اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التايداعى فينانس جۇيەسى ىندەتتەن ساقتانۋ- تىزگىندەۋ جانە فينانس جاعىندا قىزمەت وتەۋ، قامتاماسىزداندىرۋ قىزمەتىن بار كۇشپەن جاقسى ىستەدى

  ءوز ءتىلشىمىز جۋ داندان حابارلايدى. جاڭا ءتيپتى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ- تىزگىندەۋدىڭ توسقاۋىل شايقاسىندا جەڭىسكە جەتۋ ءۇشىن، التايداعى ٴارقايسى بانكە سالاسىنىڭ فينانس قۇرىلىمدارى سانالى تۇردە ساياسي جاۋاپكەرشىلىكتى ارقالاپ، جۇقپالى ىندەتتەن ساقتانۋ، تىزگىندەۋگە فينانستىق قىزمەت وتەۋ، قامتاماسىزداندىرۋ قىزمەتىن بار كۇشپەن جاقسى ىستەدى.

  التاي بانكە حاۋىپسىزدىگىن باقىلاۋ بولىمشە مەكەمەسىنىڭ قاراستىلىعىنداعى 2 ساياساتتىق بانكە، 6 ۇلكەن ساۋدا بانكەسى، 10 زاڭدىق قۇرىلىم، 9 قامسىزداندىرۋ قۇرىلىمى تۇگەلدەي ىندەتتەن ساقتانۋ-تىزگىندەۋ باسشىلىق گرۋپپاسىن قۇردى. ءارقايسى قۇرىلىمدار ٴىس جۇزىندىك جاعدايىنا نەگىزدەلىپ، ىندەتتەن ساقتانۋ-تىزگىندەۋ قىزمەت جوباسىن جانە شۇعىل جاعدايعا توتەپ بەرۋ شارالارىن بەلگىلەپ، ٴار كۇنى قىزمەت ورنىن، كەڭسە عيماراتىن، اۆتوماتتى جابدىقتاردى ديزەنفەكسيالاپ وتىردى.

  جاڭا ءتيپتى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ- تىزگىندەۋ قىزمەتى ورىستەتىلگەننەن بەرى، التايداعى ءىرى بانكەلەر جەلىدە كاسىپ ٴبىتىرۋ ارناسىن كەڭەيتىپ، قاريدارلاردىڭ قولفون بانكەسى، ەلەكتروندىق بانكە، A T M اۆتوماتتى تەكشە سياقتى ەلەكتروندىق ارنامەن جۇمىس بىتىرۋىنە جەتەكشىلىك ەتتى. ادامداردىڭ ارالاسۋىن ازايتۋ ءۇشىن A T M ماشيناسى مەن اۆتوماتتى بانكە 24 ساعات نەگىزگى فينانستىق قىزمەت وتەۋمەن قامتاماسىز ەتتى، تەرەزەلىك ورىندا ءبىتىرۋ كەرەك بولعان ەرەكشە جاعدايدا، ٴارقايسى قۇرىلىمدار فينانستىق قىزمەت وتەۋدىڭ جاسىل ارناسىن اشىپ، ەرەكشە ىستەردى ەرەكشە باسقارىپ، قاجەتتى جۇمىستاردى تەرەزەلىك ورىندا ءبىتىرىپ بەردى.

  فينانستىق قىزمەت وتەۋدى قامتاماسىز ەتۋ ءۇشىن، التايداعى بانكەلەر قازىنالىق قارجى تولەۋدىڭ جاسىل ارناسىن اشىپ، مەكەمە ورىنداردىڭ ىندەتتەن ساقتانۋ- تىزگىندەۋ قىزمەتىنە قاجەتتى قارجىنى دەر كەزىندە بوساتىپ، حاۋىپسىز قامتاماسىز ەتتى، سونداي-اق ىندەتتەن ساقتانۋ- تىزگىندەۋگە قولداۋ كورسەتكەن ەمدەۋ اسپاپتارىن وندىرەتىن سالالارعا جاسىل ارنا اشىپ، الدىمەن ءبىر جاقتى ەتىپ، الدىمەن قارىز اقشا تاراتتى. ءوسىم مولشەرىن اتقارۋ جاعىندا ءوسىم مولشەرىندە بەلگىلى تيىمدىلىك جاساپ، دەنساۋلىق ساقتاۋ، ٴدارى ـ دارمەك ونىمدەرىن ءوندىرۋ جانە ساتىپ الۋ سياقتى جاقتارداعى ۇيلەسىمدى قارجى قۇراۋ قاجەتىن بەلسەنە قاناعاتتاندىردى.

  بانكە مەن قامسىزداندىرۋ كاسىبىنىڭ قوعامدىق جاۋاپكەرشىلىكتى امالياتتا ايگىلەۋىنە جەتەكشىلىك ەتىپ، قالىڭ پارتيالى كادرلاردى ۇلگىلىك، باستاماشىلدىق رولىن ساۋلەلەندىرۋگە ۇندەۋ ءۇشىن، 2-ايدىڭ 6-كۇنىنە دەيىن التاي بانكە حاۋىپسىزدىگىن باقىلاۋ بولىمشە مەكەمەسى مەن وعان قاراستى ٴارقايسى بانكەلەردىڭ قامسىزداندىرۋ قۇرىلىمدارى جيىنى 3 ميلليون 234 مىڭ يۋان جىلۋ اتادى . مۇنىڭ ىشىندە بولىمشە مەكەمە 13 مىڭ يۋان جىلۋ اتادى. قارماعىنداعى ءىرى بانكەلەر مەن ساياساتتىق بانكەلەر 192 مىڭ 161.66 يۋان جىلۋ اتادى، قاراستىلىعىنداعى زاڭدىق قۇرىلىمداردىڭ زاتتاي، قارجىلاي اتاعان جىلۋ سوماسى 2 ميلليون 718 مىڭ 347 يۋان بولدى، قامسىزداندىرۋ قۇرىلىمدارى 310 مىڭ 660 يۋان جىلۋ اتادى .

  وسى رەتكى جىلۋ اتاۋ قيمىلىندا التاي اۋىل- قىستاق ساۋدا بانكەسى 546 مىڭ يۋان جىلۋ اتادى. «ىندەت مەيىرىمسىز بولعانىمەن التاي اۋىل - قىستاق ساۋدا بانكەسىندەگىلەر ىزگى نيەتىن ايگىلەپ بەلسەنە جىلۋ اتادى، جەرگىلىكتى ورىنداعى فينانس قۇرىلىمى بولعان اۋىل-قىستاق ساۋدا بانكەسى مەيىر-شاپاعاتىمىزدى ىندەتتەن ساقتانۋ- تىزگىندەۋ قىزمەتىنە ارناپ، بۇكىل قالاداعى حالىقپەن تىلەكتەس بولىپ، وسى رەتكى شايقاستا جەڭىسكە جەتەمىز»،-دەدى التاي اۋىل- قىستاق ساۋدا بانكەسى پارتكومىنىڭ شۋجيى، باس جوراسى تاۋ ۋەيجۇن.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى