اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك

  شي جينپيڭ بەيجيڭ قالاسىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندە بىلاي دەپ باسا دارىپتەدى

  اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك

  2 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى. سۋرەتتە: شي جينپيڭ چاۋياڭ رايونى انجىن ءمالى باسقارماسى انحۋالي الەۋمەتتىك اۋماعىندا نەگىزگى ساتى ءبىرىنشى شەبىندەگى ىندەتتەن بىرلەسىپ ساقتانۋ، ىندەتتى بىرلەسىپ تىزگىندەۋ جاعدايىن ۇعىسۋدا. □ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  2- ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى. سۋرەتتە: شي جينپيڭ استانا مەديتسينا داشۋەسىنە قاراستى بەيجيڭ ديتان شيپاحاناسىنىڭ قاشىقتان دياگنوز قويۋ - ەمدەۋ ورتالىعىندا، بەينەجازبامەن ۋحان قالاسىنداعى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ەمدەۋگە العان جين - يىنتان شيپاحاناسىنداعىلارمەن، شيەحى شيپاحاناسىنداعىلارمەن، حوشىنشان شيپاحاناسىنداعىلارمەن سويلەسىپ، جاعدايدى ۇعىسىپ، پىكىر جانە ۇسىنىس تىڭداپ، ءبىرىنشى شەپتەگى ەمدەۋ قىزمەتكەرلەرىنەن حال سۇراۋدا.

  □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 10 - كۇنى بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندە بىلاي دەپ باسا دارىپتەدى: قازىر ىندەت جاعدايى ءالى دە ايرىقشا اۋىر، ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى باتىل دايەكتىلەندىرىپ، ونان ارى قايراتتانىپ، ەرلىكپەن كۇرەس جۇرگىزىپ، اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن حالىق بۇقاراسىنا تىعىز ارقا سۇيەپ، ىندەتتىڭ تارالۋ، ءورشۋ بەتالىسىن باتىل تەجەپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك.

  2- ايدىڭ 10 - كۇنى تۇستەن كەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چيدىڭ جانە قالا باستىعى چىن جي - نيڭنىڭ سەرىك بولۋىندا الەۋمەتتىك اۋماقتارعا، شيپاحانالارعا، ىندەتتەن ساقتانۋ جانە تىزگىندەۋ ورتالىعىنا ىشكەرىلەي بارىپ، نەگىزگى ساتىداعى ىندەتتەن ساقتانۋ - تىزگىندەۋ قىزمەتىنىڭ جاعدايىن ۇعىستى، سونداي - اق بەينەجازبا ارقىلى حۋبەيدىڭ ۋحانىندا وكپە قابىنۋ ىندەتىنە قارسى اتتانۋدىڭ الدىڭعى شەبىندەگىلەرمەن سويلەسىپ، بۇكىل مەملەكەتتە ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرىنە جانە قالىڭ كادرلارعا، جۇمىسشى - قىزمەتكەرلەرگە پارتيا ورتالىق كوميتەتىنىڭ قامقورلىعىن جەتكىزدى جانە ولاردان حال سۇرادى.

  شي جينپيڭ الدىمەن بەيجيڭ قالاسى چاۋياڭ رايونى انجىن ءمالى باسقارماسى انحۋالي الەۋمەتتىك اۋماعىنا كەلىپ، نەگىزگى ساتى ءبىرىنشى شەبىندەگى ىندەتتەن بىرلەسىپ ساقتانۋ، ىندەتتى بىرلەسىپ تىزگىندەۋ جاعدايىن ۇعىستى. الەۋمەتتىك اۋماق تۇرعىندار كوميتەتىنىڭ ىندەتتەن ساقتانۋ - تىزگىندەۋ قولباسشىلىق شتابىندا شي جينپيڭ انجىن ءمالى باسقارماسىنىڭ جانە انحۋالي الەۋمەتتىك اۋماعىنىڭ بىرلەسىپ ساقتانۋ، بىرلەسىپ تىزگىندەۋ جاعدايى تۋرالى تانىستىرۋىن تىڭدادى. شي جينپيڭ الەۋمەتتىك اۋماقتىڭ كوپ ءتۇرلى شارا قولدانىپ، ساقتانۋ - تىزگىندەۋ جاۋاپكەرشىلىگىن تياناقتاندىرۋ، وتباسىلارىن ارالاپ اداقتاپ تەكسەرۋ، ءتۇيىندى ادامدار شوعىرىن باقىلاۋ - مەڭگەرۋ سىندى ”ەكىنى جاپپاي قامتۋ“ ادىستەرىن تۇراقتاندىردى. ول بىلاي دەپ باسا دارىپتەدى: الەۋمەتتىك اۋماق − ىندەتتەن بىرلەسىپ ساقتانۋدىڭ، ىندەتتى بىرلەسىپ تىزگىندەۋدىڭ ءبىرىنشى شەبى، سونداي - اق سىرتتان كىرۋدەن ساقتانۋدىڭ، ىشتە تارالۋدان ساقتانۋدىڭ ەڭ ءونىمدى قورعانىس شەبى. الەۋمەتتىك اۋماق سىندى قورعانىس شەبىن قورعاپ تۇرا الساق، ىندەتتىڭ تارالۋ، ءورشۋ ارناسىن ءونىمدى ۇزۋگە بولادى. بۇكىل مەملەكەت الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى توسقاۋىل رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماقتارعا ءتۇسىرىپ، الەۋمەتتىك اۋماقتىڭ ءتۇرلى ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرۋ كەرەك. ىندەتتەن ساقتانۋ - تىزگىندەۋ قىزمەتىنىڭ ناتيجەسى ارقىلى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ ناتيجەسىن تەكسەرۋ جانە كەڭەيتۋ، نەگىزگى ساتى پارتيا ۇيىمدارىنىڭ ساياسي جەتەكشىلىك رولىن جانە پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرىپ، الەۋمەتتىك اۋماق تۇرعىندارىن اتتانىسقا كەلتىرىپ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن قۇرۋ كەرەك.

