6 - ايدىڭ سوڭىندا رايونىمىز شارۋالاردى تۇرعىن ءۇي حاۋىپسىزدىگىمەن جاپپاي قامتاماسىز ەتەدى

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 3 - ايدىڭ 8 - كۇنى ۇرىمجىدەن حابارلايدى. بىلتىر رايونىمىز كەدەي حالىقتىڭ قاتەرلى ۇيدە تۇرۋ تاريحىن ءبىر جولاتا اياقتاتقاننان كەيىن، بيىل رايونىمىز تاعى دا كەدەيلىكتەن ارىلتۋدان قامال الۋ بويىنشا تۇرعىن ءۇي حاۋىپسىزدىگىن قامتاماسىز ەتۋدىڭ مىندەتتەرىن، نىسانالارىن ۇزدىكسىز مىقتى ۇستاپ، اۋىل - قىستاقتاعى 75 مىڭ وتباسىنىڭ بەيقۇت ءۇي ينجەنەريا قۇرىلىسى مىندەتىنىڭ ورىندالۋىن بەلسەنە ىلگەرىلەتتى. 6 - ايدىڭ سوڭىنان بۇرىن، رايونىمىز وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردە، اسىرەسە، كەدەيلىك قالپاعى الىنباعان 10 اۋدانداعى اۋىل - قىستاق بەيقۇت ءۇي ينجەنەرياسى قۇرىلىسى مىندەتىنىڭ ورىندالۋىنا شىنايى كەپىلدىك ەتەدى، سونداي - اق ىلە قازاق اۆتونوميالى وبلىسىنداعى، سانجى حۇيزۋ اۆتونوميالى وبلىسىنداعى، تۇرپان قالاسىنداعى، ءۇرىمجى قالاسىنداعى ارحيۆ تۇرعىزىپ، كارتچكالاندىرىلماعان كەدەي وتباسىلارىنىڭ قاتەرلى ۇيلەرىن دەر كەزىندە جاڭالاپ سالىپ، تەكسەرىپ وتكىزىپ الىپ، بۇكىل رايونىمىزداعى شارۋالاردى تۇرعىن ءۇي حاۋىپسىزدىگىمەن جاپپاي قامتاماسىز ەتۋدى جۇزەگە اسىرادى.

  قازىر حوتان، قاشقار سياقتى جەرلەردە جىلدىق اۋىل - قىستاق بەيقۇت ءۇي ينجەنەريا قۇرىلىسى مىندەتىنىڭ جارىمىنا جۋىعى جۇمىس باستادى، اقسۋ، قىزىلسۋ قىرعىز اۆتونوميالى وبلىسى سياقتى جەرلەردىڭ قۇرىلىس ورنىن تاڭداۋ جانە جەردى تەگىستەۋ قىزمەتتەرى نەگىزىنەن ىستەلىپ بولدى، تاياۋ ارادا قۇرىلىس باستايدى، جەر - جەردىڭ قۇرىلىسقا دايىندالۋ، ماتەريال دايىنداۋ، شەبەرلەردى باۋلۋ، چەرتوج جوبالاۋ سياقتى دايىندىق قىزمەتتەرى بەلسەنە تارتىپپەن ورىستەتىلۋدە.

