اعاجاي-التاي تورابى   ›   اقپارات ايدىنى   ›   شينجياڭ حابارلارى

ساۋان كەن رايونى شىعىس رايونىنىڭ جالپى تۇلعالىق جوباسى مەملەكەتتىك دامۋ - رەفورما كوميتەتىنىڭ بەكىتۋىنەن ءوتتى

  گازەتىمىزدىڭ جالپىلىق اقپارات قۇرالدارى ءتىلشىسى شى شين 3 - ايدىڭ 22 - كۇنى ۇرىمجىدەن حابارلايدى. شينجياڭنىڭ كومىر بايلىعىن اشۋدى قولداۋ ءۇشىن، جاقىندا، مەملەكەتتىك دامۋ - رەفورما كوميتەتى رايونىمىزدىڭ ساۋان كەن رايونى شىعىس رايونىنىڭ جالپى تۇلعالىق جوباسىن بەكىتتى. بۇل ”13 - بەسجىلدىق“ جوبادان بەرى رايونىمىزدىڭ بەكىتۋدەن وتكەن التىنشى كەن رايونى جالپى تۇلعالىق جوباسى.

  ساۋان كەن رايونىنىڭ شىعىس رايونى تارباعاي ايماعىنىڭ ساۋان اۋدانىندا، كەن رايونىنىڭ شىعىستان باتىسقا دەيىنگى ۇزىندىعى شامامەن 9.5 تە 13.8 كيلومەتر، وڭتۇستىكتەن سولتۇستىككە دەيىنگى كەڭدىگى 1.5 تە 5.6 كيلومەتر، اۋدانى شامامەن 42.8 شارشى كيلومەتر، كومىر بايلىعى جالپى مولشەرى شامامەن 860 ميلليون توننا. كەن رايونى 9 شاقتا الابىنا ءبولىندى، جوباداعى قۇرىلىس كولەمىنىڭ جىلدىق ءونىمى 6 ميلليون 300 مىڭ توننا. كەن رايونىنداعى كومىر سورتى نەگىزىنەن جالىندى كومىر جانە بىرىكپەيتىن كومىر بولىپ، ەنەرگياعا پايدالانىلاتىن ساپالى كومىرگە جانە حيميا ونەركاسىبىنىڭ ساپالى شيكىزات كومىرىنە جاتادى.

  بەكىتۋدەن وتكەن كەن رايونىنىڭ جالپى تۇلعالىق جوباسى − كەن رايونىنىڭ كومىر بايلىعىن اشۋداعى جەتەكشى حۇجات، كەن رايونىنىڭ كومىر كەن نىسانىن تەكسەرىپ بەكىتۋىنىڭ، قۇرىلىسىنىڭ، ءوندىرىسىنىڭ نەگىزگى سىپاتى. اۆتونوميالى رايوندىق دامۋ جانە رەفورما كوميتەتى مەملەكەت بەكىتكەن كەن رايونىنىڭ جالپى تۇلعالىق جوباسىنا جانە جوبانىڭ قورشاعان ورتاعا ىقپالىن باعالاۋ، تەكسەرۋ پىكىرىنە ساي، ساۋان كەن رايونى شىعىس رايونىنىڭ كومىر بايلىعىن عىلمي، ۇيلەسىمدى، تارتىپپەن اشۋىن بەلسەنە ىلگەرىلەتىپ، بايلىق باسىمدىعىن ەكونوميكالىق باسىمدىققا جانە كاسىپ باسىمدىعىنا اينالدىرماقشى.

جاۋاپتى رەداكتور : ءاننا اكىمقان قىزى