اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

نەگىزگى تاقىرىپتىق تاربيەنىڭ تابىسىن بەكەمدەپ، تەرەڭدەتىپ، ءار دارەجەلى پارتيا ۇيىمدارى مەن پارتيالى كادرلاردىڭ اۋەلگى ماقساتتان اينىماي، بورىشتى امالياتتا ايگىلەۋىن ىلگەرىلەتەيىك

ايماق ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىن اشتى

  ءتىلشىمىز جىڭ ميڭ حابارلايدى. 1 ـ ايدىڭ 12 ـ كۇنى تۇستەن بۇرىن، ايماق ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىن اشتى. ايماقتىق پارتكومنىڭ شۋجيى، ايماقتىق ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ باستىعى جاڭ يان جينالىسقا قاتىناستى ءارى ءسوز سويلەدى. ول مىنالاردى باسا دارىپتەدى: ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرۋ، باس شۋجي شي جينپيڭنىڭ ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ نەگىزگى تاقىرىپتىق تاربيەنى قورىتىندىلاۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىرۋ، اۆتونوميالى رايوننىڭ نەگىزگى تاقىرىپتىق تاربيەنى قورىتىندىلاۋ جينالىسىنىڭ رۋحىن دايەكتىلەندىرىپ، تياناقتاندىرۋ، ايماقتىڭ نەگىزگى تاقىرىپتىق تاربيەسىنىڭ تابىسىن بەكەمدەپ، تەرەڭدەتۋ، وزىنە توڭكەرىس جاساۋدى ۇزدىكسىز تەرەڭدەتىپ، ءار دارەجەلى پارتيا ۇيىمدارى مەن پارتيالى كادرلاردىڭ اۋەلگى ماقساتتان اينىماي، بورىشتى امالياتتا ايگىلەۋىن ىلگەرىلەتۋ قاجەت“.

  اۆتونوميالى رايوندىق ارالاپ جەتەكشىلىك ەتۋ 3 ـ گرۋپپاسىنىڭ باستىعى جيڭ جىپۋ جينالىسقا قاتىناستى ءارى ءسوز سويلەدى. اۆتونوميالى رايوندىق ارالاپ جەتەكشىلىك ەتۋ 3 ـ گرۋپپاسىنىڭ ورىنباسار باستىعى شيە بين، ايماق باسشىلارىنان ليۋ بين، ءسابيت قازەز ۇلى، زىڭ شۋلا، دوۋ جاۋحۇي، گۇلنۇر نۇرعالي قىزى، ما شۋەلياڭ، اقجول انەس ۇلى، ۋاڭ جۇن ـ ان قاتارلىلار جينالىسقا قاتىناستى. ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى جۋ شين جينالىستى باسقاردى.

  جاڭ يان مىنالاردى اتاپ كورسەتتى:”باس شۋجي شي جينپيڭ نەگىزگى تاقىرىپتىق تاربيەنى قورىتىندىلاۋ جينالىسىندا سويلەگەن ماڭىزدى ءسوزىنىڭ مۇراتى اسقاق، يدەياسى تەرەڭ، مازمۇنى باي. جاڭا داۋىردەگى جۇڭگو كوممۋنيستەرىنىڭ پارتيانىڭ سيپاتىنا، تۇپكى ماقساتىنا بويسۇنۋداي وسكەلەڭ سانالىلىعىن ايگىلەدى، پارتيانىڭ وزىنە توڭكەرىس جاساۋىن ىلگەرىلەتۋىن، اۋەلگى ماقساتتى، بورىشتى ەستە بەرىك ساقتاۋداي ايقىن پوزيتسياسىن ايگىلەدى، پارتيامىزدىڭ العاباسارلىعى مەن كىرشىكسىزدىگىن ساقتايتىن بەرىك سەنىمىن ايگىلەدى. ول ـــ جاڭا داۋىردە پارتيا قۇرىلىسىن كۇشەيتۋدىڭ باعدارلامالىق حۇجاتى، جاڭا تاريحي شارت ـ جاعدايدا اۋەلگى ماقسات پەن بورىشتى امالياتتا ايگىلەۋدى، پارتيانىڭ وزىنە توڭكەرىس جاساۋىن ءتۇبىرلى نەگىزبەن قامدادى. ءبىزدى باستان ـ اقىر پارتيا مەن حالىقتىڭ ۇلى ءىسىن ارقاۋ ەتىپ، ماڭگى كۇرەس جاساپ، ەرلىكپەن العا باسۋعا اناعۇرلىم شابىتتاندىردى. چىن چۋانگو شۋجي اۆتونوميالى رايوننىڭ نەگىزگى تاقىرىپتىق تاربيەنى قورىتىندىلاۋ جينالىسىندا باس شۋجيدىڭ ماڭىزدى ءسوزىن ۇيرەنۋ، نەگىزگى تاقىرىپتىق تاربيەنىڭ تابىستارىن بەكەمدەۋ، تەرەڭدەتۋ جونىندە ورنالاستىرۋ جاسادى. ايماعىمىزداعى ءار دارەجەلى پارتيا ۇيىمدارى باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كوزالداعى ماڭىزدى ساياسي مىندەت رەتىندە مىقتى يگەرىپ، يدەيامەن ارەكەتتى ماڭىزدى ءسوزدىڭ رۋحىمەن، اۆتونوميالى رايوندىق پارتكومنىڭ ناقتى تالاپتارىمەن بىرلىككە كەلتىرىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدى ءىس جۇزىندىك جاعدايمەن تىعىز ۇشتاستىرىپ، ىشكەرىلەي دامىتىپ، اۋەلگى ماقسات پەن بورىشتى امالياتتا ايگىلەۋدى جۇرەكتەرگە ۇيالاتىپ، تاباندىلىقپەن اتقارۋ كەرەك “.

  ايماقتىڭ نەگىزگى تاقىرىپتىق تاربيەدە قول جەتكىزگەن تابىسىن مۇقيات قورىتىندىلاعاننان كەيىن، جاڭ يان مىنالاردى اتاپ كورسەتتى:”ءار دارەجەلى پارتيا ۇيىمدارى جانە پارتيالى كادرلار نازاريامەن قارۋلانۋدى كۇشەيتۋدە، ماسەلەنى قاداعالاۋدا، رەتتەۋ ـ تۇزەتۋدە، ولشەم دەڭگەيىن جوعارىلاتۋدا، ۇدايىلىق قالىپتاستىرۋدا شەك بولمايدى، ءسوز جوق، ماڭگى جۇرىلەدى دەگەن رۋحپەن ۇدايى يگەرىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدى جۇرەكتەرگە ۇيالاتىپ، ارەكەت بارىسىندا تياناقتاندىرۋ كەرەك“.

  ءبىرىنشى، ساياسي قۇرىلىستى كۇشەيتۋ جاعىنا تاعى دا كۇش قوسۋ قاجەت. تۋى ايقىن تۇردە ساياسيدى دارىپتەۋدە تاباندى بولىپ، باس شۋجي شي جينپيڭنىڭ ۇيتقىلىق ورنىن باتىل قورعاۋدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا ەتۋ كەرەك. باس شۋجيدىڭ ماڭىزدى نۇسقاۋىنىڭ، بەكىتپەسىنىڭ رۋحىن دايەكتىلەندىرۋدى، تياناقتاندىرۋدى ماڭىزدى ساياسي ءتارتىپ جانە ساياسي قاعيدا، ماڭىزدى باسشىلىق جاۋاپكەرلىك، قىزمەت جاۋاپكەرلىگى ەتۋگە تاباندى بولىپ، باس شۋجيدىڭ ماڭىزدى نۇسقاۋى مەن بەكىتپەسىنىڭ جاپپاي دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك.