  بيىل 1 - ايدىڭ 12 - كۇنىنەن باستاپ، استانا مەديتسينا داشۋەسىنە قاراستى بەيجيڭ ديتان شيپاحاناسى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى قۇتقارۋ - ەمدەۋ، ەكشەپ تەكسەرۋ، اۋاشالاۋ قىزمەتىن ارقالاپ، بەيجيڭ قالاسىنداعى دياگنوزى انىقتالعان تۇڭعىش ناۋقاستى ەمدەۋگە العان بولاتىن. شي جينپيڭ ديتان شيپاحاناسى امبولاتورياسىنىڭ 1 - قاباتىنداعى جۇمىس اينالىمىن باقىلاۋ - مەڭگەرۋ ورتالىعىنا كەلىپ، باقىلاۋ كامەرالارى ارقىلى ناۋقاستاردىڭ بالنيتساعا جاتىپ دياگنوز انىقتاۋ، ەمدەلۋ احۋالىن تەكسەردى، سونداي - اق بەينەجازبا ارقىلى اۋرۋ بولمەسىندە كەزەكشىلىك ىستەپ جاتقان ەمدەۋ قىزمەتكەرلەرىمەن سويلەسىپ، ولاردى دياگنوز قويۋ - ەمدەۋ جوباسىن ۇزدىكسىز كەمەلدەندىرۋگە، ۇزدىكسىز تۇردە بار كۇشىن سالىپ ناۋقاستاردى قۇتقارۋ - ەمدەۋگە، ەمدەۋگە الۋ مولشەرى مەن ەمدەپ ساۋىقتىرۋ مولشەرىن قۇلشىنا جوعارىلاتىپ، جۇعىمدالۋ مولشەرى مەن اۋرۋدان ءولۋ مولشەرىن تومەندەتۋگە ىنتالاندىردى، سونداي - اق ولارعا وزدەرىن جاقسى قورعاۋدى، ساقتانۋدى تاپسىردى.

  شي جينپيڭ حۋبەيداعى جانە ۋحانداعى ىندەت جاعدايىنان ايرىقشا قام جەدى. ديتان شيپاحاناسىنىڭ قاشىقتان دياگنوز قويۋ - ەمدەۋ ورتالىعىندا شي جينپيڭ بەينەجازبامەن ۋحان قالاسىنداعى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ەمدەۋگە العان جين - يىنتان شيپاحاناسىنداعىلارمەن، شيەحى شيپاحاناسىنداعىلارمەن، حوشىنشان شيپاحاناسىنداعىلارمەن سويلەسىپ، ىندەتتەن ساقتانۋ - تىزگىندەۋدىڭ ءبىرىنشى شەبىندەگى ەمدەۋ قىزمەتكەرلەرىنەن، كادرلاردان، جۇمىسشى - قىزمەتكەرلەردەن جانە حالىق ازاتتىق ارمياسىنىڭ كوماندير - جاۋىنگەرلەرىنەن جاعداي ۇعىسىپ، پىكىر جانە ۇسىنىس تىڭدادى. ول بىلاي دەپ باسا دارىپتەدى: بۇكىل ەلدەگى قالىڭ ەمدەۋ قىزمەتكەرلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ۇندەۋىنە ءۇن قوسىپ، تيتتەي دە تايسالماي ىندەتتەن ساقتانۋ - تىزگىندەۋدىڭ ءبىرىنشى شەبىنە اتتانىپ، ۋاقىتپەن جارىسىپ، اۋرۋمەن ايقاسىپ، قايسارلىقپەن سايىسىپ، كۇندى تۇنگە جالعاپ ەرلىكپەن شايقاس جۇرگىزىپ، پارتياعا، حالىققا وسكەلەڭ جاۋاپتى بولۋ رۋحاني بەينەسىن ايگىلەدى. ول بىلاي دەپ اتاپ كورسەتتى: قازىر ىندەتتەن ساقتانۋ - تىزگىندەۋ تىرەسۋ كۇيىندە تۇر، قالىڭ ەمدەۋ قىزمەتكەرلەرى، ءسوز جوق، تاباندىلىقپەن جالعاستىرىپ، جاپاعا ايرىقشا شىداۋ، ايرىقشا شايقاسا ءبىلۋ رۋحىن ساۋلەلەندىرىپ، مايدان وتىنداعى باستى تىرەك رولىن ساۋلەلەندىرىپ، باستان - اياق حالىقتىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، بار كۇشىن سالىپ ناۋقاستاردى قۇتقارىپ، ەمدەپ، ۋحاندى قورعاۋ شايقاسىن، حۋبەيدى قورعاۋ شايقاسىن ويداعىداي جۇرگىزۋ كەرەك.

