اعاجاي-التاي تورابى   ›   اقپارات ايدىنى   ›   سۋرەتتى حابارلار

قارلى دالاداعى قايسار جاندار

  تەك العا ىلگەرىلەۋ كەرەك، شەگىنەرگە مۇلدە جول جوق

  بۇل سۋرەت 2020-جىلى 2-ايدىڭ 19-كۇنى كوكتوعاي اۋدانىنىڭ كۇرتى شەكاراسىنداعى قارلى دالادان ءتۇسىرىلدى.

  اتقا مىنگەن جاۋىنگەرلەر — كۇرتى شەكارا ساقشى بولىمشەسىنىڭ حالىق ساقشىلارى مەن شەكارا قورعاۋشىلارى. وسى رەتكى ساپارىندا ولار اۋدان قالاشىعىنان ەڭ الىس شەكاراداعى قىستاق — تامبەلشەرگە بەت تۇزەدى، ماقساتتارى شەكارانى ارالاپ تەكسەرۋ، ىندەتتەن ساقتانۋ ۇگىتىن جۇرگىزۋ، حال سۇراۋ جانە ناۋقاستاردى ەمدەۋ.

  «<جەتى قىلىشكەر تيانشاندا> توراپتاستاردىڭ جوعارىداعى سۋرەتكە قويعان اتى، ءىس جۇزىندە اتقا مىنگەن 13 ادام». وسى سۋرەتتى تۇسىرگەن حالىق ساقشىسى لي ميڭجي تىلشىگە تاعى بىرنەشە سۋرەتتى قوسا جولدادى.

  لي ميڭجيدىڭ تانىستىرۋىنا قاراعاندا، كوكتوعاي اۋدانىندا 2-ايدا ءۇرتىس قار جاۋىپ، تەمپەراتۋرا نولدەن تومەن 20 نەشە سەلتسي گرادۋسقا ءتۇسىپ، قالىڭ قاسات قاردان تاۋ جولى بەكىتىلىپ، اۆتوكولىك قاتىناي الماعاندا، حالىق ساقشىلارى داعدىلى شەكارا شارلاۋ قىزمەتىن ورىنداۋ ءۇشىن اتقا ءمىنىپ بارۋىنا تۋرا كەلىپتى.

  وسى ساپاردان ءبىراز كۇن ىلگەرى، حۋبەيدىڭ جەر-جەرىندە وقىپ جاتقان وقۋشىلاردىڭ قىسقى دەمالىسقا تاراپ اۋىلىنا قايتۋى كوكتوعاي اۋدانىندا ىندەتتەن ساقتانۋ-تىزگىندەۋ قىزمەتىنىڭ دارەجەسىن بىردەن جوعارىلاتتى. ىندەت — بۇيرىق، ساقتانۋ-تىزگىندەۋ — جاۋاپكەرشىلىك. شەكارا ساقشى بولىمشەسىندەگى حالىق ساقشىلارى ءار 3 تە 4 كۇندە ءبىر رەت تاۋلى وڭىرگە بىتىراي قونىستاعان مالشى قاۋىمىن ارالاپ، ىندەتتەن ساقتانۋ بىلىمدەرىن ۇگىتتەدى ءارى قاراپايىم اۋرۋلاردى ەمدەدى.

  تاۋلى وڭىردە ساي-سالادا وتىرعان مالشىلاردى ءبىر رەت ارالاپ قايتۋ ءۇشىن 10 نەشە ساعات جۇمسالادى

  ساعات 12 دە، 4 حالىق ساقشىسى مەن 9 شەكارا قورعاۋشى ساقشى بولىمشەسىنە جينالىپ، بولىمشە باستىعى جاناربەك باقىتبەك ۇلىنىڭ باستاۋىندا جولعا شىقتى.

  ساعات 22:30دا قوسىن قونالقى جەرگە قايتىپ كەلدى. ات ۇستىندە تەڭسەلىپ ۇزاق جۇرگەندىكتەن، كەيبىرەۋىنىڭ بەلى سىرقىراپ اۋىرىپ، قۇيرىعى ويىلسا، كەيبىرىنىڭ ەكى تاقىمى اشىپ، جەرگە تۇسكەندە اياعىن باسا الماي قالدى، بىرەۋلەرىنىڭ بالتىر ەتىن زوڭگى باۋى قاجاپ تالاۋراپ كەتىپتى.

  ولار ءبىر كۇندە، 63 مالشى وتباسىن ارالاپ، 110 ادامنىڭ دەنە تەمپەراتۋراسىن ولشەپ، ۇنەمى كەزىگەتىن جاي ناۋقاستاردى ەمدەپ، ىندەتتەن ساقتانۋ بىلىمدەرى مەن ۇگىت ماتەريالىنان 120 نەشە پارشا، ۇنەمى قولدانىلاتىن ءدارى-دارمەكتەن 20 قاپشىق تاراتتى.