  ەكىنشى، نازاريامەن قارۋلانۋدى كۇشەيتۋ جاعىنا تاعى دا كۇش قوسۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى كەلەلى ساياسي مىندەت، كەلەلى ساياسي جاۋاپكەرلىك ەتىپ، ايماقتىق پارتكومنىڭ باسشىلىق القاسى ءار دارەجەلى پارتكومدى (پارتگرۋپپانى) ىشكەرىلەي، باياندى ۇيرەنۋگە، دەر كەزىندە ىلەسە ۇيرەنۋگە، امالياتپەن ۇشتاستىرا ۇيرەنۋگە جەتەكتەۋ كەرەك. پارتيالى كادرلار پارتيا ۋستاۆى، پارتيا ەرەجەسى قاتارلىلاردى نەگىزگى تاقىرىپتىق تاربيەدە، ءسوز جوق، ۇيرەنەتىن مازمۇن ەتىپ، كۇن سايىن ۇيرەنىپ، دەر كەزىندە ۇيرەنۋى كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتپەسىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي ۇيرەنىپ، ۇعىنىپ، قايىرىلا قاراۋدى ۇنەمى ورىستەتىپ، ولشەمگە، ۇلگىلگە ۇنەمى تۋرالانىپ، جەتەرسىزدىكتەرگە وي جۇگىرتىپ، ماسەلەلەردى تابۋ كەرەك. پارتيالى كادرلارعا مۇرات ـ سەنىم تاربيەسىن كۇشەيتىپ، ولاردى سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ بەرىك سەنۋشىلەرىنەن جانە ادال اتقارۋشىلارىنان بولۋعا جەتەكتەۋ كەرەك.

  ءۇشىنشى، ماقسات تانىمدى بەرىك تىكتەۋ جاعىنا تاعى دا كۇش قوسۋ كەرەك. پارتيانىڭ بۇقارالىق لۋشيانىن امالياتتا ايگىلەۋ كەرەك. ءار دارەجەلى، تاراۋلارداعى جاۋاپتى جولداستار “سەركەلىك رولىن” ساۋلەلەندىرىپ، ءار ۇلت بۇقاراسىنىڭ مۇڭ ـ مۇقتاجىن سانالى كوكەيىندە ساقتاپ، ءار ۇلت بۇقاراسى كوڭىل ءبولىپ وتىرعان ءىس جۇزىندىك قيىنشىلىقتار مەن ماسەلەلەردى ءادىس ـ امال قولدانا وتىرىپ مۇمكىندىكتىڭ بارىنشا شەشۋ كەرەك. بۇقارا ءۇشىن ناقتى، يگى ىستەر تىندىرىپ، ورنىقتىلىق، دامۋ، حالىق تۇرمىسى سىندى ”ءۇشتى ءبىر تۇلعالاندىرۋعا“ تاباندى بولىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جاساۋدا، ىنتىماقتى نىعايتۋدا تياناقتاندىرۋ كەرەك. ايماعىمىز ەكونوميكاسىنىڭ قازىرگى دامۋ جاعدايى مەن قازىنا قۋاتى دەڭگەيى بويىنشا قالا قۇرىلىسىن شاماعا قاراي ىلگەرىلەتۋ كەرەك.

  ءتورتىنشى، پارتيانى جاپپاي قاتاڭ باسقارۋ جاعىنا تاعى دا كۇش سالۋ كەرەك. ءار دارەجەلى پارتكومداردىڭ (پارتگرۋپپانىڭ) تۇلعالىق جاۋاپكەرلىگىن ناقتىلاندىرىپ، ءبىرىنشى جاۋاپتى ادامنىڭ جاۋاپكەرلىگىن كۇشەيتىپ، ءار دارەجەلى پارتيا ۇيىمدارىنىڭ باسشىلىق ۇيتقىسى مەن جاۋىنگەرلىك قامالدىق رولىن ويداعىداي ساۋلەلەندىرىپ، بولشەكتەۋشىلىككە قارسى تۇرۋ كۇرەس ءتارتىبىن اناعۇرلىم قاتايتۋ كەرەك. باسشىلىق القاسى مەن كادرلار قوسىنى قۇرىلىسىن كۇشەيتىپ، ادال، كىرشىكسىز، جاۋاپكەرلىك ارقالايتىن ءار ۇلت تاڭداۋلى كادرلار قوسىنىن قۇلشىنا قۇرىپ، نەگىزگى ساتى كادرلارىنىڭ زاڭ بويىنشا ءىس ءبىتىرۋ، بۇقارالىق قىزمەتتى ويداعىداي ىستەۋ قابىلەتى مەن ورەسىن ۇزدىكسىز جوعارىلاتۋ كەرەك. نەگىزگى ساتى ۇيىمدارى مەن نەگىزگى ساتى اكىمياتى قۇرىلىسىن كۇشەيتىپ، شەشۋشى ورىندار مەن ءتۇيىندى سالالارداعى پارتيانىڭ ۇيىمدىق قۇرىلىسىن كۇشەيتىپ، پارتيا مۇشەلەرىنىڭ قوسىن ساپاسىن جوعارىلاتۋ كەرەك. جاۋاپقا تارتۋ ءتۇزىمى مەن شابىتتاندىرۋ، قامقورلىق جاساۋ مەحانيزمىن كەمەلدەندىرىپ، كادرلاردىڭ داڭىق سەزىمىن، تاۋەلدىلىك سەزىمىن، كەنەلۋ سەزىمىن، تابىس سەزىمىن كۇشەيتۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن يگەرۋگە تاباندى بولىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، دامىتۋ كەرەك.