  وسىدان كەيىن شي جينپيڭ قاشىقتان دياگنوز قويۋ - ەمدەۋ ورتالىعىندا بەينەجازبا ءماجىلىسىن باسقارىپ اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىقتىڭ جەتەكشىلىك ەتۋ گرۋپپاسىنىڭ باستىعى سۇن چۇنلاننىڭ، حۋبەي ولكەلىك پارتكومنىڭ شۋجيى جياڭ چاۋلياڭنىڭ جەكە - جەكە ورتالىقتىڭ جەتەكشىلىك ەتۋ گرۋپپاسى، حۋبەي قولباسشىلىق شتابى اتىنان بەرگەن مالىمەتىن تىڭدادى. شي جينپيڭ ماڭىزدى ءسوز سويلەدى. شي جينپيڭ الدىمەن پارتيا ورتالىق كوميتەتى اتىنان حۋبەيداعى قالىڭ پارتيا مۇشەلەرىنە، كادرلارعا، بۇقاراعا شىن ىقىلاستى سالەم جولداپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە جانە ءارقايسى شەپتەگى جولداستارعا شىن جۇرەكتەن العىس ايتتى، وسى رەتكى ىندەتتە، باقىتقا قارسى، اۋرۋدان قازا بولعان بۇقاراعا قايعىلى ازا ءبىلدىردى، ناۋقاستاردان جانە ولاردىڭ وتباسىنداعىلاردان، اۋرۋدان قازا بولعانداردىڭ وتباسىنداعىلاردان شىن ىقىلاسپەن حال سۇرادى. شي جينپيڭ بىلاي دەپ باسا دارىپتەدى: حۋبەيداعى، اسىرەسە، ۋحانداعى قالىڭ پارتيا مۇشەلەرى، كادرلار، بۇقارا پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، سەنىمدى بەكەمدەپ، كەلەلى جاعدايمەن ساناسىپ، سانالى ارەكەت ەتىپ، قايسارلىقپەن كۇرەس جۇرگىزدى؛ بۇكىل ەلدىڭ جەر - جەرى ءبىر جاقتا قيىنشىلىق بولسا شار تاراپ كومەك بەرۋگە تاباندى بولىپ، جەر - جەردەن حۋبەيعا جانە ۋحانعا كومەككە اتتانعان قالىڭ ەمدەۋ قىزمەتكەرلەرى، حالىق ازاتتىق ارمياسىنىڭ كوماندير - جاۋىنگەرلەرى، سونداي - اق ءار جاقتاعى قىزمەتكەرلەر نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن تايسالماس توڭكەرىستىك رۋحتى ساۋلەلەندىرىپ، بۇيرىقتى ەستي سالا اتتانىپ، قايتپاس قايسارلىق كورسەتىپ، قۇربان بولۋدان قورىقپاي، قيىندىقتى جەڭە وتىرىپ قامال الدى. كوپشىلىك قىرۋار ماشاقاتتى قىزمەت ىستەپ، زور قۇلشىنىس جاساپ، ىندەتتەن ساقتانۋ - تىزگىندەۋ قىزمەتىنە ەلەۋلى ۇلەس قوستى.

  شي جينپيڭ بىلاي دەپ باسا دارىپتەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى تۇگەلدەي حۋبەي جانە ۋحان حالقىمەن بىرگە. پارتيا ورتالىق كوميتەتىنىڭ ۋحانعا جەتەكشىلىك ەتۋ گرۋپپاسىن جىبەرۋى ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتتى جاپپاي كۇشەيتۋگە جەتەكشىلىك ەتۋ، سونىمەن بىرگە، حۋبەي حالقىمەن جانە ۋحان حالقىمەن يىق تيىستىرە وتىرىپ شايقاس جۇرگىزۋ بولىپ تابىلادى. ۋحان − قاھارمان قالا، حۋبەي حالقى، ۋحان حالقى − قاھارمان حالىق، تاريحتا ەشقاشان قيىندىقتان، قاتەردەن، بوگەتتەن جەڭىلىپ كورگەن ەمەس، جولداستار تەك ءبىر نيەتپەن كۇش بىرىكتىرىپ، ەرلىكپەن شايقاس جۇرگىزىپ، ۋاقىتتىق قيىندىقتى بىرگە ەڭسەرسە بولعانى، ءبىز، ءسوز جوق، ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە قول جەتكىزە الامىز.