  ساقشى بولىمشەسىندە 2 پار قورعانۋ كيىمى بار ەدى، ونى دەنساۋلىق ساقتاۋعا جاۋاپتى 2 حالىق ساقشىسى كيدى، باسقالار نەگىزىنەن جول جاعدايىن بارلاۋعا جاۋاپتى بولدى. «قار قىمتاعان تاۋ جولى كۇدىر كەلەدى، بايقاپ جۇرمەسە ات وڭاي سۇرىنەدى»- دەدى لي ميڭجي.

  لي ميڭجي سول كۇنگى جاعدايدى كۇندەلىگىنە بىلاي دەپ جازىپتى: «بۇگىن سارسەنبى، تاۋلى وڭىردە قاپالاقتاپ قار جاۋىپ تۇردى، ءبىز ات جۇرە الاتىن جەرگە اتپەن، ات جۇرە الماعان جەرگە اتتى جەتەلەپ جاياۋ باردىق. بۇقارا مەن ۆيرۋستىڭ اراسىندا تەك ءبىز سياقتى حالىق ساقشىلارى مەن شەكار قورعاۋشىلار عانا بار سياقتى سەزىندىك، جول قانشا ماشاقاتتى بولسا دا، تەك العا ىلگەرىلەۋ كەرەك، شەگىنەرگە مۇلدە جول جوق».

  بۇل سۋرەت توراپتا تاراعانعاننان كەيىن، كوپتەگەن ادام: «وتانىمىزدىڭ ءبىز بىلمەيتىن بۇرىش-بۇرىشىندا، سونشاما كوپ ادام وراسان زور بوداۋ بەرىپتى»، «بورىشتى، ءسوزسىز، ورىندايمىز» دەگەن سياقتى ماداق لەبىزىن قالدىرىپتى.

  تامبەلشەر قىستاعىنىڭ ۋحانمەن ارا قاشىقتىعى 3600 كيلومەتردەن، ال شينجياڭنىڭ ورتالىعى ۇرىمجىمەن ارا قاشىقتىعى مىڭ كيلومەتردەن اسادى. «ىندەتكە» قارسى توسقاۋىل شايقاس نىسانامىز ۆيرۋستىڭ 9 ميلليون 600 مىڭ شارشى كيلومەتر كەلەتىن وتانىمىز تەريتورياسىنىڭ ءبىر سۇيەمىنە شابۋىلداۋىنا جول بەرمەۋ. ال ۆيرۋستى جولاتپاعان ءدال وسى سياقتى ەڭ سۇيىكتى جاۋىنگەرلەر، ولاردىڭ اتى-ءجونى:

  پراكتيكانت حالىق ساقشىسى: شۇي پىڭچىڭ، لي لەي

  حالىق ساقشىسى: لي ميڭجي

  شەكارا قورعاۋشىلار: مۇقامەت قۇرمان ۇلى، باقىت ىبىراكىم ۇلى، دۇيسەن جانات ۇلى، جولدىبەك قالامقان ۇلى، قۋانىش قۇرمانباي ۇلى، اكىميات قۇسىمان ۇلى، داۋلەت ءىلياس ۇلى، نۇرلانبەك تورەقان ۇلى، قابدەن مەيىرقان ۇلى

  ساقشى بولىمشەسىنىڭ باستىعى: جاناربەك باقىتبەك ۇلى

  

  قارلى دالاداعى 13 باتىر جانە ىندەتكە قارسى تۇرۋدىڭ الدىڭعى شەبىندە شايقاس جاساپ جاتقان سانسىز جاۋىنگەر ىندەتتى جەڭۋگە ءىس-ارەكەتى ارقىلى جاۋاپ قايتاردى. وسى رەتكى ىندەتتەن ساقتانۋ-تىزگىندەۋ بارىسىندا جۇڭگو كۇش-قۋاتى، جۇڭگو ونىمدىلىگى جانە جۇڭگو قارقىنى حالىقارالىق قوعامنىڭ جاپپاي القاۋىنا بولەندى. دۇنيە جۇزىندەگى ءار ەل حالقىنىڭ باس اماندىعى ءۇشىن، جۇڭگو حالقى وراسان زور قۇرباندىق بەرىپ، ەلەۋلى ۇلەس قوستى.

  حاباردى جازعان: ءتىلشى لي پىڭ، سۋرەتتى تۇسىرگەن: لي ميڭجي

جاۋاپتى رەداكتور : ءاننا اكىمقان قىزى