اعاجاي-التاي تورابى   ›   اقپارات ايدىنى   ›   سۋرەتتى حابارلار

بوعدا كولى كورىنىس ءوڭىرى تۇڭعىش توپتاعى ساياحاتشىلار ۇيىرمەسىن قارسى الدى

  سۋرەتتە: 3 - ايدىڭ 18 - كۇنى ساياحاتشىلار تيانشان بوعدا كولى كورىنىس وڭىرىندە سەيىلدەۋدە. □ سۋرەتتى جىن مەي تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى ياۋ گاڭ 3 - ايدىڭ 18 - كۇنى فۋكاڭنان حابارلايدى. ”مۇزى ءالى تولىق ەري قويماعان بوعدا كولى نەتكەن كوركەم!“ 3 - ايدىڭ 18 - كۇنى تيانشان بوعدا كولى كورىنىس ءوڭىرى سانجى حۇيزۋ اۆتونوميالى وبلىسىنان كەلگەن 600دەن استام ەمدەۋ قىزمەتكەرلەرىن جانە ولاردىڭ وتباسىنداعىلارىن، وڭتۇستىك شينجياڭدىق جۇمىسكەرلەردى قارسى الدى، بۇل كورىنىس ءوڭىرى قايتا اشىلعاننان كەيىن قارسى العان تۇڭعىش توپتاعى ساياحاتشىلار ۇيىرمەسى.

  سول كۇنى سانجى وبلىسى ”نيەتتەس، ساپارلاس، شينجياڭعا سۇيىسپەنشىلىك“ الەۋمەتتىك يگىلىك ساياحاتى جەلىلەس قيمىلىن ورىستەتىپ، سانجى وبلىسىنىڭ ەمدەۋ قىزمەتكەرلەرىن، وڭتۇستىك شينجياڭنان سانجى وبلىسىنا جۇمىس ىستەۋگە كەلگەندەردى تيانشان بوعدا كولى كورىنىس رايونىن، شينجياڭ اۋىل شارۋاشىلىعى كورمە باقشاسىن تاماشالاۋعا ۇسىنىس ەتتى.

  سول كۇنى تۇستەن بۇرىن تيانشان بوعدا كولى كورىنىس وڭىرىندە كۇن شۇلەن شۋاعىن توگىپ تۇردى. تيانشان بوعدا كولى كورىنىس وڭىرىندەگى ساياحاتشىلارعا قىزمەت وتەۋ ورتالىعىنىڭ ۇلكەن ەكرانىندا كورىنىس ءوڭىرىنىڭ اۋا ساپاسىنىڭ ساپالى ەكەنى، تەرىس وتتەگى يونى قۇرامى ءار كۋب سانتيمەترىندە 66 مىڭ 300 ەكەندىگى كورسەتىلگەن. اۋاسى تازا بوعدا كولىندە ساياحاتشىلاردىڭ كوڭىلى جادىراپ، جۇزدەرىنەن كۇلكى ەستى.

  سانجى وبلىستىق حالىق شيپاحاناسى جۇقپالى اۋرۋلار بولىمشە شيپاحاناسىنىڭ شيپاگەرى ۋي ۋي كوكتەم مەرەكەسىنە قاراعان كۇننەن باستاپ شيپاحانانىڭ قىزۋ امبولاتورياسىندا كەزەكشى بولىپ، كەزەكتەسىپ دەمالعاندا دا شيپاحانادا اۋاشالانىپ، 3 - ايدىڭ باس شەنىندە عانا ۇيىنە قايتقان، 3 - ايدىڭ 16 - كۇنى شيپاحانانىڭ جۇمىسشى ۇيىمى وعان تيانشان بوعدا كولى كورىنىس وڭىرىنە جانە شينجياڭ اۋىل شارۋاشىلىعى كورمە باقشاسىنا بارىپ ساياحاتتايتىندىعىن ۇقتىرعان. ”بۇگىن ءدال مەنىڭ دەمالعان كۇنىم ەدى، جۇبايىم مەن قىزىمدى ەرتىپ وسى قيمىلعا قاتىناستىم. تاۋعا شىعىپ، تازا اۋادا بارىنشا تىنىستاپ، ارىپ - شارشاعانىم تەز ارادا باسىلدى“، - دەدى ۋي ۋي.

  لوپ اۋدانى دول اۋىلى شۇڭقىروستەڭ قىستاعىنان كەلگەن مامەت ابدۇللا شينجياڭ زىرۇي الۋمين شارۋاشىلىعى شەكتى سەرىكتەستىگىنىڭ جۇمىسشىسى، سەرىكتەستىك وعان تيانشان بوعدا كولى كورىنىس وڭىرىنە تەگىن ساياحاتقا باراتىندىعىن ايتقاندا، ول ەرەكشە تەبىرەنىپتى. ”بوعدا كولىنە تۇڭعىش رەت ساياحاتتاي كەلۋىم، بۇل جەردىڭ كورىنىسى ەرەكشە كوركەم ەكەن. مەن جۇمىسىمدى جاقسى ىستەپ، قۇلشىنا كىرىس كىرگىزىپ، كەلەر جولى وتباسىمداعىلاردى ەرتىپ بوعدا كولىن ساياحاتتايمىن“، - دەدى مامەت.

  قازىر سانجى وبلىسىنىڭ كوپتەگەن كورىنىس ءوڭىرى ىركەس - تىركەس اشىلىپ، ءبىر ءبولىم ساياحات سەرىكتەستىكتەرى سانجى وبلىسى ىشىندە ءبىر كۇندىك ساياحات، 2 كۇندىك ساياحات قيمىلدارىن العا قويدى. تيانشان بوعدا كولى كورىنىس ءوڭىرى توڭىرەكتى ساياحاتتاۋشىلاردىڭ، شاعىن ۇيىرمەلىك ساياحاتشىلاردىڭ ارتۋ اۋقىمىنا ساي، سايابىر مەزگىلدىك ەسىك بەلەتىن 4 - ايدىڭ سوڭىنا دەيىن ۇزارتۋدى ۇيعاردى ءارى باتپىراۋىق مەرەكەسى سياقتى جەلىلەس قيمىلدار وتكىزىپ، ءتىپتى كوپ ساياحاتشىلاردى كورىنىس وڭىرىنە كىرۋگە باۋرادى.

  سانجى وبلىسى تاعى ءبىر قىدىرۋ ساياسات شىعارىپ، مادەنيەت، ساياحات كاسىپورىندارىنا سيلىق قوسىمشا قاراجاتىن بەرىپ، ساياحات بازارىنىڭ قايتا جاندانۋىن جەبەدى. سونىمەن بىرگە، ”ساياحات + مادەنيەت“، ”ساياحات + سەيىل سەرۋەن“ سياقتى جەلىلەس ساياحات قيمىلدارىن العا قويىپ، كوكتەمگى ساياحاتتىڭ جىلدامدىعىن اسىرىپ، جاندانۋىنا مۇمكىندىك جاسادى.

جاۋاپتى رەداكتور : ءاننا اكىمقان قىزى