  شي جينپيڭ بىلاي دەپ اتاپ كورسەتتى: حۋبەي مەن ۋحان ىندەتتەن ساقتانۋ - تىزگىندەۋدە بارىنەن ماڭىزدى ورىندا تۇرادى، ىندەتتەن ساقتانۋ - تىزگىندەۋ توسقاۋىل شايقاسىندا شەشۋشى جەڭىسكە جەتەتىن جەر. ۋحان جەڭسە، حۋبەي جەڭەدى، حۋبەي جەڭسە، بۇكىل مەملەكەت جەڭىسكە جەتەدى. قازىر حۋبەي مەن ۋحانداعى ىندەت جاعدايى ءالى دە ايرىقشا اۋىر، اناعۇرلىم پارمەندى، اناعۇرلىم باتىل شارا قولدانىپ، ىندەتتىڭ تارالۋ، ءورشۋ بەتالىسىن باتىل تەجەۋ كەرەك. ءبىرىنشى، جيناۋعا تيىستىلەردىڭ بارلىعىن جيناۋدى باتىل ورىنداۋ كەرەك. قاينار كوزىن تەجەپ، تارالۋ جولىن ءۇزۋ − جۇقپالى اۋرۋلاردان ساقتانۋ - تىزگىندەۋدىڭ ءتۇبىرلى شاراسى. اناعۇرلىم پارمەندى شارا قولدانىپ، ەمدەۋ قۇرىلىمدارىنداعى توسەك - ورىندارىن جەدەل كوبەيتىپ، فاڭساڭ شيپاحانالاردان ويداعىداي پايدالانىپ، قوناق ءۇي، تاربيەلەۋ ورتالىعى سياقتىلاردى پايدالانۋعا الۋ ارقىلى اۋاشالاۋعا ارنالعان توسەك - ورىندارىن كوبەيتىپ، ەڭ زور قۇلشىنىسپەن ناۋقاستاردى ەمدەۋگە الۋ كەرەك. ەكىنشى، ەمدەۋ - قۇتقارۋ قىزمەتىن بار كۇشپەن ويداعىداي ىستەۋ كەرەك. ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، شوعىرلى قۇتقارۋ - ەمدەۋ پرينسيبى بويىنشا، دياگنوز قويۋ - ەمدەۋ جوباسىن ۇزدىكسىز ساپالىلاندىرىپ، جۇڭگو مەديتسيناسى مەن باتىس مەديتسيناسىن بىرلەستىرۋگە تاباندى بولىپ، عىلمي زەرتتەۋدەن قامال الۋ سەرپىنىن ارتتىرىپ، ءبىرشاما جاقسى كلينيكالىق ەمدەۋ ونىمدىلىگىنە يە ءدارى - دارمەكتەردى جەدەلدەتىپ تاڭداۋ، زەرتتەپ اشۋ كەرەك. ءۇشىنشى، قوعامدىق جاقتاعى باسقارۋ - مەڭگەرۋدى جاپپاي كۇشەيتۋ كەرەك. قوعامدىق جونگە سالۋدى كۇشەيتىپ، ىندەتتەن ساقتانۋ - تىزگىندەۋ بارىسىندا جولىعۋى مۇمكىن ءتۇرلى ماسەلەلەردى لايىقتى ءبىر جاقتى ەتۋ، ءتۇرلى قىزمەتتەردى ەگجەي - تەگجەيلى، ناقتى جۇرگىزىپ، تۇرمىستى قامتاماسىز ەتۋ، مەديتسينالىق قۇتقارۋ - ەمدەۋ، پسيحيكالىق جاقتان ارالاسۋ سياقتى قىزمەتتەردى تىڭعىلىقتى ىستەپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك. ءتورتىنشى، قوعامدىق پىكىرگە جەتەكشىلىك ەتۋ قىزمەتىن كۇشەيتۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن، حۋبەيعا جانە ۋحانعا قامقورلىعىن، كوڭىل ءبولۋىن ىشكەرىلەي ۇگىتتەپ، ءبىر جاقتا قيىنشىلىق بولسا شار تاراپ كومەك بەرەتىن ۇلى سۇيىسپەنشىلىك رۋحىن ۇگىتتەپ، ءبىرىنشى شەپتەگى ەمدەۋ قىزمەتكەرلەرى، نەگىزگى ساتى كادرلارى، قوعام حاۋىپسىزدىگى حالىق ساقشىلارى، الەۋمەتتىك اۋماق قىزمەتكەرلەرى، ەرىكتىلەر سياقتىلاردىڭ اسەرلى ىزگى ىستەرىن ۇگىتتەپ، بۇكىل ەلدەگى ءار ۇلت حالقىنىڭ سەنىمدى بەكەمدەپ، قيىندىقتى بىلەك بىرىكتىرە جەڭەتىن قايسار جىگەرىن ايگىلەۋ كەرەك. قۇزىرەتتى ينفورماتسيالاردى دەر كەزىندە تاراتىپ، بۇقارا ءجىتى قاداعالاپ وتىرعان ىستەرگە اشىق، جاريا جاۋاپ قاتىپ، قوعامدىق پىكىرگە جەتەكشىلىك ەتۋدىڭ باعىتتامالىلىعىن جانە ونىمدىلىگىن كۇشەيتۋ كەرەك. جۇقپالى اۋرۋلاردان ساقتانۋ جانە ونى تىزگىندەۋ زاڭى جانە ساقتانۋ - تىزگىندەۋ بىلىمدەرى تۋرالى ۇگىت - تاربيەنى كۇشەيتىپ، بۇكىل قوعامدى زاڭ بويىنشا ساقتانۋ - تىزگىندەۋگە جەتەكتەپ، حالىق بۇقاراسىنىڭ ساقتانۋ - قورعانۋ قابىلەتىن جوعارىلاتۋ كەرەك. بەسىنشى، ىندەتتەن ساقتانۋ - تىزگىندەۋ قىزمەتىنە ءبىر تۇتاس باسشىلىقتى كۇشەيتۋ كەرەك. ورتالىقتىڭ ىندەتكە توتەپ بەرۋ قىزمەتىنە باسشىلىق ەتۋ گرۋپپاسى پارتيا ورتالىق كوميتەتىنىڭ تالابىن جاپپاي تياناقتاندىرىپ، ءتۇيىندى وڭىرلەردەگى ىندەتتەن ساقتانۋ - تىزگىندەۋ قىزمەتىن ءتۇيىندى تۇردە مىقتى ۇستاۋ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى سايكەستىرۋدى، سەپتەۋدى كۇشەيتىپ، ۋحان قاتارلى ءتۇيىندى وڭىرلەردەگى ىندەتتەن ساقتانۋ - تىزگىندەۋ قىزمەتىن الدىمەن قامتاماسىز ەتۋ كەرەك. ورتالىقتىڭ جەتەكشىلىك ەتۋ گرۋپپاسى حۋبەيدىڭ جانە ۋحاننىڭ ىندەتتەن ساقتانۋ - تىزگىندەۋ قىزمەتىنە جەتەكشىلىك ەتۋ، سونىمەن بىرگە باقىلاۋ - تەكسەرۋ جۇرگىزۋدى كۇشەيتۋ كەرەك. حۋبەي مەن ۋحان ىندەتتەن ساقتانۋ - تىزگىندەۋدى قازىرگى ماڭداي الدى ءىرى ءىس ەتىپ، ءارقايسى قالا - وبلىستىڭ جانە اۋدان - اۋىلدىڭ ىندەتتەن ساقتانۋ قىزمەتىن ءبىر تۇتاس جوسپارلاي وتىرىپ كۇشەيتىپ، قولباسشىلىق جۇيەسىن اقاۋسىزداندىرۋ، ارەكەت باتىل، شاپشاڭ، جۇمىس اينالىمى جوعارى ءونىمدى، جۇيەلى، اتقارۋ باتىل، پارمەندى بولۋ كەرەك.

