ىندەتتەن ساقتانۋ- تىزگىندەۋدىڭ الدىڭعى شەبىندەگى جان تەبىرەنتەتىن بەينەلەر

  التاي قالاسى ىندەتتىڭ الدىن الۋ شايقاسىنداعى الەۋمەتتىك اۋماقتىڭ ٴبىرىنشى شۋجيى

  «بۇگىن تۇستەن بۇرىن بارلىق ەرىكتىلەر، ٴسوز جوق، تولىق كەلۋى كەرەك، ٴاربىر شاعىن رايوننىڭ قاقپاسىن جاقسى كۇزەتۋى كەرەك، الەۋمەتتىك اۋماقتىڭ كادرلارى مەن ەرىكتىلەر تۇرعىنداردىڭ ارتقى شەپ قامداۋىن ويداعىداي ىستەۋلەرى كەرەك». 2-ايدىڭ 9 ـ كۇنى ءتىلشى الەۋمەتتىك اۋماقتىڭ قاقپاسىنا ەندى عانا كىرگەندە، سول كۇنگى قىزمەتتى ورنالاستىرىپ جاتقان الەۋمەتتىك اۋماقتىڭ ٴبىرىنشى شۋجيىنىڭ داۋىسىن ەستىدى. ونىڭ اتى حى يىڭ، التاي قالاسى التىنتاۋ سولتۇستىك جولى الەۋمەتتىك اۋماعىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى ٴارى ٴبىرىنشى شۋجيى، الەۋمەتتىك اۋماق كادرلارى ونى شىن ىقىلاسپەن حى اپەكە دەپ اتايدى.

  جاڭا ءٴتيپتى ايدارشا ۆيرۋس وكپە قابىنۋ ىندەتىنەن ساقتانۋ- تىزگىندۋدىڭ توسقاۋىل شايقاسى باستالعاننان بەرى، الەۋمەتتىك اۋماقتاعى كادرلار باستان-اياق ٴبىرىنشى شەپتە جۇردى. ٴبىرىنشى شۋجي حى يىڭ ەڭ الدىمەن اتويلاپ الدا ٴجۇرىپ، الەۋمەتتىك اۋماق كادرلارىن باستاپ كوكتەم مەرەكەسىنىڭ ٴبىرىنشى كۇنىنەن باستاپ قاربالاستىققا ٴتۇستى. جارىم ايدان استام ۋاقىتتان بەرى ول ء بىر كۇن دەمالمادى . بالاسى شكى ولكەدەگى جوعارى مەكتەپتەن دەمالىسقا تاراعاننان كەيىن اۋاشالاندى، كۇندىز حى يىڭنىڭ بالاسىنا تەلەفون سوعىپ، ٴۇنحات جولدايتىن ۋاقىتى بولمادى، الەۋمەتتىك اۋماقتاعى كادرلاردىڭ بارلىعى قىزمەتتەن تۇسكەننەن كەيىن عانا ول قول تەلەفونىمەن قىزىمەن كەسكىن ارقىلى سويلەستى.

  «ىندەتتەن ساقتانۋ- تىزگىندەۋ مەزگىلىندە قاتەلىك جىبەرۋگە بولمايدى. ٴبىز ٴاربىر ۇساق تۇيىنگە دەيىن ويداعىداي كوڭىل ٴبولىپ، تۇرعىنداردىڭ كوڭىل كۇيىن ورنىقتىرىپ، ارتقى شەپ قىزمەتىن ويداعىداي ىستەۋىمىز كەرەك، بۇل الەۋمەتتىك اۋماق كادرلارىنىڭ ىندەتتەن ساقتانۋ- تىزگىندەۋ ٴۇشىن قوسقان ەڭ زور ۇلەسى بولىپ تابىلادى»،-دەدى حى يىڭ.

  بۋىرشىن اۋدانى بۇقاراعا قىزمەت وتەۋدىڭ «ەڭ سوڭعى ٴبىر شاقىرىمىن» تۇتاستىردى

  جاڭا ءٴتيپتى ايدارشا ۆيرۋس وكپە قابىنۋ ىندەتىنەن ساقتانۋ- تىزگىندەۋ قىزمەتى ورىستەتىلگەننەن بەرى بۋىرشىن اۋدانى قوستىق قالاشىعى جەدەل ارەكەتتەنىپ، پارتيالى كادرلاردى اتتانىسقا كەلتىرىپ، «ات ٴجالىنداعى ۇگىتتەۋ، قىزمەت وتەۋ اترەتى»، «راديو كەرنايى ارقىلى ۇگىتتەۋ» سياقتى فورمالار ارقىلى ۇگىت قىزمەتىن تىڭعىلىقتى ورىستەتىپ، ىندەتتەن ساقتانۋ-تىزگىندەۋدىڭ توسقاۋىل شايقاسىنىڭ جەڭىسىنە قول جەتكىزۋگە كۇش سالدى.

