اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدا قوعامنىڭ ءار سالاسى ىندەتتەن ساقتانۋ - تىزگىندەۋ توسقاۋىل شايقاسىنا ات سالىستى

  التاي گازەتىنىڭ ءتىلشىسى جۇڭ چۇنچۇن مەن ەرىكتى تىلشىلەر فاڭ نا، ۋان گۋاڭميڭ حابارلايدى. جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى جاعدايى تۋىلعاننان بەرى، ايماعىمىزدىڭ ءار سالاسىنداعىلار بەرەكە - بىرلىكتە بولىپ، ايماعىمىزدىڭ ىندەتتەن ساقتانۋ - تىزگىندەۋ قىزمەتىن بار كۇشپەن قولدادى.

  تار جول، تايعاق كەشۋلەردەن بىرگە ءوتىپ، فينانستىق قىزمەت وتەۋدىڭ ىركىلىسسىزدىگىنە كەپىلدىك ەتتى

  فينانستىق قىزمەت وتەۋدىڭ ىركىلىسسىز ارناسىن اشىپ، ىندەتتەن ساقتانۋ - تىزگىندەۋدە فينانستىق قولداۋدى جانە قيىنشىلىقتا قالعان كاسىپورىندارعا فينانستىق قىزمەت وتەۋدى كۇشەيتتى. بىرنەشە كۇننەن بەرى التاي بانكە قامسىزداندىرۋدى باقىلاپ - باسقارۋ بولىمشە مەكەمەسى ۇتىمدى شارالار قولدانىپ، ىندەتتەن ساقتانۋ - تىزگىندەۋگە فينانستىق قولداۋدى كۇشەيتىپ، فينانستىق قىزمەت وتەۋدىڭ ىركىلىسسىزدىگىنە كەپىلدىك ەتتى.

  ىندەتتەن ساقتانۋ – تىزگىندەۋ توسقاۋىل شايقاسى باستالعاننان كەيىن التاي بانكە - قامسىزداندىرۋدى باقىلاپ - باسقارۋ بولىمشە مەكەمەسى بانكە قامسىزداندىرۋ قۇرىلىمدارىنىڭ فينانستىق قىزمەت وتەۋگە بار كۇشپەن سايكەسە بەلسەنە جەتەكشىلىك ەتتى. بەيتۇن اۋىل شارۋاشىلىق ساۋدا بانكەسى ولشەمدى ءوسىم مولشەرى بويىنشا ىندەتكە توتەپ بەرۋگە ارناۋلى 4 ميلليون يۋان قارىز اقشا تاراتىپ، جەرگىلىكتى ورىنداعى «حۇيرىن» ءدارى - دارمەك سەرىكتەستىگىنىڭ ىندەتتەن ساقتانۋعا قاجەتتى زاتتاردى ساتىپ الۋىنا قولداۋ كورسەتتى. بانكە سالاسى، قامسىزداندىرۋ كاسىبى قۇرىلىمدارى ءۇنحات الەۋمەتتىك ءنومىرى، ۇكىمەت تورابى سياقتى ارنالاردان پايدالانىپ، قول تەلەفون بانكەسى، ينتەرنەت بانكەسى، ينتەرنەتتە APP تولەم بەرۋ سياقتى قولدانىلمالى بىلىمدەردى جالپىلاستىرىپ، قىسقا كەسكىندى، سۋرەتتى فورمامەن ءتۇسىندىرۋ ءتاسىلى ارقىلى قاريدارلاردى قول تەلەفون بانكەسى، ينتەرنەت بانكەسى، ينتەرنەت فينانس تەكشەسى سياقتى ەلەكتروندىق ارنالاردى الدىمەن قولدانىپ كاسىپ بىتىرۋگە بەلسەنە جەتەكتەپ، قاريدارلاردىڭ فينانستىق قىزمەت وتەۋ قاجەتىن كوپ ارنامەن قاناعاتتاندىردى.

  ايماقتىڭ بانكە سالاسى قوعامى، قامسىزداندىرۋ سالاسى قوعامى «‹ەل بىرلىگىنەن بەرىك قامال تۇرعىزىپ، جاڭا تيپتەگى ايدارشا ۆيرۋس ىندەتىنە› ارناۋلى جىلۋ اتاۋ ۇندەۋ حاتىن» جاريالادى، 2 - ايدىڭ 1 - كۇنىنە دەيىن قاراستىلىعىنداعى بانكە سالاسى، قامسىزداندىرۋ سالاسى جيىنى 2 ميلليون 948 مىڭ 893.91 يۋان جىلۋ اتادى.

  ءبىر جاعادان باس، ءبىر جەڭنەن قول شىعارىپ، ىندەتتەن ساقتانۋ-تىزگىندەۋ، توسقاۋىل شايقاسىنا اتسالىستى

  ىندەتتەن ساقتانۋ قىزمەتىن كەشەۋىلدەتۋگە بولمايدى. ايماقتاعى ءار دارەجەلى ايەلدەر بىرلەستىگى دەرەۋ ارەكەتتەنىپ، ىرىقتىلىقپەن ىسكە كىرىسىپ، قالىڭ ايەلدەردى شايقاسقا ات سالىسىپ، ءبىرىنشى شەپتە شايقاس جاساۋعا ۇندەپ جانە باستاپ، حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى قىزمەت رەتىندە مىقتى يگەرىپ، ءونىمدى شارالار قولدانىپ، ىندەتتەن ساقتانۋ - تىزگىندەۋ توسقاۋىل شايقاسىندا جەڭىسكە جەتۋگە جەلەكتىلەردىڭ ۇلەسىن قوستى.

  تاياۋدا، ايماقتىق ايەلدەر بىرلەستىگىنىڭ كادرلارى الەۋمەتتىك اۋماقتاعى تۇرعىندار مەن بۇقارانىڭ وتباسىنا بارىپ تۇرعىنداردىڭ دەنە تەمپەراتۋراسىن ولشەپ، ىندەتتەن ساقتانۋ - تىزگىندەۋ بىلىمدەرىن ۇگىتتەۋ جانە جالپىلاستىرۋ تەبىنىن ارتتىرىپ، تۇرعىنداردى وسەك - اياڭعا سەنبەۋگە، وسەك - اياڭ تاراتپاۋعا، وزىنەن باستاپ ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە جەتەلەدى.

  ايماقتاعى ءار دارەجەلى ايەلدەر بىرلەستىگىنىڭ كادرلارى، جەلەكتى ەرىكتىلەر، «مەيىربان انالار» قوعامى قوعامدىق جاۋاپكەرشىلىكتى مۇقيات اتقارىپ، قىزمەت ورنىن تياناق ەتىپ، حاۋىپ - قاتەردەن قورىقپاي، قيىندىقتان تايسالماي العا ۇمتىلىپ، قوعامنىڭ ءار سالاسىنداعى اپەكە - سىڭلىلەرىن ىندەتتەن ساقتانۋ - تىزگىندەۋ رولىن ساۋلەلەندىرۋگە ۇندەدى؛ ءار ۇلت ايەلدەرىن قوعامدىق جاۋاپكەرشىلىكتى ارقالاپ، ىندەتتەن ساقتانۋ - تىزگىندەۋدىڭ ۇگىتشىسى، باقىلاۋشىسى بولۋعا جەتەكتەپ، ىندەتتەن ساقتانۋ - تىزگىندەۋ ينفورماتسيالارىن ءار ۇلت بۇقاراسىنا دەر كەزىندە جەتكىزىپ، بۇقارانىڭ دەنساۋلىق قورعاۋ - ساقتانۋ ساناسىن ۇزدىكسىز كۇشەيتتى.

  كوممۋنيستىك جاستار وداعى ىندەتتەن ساقتانۋ - تىزگىندەۋگە قۇلشىنا كىرىستى

  2 - ايدىڭ 1 - كۇنى كوممۋنيستىك جاستار وداعى التاي ايماقتىق كوميتەتى بۇكىل ايماقتاعى جاستارعا ۇندەۋ شىعارىپ، ىندەتتەن ساقتانۋ - تىزگىندەۋ ەرىكتى قىزمەت وتەۋ اترەتىن قۇردى، قىسقا عانا 2 كۇن ىشىندە 600 دەن استام جاس ەرىكتى جابال تىزىمدەلدى، وسىدان باستاپ ولار بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق وڭاۋدىڭ ماڭىزدى كۇشىنە اينالدى.

  ىندەت ـــ بۇيرىق، ساقتانۋ - تىزگىندەۋ ــ جاۋاپكەرشىلىك. كوممۋنيستىك جاستار وداعى پارتيا باسشىلىعىنداعى العاباسار جاستاردىڭ بۇقارالىق ۇيىمى رەتىندە پارتيانىڭ قولعاناتى مەن زاپاس قوسىنى بولۋ مىندەتىن تولىق ايگىلەپ، ءۇنحات الەۋمەتتىك تەكشەسى ارقىلى «كوممۋنيستىك جاستار وداعى التاي ايماقتىق كوميتەتىنىڭ ايماقتاعى قالىڭ وداق مۇشەسى جاستارعا ۇندەۋ حاتىن»، «التاي ايماقتىق كوممۋنيستىك جاستار وداعىنىڭ ىندەتتەن ساقتانۋ - تىزگىندەۋ ەرىكتىلەرىن قابىلداۋ حابارلاندىرۋىن» جاريالاپ، ايماقتاعى قالىڭ وداق مۇشەلەرى مەن جاستاردى كاسىپتىك ەمدەۋ، كۇتىمدەۋ، حالىققا قولايلى قىزمەت وتەۋ، پسيحولوگيالىق جاقتان جەتەكتەۋ قاتارلى شۇعىل كومەك كورسەتۋ، قىزمەت وتەۋ كۇشتەرىن قابىلداۋعا جانە زاپاس ساقتاۋعا جۇمىلدىردى.

  2 - ايدىڭ 3 - كۇنىنە دەيىن ايماق بويىنشا 3572 ەرىكتى ساقاداي سايلانىپ، 2662 ەرىكتى قىزمەت وتەۋگە قاتىناسىپ، قوعامنان 616 ەرىكتىنى قابىلدادى ءارى بۇيرىق كۇتىپ، شايقاسقا كەز كەلگەن ۋاقىتتا قاتىناسۋ دايىندىعىن جاقسى ىستەپ، ايماقتاعى جاستاردىڭ شەشۋشى كەزەڭدە باتىلدىقپەن جاۋاپكەرشىلىك ارقالايتىن، ۇلەس قوسۋعا پەيىل رۋحاني قاسيەتىن تولىق ايگىلەدى.

جاۋاپتى رەداكتور : ءاننا اكىمقان قىزى