  شي جينپيڭ بىلاي دەپ باسا دارىپتەدى: قالىڭ ەمدەۋ قىزمەتكەرلەرىنە كوڭىل ءبولۋ، قامقورلىق جاساۋ كەرەك، ولار كۇندى تۇنگە جالعاپ ۇزدىكسىز ەرلىكپەن شايقاس جۇرگىزىپ، قاباعات جاپا شەگۋدە، كەيبىر ەمدەۋ قىزمەتكەرلەرى، باقىتقا قارسى، ۆيرۋسپەن جۇعىمدالدى، كەيبىرى ءتىپتى ءومىرىن ارناپ، مەيىربان جۇرەكتى شيپاگەرلەردىڭ اسقاق رۋحىن ايگىلەدى. ءار دارەجەلى پارتكوم مەن ۇكىمەت ولارعا كوڭىل ءبولىپ، قامقورلىق جاساپ، تاڭداۋلى تيپتەر مەن وزاتتاردىڭ ىزگى ىستەرىن زور كۇشپەن ۇگىتتەپ، ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسۋ، تۇرمىستىق، حاۋىپسىزدىك، گۋمانيتارلىق قامقورلىقپەن تىڭعىلىقتى قامتاماسىز ەتۋ كەرەك.

  شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ − حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋداعى قاتاڭ كۇرەس. ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ قىزمەتىن ەگجەي - تەگجەيلى، ناقتى يگەرۋ كەرەك. ءار دارەجەلى پارتيا، ۇكىمەت ورىندارىنىڭ باسشى كادرلارى الدىڭعى شەپتە تۇرىپ قولباسشىلىق ەتىپ، جاۋاپكەرشىلىك ارقالاۋدى كۇشەيتۋ، قالىڭ پارتيا مۇشەلەرى، كادرلار ءبىرىنشى شەپتە اتويلاپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتىپ، زەيىن - كۇشتى شوعىرلاندىرىپ، بار پەيىلدەرمەن ءار قىزمەتتى، ءار بۋىندى تيتتەي دە قالت جىبەرمەي تىڭعىلىقتى ىستەۋ كەرەك. ەلەۋلى سىناق الدىندا كادرلاردى اناعۇرلىم جاقسى تەكسەرۋگە، تانۋعا بولادى. بەينەسى كورنەكتى بولعانداردى سيلاپ - ماراپاتتاپ، باتىلدىقپەن ىستەتۋ؛ ستيلى تۇرلاۋسىز بولعان، نەمقۇرايدى قاراپ، جاۋاپكەرشىلىكتەن قاشقان، جاۋاپكەرشىلىكتەن جالتارىپ ءبىر - بىرىنە يتەرمەلەگەندەردى قاتاڭ جاۋاپقا تارتۋ كەرەك. بۇقارانى كەڭىنەن اتتانىسقا كەلتىرىپ جانە بۇقاراعا سۇيەنىپ، ءبىر جاعادان باس، ءبىر جەڭنەن قول شىعارىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ جەڭىسىنە باتىل قول جەتكىزۋ كەرەك.

  ديتان شيپاحاناسىنان شىققان سوڭ، شي جينپيڭ چاۋياڭ رايونى ىندەتتەن ساقتانۋ جانە تىزگىندەۋ ورتالىعىنا كەلىپ تەكسەرۋ - زەرتتەۋ جۇرگىزىپ، چاۋياڭ رايونىنىڭ ىندەتتەن ساقتانۋ - تىزگىندەۋ قىزمەتىنىڭ جاعدايى تۋرالى تانىستىرۋىن تىڭدادى. شي جينپيڭ بىلاي دەپ اتاپ كورسەتتى: بۇل جولعى ىندەت − بۇكىل ەلدەگى ءار دارەجەلى ىندەتتەن ساقتانۋ جانە تىزگىندەۋ ورتالىقتارىنىڭ توتەنشە