اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزداعى ءار ۇلت حالقى بەلسەنە جىلۋ اتاپ، قولداۋ كورسەتتى

  قازىر جاڭا ٴتيپتى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتى شەشۋشى كەزەڭدە تۇر

  ايماعىمىزداعى قوعامنىڭ ءار سالاسىنداعىلار، قالىڭ پارتيالى كادرلار مەن بۇقارا قوعامدىق جاۋاپكەرشىلىكتى بەلسەنە اتقارىپ، مەيىر باعىشتاپ، جىلۋ اتاپ، ىندەتتەن ساقتانۋ- تىزگىندەۋ قىزمەتىنە كۇش قوستى

  التاي قالاسى ىندەت تاراعان وڭىردەگى حالىقپەن تىلەكتەس بولىپ، مەيىر باعىشتادى

  ەرىكتى ءتىلشى ليۋ يۋانيۋان حابارلايدى. جاڭا ٴتيپتى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى تۋىلعاننان بەرى، التاي قالاسى ٴابيتان قالاشىعى شىڭىراۋ قىستاعىنداعىلار ٴبىر نيەت، ٴبىر تىلەكتە بولىپ، جۇدىرىقتاي جۇمىلىپ، ىندەتتىڭ الدىن الدى، قىستاق تۇرعىندارى ناق مايداندا جىلۋ اتاۋ، ٴۇنحات ارقىلى جولداۋ سياقتى تاسىلدەر ارقىلى مەيىر-شاپاعات جەتكىزدى.

  ساقا پارتيا مۇشەسى توقتاۋباي اقتايلاق ۇلى مەن ەلەۋسىز مۇرسالي قىزى تىرناشتاپ جيعان 150 مىڭ يۋاننىڭ بانكە شەگىن التاي قالاسى قىزىل كرەست قوعامى قىزمەتكەرلەرىنىڭ قولىنا تاپسىرىپ بەردى. ٴالي ۇسەن ۇلى شىڭىراۋ قىستاعىنداعى ءىرى ەگىنشى وتباسى، قاتىناس قولايسىز، قىستاق تۇرعىندار كوميتەتىنە بارىپ جىلۋ اتاۋ مۇمكىندىگى بولماعاندىقتان، ٴۇنحات ارقىلى 5000 يۋان اقشا جولداپ بەردى. 60 جاستاعى باقىت سولتان ماسكى تاعىپ، ٴبىر كيلومەتر جول باسىپ قىستاق تۇرعىندار كوميتەتىنە كەلىپ، 500 يۋان ناق اقشاسىن پارتيا ياچەيكاسىنا تاپسىردى.

  2-ايدىڭ 6-كۇنىنە دەيىن شىڭىراۋ قىستاعىنىڭ تۇرعىندارى ىندەتتەن ساقتانۋ- تىزگىندەۋ قىزمەتىنە 200 مىڭ يۋاننان استام جىلۋ اتادى. شىڭىراۋ قىستاق كوميتەتىندەگىلەر وسى اقشانى ۋحانعا دەر كەزىندە جىبەرىپ بەرەتىنىن ايتتى.

  شىڭىراۋ قىستاعىنىڭ ءبىرىنشى شۋجيى سۇن رۇڭحۋا بىلاي دەدى: وسى رەتكى ىندەت پارتيالى كادرلارىمىزدى سىناۋمەن بىرگە، بۇقارا دا وسى رەتكى ىندەتتەن ساقتانۋ- تىزگىندەۋ قىزمەتىنە بەلسەندى ۇلەس قوستى، قىستاقتا تۇراتىن قىزمەت اترەتىندەگىلەر بۇقاراعا اناعۇرلىم كوبىرەك جاقسى ٴىس ىستەپ بەرۋى ءتيىس.

  

  1. ايدىڭ 3-كۇنى التاي قالاسى بالباعاي اۋىلى قاراعاش قىستاعىنىڭ تۇرعىنى توقتاربەك قاجىبەك ۇلى 10 مىڭ يۋاندى التاي قالالىق قىزىل كرەست قوعامىنا اكەلىپ بەردى. ول بىلاي دەدى: ٴبىزدىڭ جاقسى تۇرمىسىمىز پارتيا مەن مەملەكەتتىڭ ابزال ساياساتىنان كەلگەن، پارتياعا العىس ايتامىن، مەملەكەتتە قيىنشىلىق بولعان كەزدە، شامامنىڭ كەلىسىنشە كومەك كورسەتتىم.

