اعاجاي-التاي تورابى   ›   اقپارات ايدىنى   ›   ماڭىزدى حابارلار

تاس جول قاتىناسىنىڭ ىركىلىسسىزدىگىن قامتاماسىز ەتۋ قىزمەتىن ويداعىداي ىستەپ، ادامداردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتۋ كەرەك

مەملەكەتتىك كەڭەس كەڭسەسى حابارلاندىرۋ باسىپ تاراتىپ مىنالاردى تالاپ ەتتى

تاس جول قاتىناسىنىڭ ىركىلىسسىزدىگىن قامتاماسىز ەتۋ قىزمەتىن ويداعىداي ىستەپ، ادامداردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتۋ كەرەك

  شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى «تاس جول قاتىناسىنىڭ ىركىلىسسىزدىگىن قامتاماسىز ەتۋ قىزمەتىن ويداعىداي ىستەپ، ادامداردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتۋ جونىندەگى حابارلاندىرۋ»دى (تومەندە قىسقاشا «حابارلاندىرۋ» دەلىنەدى) باسىپ تاراتىپ، تاس جول قاتىناسىنىڭ ىركىلىسسىزدىگىن قامتاماسىز ەتۋ قىزمەتىن اناعۇرلىم ويداعىداي ىستەپ، ادامداردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتىپ، ەكونوميكانىڭ، قوعامنىڭ قالىپتى ءتارتىبىن شىنايى قورعاۋ جونىندە ارناۋلى ورنالاستىرۋ جاسادى.

  ءبىرىنشى، تاس جول تورىنىڭ ىركىلىسسىز اينالىمىن بار كۇشپەن قامتاماسىز ەتۋ كەرەك. وڭىرلەر، قاتىستى تاراۋلار ”عىلمي، ءتارتىپتى بولۋ، زاڭعا، ەرەجەگە نەگىزدەلۋ“ پرينسيبى بويىنشا، تاس جول قاتىناسىن باسقارۋ - مەڭگەرۋ شاراسىن رەتتەپ، ساپالىلاندىرىپ، جوعارى قارقىندى تاس جولدىڭ شىعار - كىرەر اۋزىن ءوز بەتىمەن بەكىتۋدى قاتاڭ تەجەۋ، مەملەكەت، ولكە نەگىزگى جەلى تاس جولىن بوگەۋدى قاتاڭ تەجەۋ، اۋىل - قىستاق تاس جولىن بەكىتىپ اۋاشالاۋدى نەمەسە قازىپ ءۇزىپ تاستاۋدى قاتاڭ تەجەۋ، شۇعىل جاعدايعا توتەپ بەرۋ تاسىمال اۆتوكولىگىنىڭ قاتىناۋىنا كەدەرگى بولۋدى قاتاڭ تەجەۋ، جوعارى قارقىندى تاس جول قىزمەت وتەۋ رايونىندا جانە اقى الۋ پۋنكتىندە، ولكە شەكاراسىندا، مەملەكەت، ولكە نەگىزگى جەلى تاس جولىندا ىندەتتەن ساقتانۋ - تىزگىندەۋ كارەنتين ءتۇيىنىن نەمەسە تەكسەرۋ - ولشەۋ پۋنكتىن ءوز بەتىمەن قۇرۋدى قاتاڭ تەجەۋ، زاڭعا، بەلگىلەمەگە قايشى قۇرىلعانداردى باتىل كۇشىنەن قالدىرۋ كەرەك. جول قاتىناسىن اشۋدى كۇشەيتىپ، تاس جول قاتىناسىنىڭ ۇزاق ۋاقىت، ۇزىن ارالىق بوگەلۋىنەن ساقتانىپ، شۇعىل جاعدايعا توتەپ بەرۋ اۆتوكولىك جولىنىڭ ىركىلىسسىزدىگىنە شىنايى كەپىلدىك ەتۋ كەرەك.