جاعدايدى ءبىر جاقتى ەتۋ قابىلەتىنە دەگەن ۇلكەن سىناق. بۇل رەتكى ىندەتپەن كۇرەس تاماشا رۋحاني كۇي مەن كورنەكتى ءتۇزىم ابزالدىلىعىن ايگىلەۋمەن بىرگە، كوپتەگەن ولقىلىقتاردى دا پاش ەتتى. بۇكىل ەلدەگى ىندەتتەن ساقتانۋ جانە تىزگىندەۋ جۇيەسى قۇرىلىسىن ءتۇبىرلى قۇرىلىس رەتىندە مىقتى ۇستاپ، ءار دارەجەلى ساقتانۋ - تىزگىندەۋ دارىندىلارى، عىلمي زەرتتەۋ كۇشتەرى، زاڭ شىعارۋ سياقتى قۇرىلىستاردى كۇشەيتىپ، ىندەتتەن ساقتانۋ جانە تىزگىندەۋ جۇيەسىنىڭ وسىزاماندانۋىن ىلگەرىلەتۋ كەرەك.

  ىندەتتەن ساقتانۋ جانە تىزگىندەۋ ورتالىعىنىڭ ءماجىلىس زالىندا شي جينپيڭ ءماجىلىس باسقارىپ اشىپ، بەيجيڭ قالاسىنىڭ ىندەتتەن ساقتانۋ - تىزگىندەۋ قىزمەتىنىڭ جاعدايى جونىندەگى مالىمەتىن تىڭدادى جانە ماڭىزدى ءسوز سويلەدى. شي جينپيڭ بىلاي دەپ باسا دارىپتەدى : بەيجيڭ استانا رەتىندە ىندەتتەن ساقتانۋ - تىزگىندەۋ قىزمەتىن جاقسى ىستەۋدە ماڭىزدى جاۋاپكەرشىلىك ارقالايدى، تيتتەي دە بوساڭسۋىنا بولمايدى. پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، ءتۇرلى ساقتانۋ - تىزگىندەۋ شارالارىن تياناقتاندىرىپ، ناقتىلاپ، سىرتتان كىرۋدەن ساقتانۋ، ىشتە تارالۋدان ساقتانۋ سىندى 2 بۋىندى باتىل، ويداعىداي يگەرىپ، بار مۇمكىندىكتەن پايدالانىپ تارالۋ قاينارىن ءۇزىپ، بار مۇمكىندىكتەن پايدالانىپ ىندەتتىڭ شارپۋ كولەمىن تىزگىندەۋ كەرەك. قازىرگى كوكەي تەستى ءىس − مەرەكەدەن كەيىن بەيجيڭگە قايتاتىنداردىڭ بىرتىندەپ كوبەيۋ، ىندەتتىڭ ءورشۋ قاتەرىنىڭ كۇشەيۋ جاعدايىنا مەڭزەس، باعىتتامالى تۇردە سايكەستى شارالار جاساۋ. ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە تاباندى بولىپ، جاقىن جۋىسقانداردى مۇمكىندىكتىڭ بارىنشا ءبىر تۇتاس شوعىرلاندىرىپ، مەديتسينالىق باقىلاۋ جۇرگىزۋ كەرەك. الەۋمەتتىك اۋماقتىڭ بىرلەسىپ ساقتانۋ، بىرلەسىپ تىزگىندەۋ جۇيەسىن كەمەلدەندىرىپ، ماسەلە بايقالا سالىسىمەن دەرەۋ مالىمدەۋ كەرەك. ءىرى ساندى مالىمەت سياقتى تاسىلدەردەن پايدالانىپ، ىندەتتىڭ كەلۋ تەگىن تابۋدى جانە باقىلاۋ - ولشەۋدى كۇشەيتۋ كەرەك. ىندەتتەن ساقتانۋ زاتتىق ماتەريالدارىمەن قامتاماسىز ەتۋدى كۇشەيتىپ، ءتۇيىندى ساقتانۋ - تىزگىندەۋ ورىندارىنداعى ادامداردى جانە زاتتىق ماتەريالداردى تىڭعىلىقتى قامتاماسىز ەتۋ كەرەك. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى قولداۋ كورسەتىپ، سەپتەۋ كەرەك.

