اعاجاي-التاي تورابى   ›   اقپارات ايدىنى   ›   سۋرەتتى حابارلار

حوتاننان 1800دەن استام كەدەي ەڭبەككۇش ءۇرىمجى مەن سانجىعا كەلىپ باسقا كاسىپكە ويىسىپ جۇمىستاندى

 3 - ايدىڭ 14 - كۇنى T6728 كەزەكشى پويەزىنا وتىرعان حوتان ايماعىنىڭ العاشقى توپتاعى 1800دەن استام جۇمىسكەرى ءۇرىمجى ۆوكزالىنا جەتتى. ولار جەكە - جەكە ءۇرىمجى مەن سانجى حۇيزۋ اۆتونوميالى وبلىسىندا باسقا كاسىپكە ويىسىپ جۇمىستانادى.□ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا 3 - ايدىڭ 14 - كۇنى ۇرىمجىدەن حابارلايدى. 3 - ايدىڭ 14 - كۇنى ساعات 16دان 04 مينۋت وتكەندە، حوتان ايماعىنان كەلگەن 1800دەن استام ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ ەڭبەككۇشتەرى وتىرعان T6728 كەزەكشى ارناۋلى پويەزى ءۇرىمجى ۆوكزالىنا باياۋ كىردى. ولار ءۇرىمجى، سانجى ەكى جەرگە ءبولىنىپ باسقا كاسىپكە ويىسىپ جۇمىستانىپ، جاڭا تۇرمىستى، جاڭا كۇرەستى باستايدى.

  ءۇرىمجى قالاسىنداعى ءبىر كاسىپورىنعا بارىپ جۇمىستاناتىن ابىلمىجيت وشۇر گۇما اۋدانى چودا اۋىلى شارباق قىستاعىنان كەلگەن. ونىڭ ۇيىندە 5 جان، 2 مۋ جەر بار، تۇرمىستارى ءبىرشاما كەدەي. قىستاق جۇمىس ورنى ينفورماتسياسىن جاريالاعاننان كەيىن، ول ەڭ الدىمەن تىزىمدەلدى، ”ۇكىمەت بىزگە قىزمەت ورايىن بەردى، مەن، ءسوز جوق، جاقسى ىستەپ، ەرتەرەك كەدەيلىكتەن ارىلامىن“.

  ابىلمىجيت سياقتى وسى 1800دەن استام كەدەي ەڭبەككۇش تۇگەلدەي ”وڭتۇستىك شينجياڭنىڭ 3 ايماق - وبلىسىنداعى كەدەيلىك قالپاعى الىنباعان 10 اۋىر كەدەي اۋدانداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ ەڭبەككۇشتەرىن باسقا كاسىپكە ويىسىپ جۇمىستانۋعا ۇيىمداستىرۋ قىزمەتىنىڭ“ تيىمدىلىگىنە كەنەلۋشىلەر. باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋدىڭ، اۆتونوميالى رايوندىق 9 - كەزەكتى پارتكومنىڭ 9 - رەتكى جالپى ءماجىلىسىنىڭ جۇمىستاندىرۋ ارقىلى كەدەيلەردى سۇيەمەلدەۋ ورنالاستىرۋىن، جايعاستىرۋىن دايەكتىلەندىرۋدىڭ، تياناقتاندىرۋدىڭ ناقتى شاراسى رەتىندە، رايونىمىز ارناۋلى كەزەكشى پويەز فورماسىندا قاشقار ايماعىنداعى، حوتان ايماعىنداعى، قىزىلسۋ قىرعىز اۆتونوميالى وبلىسىنداعى كەدەي ەڭبەككۇشتەردى ”تۇيىننەن تۇيىنگە“ بويىنشا سولتۇستىك شينجياڭ، شىعىس شينجياڭ جانە بايىنعولين موڭعۇل اۆتونوميالى وبلىسى سياقتى جەرلەرگە جەتكىزۋگە تارتىپپەن ۇيىمداستىرىپ، باسقا كاسىپكە ويىستىرىپ جۇمىستاندىرۋدى جۇزەگە اسىردى.

