التاي قالاسى مەكتەپ ماڭىنداعى ازىق ـ تۇلىك حاۋىپسىزدىگىن ارناۋلى تەكسەرۋ قيمىلىن ورىستەتتى

ايماعىمىزدا ٴتۇرلى قىزمەتتەر ٴونىمدى ىستەلدى

  التاي گازەتىنىڭ تىلشىلەرى ياڭ ۋەيشۋان، پراكتيكانت ءتىلشى گۇزال حابارلايدى. التاي قالالىق بازار باقىلاۋ-باسقارۋ مەكەمەسى مەكتەپ ماڭىنداعى ازىق-تۇلىك حاۋىپسىزدىگىن ارناۋلى تەكسەرۋ قيمىلىن ۇيىمداستىرىپ ورىستەتىپ، مەكتەپ اۋلاسى مەن توڭىرەگىندەگى دۇكەندەردىڭ ازىق - تۇلىك حاۋىپسىزدىگىن باقىلاۋ - باسقارۋدى كۇشەيتىپ، وقۋ باستايتىن مەزگىلدە مەكتەپتەردەگى ازىق - تۇلىك حاۋىپسىزدىگىن بار كۇشپەن قورعادى.

  تەكسەرۋشى قىزمەتكەرلەر مەكتەپتىڭ توڭىرەگىندەگى دۇكەن، ازىق-تۇلىك تولايىم بازارى قاتارلىلاردى تەكسەرۋ وبيەكتىسى ەتىپ، تيجاراتشىلاردىڭ ساقتالۋ مەرزىمى وتكەن، ساپاسى وزگەرگەن، جۇيەلى بەلگىسى جوق ازىق-تۇلىكتەردى ساتقان-ساتپاعانىن، سونداي-اق ساۋداگەرلەردىڭ زات ەنگىزۋ ەستەلىگى مەن دەنساۋلىق كۋالىگىنە يە بولعان-بولماعانىنٴتۇيىندى تەكسەردى. تيجاراتشىلارعا تەكسەرۋ بارىسىندا بايقالعان تولىمسىز ونىمدەردى دەرەۋ سورەدەن تۇسىرۋدى، ساتۋدى توقتاتۋدى ٴارى پەشەتتەۋدى بۇيىردى.

  قابا اۋدانى ورتا تازالىعىن جاقسارتۋ قيمىلىن ورىستەتتى

  ەرىكتى ٴتىلشى روزا حابارلايدى. 3-ايدىڭ 21-كۇنى قابا اۋدانى اقشي قالاشىعى الەۋمەتتىك اۋماق، قىستاق كادرلارى، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت اترەتى، تومەنگە تۇسكەن كادر، شاعىن رايونداعى تۇرعىندارمەن قىستاق تۇرعىندارى، قوس بىرلەسكەن وتباسى باستىقتارى، بىرگە كوركەيتەتىن ورىندارداعى قىزمەتتەگى پارتيا مۇشەلەرى، قاراستى رايونداعى زەينەتكە شىققان پارتيا مۇشەلەرى سياقتىلاردان قۇرالعان 1500 دەن استام ادامدى ۇيىمداستىرىپ، قالا ـ قالاشىقتاعى 7 الەۋمەتتىك اۋماق، 2 اكىمشىلىك قىستاقتاعى جولدىڭ ەكى جاعالاۋى، ٴۇيدىڭ الدى ـ ارتىنداعى قالتارىس جەر، ارتقى كوشە، توڭىرەكتەگى ورمان سياقتى ورىنداردىڭ ورتا تازالىعىنا رەتتەۋ ـ وڭاۋ جۇرگىزدى.

