اعاجاي-التاي تورابى   ›   اقپارات ايدىنى   ›   سۋرەتتى حابارلار

زاۆودتا ماشينالار قاۋىرت جۇمىسقا ءتۇستى

  3 - ايدىڭ 17 - كۇنى جۇمىسشىلار تەمىر جول قۇرىلىسى اۋىر ونەركاسىبى شينجياڭ شەكتى سەرىكتەستىگىنىڭ ءوندىرىس سەحىندا جۇمىس ىستەۋدە. قازىر وسى سەرىكتەستىك ماقتا تەرۋ ماشيناسىن بار كۇشپەن ءوندىرىپ، بازاردى قامداۋدى قامتاماسىز ەتتى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى شيە لۇڭ تۇسىرگەن.

  گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ 3 - ايدىڭ 20 - كۇنى ۇرىمجىدەن حابارلايدى. 3 - ايدىڭ 19 - كۇنى ءۇرىمجى ەكونوميكالىق، تەحنيكالىق اشۋ رايونىنا (توۋتۇنحى رايونى) ورنالاسقان گۋاڭچي توبى ءمىنىس ماشينالار شەكتى سەرىكتەستىگى شينجياڭ بولىمشە سەرىكتەستىگىنىڭ باس قۇراستىرۋ سەحى قاۋىرت وندىرىسكە كىرىسكەن، جۇمىسشىلار جاڭادان شىققان SUV مىنىستىك ماشينانى قۇراستىرۋدا، زەردەلى جىلجىمالى قۇلتەمىر، جوعارى دالدىكتە اينەكتىڭ ورنىن تۇراقتاندىرىپ جەلىم جاعاتىن قۇلتەمىر، شوفەرسىز AGV تاسىمالداۋشى شاعىن ماشينا دامىلسىز قايشالىسىپ ءجۇر. ”كاسىپورىن وندىرىسكە بار كۇشىن سالىپ، ىندەت كەزىندە زايا كەتكەن ۋاقىتتى ۇتىپ، ىندەت ىقپالىن ەڭ تومەنگى شەككە تۇسىرۋگە كىرىستى“. سەرىكتەستىكتىڭ جاساۋ ءبولىمىنىڭ باستىعى لو حايتيان بىلاي دەدى: ”بيىل كاسىپورىن گۋاڭچي چۋانچي GS4تىڭ 2 - بۋىن دارەجەسى جوعارىلاتىلعان ءتۇرىن ءوندىرۋدى جوسپارعا الدى، ءبىز تۇتاس جىلدىق ءوندىرىس مىندەتىن ورىنداي الاتىنىمىزعا سەنىمىمىز كامىل“.

  ۋاقىت التىننان دا قىمبات. كوكتەم شۋاعى توگىلگەن تيانشاننىڭ وڭتۇستىگى مەن سولتۇستىگىندە جۇمىستى، ءوندىرىستى قالپىنا كەلتىرۋ اياق الىسى دا جاپپاي جەدەلدەدى. 3 - ايدىڭ 19 - كۇنىنە دەيىن، تۇتاس رايوندا كولەمنەن جوعارى ونەركاسىپ كاسىپورىندارىنىڭ جۇمىستى قايتا باستاۋ سالىستىرماسى %99.4كە جەتتى.

  جۇمىس قايتا باستالعاننان بەرى، شينجياڭ حىڭ - ان قاعاز كاسىبى شەكتى سەرىكتەستىگىنىڭ قىزمەتكەرلەرى: دەنە تەمپەراتۋراسىن ولشەۋ، قولدى جۋىپ زارارسىزداندىرۋ، ءبىر - بىردەن كىرۋ سىندى ”زاۆودقا كىرۋدىڭ جاڭا ۇلگىسىنە“ ۇيرەنىپ تە الدى. 3 - ايدان بەرى، حىڭ - ان قاعاز كاسىبى تۇرمىستا پايدالانىلاتىن 120 مىڭ دانا جوعارى ساپالى قاعاز ءوندىرىپ، بىلتىرعى سول تۇستاعىدان %20 ارتتىردى. ”الدىڭعى كەزەڭدە 9 ايماقتان العان تاپسىرىستى تۇگەلدەي ۋاعىندا ورىنداپ جەتكىزىپ بەردىك“. سەرىكتەستىكتىڭ باس ديرەكتورى ليۋ چۋانحۇي: ”باتىس سولتۇستىكتەگى تۇرمىسقا قاجەتتى قاعاز وندىرەتىن باستى زاۆود رەتىندە، ءبىزدىڭ شينجياڭ بازارىندا يەلەگەن ۇلەسىمىز %50 بولدى، كەزەكتە كاسىپورنىمىز جوسپارداعى ءوندىرىس قۋاتىنا جاپپاي جەتىپ، بازاردىڭ قامداۋىن قامتاماسىزداندىرا الاتىن بولدى“، - دەدى.

