اعاجاي-التاي تورابى   ›   مادەنيەت ارناسى   ›   دەنساۋلىق

ەكى جاسقا تولماعان بالاعا بەرۋگە بولمايتىن تاعامدار

  بارلىق انا بالاسىنا بەرگەن تاماعىن ەش كۇشتەۋسىز، ءوز ەركىمەن جەگەنىن قالايدى. اتا-انا ءوزى نەنى پايدالى دەپ ساناسا، بالاعا سونى بەرەدى. بۇل بىرەۋلەر ءۇشىن "بالالار ءۇشىن ارنايى وندىرىلگەن تاعام" بولسا، ەندى ءبىرى ءۇشىن اتا-اجەسىنىڭ باقشاسىندا عانا پىسكەن الما، ال ەندى بىرەۋ ءۇشىن قايناتىلعان كارتوپ پەن قاتىرىلعان اۆوكادو. بالاڭىزعا نە بەرسەڭىز دە، ونىڭ ساپالى ءونىم ەكەنىنە كوزىڭىز جەتەتىندەي بولسىن.

  تۋعانىنا 12-24 اي بولماعان بالالارعا بەرۋگە تىيىم سالىنعان تاعامداردىڭ ناقتى ءتىزىمى بار:

  1) قانت جانە قانت قوسىلعان، اسىرەسە وندىرىستەن شىققان قانتتى تاعامدار، ءتاتتى قاۋىز (حلوپيا)، كامپيت جانە باسقا دا ءوندىرىس تاتتىلەرى. دەگەنمەن ءۇيدە پىسىرىلگەن تاتتىلەر قۇرامىنداعى ازداعان قانت بالاعا سونشالىقتى زيان ەمەس.

  2) تۇز جانە تۇزى كوپ تاعامدار. ءبىر جاسقا دەيىنگى بالالار تاۋلىگىنە 1 گرامم تۇز تۇتىنسا دا جەتەدى، ال جاستان اسىپ، ەكى جاسقا جەتپەگەن بالالار ءۇشىن بۇل كورسەتكىش 2 گرامنان اسپاۋى ءتيىس.

  3) جاساندى قوسپالار، بوياعىشتار، كونسەرۆانتتار، ناتري گلۋتاماتى ــ بۇلار ءۇزىلدى-كەسىلدى تىيىم سالىناتىن ونىمدەر ەكەنى تۇسىنىكتى.

  4) سۋتەكتەندىرىلگەن ماي جانە وسى مارگارين قوسىلعان بارلىق تاعام. بالالارعا ارنالعان پەچەنەنىڭ، قىتىرلاقتىڭ، توقاشتاردىڭ قۇرامىن دا مۇقيات وقىڭىز، مارگارين قوسىلسا، الماعان ءجون.

  5) كوشەدە ساتىپ تۇراتىن ۇيدە ازىرلەنگەن پەچەنەلەر دە مارگاريننەن جاسالعان بولۋى عاجاپ ەمەس.

  6) فاستفۋد، دايىن مۇزداتىلعان تاماق، ءوندىرىس تۇشپاراسى، ۆارەنيك، مۇزداتىلعان دايىن پيتستسا، شاۋرما، فري كارتوبى، قۇرامىندا كوفەين بار سۋسىندار بالاعا بەرىلمەيدى.

  7) مايلى، قۋىرىلعان، اششى تاعامدار.

  8) بالىق، ەت كونسەرۆىسى. داستارقان ۇستىندە نە تۇرسا، بالا سوعان قول سوزىپ، ءوزى ءۇشىن بەيتانىس تاعامداردىڭ بارلىعىنان ءدام تاتقىسى كەلەدى. سول سەبەپتى وزدەرىڭىز جەيتىن تاعامداردىڭ دا ساپاسىنا ءمان بەرىڭىز.

جاۋاپتى رەداكتور : ءاننا اكىمقان قىزى