  شي جينپيڭ بىلاي دەپ اتاپ كورسەتتى: مەديتسينالىق قۇتقارۋ - ەمدەۋدى كۇشەيتىپ، ناتيجەنى ۇزدىكسىز بەكەمدەپ، جۇڭگو مەديتسيناسى مەن باتىس مەديتسيناسىنا قاتار ءمان بەرۋگە تاباندى بولىپ، باسىمدىققا يە ەمدەۋ كۇشتەرىن ۇيىمداستىرىپ، جۇعىمدالۋ مولشەرى مەن اۋرۋدان ءولۋ مولشەرىن تومەندەتۋ جاعىندا اناعۇرلىم ءونىمدى ەمدەۋ جوباسىن جاساۋ كەرەك. دارەجە بويىنشا، تۇرلەر بويىنشا دياگنوز قويۋ، قۇتقارۋ - ەمدەۋ جۇرگىزىپ، انىق دياگنوز قويىلعان ناۋقاستاردىڭ جينالۋعا تيىستىلەرىن تۇگەل جيناپ، سالماقتى ناۋقاستاردى، قاتەرلى سالماقتى ناۋقاستاردى شوعىرلى قۇتقارۋ - ەمدەۋ، بار كۇشپەن قۇتقارۋ - ەمدەۋ، اسىرەسە، جۇكتى ايەلدەر، سابيلەر مەن بالالار سياقتى ناۋقاستارعا ءجىتى نازار اۋدارۋ كەرەك. تۋىلۋى مۇمكىن توتەنشە جاعدايعا ويداعىداي تولىق دايىندالىپ، شيپاحانالاردى كەڭەيتۋ، وزگەرتۋ، توسەك - ورىندارىن كوبەيتۋ سياقتى تاسىلدەر ارقىلى ەمدەۋگە الۋ قابىلەتىن جوعارىلاتۋ كەرەك. جوعارى مەكتەپتەردى، عىلمي زەرتتەۋ ورىندارىن، كاسىپورىنداردى عىلمي زەرتتەۋدەن قامال الۋعا ۇيىمداستىرىپ، قاتىستى سىناعىش، ۆاكسينا، ءدارى - دارمەكتەردى زەرتتەپ اشۋ سەرپىنىن ارتتىرىپ، ەرتەرەك سەرپىلىس جاساۋعا قول جەتكىزۋ كەرەك.

  شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇگىتتەپ، بارشا جۇرت ءبىر نيەتپەن ىندەتكە قارسى اتتانعان قوعامدىق پىكىر اۋقىمىن قالىپتاستىرىپ، ەل بىرلىگىنەن بەرىك قامال تۇرعىزاتىن، ۋاقىتتىق قيىندىقتى بىرگە جەڭەتىن قۋاتتى وڭ ەنەرگيا توپتاۋ كەرەك. عىلمي ساقتانۋ - قورعانۋ بىلىمدەرىن كەڭىنەن جالپىلاستىرىپ، بۇقارانى ىندەتكە اقىلدىق تانىممەن قاراۋعا، ءوزىن قورعاۋ تانىمى مەن ساقتانۋ - قورعانۋ قابىلەتىن كۇشەيتۋگە جەتەكتەۋ كەرەك. قوعام ءجىتى قاداعالاپ وتىرعان ىستەرگە جانە قوعامدىق پىكىر نازار اۋدارىپ وتىرعان ىستەرگە دەر كەزىندە جاۋاپ قاتۋ كەرەك. سۋ، ەلەكتر، گاز، جىلۋ سياقتى قالانىڭ ”تىرشىلىك تامىرىن“ قورعاۋدى كۇشەيتىپ، قالانىڭ قالىپتى اينالىمىن قامتاماسىز ەتۋ كەرەك. زات باعاسىن ءوسىرىپ جىبەرۋ، قىمباتقا ساتۋ ءۇشىن توپتاپ ساقتاۋ، ورايدان پايدالانىپ ولجا ءتۇسىرۋ سياقتى زاڭعا قايشى قىلمىستىق ءىس - ارەكەتتەرگە باتىل سوققى بەرىپ، ىندەتتەن ساقتانۋ - تىزگىندەۋ بارىسىندا جولىققان ءتۇرلى قايشىلىقتار مەن ماسەلەلەردى لايىقتى ءبىر جاقتى ەتۋ كەرەك.