  قۇمىل جوعارى، جاڭا تەحنيكا كاسىبىن اشۋ رايونىندا شاڭحاي ەلەكتر ەنەرگيا جابدىقتاۋ شينجياڭ شەكتى سەرىكتەستىگىندەگى نەشە ونداعان جۇمىسشى قاربالاس ءوندىرىس جۇرگىزۋدە. بيىل جەل ەلەكتر كاسىبى جارىسا قۇراستىرۋ ورلەۋىن كۇتىپ الدى، سەرىكتەستىكتىڭ ءوندىرىس تاپسىرىسى تۇتاس جىلعا ورنالاستىرىلىپ بولدى. ”ءبىز كەزەكتەسىپ ىستەۋ، ۇستەمەلەپ ىستەۋ ءتۇزىمىن اتقارىپ، ءوندىرىس قۋاتىن قىسقا ۋاقىت ىشىندە ارتتىرۋعا، بوساتۋعا كەپىلدىك ەتتىك، سونىمەن بىرگە، ءىشىنارا ءوندىرىس قۇرالدارىن قايتادان جوبالاۋ، جاساۋ ارقىلى ءوندىرىس ونىمدىلىگىن جوعارىلاتتىق. قازىر ءوندىرىس قۋاتى وتكەن جىلعى ۇقساس مەزگىلدەگىدەن %60 − 50 ارتتى“، - دەدى سەرىكتەستىكتىڭ ءوندىرىس جاۋاپتىسى باۋ ۋانليڭ.

  الۋان ءتۇرلى امال ىستەتىپ، ساياسات جاعىنان تيىمدىلىك جاساپ، ناقتى ءادىس قولدانىپ، وزىندىك قۇندى تومەندەتىپ، كاسىپورىنداردىڭ قالىپتى ءوندىرىستى قالپىنا كەلتىرۋىن بار كۇشپەن قولدادى... اۆتونوميالى رايوننىڭ جەر - جەرىندە شىعارىلعان جاندى جادىراتارلىق شارالار كاسىپورىنداردىڭ ”كوڭىلىن“ ورنىقتىردى. جەر - جەر ”ءبىر كاسىپورىنعا ءبىر شارا“، تەكسەرىپ بەكىتۋگە جاڭالىق جاساۋ سياقتى شارالار اتقارىپ، كاسىپورىندارعا بارىپ قىزمەت وتەپ، ءىس جۇزىندىك قيىنشىلىقتارىن شەشتى. سانجى مەملەكەتتىك جوعارى، جاڭا تەحنيكا كاسىبىن اشۋ رايونى كاسىپورىندارعا 77 كادر جىبەرىپ، بەتپە - بەت، جانكۇيەرلىكپەن قىزمەت وتەپ، كاسىپورىنداردىڭ شيكىزات پەن ءونىم تاسىمال ارناسىن ىركىلىسسىزدەندىردى. اراتۇرىك اۋدانى ”الدىمەن بەكىتىپ، ارتىنان سالۋدى“ ”الدىمەن سالىپ، ارتىنان تەكسەرىپ وتكىزىپ الۋعا“ وزگەرتىپ، اراتۇرىك ونەركاسىپ باقشاسىنا ىرگە تەبۋدىڭ العاشقى تەكسەرۋىنەن وتكەن، سونداي - اق زاڭدىق ونىمدىلىككە يە ۋادە بەرگەن كاسىپورىندار ءۇشىن باستان - اياق سوڭىنا ءتۇسىپ قىزمەت ەتىپ، تەكسەرىپ بەكىتۋ، قىزمەت وتەۋ ونىمدىلىگىن جوعارىلاتۋ ارقىلى جۇمىستى، ءوندىرىستى قايتا باستاۋ اياق الىسىن جەدەلدەتتى.

  جالپى كاسىپ سالاسى تىزبەگىنىڭ ءاربىر بۋىنىنداعى جۇمىستىڭ، ءوندىرىستىڭ قالپىنا كەلۋىن جەدەل ىلگەرىلەتىپ، ءتۇيىندى ونەركاسىپ نىسانى قۇرىلىستارىن بارىنشا جەبەپ، ءتۇرلى ءتيىمدى ساياساتتاردى تياناقتاندىرۋعا ۇزدىكسىز كۇش سالدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ۋاقىتپەن جارىسىپ، شىعىننىڭ ورنىن تولتىرۋ ءۇشىن، رايونىمىزداعى ونەركاسىپ كاسىپورىندارى اسقاق رۋحپەن تۇتاس جىلدىق ەكونوميكالىق، قوعامدىق دامۋ نىسانا - مىندەتتەرىن ورىنداۋ جولىندا تالىقپاي تالپىنۋدا.

جاۋاپتى رەداكتور : ءاننا اكىمقان قىزى