  كەمەر قىستاعىنىڭ تۇرعىنى ياڭ جۇڭشياڭ مەن جۇبايى كەرەكتى قۇرال-سايماندارىن الىپ كوپشىلىكپەن بىرگە قوقسىق ساندىعىنىڭ ماڭىنداعى قوقىر ـ قوقسىقتاردى تازالادى. ياڭ جۇڭشياڭ بىلاي دەدى: «وتباسىمىز ٴبىرىنشى توپتاعى كورىكتى اۋلا بولىپ باعالاندى، وتباسىمىز عانا ەمەس، بۇكىل قىستاعىمىز تازا بولعاندا عانا كوڭىلىمىز جاي تابادى». باعىمشىلىق شاعىن رايونىنىڭ تۇرعىنى سۋ شياۋلۇڭ بىلاي دەدى: «ٴبىزدىڭ باعىمشىلىق شاعىن رايونى قىستاقتاعى تازالىعى ەڭ ناشار رايون سانالادى. جاقىنعى كۇندەردەن بەرى كوپشىلىكتىڭ ورتاق قۇلشىنۋىنىڭ ارقاسىندا ورتا تازالىعى زور دارەجەدە جاقساردى، شاعىن رايونىمىزدى قىستاقتاعى ەڭ كوركەم رايون ەتىپ قۇرۋعا سەنىمىمىز كامىل».

  اقشي قالاشىعى قورشاعان ورتا تازالىعىن جونگە سالۋ قيمىلىن امالياتتا ايگىلەۋمەن بىرگە، ۇگىت سەرپىنىن ارتتىردى، راديو كەرنايى، ۇگىت تاقتاسى، دوۋيىن، ۋيچات، Q Q سياقتى ٴتۇرلى حابار- بايلانىس تاسىلدەرىنەن تولىق پايدالانىپ، بۇكىل قالاشىقتاعى قالىڭ بۇقارانى قورشاعان ورتانى جونگە سالۋ قىزمەتىنە بەلسەنە ات سالىسۋعا جۇمىلدىردى. بارلىق ادام ات سالىساتىن، جابال يگەرىپ، بىرگە باسقاراتىن، كۇش بىرىكتىرىپ جونگە سالاتىن تاماشا راي قالىپتاستىردى.

  بىرنەشە كۇندىك رەتتەۋ ـ وڭاۋ قيمىلى ارقىلى اقشي قالاشىعىنداعى الەۋمەتتىك اۋماقتىڭ (قىستاقتاردىڭ) توڭىرەگىنىڭ ورتا تازالىعى نەداۋىر جاقساردى، ناقتى ىستەۋ كورسەتكىشى مەن جاپالى قىزمەت ەتۋ كورسەتكىشى ارقىلى حالىق بۇقاراسىنىڭ باقىت كورسەتكىشى جوعارىلادى.

  جەمەنەيدە ەرىكتىلەر شاش الۋ قيمىلىن ورىستەتىپ، بۇقاراعا پايدا جەتكىزدى

  ەرىكتى ٴتىلشى ليۋ مىڭيۋان حابارلايدى. جۇمىس، ٴوندىرىس جالپى بەتتىك قالپىنا كەلگەننەن بەرى، جەمەنەي اۋدانىنداعى «چياۋجيارىن» شاشتارازحاناسىندا شاش العىزۋشىلار كوپ بولدى. شاش العىزۋعا كەلگەن تۇرعىندار قاتارعا تۇرىپ رەتىمەن شاش العىزدى، دۇكەننەن قاريدارلاردىڭ اياعى ۇزىلمەيدى.

  «چياۋجيارىن» شاشتارازحاناسى- قوجايىن لي بيڭ مەن شۇي شياۋلياڭنىڭ قۇلشىنۋىندا جەمەنەي اۋدانىنداعى اتى ايگىلى شاشتارازحاناعا اينالدى. قاريدارلار ول ەكەۋىنىڭ شاش الۋ ونەرىنەن سىرت ادامگەرشىلىگىن ٴتىپتى دە مويىندايدى، ولاردىڭ ادامگەرشىلىگى «چياۋ جيارىن» شاشتارازحاناسىنىڭ كوپ جىلداردان بەرى كاسىپ سالاسىنىڭ اتويشىسى بولۋىنىڭ، ساۋداسىنىڭ كۇسەت بولۋىنىڭ ماڭىزدى كەپىلى بولدى.