  ەكىنشى، تاس جول تاسىمالى قىزمەت وتەۋىن ءتارتىپتى قالپىنا كەلتىرۋ كەرەك. حۋبەي ولكەسى، اسىرەسە، ۋحان قالاسى قالا الەۋمەتتىك قاتىناسى (رەليستى قاتىناستى قامتيدى)، قالا ارالىق الەۋمەتتىك قاتىناس اينالىمى ۋاقىتشا توقتاتىلعان مەزگىلدە الەۋمەتتىك قاتىناس اۆتوكولىگى، كىرە اۆتوكولىگى (توردا الدىن الا كەلىسەتىن كىرە اۆتوكولىگىن قامتيدى) تاسىمال قۋاتىن ءبىر تۇتاس جوسپارلاپ، ورنالاستىرىپ، ”تۇيىننەن تۇيىنگە دەيىنگى“ قىزمەت وتەۋدى ورىستەتىپ، شيپاگەرلەرگە، الەۋمەتتىك قىزمەت وتەۋ قىزمەتكەرلەرىنە، قارت، ءالسىز، اۋرۋ، مۇگەدەك، جۇكتى ايەلدەر، بالالار سياقتى ءتۇرلى ءتۇيىندى ادامداردىڭ ءجۇرىس - تۇرىسىنا قاجەتتى قامتاماسىزدىق ازىرلەۋ كەرەك. حۋبەي ولكەسىنەن تىسقارى وڭىرلەر جۇمىستى قالپىنا كەلتىرۋ، وقۋ باستاۋ ورنالاستىرۋىمەن ۇشتاستىرىپ، قالا ارالىق جولاۋشى تاسىمالى، قالا الەۋمەتتىك قاتىناسى، كىرە اۆتوكولىگى سياقتى تاس جول تاسىمالى قىزمەت وتەۋىن ءتارتىپتى قالپىنا كەلتىرىپ، پارمەندى شارا قولدانىپ، تاسىمال قۋاتى قامداۋىن جانە اۆتوكولىككە شىعۋ حاۋىپسىزدىگىن قامتاماسىز ەتىپ، قاتىناس قاربالاس ەمەس ۋاقىتتا جولعا شىعۋدى ءبىر تۇتاس جوسپارلاپ ويداعىداي ىستەپ، بۇقارانىڭ قالىپتى ءجۇرىس - تۇرىس قاجەتىن قاناعاتتاندىرۋ كەرەك. بەلسەنە شارت - جاعداي جاراتىپ، تاس جول تىكە تاسىمالى سياقتى قىزمەت وتەۋ ءتاسىلى ارقىلى شارۋا جۇمىسكەرلەر، وقۋشىلار سياقتى شوعىردىڭ ءجۇرىس - تۇرىسىن قامتاماسىز ەتۋ كەرەك. ىندەتتەن ساقتانۋ - تىزگىندەۋ كەزىندە، جەرگىلىكتى ۇكىمەتتەر ۇيىمداستىرعان شارۋا جۇمىسكەرلەردى جۇمىس ورنىنا الىپ قايتاتىن جالدامالى اۆتوكولىكتەردەن جوعارى قارقىندى تاس جولدا قاتىناۋ اقىسىن كەشىرىم ەتۋ كەرەك.

  ءۇشىنشى، شۇعىل جاعدايعا توتەپ بەرۋ زاتتىق ماتەريالدار تاسىمالىن شىنايى جاقسى ىستەۋ كەرەك. وڭىرلەر، قاتىستى تاراۋلار ءتۇيىندى كورنەكتىلەندىرىپ، حۋبەي ولكەسىنىڭ، اسىرەسە، ۋحان قالاسىنىڭ ءتۇرلى شۇعىل جاعدايعا توتەپ بەرۋ تاسىمالىن الدىمەن قامتاماسىز ەتۋ، ىندەتتەن ساقتانۋ - تىزگىندەۋ زاتتىق ماتەريالدارى، تۇرمىسقا قاجەتتى زاتتىق ماتەريالدار تاسىمالىن الدىمەن قامتاماسىز ەتۋ كەرەك. ”ىندەتتەن ساقتانۋ - تىزگىندەۋ بويىنشا شۇعىل جاعدايعا توتەپ بەرۋ زاتتىق ماتەريال مەن ادامدار تاسىمال اۆتوكولىگى رۇقسات كۋالىگى“ بار اۆتوكولىكتەرگە شۇعىل جاعدايعا توتەپ بەرۋ تاسىمال جاسىل ارناسى ساياساتىن قاتاڭ اتقارۋ كەرەك. قىسقا مەرزىمدە ىندەت ءتۇيىندى وڭىرلەرىنە زاتتىق ماتەريال تاسىمالدايتىن شوفەرلەر، تيەۋ - ءتۇسىرۋ جۇمىسكەرلەرى سياقتى قامتاماسىز ەتۋ قىزمەتكەرلەرىنە پرينسيپتىك جاقتان 14 كۇن اۋاشالاۋ شاراسىن قولدانۋدىڭ قاجەتى جوق.

  «حابارلاندىرۋ»دا مىنالار باسا دارىپتەلدى: وڭىرلەر قاراستى جەر جاۋاپكەرشىلىگىن قاتاڭ تياناقتاندىرىپ، قاراستى وڭىرىندەگى تاس جول قاتىناس نەگىزدىك قۇرىلعىلارىن، تاسىمال بازارى جاعدايىن جاپپاي، جۇيەلى ءبىر - بىرلەپ تەكسەرىپ، پارمەندى، ءونىمدى شارا قولدانىپ، ىركىلىسسىزدىكتى قامتاماسىز ەتۋ قىزمەتىندە ورىن تەپكەن ماسەلەلەردى شەشىپ، ادامداردىڭ، اۆتوكولىكتەردىڭ قالىپتى قاتىناۋىنا جانە ءتۇيىندى ىندەتتەن ساقتانۋ زاتتىق ماتەريالدارى تاسىمالىنىڭ ىركىلىسسىزدىگىنە شىنايى كەپىلدىك ەتۋ كەرەك. تاس جول قاتىناسى نەگىزدىك قۇرىلعىلارىن ءوز بەتىمەن بوگەگەندەر، تاس جول تاسىمالىنىڭ قالىپتى ءتارتىبىن بۇلدىرگەندەر جونىنەن قاتىستى تاراۋلاردىڭ جانە ورىنداردىڭ جاۋاپكەرشىلىگىن قاتاڭ قۋزاستىرۋ كەرەك.

جاۋاپتى رەداكتور : ءاننا اكىمقان قىزى