  قوستىق قالاشىعى سارىقوم قىستاعىنداعى ٴبىر ٴبولىم قىستاق تۇرعىندارى بىتىراي قونىستانعان، شەتكەرى- شالعاي ورنالاسقاندىقتان ،«ات ٴجالىنداعى ۇگىتتەۋ، قىزمەت وتەۋ اترەتى» قاقاعان ايازعا قاراماي ۇگىت قىزمەتىن تىڭعىلىقتى ورىستەتتى، اترەت مۇشەلەرى ىڭعايلى راديو كەرنايى ارقىلى قىستاق تۇرعىندارىنا ىندەتتى تىزگىندەۋ بىلىمدەرىن ۇگىتتەپ، پارتيانىڭ قامقورلىعىن قىستاق تۇرعىندارىنىڭ جۇرەگىنە جەتكىزدى.

  قابا اۋدانى ۇيدە وتىرعان بۇقاراعا ويداعىداي قىزمەت وتەدى

  ىندەتتەن ساقتانۋ- تىزگىندەۋ قىزمەتىن ويداعىداي جۇرگىزۋ، ادامداردىڭ اعىلۋىن ازايتۋ ٴۇشىن، قابا اۋدانى بۇقاراعا ويداعىداي قىزمەت وتەپ، ٴار ۇلت بۇقاراسىنىڭ ۇيىنەن شىقپاي ـ اق تۇرمىس بۇيىمدارىن ساتىپ الۋىنا كەپىلدىك ەتتى. قازىر 3 ينتەرنەتتەن زات ساتىپ الۋ تەكشەسى 50 ساۋدا دۇكەنىن قامتىدى، 1167 تاپسىرىس قابىلدادى، ساۋدا دۇكەندەرىمەن سايكەسىپ، بۇرىنعى تەكشەنىڭ %15 تىك ساۋدا اقىسىن %10 كە تومەندەتتى، زات جەتكىزۋشىنىڭ ەڭبەكاقىسى قوسىلدى، 4 ەرەن بازارى جەلىدە جيىنى 744 تاپسىرىس قابىلدادى. بەلگىلەنگەن اۋداندىق قوناق ٴۇي سياقتى ورىندار اس ـ سۋ جونىندە تاپسرىس قابىلداپ، اس- تاعام جەتكىزىپ بەردى، جيىنى 600 تاپسىرىس قابىلدادى.

  كەلۋ قاينارى: قابا اۋداندىق ارالىقسىز ءۇنحات تەكشەسى

  جەمەنەي اۋدانى اماندىقتى قامتاماسىز ەتىپ، ىندەتتەن ساقتانۋ قىزمەتىن تىڭعىلىقتى ورىستەتتى

  بىرنەشە كۇننەن بەرى جەمەنەي اۋداندىق قوعام حاۋىپسىزدىگى مەكەمەسى قالاشىق ساقشى بولىمشەسىندەگى حالىق ساقشىلارى(كومەكشى ساقشىلار) ىندەتكە قارسى تۇرۋدىڭ الدىڭعى شەبىندە شايقاس جاساپ، 24 ساعات قىزمەت ورنىنان تاپجىلمادى. سۋىققا قاراماي بۇقارانىڭ اماندىعىن قورعاپ، ٴىس جۇزىندىك ارەكەتتەرى ارقىلى جاۋاپكەرشىلىك ارقالاپ، ادال نيەتپەن بۇقارانىڭ اماندىعىن قورعادى.

