اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قابا اۋدانى ىندەتتەن ساقتانۋ-تىزگىندەۋ قىزمەتىن تىڭعىلىقتى ىستەۋمەن بىرگە ءوندىرىستى ٴتارتىپتى قالپىنا كەلتىردى

  ەرىكتى ءتىلشى جاڭ تيڭ، ۋي زىبين حابارلايدى. 2-ايدىڭ 7 ـ كۇنى شينجياڭ اشىلى مىس كاسىبى شەكتى جارنا سەرىكتەستىگى كەن رۋداسىن سۇرىپتاۋ زاۆودىنىڭ سەحىندا، ٴبىرىنشى شەپتەگى قىزمەتكەرلەر ماسكى تاعىپ، مۇقيات جۇمىس جۇرگىزۋدە. سەرىكتەستىكتىڭ ورىنباسار باس ديرەكتورى فىڭ گوفۋ بىلاي دەدى: سەرىكتەستىك كىرىپ-شىعۋدى قاتاڭ باسقارىپ، بۇكىلدەي جابىق باسقارۋ ءتۇزىمىن اتقاردى، ٴوندىرىستى، تۇرمىستى قامتاماسىز ەتەتىن كولىكتەردەن سىرت، بارلىق قىزمەتكەرلەردىڭ، اۆتوكولىكتەردىڭ سەرىكتەستىككە قالاعانىنشا كىرۋىنە تيىم سالدىق.

  «ىندەت- بۇيرىق، ءاربىر گرۋپپا، سەح ٴار كۇنى الدىن الا سەحتى جاپپاي ديزەنفەكسيالايدى، بولەك تاماقتانادى»،ـدەدى اشىلى مىس سەرىكتەستىگى كەن اشۋ زاۆودى كەڭسەسىنىڭ مەڭگەرۋشىسى ۋاڭ يۇيليان.

  ٴبىر جاعىنان، ىندەتتەن ساقتانۋدى، تىزگىندەۋدى، ەندى ٴبىر جاعىنان، ٴوندىرىس حاۋىپسىزدىگىن مىقتى يگەردى. 1-ايدا شينجياڭ اشىلى مىس شەكتى جارنا سەرىكتەستىگى وندىرگەن مىستىڭ مولشەرى 4232 توننا، مىرىش 927 توننا بولدى. جەكە-جەكە جىلدىق جوسپاردىڭ% 9.8جانە% 8.57 ورىندادى، العاشقى ايداعى ٴوندىرىس تابىستى بولدى قابا اۋدانىنداعى حۋاتاي التىن شەكتى سەرىكتەستىگى ٴىس جۇزىندىك جاعدايعا ۇشتاستىرىپ، قىزمەت ورنىنداعى قىزمەتكەرلەردى ۇيلەسىمدى ورنالاستىرىپ، قىزمەت ۋاقىتى مەن قىزمەت مولشەرىن رەتتەپ، جۇمىسشى-قىزمەتكەرلەر تولىق جۇمىس ورنىنا كەلمەگەن جاعدايدا ٴوندىرىستىڭ جالپى مولشەرىن ورنىقتى مەڭگەردى.

  سەرىكتەستىكتىڭ باس جوراسى حى چىڭچۇن بىلاي دەدى: كەزەكتە، كاسىپورىندارىمىز سىرت جەردەگى جۇمىسشى - قىزمەتكەرلەردىڭ وسى مەزگىلدە قايتىپ كەلمەۋىن، كوپشىلىكتىڭ كۇندەلىكتى قورعانۋ شارالارىن جاقسى ىستەپ، سىرتقا شىعۋدى ازايتۋىن، كەن رايونىنداعى قىزمەتكەرلەردىڭ ىندەتتەن ساقتانۋ جانە تىزگىندەۋ شارالارىن قاتاڭ تياناقتاندىرۋىن تالاپ ەتتى.

  قابا اۋدانىنداعى شينجياڭ كاڭيۋان بيولوگيالىق تەحنيكا توبى شەكتى جارنا سەرىكتەستىگى شىرعاناقتى نەگىز ەتكەن شىرعاناق ەگۋ، زەرتتەپ اشۋ، جىنتىكتەي مانەرلەۋ، ساتۋدى ٴبىر تۇلعالاندىرعان كاسىپورىن. ورىنباسار باس ديرەكتور پىڭ جىڭرۇڭ بىلاي دەدى: تاياۋ سەرىكتەستىگىمىز ءوندىرىستى قالپىنا كەلتىرمەكشى، قازىر جۇمىسشى ىستەتۋدى جان-جاقتى، ەگجەي-تەگجەيلى جوسپارلاپ جاتىرمىز، جۇمىس قالپىنا كەلگەننەن كەيىن «ىندەتتىڭ» بولماۋىنا شىنايى كەپىلدىك ەتەمىز، قازىر سەرىكتەستىگىمىزدىڭ زاتتارى جەتكىلىكتى، ءوندىرىس قالپىنا كەلگەننەن كەيىن كەز كەلگەن ۋاقىتتا زات جونەلتۋگە بولادى .

  جۇمىس ورنىنا قايتۋدىڭ قاۋىرت مەزگىلىندە قابا اۋدانى كاسىپورىندارعا جان-جاقتى، تۇبەگەيلى، ەگجەي-تەگجەيلى قىزمەت وتەپ ، قايتالاي جۇمىس ىستەۋ، ٴوندىرىستى قالپىنا كەلتىرۋ مەزگىلىندەگى ىندەتتەن ساقتانۋ- تىزگىندەۋ قىزمەتىن جاقسى ىستەپ، قىزمەت ورنىنا قايتاتىن جۇمىسشى كوبەيەتىن مەزگىلگە تولىق دايىندالىپ، ءبىر ادامدى قاعىس قالدىرماۋ، تولىق قامتۋ تالابىن ورىنداپ، ىندەتتەن ساقتانۋ- تىزگىندەۋ قىزمەتىنىڭ نەگىزىن جاپپاي بەكەمدەدى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى