اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قاقاعان ايازدا قىزمەت ورىندارىنان تاپجىلمادى

قاقاعان ايازدا قىزمەت ورىندارىنان تاپجىلمادى

ءوز تىلشىلەرىمىز جۋ داندان، گان يلين، قۇرمانگۇل جەڭىسبەك قىزى حابارلايدى.  2-ايدىڭ 12-كۇنى  قار جاۋعاننان كەيىنگى التايدا اۋا تەمپەراتۋراسى نولدەن تومەن 25 سەلتسي گرادۋسقا تومەندەدى، تاڭەرتەڭ ساعات 8 دە، التايداعى ءار دارەجەلى ورگان كادرلارى  ٴارقايسى شاعىن رايوننىڭ ەسىك الدىندا تۇرىپ، نەگىزگى ساتىداعى ىندەتتەن ساقتانۋ- تىزگىندەۋ  كۇشىن تولىقتادى.

كادرلار تۇرعىندار شاعىن رايونىنداعى حاۋىپسىزدىك تورىن بەكەمدەدى

    2-ايدىڭ 12-كۇنى  كۇن ءالى شىقپاعان مەزگىل، التاي قالالىق حالىق سوتى مەكەمەسىنىڭ كادرى ريزا ءماديقان قىزى جەكەلىك قورعانۋ شاراسىن تىڭعىلىقتى اتقارعاننان كەيىن التاي قالاسى مادەنيەت جولى 9 - كوشەسى 60 -، 61 - ٴنومىرلى عيماراتىنىڭ الدىنا كەلىپ، كىرىپ-شىعۋشىلاردى قاتاڭ باقىلادى. نولدەن تومەن 25 سەلتسي گرادۋستىق سۋىقتا ريزا الەۋمەتتىك اۋماقتىڭ قاقپاسىندا توقتاۋسىز ارەكەت جاساۋ ارقىلى بويىن جىلىتتى.

  تۇستەن بۇرىن ساعات 9 دان 40 مينۋت وتكەندە،شاعىن رايوننان شىعىپ قىزمەتىنە بارماقشى بولعان لي مىرزا  كادرلاردىڭ قىزمەتىن القادى. «شاعىن رايون ىندەتتەن ساقتانۋ- تىزگىندەۋدىڭ ەڭ سوڭعى قورعانىس شەبى، باسقارۋ بەلگىلەمەسىنە بويسۇنۋ، وزىنە دە  باسقالارعا دا جاۋاپتى بولۋ دەگەندىك. كادرلاردىڭ ەڭبەگىنە راحىمەت ايتامىز». ىندەتتەن ساقتانۋ- تىزگىندەۋ قىزمەتى ورىستەتىلگەننەن بەرى، شاعىن رايوندى باسقارۋ قىزمەتى كۇشەيتىلىپ، تۇرعىنداردىڭ سىرتقا شىعۋىنا قاتاڭ تيىم سالىندى، سىرتتان كەلگەندەردىڭ الەۋمەتتىك اۋماققا كىرۋىنە مۇلدە جول قويىلمادى، قىزمەت قاجەتى ٴۇشىن سىرتقا شىققان  تۇرعىندار ٴسوزسىز دەنە تەمپەراتۋراسىن ولشەتىپ، تىزىمگە الدىرۋى كەرەك.

    ريزا ماديقان قىزى تىلشىگە بىلاي دەدى: ٴبىز ٴبىرىنشى شەپكە بارعاننان كەيىن، دەرەۋ ٴوزىمىز تۇرعان الەۋمەتتىك اۋماقتىڭ جاۋاپتىلارىمەن بايلانىس جاساپ، شاعىن اۋماقتىڭ كەزەكشىلىك بولىمشە اترەتىن قۇردىق. ٴبىر جاعىنان، الەۋمەتتىك اۋماق قىزمەتكەرلەرىنە سايكەسىپ، شاعىن اۋماقتاعى ىندەتتىڭ الدىن الۋ، تىزگىندەۋ قىزمەتىن ويداعىداي ىستەدىك، ەندى ٴبىر جاعىنان، شاعىن اۋماقتاعى تۇرعىنداردىڭ كۇندەلىكتى تۇرمىسىن قامتاماسىز ەتتىك.  2-ايدىڭ 12-كۇنى تۇستەن كەيىن ساعات 14 كە دەيىن، ءتىلشى شاعىن رايوننىڭ 60-، 61-ءنومىرلى عيماراتىنان شىعىپ-كىرگەندەردى تىزىمگە الۋ  كەستەسىنەن تەك 5 تۇرعىننىڭ شىققانىن،  ونىڭ ۇستىنە بەسەۋىنىڭ دە  قىزمەت كۋالىگى ارقىلى قىزمەت ورنىنا بارىپ قىزمەت ىستەۋ قاجەتىمەن شىققاندىعىن كوردى، بىردە -ءبىر ادام الباتى سىرتقا شىقپاعان.

  «شاعىن اۋماقتا مىندەت اتقارعان بىر كادر ءبىر جاۋىنگەر گرۋپپا سانالادى، بۇقارانىڭ دەنساۋلىعى مەن حاۋىپسىزدىگىنە كەپىلدىك ەتىلسە بولعانى توڭعانىمىز ەشتەڭە ەتپەيدى. ٴبىز ٴوز جاۋاپكەرشىلىگىمىزدى ويداعىداي ادا ەتىپ، قورعانىس شەبىن بارىنشا بەكەمدەۋىمىز كەرەك،-دەدى    ريزا ماديقان قىزى.

الەۋمەتتىك اۋماق قىزمەتكەرلەرى ىندەتتەن ساقتانۋ-تىزگىندەۋدىڭ ٴبىرىنشى شەبىندە تاباندى بولدى

ٴبىر  تىزىمدەۋ داپتەرى، ٴبىر جۇپ ٴبىر رەت پايدالاناتىن قولعاپ،  شيپاگەرلىكتە ٴبىر رەت ىستەتىلەتىن ماسكى بۇل الەۋمەتتىك اۋماق قىزمەتكەرلەرىنىڭ الىپ جۇرەتىن جابدىقتارى، ىندەتتەن ساقتانۋ- تىزگىندەۋ مەزگىلىندە، الەۋمەتتىك اۋماق قىزمەتكەرلەرى نەگىزگى ساتى قورعانىس شەبىنىڭ ەڭ الدىڭعى لەگىندە ٴجۇردى .

 2-ايدىڭ 12-كۇنى  تاڭەرتەڭ ساعات 8 دە اۋا تەمپەراتۋراسى نولدەن تومەن  25 سەلتسي گرادۋسقا تومەندەدى. بۋرىلتوعاي اۋدانى شىعىس قالا رايونى الەۋمەتتىك اۋماعىنىڭ كادرى جارقىن قۇرمانبەك ۇلى اۋدانعا توتە قاراستى تاراۋلاردىڭ تومەنگە تۇسكەن كادرلارىمەن بىرگە حۋايۇن شاعىن رايونىنىڭ ەسىك الدىندا ءبىر كۇندىك كەزەكشىلىك قىزمەتىن باستادى.     كىرىپ- شىققانداردى   تىزىمدىكپەن سالىستىرىپ تەكسەردى، سونداي-اق تۇرعىنداردىڭ دەنە تەمپەراتۋراسىن قاتاڭ تەكسەردى،  تىزىمگە الىپ، سىرت ادامداردىڭ كىرۋىنە قاتاڭ تيىم سالدى.

  «اتاي، سالەمەتسىزبە! ىندەتتەن ساقتانۋ- تىزگىندەۋ كەزىندە تۇرعىنداردىڭ قالاعانىنشا  كىرىپ-شىعۋىنا جول بەرمەيمىز، ەگەر تۇرمىستىق بۇيىمدار مەن ٴدارى - دارمەك سياقتى بۇيىمدار قاجەت بولسا، الەۋمەتتىك اۋماق كادرلارى كومەكتەسىپ ساتىپ اكەلىپ بەرەدى». جارقىن شاعىن رايوننان شىقپاقشى بولعان ٴبىر اتايعا جاعدايدى  تاپتەشتەپ تۇسىندىردى.   كەزەكشى كادرلار كىرىپ-شىققان ادامدارمەن  كولىكتەردى تەكسەرىپ قانا قويماي،  ٴاربىر بۇقاراعا وسى رەتكى ىندەتتەن ساقتانۋ- تىزگىندەۋ قىزمەتىنىڭ  ماڭىزدىلىعىن باسا دارىپتەپ، كوپشىلىكتى جۇرىس-تۇرىستى ازايتۋعا ٴناسيحاتتاپ،  ماسكى تاعۋدى، قول جۋۋدى، اۋا الماستىرۋدى، ديزەنفەكسيالاۋدى قاداعالاي تاپسىردى.

  سونىمەن بىرگە، الەۋمەتتىك اۋماق قىزمەتكەرلەرى «جەتكىزىپ بەرۋشى» قىزمەتىن اتقاردى.  ىندەتتەن ساقتانۋ جانە ونى ەمدەۋ قىزمەتىنىڭ قاجەتىنە بايلانىستى، الەۋمەتتىك اۋماق تۇرعىندارىنىڭ تۇرمىستىق بۇيىمداردى ساتىپ الۋى الەۋمەتتىك اۋماق قىزمەتكەرلەرىنە جۇكتەلدى.  ولار تۇرعىندارمەن ۋيچات ارقىلى بايلانىس جاساعاننان كەيىن،  تۇرعىنداردىڭ سۇرانىسى بويىنشا قاتىستى تۇرمىستىق بۇيىمداردى ساتىپ الىپ، ەسىك الدىنا دەيىن جەتكىزەدى، قىزمەتكەرلەر كەتكەننەن كەيىن تۇرعىندار ەسىك اشىپ  زاتتاردى كىرگىزىپ الادى .

 «بۇل ۇيدە جاسى ۇلعايعان ادام بار،  جۇرىپ- تۇرۋى قولايسىز،    ول كىسى ۋيچاتتا قاجەتتى نارسەسىن ايتقاننان كەيىن تىزگىن ۇشىمەن بارىپ كەرەكتى زاتتاردى   ساتىپ الىپ كەلدىم»،-دەدى  الەۋمەتتىك اۋماق قىزمەتكەرى قولىنداعى زات سالىنعان قالتانى كورسەتىپ.

اۋدارعان: قىمبات قۇنتاي قىزى

  

جاۋاپتى رەداكتور : ءاننا اكىمقان قىزى