اعاجاي-التاي تورابى   ›   اقپارات ايدىنى   ›   سۋرەتتى حابارلار

قالا تۇرمىسى جاندانا باستادى

  قالا تۇرعىندارى ءۇرىمجى قالاسىنىڭ شونجى جولىنداعى دىحۇي ۋاندا ساۋدا سارايىندا زات ساتىپ الۋدا (سۋرەت 3 - ايدىڭ 12 - كۇنى تۇسىرىلگەن). □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى ۋاڭ جىن تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى جاۋ چۇنحۋا 3 - ايدىڭ 17 - كۇنى ۇرىمجىدەن حابارلايدى. 3 - ايدىڭ 17 - كۇنى ساعات 8دەن 30 مينۋتتا تىرناق ساندەۋ دۇكەنىنىڭ قوجايىنى لي لۋلۋ ءۇرىمجى قالاسى شياۋشيمىننان كولىكپەن شىعىپ، چاڭچۇن ورتاڭعى جولىنداعى تىرناق ساندەۋ دۇكەنىنە كەلدى. ”بىرنەشە كۇننىڭ الدىندا جولدا كولىك تىم كوپ ەمەس ەدى، 20 مينۋت اينالاسىندا جەتكەن بولاتىنمىن، ەكى كۇننەن بەرگى تاڭەرتەڭگى قاتىناستىڭ قاۋىرت مەزگىلىندە 40 مينۋت اينالاسىندا ارەڭ جەتتىم. ارى - بەرى قايشالىسقان كولىكتەرگە قاراعان سايىن، مۇنداي كادۋەلگى اسەر كوڭىلىمدى ەرەكشە جاي تاپتىردى“، - دەدى لي لۋلۋ.

  لي لۋلۋ تىلشىگە مىنانى ايتتى: 3 - ايدىڭ 14 - كۇنىنەن باستاپ، تىرناق ساندەۋ دۇكەنىندە ءار كۇنى قاريدارلاردىڭ اياعى ۇزىلمەدى، كەيدە كەشتە ساعات 11دە قىزمەتتەن ءتۇسىپ ءجۇرمىز. ىندەتتەن ساقتانۋ - تىزگىندەۋدى جاقسى ىستەۋ ءۇشىن، قاريدارلار تۇگەلدەي الدىن الا ۋادەلەسىپ الۋى قاجەت، 17 - كۇنگى كەلگەن قاريدارلار 2 كۇننىڭ الدىندا ۋادەلەسىپ قويعان بولاتىن.

  ءۇرىمجى سەكىلدى وسى 2 كۇندە بۇكىل شينجياڭداعى قالالاردا دا جولدا كولىكتەردىڭ قاتىناۋ مولشەرى قاۋىرت كوبەيدى. قالالارداعى كوشە بويلارىنان جەدەل جولداما جەتكىزىپ جۇرگەندەردىڭ قاراسىن كوپتەپ كورۋگە بولادى.

  ساعات 11دەن 30 مينۋتتا ءۇرىمجى پوچتاسى جاڭا قالا رايوندىق تيجارات ءبولىمىنىڭ جولداما جەتكىزۋشىسى چىن حۋا لييۇيشان اۋماعى لۋدا حالىقارا شاعىن اۋماعىنىڭ تۇرعىنىنا جولداما جەتكىزدى، سول كۇنى ول 153 جەدەل جولداما جەتكىزۋى كەرەك. 3 - ايدىڭ 16 - كۇنىنە دەيىن، بۇكىل شينجياڭدا پوچتالار اشقان 1466 توراپ ءتۇيىنى، اۋدان قالاشىعىنان جوعارى 168 جەردە قۇرىلعان جولداما قويۋ ورنى، پوچتا جولدامالارىن ءبىر جاقتى ەتەتىن 104 ورتالىق قالىپتى جۇمىس جۇرگىزدى، پوچتا كاسىبىنىڭ جولداما جەتكىزۋ بۋىنى جالپى بەتتىك ىسكە قوسىلدى.

  جەدەل جولدامانى قول قويىپ تاپسىرىپ العاننان كەيىن، ءۇرىمجى قالاسىنىڭ تۇرعىنى ۋي چىن 7 جاستاعى قىزىن ەرتىپ اۆتونوميالى رايوندىق مۇراجايعا كەلدى. بۇكىل رايونداعى 500گە جۋىق مادەنيەت الاڭ - سارايلاردىڭ ىركەس - تىركەس اشىلۋىنا ىلەسە، اۆتونوميالى رايوندىق مۇراجاي دا 3 - ايدىڭ 17 - كۇنى ەسىگىن اشىپ كورەرمەن قابىلداي باستادى.

  ساعات 12دەن 15 مينۋت وتكەندە، ەكسكۋرسيالاۋعا الدىن الا كەلىسكەن قالا تۇرعىندارى ءبىر - بىرلەپ دەنە تەمپەراتۋراسىن ولشەتكەن سوڭ، ەسىك الدىندا ۇزىننان - ۇزاق قاتارعا تۇردى. ”ۇنەمى بالامدى ەرتىپ مۇراجايعا، اسەمونەر سارايىنا بارىپ، بالامنىڭ تاريحتى جاقىن ارالىقتان ’كورىپ‘، اناعۇرلىم كوپ مادەنيەت ونەگەسىن قابىلداۋىنا مۇمكىندىك جاسايمىن“، - دەدى ۋي چىن.

  ءاپ - ساتتە تۇسكى اس ۋاقىتى بولىپ قالىپتى، ساعات 14تە، دەنە تەمپەراتۋراسىن ولشەتكەننەن كەيىن، ءۇرىمجى قالاسىنىڭ تۇرعىنى لي مەيچين مەن قىزمەتتەستەرى كادۋەلگى ورىنعا − شىنجىنچىڭ 6 - قاباتىنداعى حۋاماۋجيە ءدامدى تاعامدار ورنىنا كەلىپ كىردى. لۇڭيە گوكۇي، ىلە ۋانزىتاڭى... دەگەن سياقتى بۇل ارانىڭ ەرەكشە ءدامدى تاعامدارى ادامنىڭ سىلەكەيىن شۇبىرتادى. ءدامدى تاعامدار الاتىن اۋىزداعى ءبىر مەترلىك كۇتۋ سىزىعىنىڭ سىرتىندا ادامدار تاعام بۇيىرتىپ، زاكاز جىبەرىپ، ءار ۇستەلگە بىردەن وتىرىپ، ءدامدى تاعامداردان مەيىلىنشە ءلازاتتاندى.

  ”بۇل ءبىزدىڭ تۇستەنەتىن ’بازامىز‘، قازىر ءار كۇنى وزىمىزگە تانىس دامنەن جەي الاتىن بولدىق“، - دەدى لي مەيچين.

  قازىر ءۇرىمجى قالاسىندا 20 مىڭنان استام اس - سۋ كاسىپورىندارى مەن ساۋداگەرلەر جۇمىستى، ءوندىرىستى نەگىزىنەن قالپىنا كەلتىردى، تيانشاننىڭ وڭتۇستىگى مەن سولتۇستىگىندە دە دۋماندى بەينەلەر كورىندى.

  ءدامدى تاعامدارمەن بىرگە، اۋىزعا الۋعا تاتيتىنى ادەمى كورىنىستەر. ءۇرىمجى قالاسى حالىق باقشاسىندا، كۇننىڭ شۇلەن شۋاعىندا ادامدار قالىڭ كيىمدەرىن شەشىپ تاستاپ ءجۇردى. باياۋ جۇگىرگەن، تەز جۇرگەن، سەيىلدەگەن قالا تۇرعىندارى تۇس - تۇستان كورىنەدى. قارتا ويناعان قارتتار جاقتان ءالسىن - ءالى كوڭىلدى كۇلكى ەسەدى؛ ۇستەل دوپ تاقتاسى قاسىنان ”بارەكەلدى!“ دەپ كوتەرمەلەگەن داۋىستار جاڭعىرادى.

  ساعات 17دەن 50 مينۋت وتكەندە، ءۇرىمجى قالالىق حالىق كينوحاناسىنىڭ ىشىندە، «جازاتايىم ءولتىرۋ»، «حايۋانات تىڭشىلار مەكەمەسى»، «ازات . اقىرعى قۇتقارۋ» سىندى 3 ۇلكەن فيلم كورەرمەندەرگە اسەرلى كورىنىستەرمەن ءلاززات سيلاپ جاتتى.

  ساعات 20دان 30 مينۋت وتكەندە، ىمىرت ءۇيىرىلدى. بۇل كەزدە چىن حۋا ەڭ سوڭعى جەدەل جولدامانى جەتكىزىپ بولعان ەدى؛ ۋي چىننىڭ قىزى «مۇراجايدان ەستەلىكتى» جازىپ جاتتى؛ ال لي لۋلۋ ءالى تىرناق ساندەۋ دۇكەنىندە قاربالاستاپ جاتتى...

جاۋاپتى رەداكتور : ءاننا اكىمقان قىزى