اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ىنتىماقتاسساق الىنبايتىن قامال، جەڭبەيتىن قيىنشىلىق بولماس

  التاي گازەتىنىڭ ءتىلشىسى ارداق بەيىسقان ۇلى حابارلايدى. ەلىمىزدىڭ «ءبىر جاق قيىنشىلىققا ۇشىراسا كومەكتەسۋ» سالتى سانامىزعا ۇيالاعالى سان عاسىردىڭ ءجۇزى بولدى. جاقىنعى كۇندەردەن بەرى، ايماعىمىزداعى ءار ۇلت حالقى ىندەتتەن ساقتانۋ - تىزگىندەۋگە كومەك قولدارىن سوزىپ، الدىڭعى شەپتەگى قىزمەتكەرلەرگە مەيىر – شاپاعاتتارىن ءبىلدىرىستى. سولاردىڭ قاتارىندا، التاي قالاسى قاراشىلىك اۋىلىنان دەمالىسقا شىققان قارت پارتيا مۇشەسى قابىلنازىر مەيمەنقالي ۇلى جۇبايى ءنازيگۇل اسقاپ قىزىمەن اقىلداسىپ، ىندەتتەن ساقتانۋ - تىزگىندەۋ قىزمەتىنە 20 مىڭ يۋان كومەك قاراجاتىن اتادى.

  قابىلنازىر اقساقال تىلشىگە بىلاي دەدى: ”الاقانى ايالى، جانى سايالى، مەيىرى اناداي، پەيىلى داناداي، حالقىنا قورمال، قورعان بولعان پارتيامىزدىڭ ابزال ساياساتىنىڭ ارقاسىندا ءوسىپ - جەتىلىپ، نەگىزگى ساتىدا پارتيالى كادر بولىپ، تۋعان اۋىلىمدا باسشىلىق قىزمەت وتەپ، داڭىقپەن دەمالىسقا شىقتىم. ’ءبىر جاق قيىنشىلىققا ۇشىراسا كوپ بولىپ كومەكتەسۋ‘ جۇڭحۋا ۇلتىنىڭ تاڭداۋلىءداستۇرى. ’جۇمىلا كوتەرگەن جۇك جەڭىل، كوپ تۇكىرسە كول بولار‘ دەگەندەي، وسىنداي قيىنشىلىق كەزەڭىندە ءار ۇلت حالقى ىنتىماقتاسسا الىنبايتىن قامال، جەڭبەيتىن قيىنشىلىق بولماس، بۇل رەتكى ىندەتتەن، ءسوزسىز، ەرتە ايىعامىز“ـــ، دەدى بەرىك سەنىممەن.

جاۋاپتى رەداكتور : ءاننا اكىمقان قىزى