اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جۇمىلا كوتەرگەن جۇك جەڭىل

  ەرىكتى ءتىلشى وجەت دالەلقان ۇلى حابارلايدى. ’’جۇمىلا كوتەرگەن جۇك جەڭىل“ دەمەكشى جاڭا تيىپتەگى ايدارشا ۋيرۋسپەن جۇعىمدالۋدان بولعان وكپە قابىنۋ ىندەتىنەن ساقتاۋ - تىزگندەۋ قىزمەتى ورستەتىلگەننەن بەرى، بۋرىلتوعاي اۋدانى شىعانجيدە اۋىلدىعى سەكىرۋ قىستاعىنداعى بارلىق پارتيا مۇشەلەرى مەن بۇقارا وزدىكتەرىنەن ۇگىت جۇرگىزىپ، قىزمەت وتەۋگە ات سالىسىپ، ىندەتتىڭ الدىڭعى شەبىندەگى ىس - تۇتەكسىز مايداندا كۇرىس جاساپ جاتقان باۋىرلاستارعا قولداۋ كورسەتتى.

  سەكىرۋ قىستاعىنىڭ قارت پارتيا مۇشەسى شۇعايىپ قابدىل ۇلى ءوزى باس بولىپ 1500 يۋان كومەك قاراجاتىن جىلۋعا اتاپ، پارتيا مۇشەلەرىنىڭ باستاماشىلىق رولىن ساۋلەلەندىرىپ، قىستاق تۇرعىندارىنا ۇلگى - ونەگە بولا ءبىلدى.

  سەكىرۋ قىستاعىنىڭ مالشىسى مۇرال سولتانقاميت ۇلى تىلشىگە بىلاي دەدى: ”مەن ءبىر ءوز كۇشىمەن اۋقاتتانعان مالشىنىڭ ۇرپاعىمىن، الايدا، پارتيا ءبىز ءۇشىن سانداعان قولايلىقتار جاراتىپ، بۇگىنگىدەي باقىتتى تۇرمىسقا كەنەلۋىمىزگە مۇمكىندىك اپەردى. مەن بۇگىن اتاعان وسى 10 مىڭ يۋاندىق جىلۋ قاراجاتىم ارقىلى حۋبەيدەگى بۇقارانىڭ تەز ارادا قيىندىقتىڭ قۇنداعىنان قۇتىلۋلارىن شىن جۇرەكتەن تىلەيمىن“.

  ۇعىسۋعا قاراعاندا، قازىرگە دەيىن شىعانجيدە اۋىلدىعى سەكىرۋ قىستاعىنداعى بارلىق پارتيا مۋشەلەرى مەن بۇقارا بولىپ اتاعان جىلۋ قاراجاتى 90 نەشە مىڭ يۋان بولىپ، جينالعان جىلۋ سوماسى شىعانجيدە اۋىلدىق ۇكىمەتكە تابىس ەتىلگەن.

جاۋاپتى رەداكتور : ءاننا اكىمقان قىزى