اياقتاتۋعا، ەرتە وندىرىسكە قوسۋعا شىنايى كەپىلدىك ەتۋ؛ نىسانداردىڭ ءوندىرىس قۋاتىنا جەتۋىن بەلسەنە ىلگەرىلەتىپ، تيىمدىلىكتى ەرتەرەك ساۋلەلەندىرىپ، نىسان قۇرىلىسىنىڭ تابىستارىن ەڭ جوعارى مۇمكىندىكپەن وسى زامانعى كاسىپ سالاسىنىڭ جاڭا قوزعاۋشى قۋاتىنا، تيپىن وزگەرتىپ، دارەجەسىن كوتەرۋدىڭ تىڭ تىرەگىنە، جوعارى ساپالى دامۋدىڭ جاڭا ارتۋ تۇيىنىنە اينالدىرۋ كەرەك.

  بەسىنشى، قىزمەت وتەۋدى ساپالىلاندىرىپ، تاماشا ورتا قالىپتاستىرۋ كەرەك. قارجى قوسۋ، قارجى قۇراۋ مەحانيزمىنە جاڭالىق ەنگىزىپ، بانكەلەر مەن كاسىپورىنداردىڭ ۇشتاسۋىن بەلسەنە جەبەپ، كاسىپورىنداردىڭ ءتۇرلى قارجى قۇراۋ قۇرالدارىنان ويداعىداي پايدالانۋىنا كومەكتەسىپ، نىسانداردىڭ قارجى قاجەتىن ءونىمدى شەشۋ؛ ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، بايلانىس جاساۋدى، سايكەسۋدى كۇشەيتىپ، ىرىقتىلىقپەن الدىڭعى لەكتە تۇرىپ قىزمەت وتەپ، قىسپاقتار مەن بوگەتتەردى سايكەستىرىپ شەشىپ، قاتىستى تەكسەرىپ بەكىتۋ، ءبىتىرۋ ۋاقىتىن زور كۇشپەن قىسقارتىپ، قىزمەت وتەۋ ونىمدىلىگىن جوعارىلاتۋ؛ جەر پايدالانۋ، ەنەرگيا پايدالانۋ، قورشاعان ورتانى قورعاۋ سياقتى ساياساتتىق سايكەستىرۋلەردى كۇشەيتىپ، نىسان قۇرىلىستارىنىڭ ماڭىزدى فاكتورلارىن قامتاماسىز ەتۋدى كۇشەيتىپ، كاسىپورىندار جولىققان ناقتى قيىنشىلىقتاردى دالمە - ءدال شەشۋ كەرەك.

  التىنشى، ۋاقىتتى ۇتا قيمىلداپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋ كەرەك. ءار دارەجەلى پارتكوم مەن ۇكىمەتتەگى نەگىزگى جاۋاپتى جولداستار وزدەرى تىكەلەي يگەرىپ، جالپى جاقتان جاۋاپتى بولىپ، قولباسشىلىق ەتۋمەن قوسا بىرگە جورىققا اتتانۋ؛ ءار دارەجەلى تاراۋلار مۇلدە تىنىم المايتىن، تاڭمەن تالاساتىن كوكەي تەستىلىك سەزىمدە بولىپ، ۋاقىتتى ۇتا قيمىلداپ، سوڭىنا دەيىن يگەرەتىن قارپىمدى قايراتقا كەلىپ، نىسان قۇرىلىسىن جوعارى ولشەمدە، جوعارى ساپادا، جوعارى دەڭگەيدە، جوعارى ونىمدىلىكتە ىلگەرىلەتىپ، نىسانانى ايقىنداپ، مىندەتتەردى جىكتەپ، قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن تولىق تابىسپەن ورىنداۋعا شىنايى كەپىلدىك ەتۋ، كەدەيلىكتەن ارىلتۋدان قامال الۋدىڭ مىندەتتەرىن جوعارى ساپامەن ورىنداۋعا، ۋاعىندا جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ، بۇكىل رايوننىڭ قوعامدىق كەلەلى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتۋ ءۇشىن بەلسەندى ۇلەس قوسۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، لي ۋي، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : ءاننا اكىمقان قىزى