  بيىل رايونىمىز اۋىل - قىستاقتارداعى بەيقۇت ءۇي ينجەنەرياسىنىڭ اۋدان، اۋىل، قىستاق 3 دارەجەلى ساپا حاۋىپسىزدىگىن باقىلاۋ - باسقارۋ جۇيەسىن اناعۇرلىم كەمەلدەندىرىپ، ”جاپپاي قامتۋ، قاعىس قالدىرماۋ“ تالابى بويىنشا قۇرىلىستىڭ ساپا حاۋىپسىزدىگىن تۇتاس بارىستا باقىلاپ - باسقارىپ، قۇرىلىس ماتەريالدارىنىڭ ساپا وتكەلى، قۇرىلىس ورىندارىندا جۇمىس جۇرگىزۋ وتكەلى، سالىپ بولعاننان كەيىن، تەكسەرىپ وتكىزىپ الۋ وتكەلى سياقتىلاردى قاتاڭ يگەرىپ، قۇرىلىس ساپاسىنىڭ مۇلدە حاۋىپسىزدىگىنە شىنايى كەپىلدىك ەتەدى. جەر - جەردى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ تۇرعىن ءۇي حاۋىپسىزدىگىنىڭ ەلەكتروندى ينفورماتسيا ارحيۆىن ەستەلىككە الۋ قىزمەتىن ويداعىداي ىستەۋگە ۇيىمداستىرىپ، شارۋالاردىڭ ءۇي سالۋىنداعى ”ءبىر وتباسىنا ءبىر ارحيۆتىڭ“ قاعاز نۇسقاسىن اناعۇرلىم كەمەلدەندىرىپ، تۇرعىن ءۇي حاۋىپسىزدىگى ارحيۆتەرىن تەكسەرىپ دالەلدەۋگە، تەگىن تەكتەۋگە شىنايى كەپىلدىك ەتەدى.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قىستاق، قالاشىق قۇرىلىس باسقارماسىنىڭ باستىعى جاڭ شاۋ - ايدىڭ تانىستىرۋىنا قاراعاندا، رايونىمىز وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردەگى كەدەيلىك قالپاعى الىنباعان 10 اۋدانداعى تۇرعىن ءۇي حاۋىپسىزدىگىن قامتاماسىز ەتۋ قىزمەتىندە شايقاستى اشىق - اشكەرە باقىلاپ، نەگىزگى ساتىنىڭ ءىس جۇزىندىك ماسەلەلەردى شەشۋىنە كومەكتەسىپ، ءتۇيىندى مىندەتتەردىڭ تياناقتاندىرىلۋىن ىلگەرىلەتەدى ەكەن. سونىمەن قاتار بۇكىل رايونىمىزداعى ارحيۆ تۇرعىزىپ، كارتچكالاندىرىلعان كەدەي وتباسىلارى مەن وزگە قيىنشىلىعى بار شارۋالاردىڭ تۇرعىن ءۇي حاۋىپسىزدىگى جاعدايىنداعى شالاعايلىقتاردى تەكسەرىپ، كەمىستىكتەردى تولىقتاپ، ولقىلىقتاردى قايتالاي تولىقتىرىپ، ءالسىز تۇستاردى قايتالاي كۇشەيتىپ، ساڭلاۋلاردى بىتەپ، كەدەيلىكتەن ارىلتۋدان قامال الۋدا تۇرعىن ءۇي حاۋىپسىزدىگىن قامتاماسىز ەتۋ قىزمەتىنىڭ تابىسپەن اياقتاۋىنا شىنايى كەپىلدىك ەتەدى.

  2016 - جىلدان بەرى، رايونىمىز نازاردى اۋىر كەدەي وڭىرلەر مەن ەرەكشە قيىنشىلىعى بار بۇقاراعا شوعىرلاندىرىپ، كەدەيلىكتەن ارىلتۋدان قامال الۋداعى ”ەكىدەن تارىقتىرماۋ، ءۇشتى قامتاماسىز ەتۋ“ بويىنشا تۇرعىن ءۇي حاۋىپسىزدىگىن قامتاماسىز ەتۋ قىزمەت نىساناسىنا تىعىز بىرلەستىرىپ، اۋىل - قىستاق بەيقۇت ءۇي ينجەنەرياسىن زور كۇشپەن اتقارىپ، كەدەي حالىقتىڭ نەگىزگى تۇرعىن ءۇي حاۋىپسىزدىگىن كۇش سالا قامتاماسىز ەتتى. 2019 - جىلى اۋىل - قىستاقتاعى 210 مىڭنان استام وتباسىنىڭ بەيقۇت ءۇي ينجەنەرياسى قۇرىلىسى مىندەتىن اتقارىپ، سوڭىندا ارحيۆ تۇرعىزىلىپ، كارتچكالاندىرىلعان 9355 كەدەي وتباسىنىڭ بەيقۇت ءۇي ينجەنەرياسىن ورىنداپ، رايونىمىزداعى كەدەي حالىقتىڭ قاتەرلى ۇيدە تۇرۋ تاريحىن ءبىر جولاتا اياقتاتتى.

جاۋاپتى رەداكتور: ءاننا اكىمقان قىزى