  ءۇرىمجى قالاسى وسى رەت قابىلداعان 1000نان استام كەدەي ەڭبەككۇش وسى قالانىڭ 7 رايون، ءبىر اۋدانىنداعى كاسىپورىندارعا جانە ءۇرىمجى قالالىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنە قاراستى 15 مەملەكەت مەنشىگىندەگى كاسىپورىندا جۇمىستانۋعا جەكە - جەكە ورنالاستىرىلادى. ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى تاڭ حىڭي تانىستىرىپ بىلاي دەدى: اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ءبىر تۇتاس سايكەستىرۋىندە، ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ تاراۋلارى ءبىر جاعىنان، الدىن الا كاسىپورىندارعا بارىپ جۇمىسشى قاجەتىن ىشكەرىلەي يەلەپ، جۇمىس ورنى سانىن ايقىنداپ، جۇمىسشى ىستەتۋ تىزىمدىگىن جاسادى؛ ەندى ءبىر جاعىنان، ەڭبەككۇش شىعاراتىن جەرمەن بەلسەندىلىكپەن سايكەسىپ، جۇمىسشى ىستەتۋ ينفورماتسياسىن جاريالاپ، ادامداردى ۇيىمداستىرۋ، جەتكىزۋ سياقتى قىزمەتتەردى جاقسى ىستەپ، ادامداردى حاۋىپسىز جەتكىزۋگە شىنايى كەپىلدىك ەتتى. ”كاسىپورىن قابىلدانعان كەدەي ەڭبەككۇشپەن 3 جىلدان جوعارى مەرزىمدەگى ەڭبەك توقتامىنا قول قويادى، ەڭبەكاقى كىرىسى ايىنا 2000 يۋاننان تومەن بولمايدى، كۇندەلىكتى باسقارۋدى جاقسى ىستەپ، باسقا كاسىپكە ويىسىپ جۇمىستانعانداردىڭ تۇراقتاپ قالۋىنا، ورنىقتى تۇرۋىنا، جاقسى ىستەۋىنە شىنايى كەپىلدىك ەتەدى“، - دەدى تاڭ حىڭي.

  سانجى حۇيزۋ اۆتونوميالى وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى يۇي جۇڭشان بىلاي دەدى: سانجى وبلىسى وسى رەت 800دەن استام كەدەي ەڭبەككۇشتى قابىلدادى، ولاردى سانجى قالاسىنا، ماناس اۋدانىنا جانە 3 ونەركاسىپ باقشا رايونىنا جۇمىستانۋعا جەكە - جەكە ورنالاستىرادى. ”ءبىز قابىلداۋشى جەرلەر تولىق دايىندىق جاساپ، وسى ادامداردىڭ تاماعى مەن جاتاعىن تىڭعىلىقتى ورنالاستىردىق. ولارعا مەملەكەتتە ءبىر تۇتاس قولدانىلاتىن ءتىل - جازۋمەن جانە شەبەرلىكتەن باۋلۋ جۇرگىزگەننەن كەيىن، ءار ادامنىڭ ءىس جۇزىندىك جاعدايىنا نەگىزدەلىپ ۇيلەسىمدى جۇمىس ورنىنا ورنالاستىرىپ، ادام مەن جۇمىس ورنى ۇيلەسۋدى ورىنداپ، بارلىق ادامدا جۇمىس ورنى بولۋدى، ءار كۇنى تابىسى بولۋدى، كەدەيلىكتەن ارىلۋىندا قامتاماسىزدىق بولۋدى جۇزەگە اسىرامىز“، - دەدى يۇي جۇڭشان.

  مۇنان كەيىنگى ءبىر مەزگىلدە، رايونىمىز تاعى دا ارناۋلى كەزەكشى پويەز فورماسىندا، وڭتۇستىك شينجياڭنىڭ قالپاعى الىنباعان 10 اۋىر كەدەي اۋدانىنان كەدەي ەڭبەككۇشتەردى توپقا ءبولىپ، تارتىپپەن سولتۇستىك شينجياڭ، شىعىس شينجياڭ، بايىنعولين موڭعۇل اۆتونوميالى وبلىسى سياقتى جەرلەرگە جۇمىستانۋعا ويىستىرادى.

جاۋاپتى رەداكتور : ءاننا اكىمقان قىزى