ايماعىمىز جاڭا ٴتيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتكەرلەرىن قابىلدايدى

  ەرىكتى ءتىلشى حان شۋانرۋ، ۋاڭ شۋايچىن حابارلايدى.

  ءبىرىنشى، قابىلداۋ تالابى

  يدەيادا، ساياسيدا بەرىك، ۇلەس قوسۋ رۋحىنا يە بولۋ، الەۋمەتتىك يگىلىك ىستەرىنە ىنتالى، جاپا-ماشاقاتقا ٴتوزىمدى، ۇلەس قوسۋعا پەيىل، نەداۋىر كۇشتى قوعامدىق جاۋاپكەرشىلىك سەزىمى بولۋ، ۇيىمدىق تارتىپشەڭدىگى كۇشتى، ۇيىمنىڭ ورنالاستىرۋىنا بويسۇناتىن بولۋ كەرەك. ىندەتتەن ساقتانۋ- تىزگىندەۋ قىزمەتىنە ەرىكتى قاتىناساتىن بولۋ، ەمدەۋ - دەنساۋلىق ساقتاۋ قىزمەتىمەن شۇعىلدانعان ءارى بەلگىلى قىزمەت تاجىريبەسى بار بولۋ، ەمدەۋ - دەنساۋلىق ساقتاۋ كاسىبىن وقىعان بولۋ، دەنساۋلىق ساقتاۋ جانە پسيحولوگيالىق قىسىمدى ازايتۋ بىلىمدەرىن ۇيرەنگەن بولۋ، دەنساۋلىعى جاقسى بولۋ، كۇندەلىكتى ىندەتتەن ساقتانۋ- تىزگىندەۋ مىندەتىن اتقارا الاتىن بولۋ. ٴبىر ايدان بەرى قىزۋ ورلەۋ سەكىلدى اۋرۋ بەلگىسى بايقالماعان بولۋ، ەكى اپتادان بەرى حۋبي، ۋحان قاتارلى ىندەت تاراعان رايوندارعا بارماعان، ايالداماعان بولۋ كەرەك.

  قابىلدايتىن قىزمەت تۇرى:

  كاسىپتىك ەمدەۋ قىزمەتكەرلەرى: سايكەستى ەمدەۋ تاجىريبەسى جانە ٴبىر جاقتى ەتۋ قابىلەتى بولۋ كەرەك، شيپاحانالاردىڭ، جۇقپالى اۋرۋدان ساقتانۋ- تىزگىندەۋ قۇرىلىمدارىنىڭ جانە شوعىرلى اۋاشالاۋ تۇيىندەرىندەگى ەمدەۋ قىزمەتكەرلەرىنىڭ ەمدەۋ، قىزمەت وتەۋ جانە ساقتانۋ، تىزگىندەۋ قىزمەتىن ورىستەتۋىنە سەلبەسەدى.

  حالىققا قولايلى قىزمەت وتەۋشىلەر: ساقشى بولىمشەسى، قىستاق (الەۋمەتتىك اۋماق) قىزمەتكەرلەرىنە سەلبەسىپ، تىزىمدەۋ، اداقتاۋ، ۇگىتتەۋ سياقتى قىزمەتتەردى ورىستەتىپ، قاتىستى قىزمەتكەرلەردىڭ ماسكى سياقتى قورعانۋ بۇيىمدارىن تاراتۋ سياقتى قىزمەتتەرىنە كومەكتەسەدى.

  ءتارتىپ ساقتاۋشى قىزمەتكەرلەر:

  پويەز بەكەتى، شيپاحانا، اۋاشالاۋ ورنى سياقتى ادامدار ٴجيى ورنالاسقان ورىنداردا جەتەكشىلىك ەتۋ قىزمەتىن ورىستەتەدى، وسى ورىنداردىڭ تارتىبىن قورعاۋىنا جەتەكشىلىك ەتەدى، دەنە تەمپەراتۋراسىن ولشەۋ، وڭاشالاپ باقىلاۋ سياقتى قىزمەتتەردى ورىستەتۋگە كومەكتەسەدى.

  قىزمەتكە شىعۋدان بۇرىن دەنساۋلىق ساقتاۋ، سالاماتتىق كوميتەتى جۇقپالى اۋرۋدان ساقتانۋ- تىزگىندەۋ، شيپاحانا سەكىلدى ورىنداردى ۇيىمداستىرىپ قىزمەتكە شىعۋدان بۇرىنعى جاڭا ٴتيپتى ايدارشا ۆيرۋس وكپە قابىنۋ ىندەتىنەن ساقتانۋ- تىزگىندەۋ جوباسىن، دياگنوز قويىپ ەمدەۋ جوباسىن جاساۋ بىلىمدەرىن، دياگنوزى تۇراقتانعان، كۇدىكتى ناۋقاستاردى جانە جاناسۋشىلاردى العاشقى ادىمدا پارىقتاۋ جانە ولاردى باسقارۋ تالابىن ۇيرەتەدى؛ قاتىناس قۇرالدارىن، اسحانا، ساۋدا سارايى، ەرەن بازار، كەڭسە سياقتى الەۋمەتتىك ورىنداردى ديزەنفەكسيالاۋ، اۋا الماستىرۋ شارالارىن، دەنە تەمپەراتۋراسىن ولشەۋ جانە كۇماندى ادامداردى تەكسەرۋ سياقتىلاردى نەگىزگى مازمۇن ەتكەن بىلىمدەردى ۇيرەتەدى.

  قابىلدانعان قىزمەتكەلەر تولىمدى بولعاننان كەيىن تولىمدىلىق كۋالىگى بەرىلەدى

  بايلانىس جاساۋشى:

  ايماقتىق دەنساۋلىق ساقتاۋ سالاماتتىق كوميتەتى ەمدەۋ اكىمشىلىگى، ەمدەۋ ىستەرىن باسقارۋ ٴبولىمى: لياڭ چۇنمەي

  15543275935

  ايماقتىق قازىنا مەكەمەسى قوعامدىق قامسىزداندىرۋ ءبولىمى: يۇي شۋەجى

  18690611212

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى