شەكارا قورعاۋشىلارى دا بەلسەنە كومەك اتادى

  التاي گازەتىنىڭ ءتىلشىسى گۇلميرا داۋلەتبەك قىزى حابارلايدى. بوز بوراننىڭ وتىندە، شەكارانىڭ شەتىندە شەرۋ تارتقان، قاڭتاردىڭ ايازىنا توڭىپ، شىلدەنىڭ شىلىڭگىر ىسىتىعىنا اپتالعان، وتانىمىزدىڭ تۇتاستىعىن، شەكارانىڭ تىنىشتىعىن ساقتاۋ جولىندا ەسەلى ۇلەس قوسىپ جاتقان كوكتوعاي اۋدانى دۇرە قالاشىعى ۇزاقتى قىستاعىنىڭ شەكارا قورعاۋشىلارى «ءبىر جاقتا قيىنشىلىق بولسا، كوپ بولىپ كومەكتەسۋ» سىندى اسىل داستۇرىمىزگە مۇراگەرلىك ەتىپ، ىندەتكە قارسى تۇرۋدىڭ جەڭىسىنە قول جەتكىزۋگە ءبىر كىسىلىك ۇلەسىن قوسىپ، قولىنان كەلگەن كومەكتەرىن ايامادى.

  2 - ايدىڭ 2 - كۇنى نۇرباقىت، ءپاميدا، مۇعيزات قاتارلى ازاماتتاردان ۇيىمداسقان 18 شەكارا قورعاۋشى 5500 يۋان كومەك قاراجاتىن ۇزاقتى قىستاق كەڭسەسىنە تابىس ەتىپ، جاقىننان جاردەم بەردى.

  ۇزاقتى قىستاعى پارتيا ياچەيكاسىنىڭ شۋجيى جەڭىس شايزا ۇلى بىلاي دەدى:”ىندەتتىڭ الدىن الۋعا بۇكىل قوعام بولىپ ات سالىسىپ جاتقان تۇستا، قىستاعىمىزداعى شەكارا قورعاۋشىلار وزدىكتەرىنەن ۇيىمداسىپ، شامالارىنىڭ كەلىسىنشە حالىقتىڭ وسى ءبىر قيىندىقتان تەزىرەك قۇتىلۋىنا ءوز ەرىكتەرىمەن اتادى. ىزگى نيەتتى ازاماتتاردىڭ بۇل قيمىلى القاۋعا تاتيدى، جىلۋعا اتاعان 5500 يۋان اقشاعا ماسكى، تەرمومەتر، دەزينفەكسيالاۋ سۇيىقتىعىن ساتىپ الىپ، حالىق بۇقاراسىنا تاراتىپ بەرەمىز“.

جاۋاپتى رەداكتور: ءاننا اكىمقان قىزى