  كەلۋ قاينارى: جەمەنەي اۋداندىق ارالىقسىز ءۇنحات تەكشەسى

  بۋرىلتوعاي اۋدانىندا قىزمەتكەرلەر قىزمەت ورنىنان تاپجىلماي، تۇرعىندارعا قىزمەت وتەدى

  جاڭا ءٴتيپتى ايدارشا ۆيرۋس وكپە قابىنۋ ىندەتىنەن ساقتانۋ- تىزگىندەۋ قىزمەتىن ورىستەتكەننەن بەرى، بۋرىلتوعاي اۋدانىنداعى قالىڭ پارتيالى كادرلار ىندەتتەن ساقتانۋ- تىزگىندەۋ قىزمەتىنىڭ ءبىرىنشى شەبىندە باستان - اياق تاباندى بولىپ، ءار ۇلت بۇقاراسىنا ىقلاستى قىزمەت وتەدى.

  الەۋمەتتىك اۋماق نەگىزگى ساتىنىڭ ٴبىرىنشى شەبى، ىندەتتەن ساقتانۋ- تىزگىندەۋ قىزمەتىنىڭ ماڭىزدى شەبى، وركەنيەتتى جەتەكشىلىك ەتۋ، زات ساتىپ الۋ، حالىققا قولايلى قىزمەت وتەۋ سياقتىلار الەۋمەتتىك اۋماق كادرلارىنىڭ كۇندەلىكتى قىزمەتىنە اينالدى. بۋرىلتوعاي قالاشىعى حالىق جولى الەۋمەتتىك اۋماعىنىڭ كادرى ليۋ شياۋپيڭ 10 نەشە كۇننەن بەرى 10 كاسىپتەسىمەن بىرگە قىزمەت ورنىندا تاپجىلماي، ىندەتتەن ساقتانۋ- تىزگىندەۋ قىزمەتىنىڭ تالابى بويىنشا، ٴار كۇنى تەلەفون، ٴۇنحات، كەسكىن سياقتى تاسىلدەر ارقىلى تۇرعىنداردىڭ سۇراعىنا جاۋاپ قايتارىپ، ىندەتتەن ساقتانۋ بىلىمدەرىن ۇگىتتەدى، دەنە تەمپەراتۋراسىن تەكسەرىپ، تۇرعىنداردىڭ ٴتۇرلى ىستەردى پىتىرۋىنە كومەكتەسىپ، شىن نيەتپەن تۇرعىنداردىڭ قامىن ويلاپ، تۇرعىنداردىڭ جاقسى قولعاناتى جانە سىرلاس ادامىنا اينالدى .

  كەلۋ قاينارى: بۋرىلتوعاي اۋداندىق ارالىقسىز ءۇنحات تەكشەسى

  كوكتوعاي اۋدانى حالىق ءۇشىن قىزمەت ىستەپ، پارتيا تۋىن ارلەندىردى

  بىرنەشە كۇننەن بەرى كوكتوعاي اۋداندىق تۇرعىن ء ۇي جانە قالا - اۋىل قۇرىلىسى مەكەمەسىنىڭ قۋەرتىس قالاشىعى ەرتىس قىستاعىندا تۇراتىن قىزمەت اترەتى قىستاق كادرلارىمەن بىرلەسىپ، «ىندەتتىڭ الدىن الۋ شاعىن اترەتىن» ۇيىمداستىرىپ، تەلەفوندا جاعداي ۇعىسۋ، قىستاقتارعا «ۇلكەن راديو كەرنايى» ارقىلى ۇگىتتەۋ سياقتى تاسىلدەر ارقىلى ىندەتتەن ساقتانۋ- تىزگىندەۋ بىلىمدەرىن ۇگىتتەدى. قىستاق تۇرعىندارىنا زارارسىزداندىرۋ سۇيىقتىعى، تەرمومەتر، ماسكى سياقتى قورعانۋ بۇيىمدارىن تەگىن تاراتتى. قىزىلشىلىك اۋىلى «مال شارۋاشىلىق رايونىنداعى ۋاقىتتىق پارتيا ياچەيكاسىن» قۇرىپ، مال شارۋاشىلىق رايوندارىنا بارىپ، بۇقارانىڭ دەنە تەمپەراتۋراسىن ولشەۋ جانە حايۋاناتتاردا بولاتىن جۇقپالى اۋرۋلاردان ساقتانۋ قىزمەتىن ورىستەتىپ، ىندەتتەن ساقتانۋ- تىزگىندەۋ ينفورماتسياسىن ۇگىتتەپ، ەگىنشى، مالشىلاردىڭ ساقتانۋ تانىمىن جوعارىلاتتى .

  التاي ايماقتىق ينتەرنەت-اقپارات ورتالىعىنىڭ جيناق حابارى

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى