اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ ىندەتتەن ساقتانۋ - تىزگىندەۋ ءبىرىنشى شەبىندە جانە ءارقايسى شەپتە شايقاس جاساپ جاتقان قالىڭ ايەل باۋىرلاستاردان شىنايى حال سۇرادى

”8 - ناۋرىز“ حالىقارالىق ەڭبەكشى ايەلدەر مەرەكەسى بايلانىسىمەن

شي جينپيڭ ىندەتتەن ساقتانۋ - تىزگىندەۋ ءبىرىنشى شەبىندە جانە ءارقايسى شەپتە شايقاس جاساپ جاتقان قالىڭ ايەل باۋىرلاستاردان شىنايى حال سۇرادى

بۇكىل ەلىمىزدەگى ءار ۇلت، ءار سالاداعى ايەل باۋىرلاستارعا مەرەكەلىك سالەم جولدادى

  شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى. ”8 - ناۋرىز“ حالىقارالىق ەڭبەكشى ايەلدەر مەرەكەسى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان ىندەتتەن ساقتانۋ - تىزگىندەۋ ءبىرىنشى شەبىندە جانە ءارقايسى شەپتە شايقاس جاساپ جاتقان قالىڭ ايەل باۋىرلاستاردان شىنايى حال سۇرادى، بۇكىل ەلىمىزدەگى ءار ۇلت، ءار سالاداعى ايەل باۋىرلاستارعا مەرەكەلىك سالەم جولدادى!

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، قالىڭ ايەل ەمدەۋ قىزمەتكەرلەرى العان بەتىنەن قايتپاي، كۇندىز - ءتۇنى شايقاس جۇرگىزىپ، ىندەتتەن ساقتانۋ - تىزگىندەۋ ءبىرىنشى شەبىنەن تاپجىلماي، اجالعا اراشاشى، جارالىعا مەدەت بولۋ، قايىرىمدى شيپاگەر بولۋ وسكەلەڭ رۋحىن ايگىلەدى. قالىڭ پارتيالى كادرلار، قوعام حاۋىپسىزدىگى حالىق ساقشىلارى، اۋرۋدان ساقتانۋ - تىزگىندەۋ قىزمەتكەرلەرى، الەۋمەتتىك اۋماق قىزمەتكەرلەرى، اقپارات قىزمەتكەرلەرى، ەرىكتىلەر سياقتىلار اراسىنداعى ايەل باۋىرلاستار مىندەتتەرىن ادالدىقپەن وتەپ، ەرلىكپەن سايىسىپ، قىرۋار جاپالى قىزمەتتەر ىستەپ، ءىس جۇزىندىك ارەكەتتەرى ارقىلى ىندەتتەن ساقتانۋ - تىزگىندەۋ كۇرەسىندە ەلەۋلى ۇلەس قوستى. كوپشىلىكتىڭ، ءسوزسىز، جەڭىسكە جەتۋ سەنىمىن بەكەمدەپ، اسقاق جىگەردى ساقتاپ، عىلمي ساقتانۋدى ويداعىداي ىستەپ، ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىن ءۇمىت ەتەمىن.

  شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر ىندەتتەن ساقتانۋ - تىزگىندەۋ ءبىرىنشى شەبىندەگى جانە ءارقايسى شەپتەگى ايەل باۋىرلاستارعا كوڭىل ءبولىپ، قامقورلىق جاساپ، ىندەتتەن ساقتانۋ - تىزگىندەۋ ءبىرىنشى شەبىندەگى ايەل تيپتىك ۇلگىلەردى بارىنشا ۇگىتتەپ، سان ميلليونداعان ايەلدەردى ىندەتتەن ساقتانۋ - تىزگىندەۋ حالىقتىق شايقاسىنا، جالپى تۇلعالىق شايقاسىنا، توسقاۋىل شايقاسىنا اقىل - پاراسات جانە كۇش قوسۋعا شابىتتاندىرۋ جانە ولارعا قولداۋ كورسەتۋ كەرەك.

جاۋاپتى رەداكتور : ءاننا اكىمقان قىزى