  شي جينپيڭ بىلاي دەپ اتاپ كورسەتتى: ەكونوميكالىق، قوعامدىق دامۋدىڭ ءتۇرلى مىندەتتەرىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، ”التىنى ورنىقتىرۋ“ قىزمەتىن ءبىر تۇتاس جوسپارلاپ، ويداعىداي ىستەۋ كەرەك. سەنىمدى بەكەمدەپ، ەلىمىز ەكونوميكاسىنىڭ ۇزاق مەزگىلدە جاقسارا تۇسەتىن نەگىزگى جاعدايىنىڭ وزگەرمەگەندىگىن، ىندەتتىڭ سوققىسى تەك قىسقا مەرزىمدىك ەكەندىگىن كورە ءبىلۋ، ماسەلەلەر مەن قيىنشىلىقتاردان قورقىپ قايمىقپاۋ كەرەك. ەكونوميكالىق اينالىمدى سەپتەۋدى كۇشەيتىپ، ىندەتتىڭ ەكونوميكاعا ىقپالىن بارىنشا تومەندەتىپ، بيىلعى ەكونوميكالىق، قوعامدىق دامۋدىڭ ءتۇرلى نىسانالارىن، مىندەتتەرىن ورىنداۋعا قۇلشىنۋ كەرەك. سالىنۋ ۇستىندەگى نىسانداردىڭ قايتا قۇرىلىس باستاۋىن جانە جاڭا نىسانداردىڭ قۇرىلىس باستاۋىن ويداعىداي يگەرۋ كەرەك. تۇرعىندار تۇتىنۋىن ورنىقتىرىپ، ينتەرنەتتىك تۇتىنۋدى دامىتىپ، دەنساۋلىق ساقتاۋ تۇرىندەگى تۇتىنۋدى كەڭەيتۋ كەرەك. كاسىپورىنداردىڭ، ءىسورىندارىنىڭ جۇمىستى، ءوندىرىستى قالپىنا كەلتىرۋىن بەلسەنە ىلگەرىلەتىپ، ىندەتتىڭ ىقپالىنا نەداۋىر زور ۇشىراعان كاسىپورىندارعا قاراتا فينانس، جۇمىسشى ىستەتۋ سياقتى جاقتاردا قولداۋ سەرپىنىن كۇشەيتىپ، قيىن وتكەلدەن وتۋىنە كومەكتەسۋ كەرەك. ىندەت تۋىلعاندا حالىق تۇرمىسىن قامتاماسىز ەتۋ جانە جاقسارتۋ قىزمەتىن جاقسى ىستەۋگە ونان ارى ءمان بەرۋ، اسىرەسە، جۇمىستاندىرۋ ماسەلەسىنە ايرىقشا كوڭىل ءبولىپ، كەڭ كولەمدە قىزمەتكەر قىسقارتۋدىڭ تۋىلۋىنان ساقتانۋ كەرەك.

  شي جينپيڭ بىلاي دەپ باسا دارىپتەدى: ورتالىق پەن مەملەكەت ورگاندارىنىڭ ءارقايسى تاراۋلارى، ءارقايسى مەكەمە - ورىندار، بەيجيڭدەگى ءارقايسى ورتالىق كاسىپورىندار جانە اسكەري بولىمدەر استانانىڭ ىندەتتەن ساقتانۋ - تىزگىندەۋ قىزمەتىنە بەلسەنە قولداۋ كورسەتۋ، سايكەسۋ كەرەك. قاتىستى تاراۋلار ىندەتتەن ساقتانۋ - تىزگىندەۋ زاتتىق ماتەريالدارىن ءبىر تۇتاس جوسپارلاۋدى، سەپتەۋدى كۇشەيتىپ، بەيجيڭ قالاسىنىڭ ىندەتتەن ساقتانۋ - تىزگىندەۋ قاجەتى بويىنشا دەر كەزىندە قامداۋ، تولىقتاۋ كەرەك. بەيجيڭدەگى ەمدەۋ بايلىعى، ەمدەۋ كۇشتەرى دە ءبىر تۇتاس جوسپارلاۋ مەحانيزمىن ورناتۋ، بەيجيڭدەگى ورتالىق ورىندار وزدەرىنىڭ ىندەتتەن ساقتانۋ - تىزگىندەۋ جاۋاپكەرشىلىگىن ارقالاپ، ءتۇرلى ساقتانۋ - تىزگىندەۋ شارالارىن باستاماشى بولا وتىرىپ تياناقتاندىرۋ كەرەك.

  ديڭ شۋەشياڭ، شياۋ جيە، جاۋ كىجى جانە مەملەكەتتىك دەنساۋلىق ساقتاۋ، سالاماتتىق كوميتەتىندەگى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور: ءاننا اكىمقان قىزى