اعاجاي-التاي تورابى   ›   مادەنيەت ارناسى   ›   دەنساۋلىق

ۇنەمى ۇيقىڭىز كەلە بەرە مە؟

  ادام نەگە قانشا ۇيىقتاسا دا، ۇيقىسى قانباعانداي سەزىمدە بولادى؟ جاۋابى بەلگىلى. اعزاسى تولىققاندى دەمالىپ، قاجەتتى ەنەرگيانى جيناي المايدى. السىزدىكپەن كۇرەسۋدىڭ مىنا تاسىلدەرى قاراستىرىپ كورىڭىز.

   جاتتىعۋ جاساڭىز.

كۇننىڭ دۇرىس باستالۋىن قاداعالاڭىز. فيزيكالىق جاتتىعۋ قان اينالىمىن جاقسارتىپ، جۇرەك سوعىسىن كۇشەيتەدى. بۇل ىشكى قۋاتىڭىزدى وياتۋدىڭ ەڭ جاقسى ءارى تاپتىرماس ءتاسىلى. ەگەر ۇيدە بولساڭىز ازداعان جاتتىعۋدان كەيىن دۋش قابىلداساڭىز دا جاقسى كومەكتەسەدى. ال كەڭسەدە بولىپ، جاتتىعۋ جاساۋعا مۇمكىندىك جوق دەسەڭىز، ساتىمەن بىرنەشە رەت جوعارى كوتەرىلىپ، تومەن ءتۇسىڭىز. مۇنى تۇسكى استان كەيىن ورىنداساڭىز دا بولادى. تاماق ىشكەننەن كەيىن بىردەن ۇيقىعا كەتكىسى كەلەتىن اعزاڭىزدى وتە جاقسى سەرگىتەدى.

  ۇيقىشىلدىقتان ارىلۋ ءۇشىن، سۋ ءىشىڭىز.

  نەگىزىندە سۋدان اسقان ەنەرگەتيك جوق. تاڭەرتەڭ بولمە تەمپەرتاتۋراسىنداعى ءبىر ستاقان سۋدى ءىشۋ ارقىلى اعزاداعى بارلىق پروتسەسس ىسكە قوسىلىپ، بەلسەندىلىك ويانادى. سوندىقتان ۇيقىڭىزدى اشا الماي تۇرساڭىز بىردەن وسى عاجايىپ سۇيىقتىقتى 200-400 مل مولشەردە الىڭىز. عالىمدار اعزادا سۋ بالانسى جاقسى ساقتالسا، مي دا جاقسىراق جۇمىس ىستەيتىنىن دالەلدەگەن. مۇنداي ناتيجە بەرۋگە ءتىپتى كوفەنىڭ دە كۇشى جەتپەيدى.

  كۇشىڭىز سارقىلۋىنا قارسى تۇرۋ ءۇشىن ءۇزىلىس جاساڭىز.

  كۇندەلىكتى قايتالانا بەرەتىن كۇن ءتارتىبى ميىمىزدى ۇيىقتاتىپ تاستايدى. ءبىر كۇندە ءبىتىرۋىڭىز كەرەك جۇمىستارىڭىز كوپ بوسلا دا، كۇندەلىكتى قايتالانا بەرگەن سوڭ ونى ميعا تۇسىندىرە المايسىز. دەمەك قىسقا ۋاقىتتىق ءۇزىلىس جاساۋ كەرەك. بويىڭىزداعى ەرىنشەكتىككە بولا كۇش-قۋاتىم تاۋسىلدى دەپ ءوز-ءوزىڭىزدى الداماڭىز.

  بولمەنى جەلدەتىڭىز نەمەسە تازا اۋاعا شىعىڭىز.

  قانعا وتتەگى كوپ مولشەردە كەلگەن كەزدە شارشاعان اعزانى سەرگىتەدى. ادام دەنەسى تەمپەراتۋرانىڭ كىشكەنە بولسا دا وزگەرىسىن تەز قابىلدايدى. ەگەر اۋا رايى ىستىق بولسا، كونديتسيونەردى قوسىپ، سالقىن تەمپەراتۋراعا قويۋعا بولادى. ال ەگەر تازا اۋا جۇتۋعا شىقساڭىز وعان ازداعان دەنە جاتتىعۋىن قوسىڭىز. بۇل دا ۇيقىمەن كۇرەسۋگە قوسىمشا قۇرال بولماق.

  نازارىڭىزدى باسقا نارسەگە اۋدارىڭىز.

  ەگەر كومپيۋتەرمەن جۇمىس ىستەيتىن بولساڭىز، جۇمىس ۇستەلىنەن تۇراتىن سەبەپ تابىڭىز. قاعاز اكەلۋ ءۇشىن كەلەسى بولىمگە بارۋعا بولادى نەمەسە ءبىر شىنى كوفە الىپ كەلىڭىز، ارىپتەستەرىڭىزگە دە دايىنداپ بەرسەڭىز قۋانىپ قالادى. ادەتتە ۇيقىسى كەپ وتىرعان ادامنىڭ بار ويى ىشكى الەمىندە بولادى دا، ويى جان-جاققا شاشىراپ، قاتەلىك جىبەرەدى.

  كوڭىلدى، ىرعاقتى اۋەن تىڭداڭىز.

  مۋزىكانىڭ الپاۋىت كۇشى بار. كوڭىل كۇىڭىزدى كوتەرىپ، ەستەلىكتەردى ەسكە تۇسىرەتىن اۋەندەر جيناعىن جاساپ، كۇندەلىكتى تىڭداۋدى ادەتكە اينالدىرىڭىز.

جاۋاپتى رەداكتور : ءاننا اكىمقان قىزى