اعاجاي-التاي تورابى   ›   اقپارات ايدىنى   ›   ماڭىزدى حابارلار

قاھارمان قالا، قاھارمان حالىق

«حالىق گازەتىنىڭ» شولۋشىسى

  ۋحان اتى - زاتىنا ساي قاھارمان قالا، ۋحان حالقى اتى - زاتىنا ساي قاھارمان حالىق، وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ جەڭىسىنە جەتۋ ارقىلى ۋحاننىڭ تاعى دا تاريح پاراعىنا جازىلاتىندىعى ءشۇباسىز!
 

  باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىمەن شايقاسۋدىڭ شەشۋشى ساتىندە، اتاپ ايتقاندا، 3 - ايدىڭ 10 - كۇنى حۋبەي ولكەسىنىڭ ۋحان قالاسىنا ارناۋلى بارىپ ىندەتتەن ساقتانۋ - تىزگىندەۋ قىزمەتىن تەكسەرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان قالىڭ ەمدەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە، الەۋمەتتىك اۋماق قىزمەتكەرلەرىنە، قوعام حاۋىپسىزدىگى كادر - ساقشىلارىنا، نەگىزگى ساتى كادرلارىنا، تومەنگە تۇسكەن كادرلارعا، ەرىكتىلەرگە جانە تۇرعىندار بۇقاراسىنا امانداسىپ، ولاردان حال سۇرادى. باس شۋجي شي جينپيڭ بىلاي دەپ دارىپتەدى: وسى رەتكى قاتاڭ كۇرەس بارىسىندا ۋحان حالقى جالپى تۇلعانى تانىپ، كەلەلى جاعدايمەن ساناسىپ، وزدەرىنىڭ ءىس جۇزىندىك ارەكەتىمەن جۇڭگو كۇشىن، جۇڭگو رۋحىن ايگىلەدى، بۇكىل پارتيا، بۇكىل ەلدەگى ءار ۇلت حالقى تۇگەلدەي سىزدەردەن تەبىرەنەدى ءارى سىزدەردى القايدى! پارتيا مەن حالىق ۋحان حالقىنا العىس ايتادى! باس شۋجي ءار دارەجەلى پارتيا ۇيىمدارى مەن قالىڭ پارتيا مۇشەلەرىنەن، كادرلاردان اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرلىك ارقالاپ، سىننان سۇرىنبەي ءوتىپ، اناعۇرلىم قاتاڭ ستيلمەن، اناعۇرلىم ناقتى شارامەن پارتيا ورتالىق كوميتەتىنىڭ شەشىم، ورنالاستىرۋلارىن تىڭعىلىقتى تياناقتاندىرىپ، ساقتانۋ - تىزگىندەۋ قىزمەتىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋدى تالاپ ەتتى.

 وسى رەتكى سۇراپىل كەلگەن ىندەت جاعدايىنا قاراتا شي جينپيڭ جولداستى ۇيىتقى ەتكەن پارتيا ورتالىق كوميتەتى حالىق بۇقاراسىنىڭ باس اماندىعى مەن دەنساۋلىعىن باستان - اياق ماڭداي الدى ورىنعا قويىپ، حۋبەي مەن ۋحانداعى ىندەتتەن ساقتانۋ - تىزگىندەۋ قىزمەتىن ءتۇيىن ەتە قولداپ، ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ شارالارىن قولدانىپ، ىندەتتىڭ تارالۋ، كەڭەيۋ جاعدايىن باتىل تەجەپ، ءتىپتى دە كوپ بۇقارانىڭ جۇعىمدالۋىنان مۇمكىندىكتىڭ بارىنشا ساقتانىپ، ءتىپتى دە كوپ ناۋقاستىڭ ءومىرىن مۇمكىندىكتىڭ بارىنشا قۇتقارىپ قالدى. ۇلكەن ۋحاندا ون ميلليوننان استام ادام بار، قالانى جابۋ ارقىلى ىندەتتىڭ تارالۋىن تىزگىندەۋدىڭ قيىندىعى وتە زور، بۇل − توتەنشە قيىن شەشىم. ۋحان حالقى جالپى تۇلعانى تانىپ، كەلەلى جاعدايمەن ساناسىپ، حاۋىپ - قاتەردەن تايسالماي، قايىسپاس قايسارلىق كورسەتىپ، ىندەتتەن ساقتانۋ - تىزگىندەۋ كەلەلى جاعدايىنىڭ قاجەتىنە سانالىلىقپەن بويسۇنىپ، ىندەتتەن ساقتانۋ - تىزگىندەۋ كۇرەسىنە ىرىقتىلىقپەن ات سالىسىپ، ەلەۋلى ۇلەس قوستى، بۇكىل ەلگە، بۇكىل دۇنيە جۇزىنە ۋحان حالقىنىڭ مويىماس قاجىر - قايراتىن، اسىل قاسيەتىن ايگىلەدى. ۋحان حالقىنىڭ قۇرباندىق بەرۋى مەن ۇلەس قوسۋىنىڭ، ۋحان حالقىنىڭ تاباندىلىعى مەن قۇلشىنىسىنىڭ ارقاسىندا ىندەتتەن ساقتانۋ - تىزگىندەۋدىڭ بۇگىنگىدەي بەلسەندى جاقسارۋ جاعدايى جارىققا شىقتى. ۋحان − قاھارمان قالا، ۋحان حالقى − قاھارمان حالىق، تاريحتا ەجەلدەن تار جول، تايعاق كەشۋلەردە ەڭسەسىن تۇسىرگەن ەمەس. بۇل جولى بۇكىل ىندەتكە قارسى كۇرەستە ۇلكەن ەڭبەك ءسىڭىردى، مۇنىڭ تاعى دا تاريح پاراعىنا جازىلارى ءشۇباسىز! وسى رەتكى ىندەتپەن كۇرەستە ۋحان حالقى ءبىر جاعادان باس، ءبىر جەڭنەن قول شىعارىپ، ەرلىكپەن كۇرەس جۇرگىزگەن ءىس جۇزىندىك ارەكەتى ارقىلى جۇڭحۋا ۇلتىنىڭ تار جول، تايعاق كەشۋدەن بىرگە ءوتۋ، ءوزارا قارايلاسۋ سىندى وتانشىلدىق ىنتاسىن بەينەلەدى، قۇربان بەرۋدەن تايسالماۋ رۋحىن، باتىلدىقپەن جاۋاپكەرلىك ارقالاۋ رۋحىن، جالپى جاعدايمەن ساناسۋ رۋحىن، ۇلەس قوسۋعا پەيىل بولۋ رۋحىن كورسەتتى. وسى رۋحتاردىڭ بارلىعى جۇڭحۋا ۇلتى رۋحىنىڭ ماڭىزدى بەينەسى سانالىپ، ىندەتپەن شايقاس جۇرگىزۋ، شەشۋشى شايقاستىڭ شەشۋشى جەڭىسىنە قول جەتكىزۋ سىندى جۇڭگو رۋحىن ايگىلەدى.

جاۋاپتى رەداكتور : ءاننا اكىمقان قىزى