ءار ۇلت حالقى ىندەتتەن ساقتانۋ – تىزگىندەۋگە جابال كىرىسىپ، بەرىك قامال تۇرعىزدى

  التاي گازەتىنىڭ ءتىلشىسى جەڭىسقان قادي ۇلى حابارلايدى. ايماعىمىزداعى ءار ۇلت حالقى جاڭا تيپتەگى ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ – تىزگىندەۋ شايقاسىندا، «ءبىر جاعادان باس، ءبىر جەڭنەن قول شىعارىپ» ورتالىق كوميتەتتىڭ، اۆتونوميالى رايوندىق پارتكومنىڭ شەشىمدەرىن مۇقيات ۇيرەنىپ، ىندەتتەن ساقتانۋ – تىزگىندەۋ قىزمەتىنىڭ جان – جاقتىلى شارالارىن بەلگىلەپ، ونى ايماعىمىز كولەمىندە جاپپاي تياناقتاندىرۋدا.

  ىندەت ـــ بۇيرىق، ساقتانۋ - تىزگىندەۋ ـــ جاۋاپكەرشىلىك. «ءبىر جاق قيىنشىلىققا جولىققاندا، كوپ بولىپ كومەكتەسۋدەي» جۇڭحۋا ۇلتتارىنىڭ اسىل قاسيەتىن امالياتتا ايگىلەگەن التايداعى ءار ۇلت حالقى وسى رەتكى شايقاستىڭ الدىڭعى شەبىندەگىلەرگە قولداۋ رەتىندە ارت - ارتىنان بەلسەنە جىلۋ اتادى.

  ءابيتان قالاشىعى قىزىلۇيەڭكى قىستاعىندا تۇراتىن ونەرقان قادي ۇلى 15 مىڭ يۋان، بۋىرشىن اۋدانى شۇڭقىر قالاشىعى قىزىلتاس قىستاعىنداعى قۇدىس، جارقىن، شاتتىق، دۋمان، شىڭلي، شۇنتي قاتارلى ازاماتتار وزدىكتەرىنەن ۇيىمداسىپ 30 مىڭ يۋان اقشانى جىلۋعا اتاپ، قىستاق تۇرعىندارىنىڭ وتانشىلدىق رۋحىن ايگىلەدى.

  قازىر ايماعىمىزداعى ءار ۇلت حالقى پارتيا ورتالىقپەن ءبىر اۋىزدىلىقتى ساقتاپ، باسشىلىققا ءبىر تۇتاس سانالى بويسىنىپ، ءارقايسى اۋدان (قالا) ءىس – جۇزىندىك جاعدايعا قاراي ناقتىلى ورنالاستىرۋ جاساپ، ىندەتتەن ساقتانۋ – تىزگىندەۋ شارالارىن جان – جاقتىلى اتقارىپ، بەرىك قامال تۇرعىزىپ، جابال اتتانىسقا كەلدى.

جاۋاپتى رەداكتور: ءاننا اكىمقان قىزى