  ىندەت كەزىندە، ىندەتتەن ساقتانۋ- تىزگىندەۋدىڭ ٴبىرىنشى شەبىندە تاپجىلماي قىزمەت اتقارعان قىزمەتكەرلەر بۇقارانىڭ اماندىعىن قورعاپ، ٴبىر ايدان استام ۋاقىت ۇيىنە قايتىپ دەمالمادى، لي بيڭ مەن شۇي شياۋلياڭ بۇل جاعدايدى كورىپ دەرەۋ ىسكە كىرىسىپ، ٴبىرىنشى شەپتەگى قىزمەتكەرلەردىڭ شاشىن تەگىن الىپ، «ماڭداي الدى» قيىنشىلىعىن شەشتى. لي بيڭ مەن شۇي شياۋلياڭ ماسكى تاعىپ، شاش الۋ جابدىقتارىن مۇقيات دەزينفەكسيالاپ، 200 دەن استام ادامنىڭ شاشىن الدى.

  كوكتوعاي اۋدانى شىعىس سەرجان جولى الەۋمەتتىك اۋماعى ىندەتكە قارسى تۇرۋداعى وزات ەرىكتىلەردى ماداقتاپ- سيلادى

  ىندەتتەن ساقتانۋ-تىزگىندەۋ قىزمەتى ورىستەتىلگەننەن بەرى، كوكتوعاي اۋدانىنداعى اۋىلعا قايتقان ستۋدەنتتەر، قوسىننان شەگىنگەن اسكەريلەر، تۇرعىن پارتيا مۇشەلەرى، بىرلەسكەن وتباسى باستىقتارى، جىگەرلى جاستار سياقتى ٴار ءتۇرلى ەرىكتىلەر ارت ارتىنان ىرىقتى تۇردە شايقاسقا قاتىناسىپ، ەرىكتىلەر قوسىنىنا قوسىلدى.

  وزات ۇلگىلەردىڭ اسىل قاسيەتىن كورنەكتىلەندىرىپ، وزاتتاردىڭ كۇشىن ۇيىستىرۋ ٴۇشىن، كوكتوعاي اۋدانى قۋەرتىس قالاشىعى شىعىس سەرجان جولى الەۋمەتتىك اۋماعى قاراستىلىعىنداعى ىندەتتەن ساقتانۋ - تىزگىندەۋ قىزمەتىندە حاۋىپ ـ قاتەردەن قورىقپاي، ٴۇنسىز بوداۋ بەرگەن 40 ەرىكتىنى ماداقتاپ ـ سيلادى.

  قالىڭ ەرىكتىلەر ۇندەۋگە بەلسەنە ٴۇن قوسىپ، پايدا-زيانمەن ەسەپتەسپەي، حاۋىپ-قاتەردەن قورىقپاي، جاپا ـ ماشاقاتتان تايسالماي، ەرلىكپەن العا ۇمتىلىپ، ىندەتتەن ساقتانۋ -تىزگىندەۋ توسقاۋىل شايقاسىنا ات سالىسىپ، ىندەتتەن ساقتانۋ ۇگىتىنە بەلسەنە قاتىناستى. جولداعى تەكسەرۋ تۇيىندەرىندە مىندەت اتقارۋ، وتباسىلارىن ارالاپ تەكسەرۋ، حالىققا قولايلى قىزمەت وتەۋ سياقتى ەرىكتى قىزمەت وتەپ، ٴىس جۇزىندىك ارەكەتتەرى ارقىلى «ۇلەس قوسۋ، باۋىرمال بولۋ، ٴوزارا كومەكتەسۋ، العا باسۋ» سىندى ەرىكتىلەر رۋحىن امالياتتا ايگىلەدى.

  كەلۋ قاينارى: بۋرىلتوعاي اۋدانى ارالىقسىز ءۇنحات تەكشەسى

  ايماقتىق ينتەرنەت-اقپارات ورتالىعىنىڭ جيناق حابارى

جاۋاپتى رەداكتور: ءاننا اكىمقان قىزى