ايماق جەرمەن تولىق قامتاماسىزداندىرىپ، ءتۇيىندى نىساندار قۇرىلىسىن ىلگەرىلەتتى

ەرتە جوسپارلاپ، ەرتە ورنالاستىرىپ، ەرتە ارەكەتكە كەلدى

  التاي گازەتىنىڭ ءتىلشىسى جۇڭ چۇنچۇن مەن ەرىكتى ءتىلشى چىن يۇن حابارلايدى. 3 ـ ايدىڭ 18 ـ كۇنى ءتىلشىنىڭ ايماقتىق تابيعي بايلىق مەكەمەسىنەن ۇعىسۋىنشا، ايماقتىق تابيعي بايلىق سالاسى جىل باسىنان بەرى ىندەتتەن عىلمي ساقتانۋ ـ تىزگىندەۋ قىزمەتىن ويداعىداي ىستەۋمەن بىرگە، ءوز قىزمەت جاۋاپكەرلىگىمەن ۇشتاستىرىپ، ءتۇرلى شارانى قاتار قولدانىپ، تۇراقتى مۇلىككە قارجى قوسۋ نىساندارىن قاجەتتى جەرمەن قامتاماسىزداندىرىپ، ايماعىمىز ەكونوميكاسىنىڭ اقاۋسىز، ورنىقتى دامۋىن جەبەدى.

  ايماقتىق پارتكومنىڭ ورىنباسار باس حاتشىسى، ايماقتىق تابيعي بايلىق مەكەمەسىنىڭ باستىعى جىڭ حۇڭچۋاننىڭ تانىستىرۋىنشا، ايماقتىڭ تۇراقتى مۇلىككە قارجى قوسۋ نىساندارىنىڭ دەركەزىندە، ءتارتىپتى جۇرىلۋىنە (قالپىنا كەلۋىنە) كەپىلدىك ەتۋ ءۇشىن، ايماق ءتۇرلى جاڭا (ۇلاسپالى) قۇرىلىس نىساندارىن جوبالاۋ، جەردەن پايدالانۋ قاتارلى ءراسمياتتاردى ءبىتىرۋ قىزمەتىن كۇش سالا مىقتى يگەردى. بىرنەشە كۇننەن بەرى، ايماقتىق تابيعي بايلىق جۇيەسى اتىز ـ ارىق سۋ يگىلىگى، قاتىناس، ەنەرگيا، قوعامدىق ىستەر، نەگىزدىك قۇرىلعىلار، ساۋدا ـ ساياحات قاتارلى سالالارداعى ءتۇيىندى وبيەكتىلەرگە جاسىل ارنا اشىپ، الدىڭعى مەرزىمدىك راسمياتتى ازايتىپ، تەكسەرىپ ـ بەكىتۋدىڭ ۋاقىت شەگىن قىسقارتتى. حالىق تۇرمىسى، كەدەيلەردى سۇيەمەلدەۋ، شەكارا قورعانىسى نەگىزدىك قۇرىلعى قۇرىلىسى قاتارلى ءتۇيىندى ينجەنەرياعا ايماقتىق، اۋداندىق (قالالىق) جاراتىلىستىق بايلىق مەكەمەسى ارناۋلى ادام جىبەرىپ قىزمەت وتەپ، 4 ـ ايدىڭ 30 ـ كۇنىنەن بۇرىن ءتۇرلى قۇرىلىس نىسان جوباسى، جەردەن پايدالانۋ قاتارلى راسمياتتى تولىق بىتىرۋگە كۇش سالىپ، ءتۇيىندى نىسانداردىڭ زاڭ بويىنشا دەركەزىندە، ءتارتىپتى جۇمىس جۇرگىزۋىنە كەپىلدىك ەتتى.

  بۇل مەكەمە تاعى تۇراقتى مۇلىككە قارجى قوسۋ نىسانىن جەرمەن قامتاماسىز ەتۋ قىزمەتىنە بەلسەنە ورنالاستىرىپ، قىزمەت وتەدى، دامۋ جانە رەفورمالاۋ تاراۋلارىمەن ىرىقتىلىقپەن سايكەسىپ، تۇراقتى مۇلىككە قارجى قوسۋ نىسانىن جاپپاي اداقتاپ، جىلدىق تۇراقتى مۇلىككە قارجى قوسۋ نىسانىنا قاتىستى ينفورماتسيالاردى دەركەزىندە يگەرىپ، تۇراقتى مۇلىككە قارجى قوسۋ نىسانىن جەرمەن قامتاماسىز ەتۋدى تولىق قامتۋعا كەپىلدىك ەتتى. ايماقتىق، اۋداندىق (قالالىق) تابيعي بايلىق سالاسى بەينە جازبا ارقىلى ورنالاستىرۋ ءتاسىلى ارقىلى ايماق بويىنشا جوسپارلانعان 500 نەشە تۇراقتى مۇلىككە قارجى قوسۋ نىسانىن بىر ـ بىرلەپ سارالاپ، تۇجىرىم جاساپ، ساقتالعان ماسەلەنى جيناقتادى ءارى شەشۋ جوباسىن العا قويىپ، جەردەن پايدالانۋدى قامتاماسىزداندىرۋ قىزمەت وتەۋىنىڭ دالمە ـ ءدال بولۋىنا كەپىلدىك ەتتى. قازىرگە دەيىن ايماقتىق تابيعي بايلىق سالاسى 200 نەشە تۇراقتى مۇلىككە قارجى قوسۋ وبيەكتىسىن ىرىقتىلىقپەن سايكەستىرىپ، 80 ءتۇرىن سارالاپ شىقتى.

  جىڭ حۇڭچۋان بىلاي دەدى: ”كەلەسى قادامدا ىندەتتەن ساقتانۋ ـ تىزگىندەۋ سىندى وسى ءبىر ارقاۋدى شيراتىپ، تۇراقتى مۇلىككە قارجى قوسۋ نىسانىن جەرمەن قامتاماسىز ەتۋدى اناعۇرلىم ىشكەرىلەتتى، ىندەتتەن ساقتانۋ ـ تىزگىندەۋ جانە ينجەنەريا قۇرىلىسى نىسانىن جەرمەن قامتاماسىز ەتۋدىڭ ەكەۋىن دە اقساتپاي، تۇراقتى مۇلىككە قارجى قوسۋ نىسانىن جەرمەن قامتاماسىزداندىرىپ، قىزمەت وتەۋدى ۇلاستىرىپ، ايماعىمىزداعى تۇراقتى مۇلىككە قارجى قوسۋ نىساندارىنىڭ جۇرىلۋىنە (قالپىنا كەلۋىنە) كومەكتەسەمىز“.

جاۋاپتى رەداكتور: ءاننا اكىمقان قىزى