  2-ايدىڭ 6-كۇنى التاي قالالىق قىزىل جاقۇت حالىقارالىق ساياحات كووپەراتيۆى شەكتى سەرىكتەستىگى ىندەتتەن ساقتانۋ- تىزگىندەۋدىڭ ءبىرىنشى شەبىندەگى قىزمەتكەرلەرگە قۇنى 20 مىڭ يۋاندىق تۇرمىستىق بۇيىمدار بەرىپ، ىندەتتەن ساقتانۋ-تىزگىندەۋ قىزمەتىنىڭ تىڭعىلىقتى ورىستەتىلۋىن قامتاماسىز ەتتى.

  كەلۋ قاينارى: التاي قالالىق ارالىقسىز ءۇنحات تەكشەسى

  بۋىرشىن اۋدانىنداعى مەيىر باعىشتاۋشى كاسىپورىندار ىندەتتەن ساقتانۋ-تىزگىندەۋ قىزمەتىنە دەم بەردى

  2-ايدىڭ 5-كۇنى التاي ايماعىنداعى شيڭجۇي قورا-جاي اشۋ شەكتى جارنا سەرىكتەستىگى، شينجياڭ شيڭجۇي ميڭجۋ قۇرىلىس ينجەنەرياسى شەكتى جاۋاپكەرلىك سەرىكتەستىگى، بۋىرشىن اۋدانىنداعى جياحى قوجالىق شەكتى جاۋاپكەرلىك سەرىكتەستىگى، بۋىرشىن اۋدانىنداعى يىنتۇڭ شاعىن سومالى قارىز شەكتى سەرىكتەستىگى، بۋىرشىن اۋدانىنداعى قاناس ساياحات زات ساتىپ الۋ شەكتى جاۋاپكەرشىلىك سەرىكتەستىگى قاتارلى سەرىكتەستىكتەردىڭ جۇمىسشى- قىزمەتكەرلەر ۋاكىلى 154 جۇمىسشى-قىزمەتكەردىڭ جىلۋعا اتاعان 270 مىڭ يۋاننان استام اقشاسىن بۋىرشىن اۋداندىق قىزىل كرەست قوعامىنا اپارىپ بەرىپ، ناقتى ءىس-ارەكەتتەرى ارقىلى شىنايى سۇيىسپەنشىلىكتى ايگىلەدى.

  كەلۋ قاينارى: بۋىرشىن اۋداندىق ارالىقسىز ءۇنحات تەكشەسى

  قابا اۋدانىنداعىلار الەۋمەتتىك اۋماق قىزمەتكەرلەرىنە قولداۋ

  كورسەتتى

  2-ايدىڭ 4-كۇنى قابا اۋدانىنداعى قوجاناسىر تەز تاعامجايىنىڭ قوجايىنى ىستىق ٴمانتى مەن ساڭزىنى شىعىس دەموكراتيا جولى الەۋمەتتىك اۋماعىنا اكەلىپ، ٴار كۇنى ۇگىتتەۋ، قىزمەت وتەۋ قىزمەتىن جالعاستىرىپ جاتقان پارتيا مۇشەلەرى مەن كادرلارعا مەيىر باعىشتادى. كوپشىلىك بۋى بۇرقىراعان ٴمانتىنى كورىپ، شىن جۇرەكتەن العىس ايتتى، بۇقارانىڭ قولداۋىنا يە بولعان قىزمەتكەرلەردىڭ جىگەرى تاسقىندادى.

  2-ايدىڭ 5-كۇنى قابا اۋدانىنداعى ۋانكاڭ ٴدارى-دارمەك سەرىكتەستىگىنىڭ جاۋاپتىسى 200 تەرمومەتر مەن 200 ماسكىنى قابا اۋدانى شىعىس دەموكراتيا جولى الەۋمەتتىك اۋماعىنا اپارعاندا، الەۋمەتتىك اۋماق كادرلارى قاتتى تەبىرەندى. بۇقارا بەلسەنە قولداسا، بۇكىل قوعام بىردەي اتسالىسسا، جەڭە المايتىن قيىنشىلىق بولمايدى.

  كەلۋ قاينارى: قابا اۋداندىق ارالىقسىز ءۇنحات تەكشەسى

  جەمەنەي اۋدانىنداعىلار بەلسەنە جىلۋ اتاپ، مەيىر باعىشتاۋ ارقىلى ىندەتتەن ساقتانۋ-تىزگىندەۋگە كۇش

   قوستى

  2-ايدىڭ 4-كۇنى جەمەنەي اۋدانى ۇلاستى قالاشىعى ارشالى قىستاعىنىڭ تۇرعىنى قانات تاسباي ۇلى، ءاسىمجان وشۇر ، جىڭ جينساي ، قادىس ەرباقىت ۇلى قاتارلى 15 پارتيا مۇشەسى 7000 يۋاننان استام جىلۋ اتادى.

  جەمەنەيدەگى ءبىر ءبولىم زەينەتكە شىققان كادرلار، ساۋدا دۇكەندەرىنىڭ قوجايىندارى وزدەرى تۇرعان اۋماقتاعى كادرلارمەن وزدىكتەرىنەن حابارلاسىپ، جيىنى 11 مىڭ 550 يۋان جىلۋ اتادى.

  كەلۋ قاينارى: جەمەنەي اۋداندىق ارالىقسىز ءۇنحات تەكشەسى

  كوكتوعاي اۋدانىندا ىزگى نيەتتى جاندار تۇيە ءسۇتىن جىلۋعا اتاپ، ىندەتتەن ساقتانۋ-تىزگىندەۋ قىزمەتىنە قولداۋ

   كورسەتتى

  ەرىكتى ءتىلشى يۋان جۇڭحى حابارلايدى. ەركىن قيزات ۇلى كوكتوعاي اۋدانى دۇرە قالاشىعى اقكۇمىس قىستاعىنداعى تۇيە باعاتىن ءىرى وتباسى، ىندەتتىڭ الدىن الۋ- تىزگىندەۋ قىزمەتى ورىستەتىلگەننەن بەرى، ەركىن قيزات ۇلى ٴبىرىنشى شەپتەگى قىزمەتكەرلەردىڭ قاراستى رايونداعى بۇقارانىڭ دەنساۋلىعىن قورعاۋ ٴۇشىن، قىزمەت ورنىنان تاپجىلماي، كۇندىز ـ ٴتۇنى شايقاس جاساپ، توتەنشە جاپالى قىزمەت وتەپ جاتقانىن كورىپ، قالاشىقتاعى باسقا بىرنەشە تۇيە باعاتىن ٴىرى وتباسىمەن بايلانىس جاساپ، قىزمەتكەرلەرگە تۇيە ٴسۇتىن اپارىپ بەردى.

  2-ايدىڭ 5-كۇنى تۇيە باعاتىن 10 ءىرى وتباسىنىڭ قۇنى 150 مىڭ يۋان كەلەتىن ەكى جارىم توننا تۇيە ءسۇتى دۇرە قالاشىعىنداعى 15 اكىمشىلىك قىستاققا، ٴارقايسى مەكەمەلەرگە (پۋنكتتەرگە) جەتكىزىلدى.

  شىڭگىل اۋدانىنداعى مەيىر باعىشتاۋشىلار جۇمىرتقا تارتۋ ەتىپ، ىندەتتەن ساقتانۋ قىزمەتىنە دەم بەردى

  شىڭگىل اۋدانىنداعى تيان-ي باعىمشىلىق سەلبەستىك كووپەراتيۆىنىڭ جاۋاپتىسى ۋ شۋچين اۋقاتتانعاننان كەيىن قوعامعا قارىمجى قايتارۋدى ۇمىتپادى . ىندەتتىڭ الدىن الۋ- تىزگىندەۋ مەزگىلىندە شىڭگىل اۋدانىنداعى ءار قايسى تەكسەرۋ ورىندارى مەن اۋاشالاۋ تۇيىندەرىن تاۋىق جۇمىرتقاسىمەن تەگىن قامدادى. قىسقا عانا 10 كۇندە قاتىستى ورىنداردى قۇنى 25 مىڭ يۋان كەلەتىن 30 مىڭنان استام جۇمىرتقامەن تەگىن قامدادى.

  التاي ايماقتىق ينتەرنەت-اقپارات ورتالىعىنىڭ جيناق حابارى

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى