اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شينجياڭ ۋاڭيۋان توبى جىلۋعا اتاعان 3000 قوراپ تۇيە ءسۇتى شينجياڭنان حۋبەيعا كومەككە بارعان ەمدەۋ اترەتىنە بەرىلدى

  ءوز ءتىلشىمىز جۋ داندان حابارلايدى. 2-ايدىڭ 18-كۇنى، شينجياڭ ۋاڭيۋان بيولوگيالىق عىلىم-تەحنيكا توبى شەكتى سەرىكتەستىگى جىلۋعا اتاعان 3000 قوراپ ۋاڭيۋان مايلى تۇيە ٴسۇتى تالقانى ۋحانداعى ىندەتكە قارسى تۇرۋدىڭ ٴبىرىنشى شەبىندە شايقاس جاساپ جاتقان شينجياڭنان حۋبەيعا كومەككە بارعان 386 ەمدەۋ قىزمەتكەرىنە بەرىلدى.

  ۇعىسۋعا قاراعاندا، ۋاڭيۋان توبى 2-ايدىڭ 6-كۇنى ٴبىر ميلليون 50 مىڭ يۋاندىق قۇنعا يە 3000 قوراپ تۇيە ٴسۇتى تالعانىن جىلۋعا اتاپ ٴبىرىنشى شەپتە شايقاس جاساپ جاتقان ەمدەۋ قىزمەتكەرلەرىنىڭ تازا تۇيە ٴسۇتىن ٴىشۋ ارقىلى يممۋنيتەتتىك قۋاتىن ارتتىرىپ، جۇقپالى اۋرۋدى جەڭۋىنە دەم بەرۋدى ٴۇمىت ەتكەن.

  شينجياڭنان 1-توپتا حۋبەيگە كومەككە بارعان ەمدەۋ اترەتى ۋاقىتتىق پارتيا ياچەيكاسىنىڭ ۇگىت مۇشەسى حۋاڭ لياڭ بىلاي دەپ تانىستىردى: «ٴبىز بۇگىن 150 جاشىك 3000 قوراپ ۋاڭيۋان تۇيە ٴسۇتى تالقانىن تاپسىرىپ الىپ، 386 ەمدەۋ قىزمەتكەرىنە تاراتىپ بەردىك، مۇنداعى اق حالاتتى پەرىشتەلەردىڭ تۇيە ٴسۇتىن ٴىشۋ ارقىلى ىندەتكە قارسىلىق قۋاتىن جوعارىلاتۋىن ٴۇمىت ەتەمىز».

  «شينجياڭ كاسىپورىندارىنىڭ تارتۋ ەتكەن زاتتارىن تاپسىرىپ الدىق، ەرەكشە العىس ايتامىن، كەڭ- بايتاق شينجياڭداعى اۋىلداستاردىڭ ٴبىزدى قولداعاندىعىنا العىس ايتامىن، ٴدان ريزا بولدىق»،-دەدى حۋاڭ لياڭ.

  شينجياڭ ۋاڭيۋان بيولوگيالىق عىلىم-تەحنيكا توبىنىڭ ورىنباسار باس ديرەكتورى ليۋ شانشان بىلاي دەدى: «بۇگىن ۋاڭيۋاننىڭ تۇيە ٴسۇتى تالقانى ٴبىرىنشى شەپتە شايقاس جاساپ جاتقان اق حالاتتىلارعا جەتكىزىلدى، ءبىزدىڭ ۋاڭيۋان توبى وتانعا، ۋحانعا، ٴبىرىنشى شەپتەگى قىزمەتكەرلەرگە مەدەت بەرەدى، جەڭىستى حابارلارىڭىزدى كۇتەمىز».

  اۋدارعان: ءاننا اكىمقان قىزى

جاۋاپتى رەداكتور : ءاننا اكىمقان قىزى