تىزە قوسا سەلبەسىپ، ىندەتكە قارسى شايقاستىڭ جەڭىسىنە قول جەتكىزەيىك

  ەرىكتى ءتىلشى جين بيڭ حابارلايدى. ىندەتتى تەجەۋ ٴۇشىن، ءاربىر ادام ىندەتتەن ساقتانۋ- تىزگىندەۋ قىزمەتىنە كۇش شىعارىپ، مەيىر-شاپاعات كورسەتۋدە، كوپشىلىك رياسىز ۇلەس قوسىپ ىندەتتى جەڭۋدىڭ قۇدىرەتتى كۇشىن قالىپتاستىردى.

  قابا اۋدانىندا ىزگى نيەتتى جاندار الدىڭعى شەپتەگى قىزمەتكەرلەرگە تورە تاباق تاۋىق ەتىن اپارىپ بەردى

  2 ـ ايدىڭ 11 ـ كۇنى تاڭەرتەڭ، قابا اۋدانىنداعى زىجين قوناق سارايىنىڭ اسپازدارى تاۋىق قۋىرماشىن دايىنداۋمەن ابىگەر بولدى. قىزمەتكەرلەر 20 تاباق تاۋىق ەتىن الەۋمەتتىك اۋماق قىزمەتكەرلەرىنە اپارىپ بەرىپ، ىندەتتەن ساقتانۋ- تىزگىندەۋدىڭ ٴبىرىنشى شەبىندەگى قىزمەتكەرلەردىڭ قىزمەتىنە قولداۋ كورسەتتى.

  «ىزگى نيەتتى جانداردىڭ پەيىلىنە ٴدان ريزا بولدىق، جۇرتتىڭ بارى ۇناتىپ جەدى. سونىمەن بىرگە، ىندەتتەن ساقتانۋ- تىزگىندەۋدىڭ ٴبىرىنشى شەبىندەگى قىزمەتكەرلەرىمىزدىڭ جىگەرىن تاسقىنداتتى، ىندەتتەن ساقتانۋ- تىزگىندەۋ قىزمەتىن تىڭعىلىقتى ىستەپ، قيىنشىلىقتاردى بىرگە جەڭەمىز» ،-دەدى شىعىس جيانيە جولى الەۋمەتتىك اۋماعىنىڭ قىزمەتكەرلەرى.

  بۋىرشىن اۋدانىندا پارتيا مۇشەلەرى مەن بۇقارا بەلسەنە جىلۋ اتادى

  ەرىكتى ءتىلشى ماۋ يۋنحۋا، لۇي شىيۋان حابارلايدى. بۋىرشىن اۋدانى شۇڭقىرقالاشىعى بۇلاناي قىستاعىنىڭ ىندەتتەن ساقتانۋ- تىزگىندەۋ شاعىن اترەتى قالىڭ پارتيا مۇشەلەرىن، بۇقارانى جىلۋ اتاپ، ىندەتتەن ساقتانۋ- تىزگىندەۋ قىزمەتىنە قولداۋ كورسەتۋگە جۇمىلدىردى. قازىر بۇلاناي قىستاعى ٴار جاقتىڭ اتاعان 40 مىڭ يۋاننان استام جىلۋ اقشاسىن قابىلدادى.

  « ىندەتتەن ساقتانۋ شاعىن بولىمشە اترەتىمىزدە قىزمەتكەر كوپ بولماعانىمەن، پارتيا مۇشەسى رەتىندە، ىندەتتەن ساقتانۋ- تىزگىندەۋ بارىسىندا، اتويلاپ الدا ٴجۇرىپ، بۇقارانىڭ دەنساۋلىعىن ٴبىرىنشى ورىنعا قويىپ، ٴىس جۇزىندىك ارەكەتىمىز ارقىلى ٴار ۇلت بۇقاراسىنىڭ حاۋىپسىزدىگىنە شىنايى كەپىلدىك ەتەمىز» ،-دەدى قىستاق پارتيا ياچەيكاسىنىڭ شۋجيى مادەتقان سايپوللا ۇلى.

  جەمەنەي اۋداندىق ورتالاۋ مەكتەپتىڭ وقىتۋشى-وقۋشىلارى مەيىر باعىشتاپ، ۋحانعا دەم بەردى

  جەمەنەي اۋداندىق ورتالاۋ مەكتەپتىڭ مىڭعا جۋىق وقىتۋشى - وقۋشىسى ۋحانعا جىلۋ اتاپ، مەيىر باعىشتادى. 2-ايدىڭ 10-كۇنىنە دەيىن 22 مىڭ 147 يۋان جىلۋ اتادى .

  وقۋشى دينارا بىلاي دەدى: ۋحانعا، وتانعا مەدەت بەردىم! پيونەرلەر مەن كوممۋنيستىك جاستار وداعىنىڭ مۇشەلەرى قىسقا كەسكىن ٴتۇسىرۋ ارقىلى ىندەتتىڭ الدىن الۋ بىلىمدەرىن ۇگىتتەپ، ٴبىرىنشى شەپتەگى قىزمەتكەرلەردى جىگەرلەندىردى.

  شىڭگىل اۋدانىنداعى كەدەيلىكتەن قۇتىلعان 500 بۇقارا ىندەتتەن ساقتانۋعا دەم بەردى

  ەرىكتى ءتىلشى جازيرا، جاڭ گاۋفىڭ حابارلايدى. 2-ايدىڭ 10-كۇنى شىڭگىل اۋدانى اقدالا قالاشىعى شينمۋ الەۋمەتتىك اۋماعى پارتيا ياچەيكاسىنىڭ شۋجيىنىڭ ۋيچاتىنا مىناداي حابار كەلدى: اجار شۋجي، سالەمەتسىزبە! بۇل ٴبىزدىڭ الەۋمەتتىك اۋماق تۇرعىندارىنىڭ اتاعان جىلۋى، كوپشىلىك اتىنان سىزگە تاپسىرىپ بەردىم، ٴبىزدىڭ اتىمىزدان ۇكىمەتكە تاپسىرىپ بەرسەڭىز، مەملەكەتكە قوسقان ازدا بولسا ۇلەسىمىز. بۇل الەۋمەتتىك اۋماق تۇرعىنى ايىپقان كەنجەنىڭ جولداعان حاتى.

  تاياۋدان بەرى شىڭگىل اۋدانىنىڭ اقدالا قالاشىعىنداعى 500 دەن استام تۇرعىننىڭ الەۋمەتتىك اۋماق ارقىلى ىندەت تارالعان رايونعا جولداعان زاتى مەن اقشاسىنىڭ قۇنى 60 مىڭ يۋانعا جەتتى.

  «بۇرىن وتباسىمىز كەدەي بولاتىن، ەڭ قيىن كەزدە پارتيا مەن ۇكىمەت ساياسات، تەحنيكا جاعىنان قولداپ، كەدەيلىكتەن قۇتىلىپ، اۋقاتتانۋىمىزعا كومەكتەستى. مەملەكەت قينشىلىققا ۇشىراعاندا ٴتيستى ۇلەس قوستىم»،-دەدى عالىم جۇمابەك ۇلى.

  التاي ايماقتىق ينتەرنەت-اقپارات ورتالىعىنىڭ جيناق حابارى

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى