اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ءتۇيىندى ساتتە كوممۋنيستەر اتويلاپ العا شىقتى

  التاي گازەتىنىڭ ءتىلشىسى دۋ پىڭفي، ەرىكتى تىلشىلەر ليۋ داتيان، نۇرلاش سىلاش قىزى حابارلايدى.

  جاقىنعى كۇندەردەن بەرى، جاڭا تيپتەگى ءتاج ءتارىزدى ايدارشا ۋيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋدىڭ شايقاس جەلىسىندە، كوكتوعاي اۋدانىنداعى ءار دارەجەلى پارتيا ۇيىمدارى مەن پارتيالى كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، كەۋدە كەرە العا شىعىپ، جان - جاقتىلى ۇگىتتەۋ، تەكسەرۋ، ىندەتتەن ساقتانۋ- تىزگىندەۋ شارالارى ارقىلى نەگىزگى ساتىداعى ىندەتتەن ساقتانۋ- تىزگىندەۋ تورىن بەكەمدەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە بىرگە قول جەتكىزۋگە كۇش سالدى.

  كوكتوعاي اۋداندىق حالىق شيپاحاناسىنىڭ قۋەرتىس قالاشىعى شىعىس سەرجان جولى الەۋمەتتىك اۋماعىندا تۇراتىن قىزمەت اترەتى پارتيا مۇشەلەرىنىڭ اۋانگاردتىق ۇلگىلىلىك رولىن تولىق ساۋلەلەندىرىپ، قاراستى وڭىردەگى مىندەتسىز 100 پارتيا مۇشەسىن ۇيىمداستىرىپ ”پارتيا مۇشەلەرىنىڭ ىندەتتەن ساقتانۋ - تىزگىندەۋ ەرىكتىلەر اترەتىن“ قۇرىپ، تۇرعىندار شاعىن رايوندارىنا بارىپ عيمارات زالدارىن دەزينفەكسيالاۋ، ىندەتتەن ساقتانۋ بىلىمدەرىن ۇگىتتەۋ جانە دەنە تەمپەراتۋراسىن ولشەۋ قاتارلى ەرىكتى قىزمەت وتەۋ قيمىلدارىن ورىستەتتى.

  ەگىن - مال شارۋاشىلىعى قىستاقتارىنداعى بۇقارانىڭ وزدەرىن قورعاۋ تانى ءالسىز، وڭاي جۇعىمدالۋ حاۋپى ساقتالۋدا. ىندەتتەن ساقتانۋ - تىزگىندەۋ شايقاسى باستالعاننان بەرى، كوكتوعاي اۋداندىق تۇرعىن ءۇي جانە قالا - اۋىل قۇرىلىس مەكەمەسىنىڭ ەرتىس قىستاعىندا تۇراتىن قىزمەت اترەتىنىڭ مۇشەسى لو يۇڭنيڭ ”ىندەتتەن ساقتانۋ- تىزگىندەۋ بىلىمدەرىن ۇگىتتەۋشى“ مىندەتىن ىرىقتىلىقپەن ۇستىنە الىپ، ىندەتتەن ساقتانۋ - تىزگىندەۋ بىلىمدەرىن ءار كۇنى لابادان قويىپ، بۇقارانىڭ ءوزىن - ءوزى قورعاۋ تانىمىن كۇشەيتتى.

  كوكتوعاي اۋدانى تەمەكى اۋىلى سارتەرەك قىستاعىنىڭ قارت كادرى، پارتيا مۇشەسى توقتاباي قادىل ۇلى حۋبەي ولكەسىنىڭ ۋحان قالاسىنداعى اۋىر ىندەت جاعدايىن بىلگەننەن كەيىن ۋحانعا 20 مىڭ يۋان جىلۋ اتادى. بۇدان تىس، توقتاۋباي قارت تاعى وتباسىنداعى پيكا اۆتوكولىگىن قىستاق كادرلارىنىڭ ىستەتىپ تۇرۋىنا بەرىپ، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ القاسىنىڭ مال شارۋاشىلىق رايونىنا بارىپ ۇگىت جۇرگىزۋ، ىندەت جاعدايىن باقىلاۋ- ولشەۋ قاتارلى قىزمەتتەرىنە قولايلىلىق تۋدىردى.

  ۇعىسۋعا قاراعاندا، ىندەتتەن ساقتانۋ - تىزگىندەۋ توسقاۋىل شايقاسى باستالعاننان بەرى، كوكتوعاي اۋدانىنداعى ءار دارەجەلى پارتيا ۇيىمدارى مەن پارتيالى كادرلار ”اۋدانداعى ءار دارەجەلى پارتيا ۇيىمدارى مەن پارتيا مۇشەلەرىنە ءبىر پارشا حاتتىڭ“ رۋحىن جاپپاي دايەكتىلەندىرىپ، اۋانگاردتىق ۇلگىلىلىك رولدارىن ساۋلەلەندىرىپ، ىندەت جاعدايىن دەر كەزىندە يگەرىپ، جەدەل ارەكەتكە كەلىپ جەرگىلىكتى ورىنداعى ءار ۇلت بۇقاراسىنىڭ پارتيانىڭ باسشىلىعىندا ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە بولعان سەنىمى مەن بەكىمىن نىعايتا ءتۇستى.

جاۋاپتى رەداكتور : ءاننا اكىمقان قىزى