  بەسىنشى، جاۋاپكەرلىكتى ىرىقتىلىقپەن ۇستىگە الۋ، ىسكەرلىك كورسەتۋ جاعىنا تاعى دا كۇش سالۋ كەرەك. كۇرەس رۋحىن ساۋلەلەندىرىپ، باتىل جاۋاپكەرلىك ارقالاپ، ىسكەرلىك كورسەتىپ، جاڭا داۋىردە جاۋاپكەرلىك ارقالاپ، ىسكەرلىك كورسەتەتىن جاقسى كادر بولۋعا قۇلشىنۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا اۋدارىپ، ورنىقتىلىقتى قورعاۋ قىزمەتىن تىڭعىلىقتى ويداعىداي ىستەۋ كەرەك؛ ءۇش ءىرى قامال الۋ شايقاسىن تاباندىلىقپەن، باتىلدىقپەن ويداعىداي جۇرگىزىپ، ورنىقتىلىقتىڭ پايداسىن جارىققا شىعارۋ ورايىن مىقتى يگەرىپ، ساياحات كاسىبىنىڭ نەگىزگى تۇلعالىق ورنىن بەكەمدەپ جانە دامىتىپ، جوعارى ساپالى دامۋدى تىڭعىلىقتى ىلگەرىلەتۋ كەرەك؛ پارتيانىڭ ۇلت، ءدىن ساياساتىن جاپپاي دايەكتىلەندىرۋ كەرەك؛ ۇلت، ءدىن قىزمەتىن ويداعىداي ىستەۋ كەرەك؛ يدەولوگيا سالاسىنىڭ قىزمەت جاۋاپكەرلىگى ءتۇزىمىن قاتاڭ تياناقتاندىرۋ كەرەك؛ ايماعىمىزدىڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋىنا كەپىلدىك ەتۋ كەرەك.

  التىنشى، ۇزاق ءونىمدى مەحانيزم قۇرۋ جاعىنا تاعى دا كۇش سالۋ كەرەك. نەگىزگى تاقىرىپتىق تاربيەنى مۇقياتتىلىقپەن ويداعىداي قورىتىندىلاپ، ايماقتىڭ نەگىزگى تاقىرىپتىق تاربيەدەگى تاماشا تاجىريبەلەرى مەن ادىستەرىن دەر كەزىندە سارالاپ، قورىتىندىلاپ، ءتۇزىم فورماسىمەن بەكەمدەۋ كەرەك. اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتۋدى ارقاۋ ەتىپ، ەرەجە ـ ءتۇزىم ورناتۋ مەن ماسەلەنى شەشۋدى، ءتۇزىم بەلگىلەۋ مەن ءتۇزىمدى اتقارۋدى بىرلىككە كەلتىرىپ، ءتۇزىم جاعىنداعى ولقىلىقتاردى مەحانيزم جاعىنداعى جەتەسىزدىكتەردى تولىقتاپ، باياندى مەحانيزم قالىپتاستىرۋ كەرەك. ءتۇزىم تانىمىن كۇشەيتىپ، ءتۇزىمدى اتقارۋدىڭ بەدەلدى، جوعارى ءونىمدى مەحانيزمىن كەمەلدەندىرىپ، ءتۇزىمىنىڭ اتقارىلۋىن باقىلاۋدى كۇشەيتىپ، بەلگىلەنگەن ءتۇرلى تۇزىمدەردى دەركەزىندە اتقارىپ، قاتاڭ اتقارىپ، ءىس جۇزىندىك ارەكەت بارىسىندا، ناقتى قىزمەت بارىسىندا تياناقتاندىرۋ كەرەك.

  جيڭ جىپۋ بىلاي دەدى: ”التاي ايماقتىق پارتكوم ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ نەگىزگى تاقىرىپتىق تاربيەسىنە وسكەلەڭ ءمان بەرىپ، ورتالىق نەگىزگى تاقىرىپتىق تاربيە كەڭسەسى تەكسەرۋ ـ زەرتتەۋ گرۋپپاسىنىڭ، ورتالىقتىڭ ارالاپ تەكسەرۋ قۋزاپ جەتەكشىلىك ەتۋ 6 ـ گرۋپپاسى گرۋپپاسىنىڭ تۇراقتاندىرۋىنا يە بولدى، باسشىلار ءمان بەرىپ، جاۋاپكەرلىكتى شىنايى تياناقتاندىرىپ، جوعارى تومەنگە جەتەكشىلىك ەتىپ، ۇيرەنۋدى مىقتى يگەرىپ، ءتۇيىندى كورنەكتىلەندىرىپ، تەكسەرۋ ـ زەرتتەۋدى ەگجەي ـ تەگجەيلى يگەرىپ، پىشاقتىڭ ءدۇزىن ىشكە قاراتىپ، ماسەلەنى تەرەڭ تاۋىپ، شىنداپ كىرىسىپ، قيىندىقتان تايسالماي، رەتتەۋ ـ تۇزەتۋدى شىنايى تياناقتاندىرۋ قاتارلى ەرەكشەلىكتەردى ايگىلەپ، كەلەلى جەتىستىكتەرگە قول جەتكىزىپ، كادرلار مەن بۇقارانىڭ جاپپاي القاۋىنا بولەندى“.

  جيڭ جىپۋ مىنالاردى باسا دارىپتەدى: ”ۇيرەنۋدى تاباندىلىقپەن يگەرىپ، نازاريامەن قارۋلانۋدى ۇزدىكسىز كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ بارىسىندا جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالىپ، قاتىستى ۇيرەنۋ ءتۇزىمىن قاتاڭ تياناقتاندىرىپ، نازاريانى امالياتپەن ۇشتاستىرۋ سىندى ماركسيزمدىك ۇيرەنۋ ستيلىن ساۋلەلەندىرۋ كەرەك. ساياسيدى تاباندىلىقپەن دارىپتەپ، ’ەكىنى قورعاۋدى‘ باتىلدىقپەن ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اقىر وسكەلەڭ ءبىر اۋىزدىلىقتى ساقتاپ، مۇرات ـ سەنىمدى بەكەمدەپ، ساياسي تارتىپكە، ساياسي قاعيداعا جانە بولشەكتەۋشىلىككە قارسى تۇرۋ كۇرەسىنىڭ تارتىبىنە قاتاڭ بويسۇنۋ كەرەك. اۋەلگى ماقساتتان جازباي، بۇقارالىق مايداندا باستان ـ اقىر بەرىك تۇرىپ، بەرىك مۇرات ـ سەنىم ارقىلى اۋەلگى ماقساتتان اينىماي، شىنايى حالىقتىق سۇيىسپەنشىلىكپەن اۋەلگى ماقساتتى نارلەندىرىپ، مىزعىماس حالىق قىزمەتشىسى تانىمىمەن اۋەلگى ماقساتتى امالياتتا ايگىلەۋ كەرەك. رەتتەۋ ـ تۇزەتۋدى تاباندىلىقپەن يگەرىپ، تابىستاردى ۇزدىكسىز بەكەمدەپ، كەڭەيتىپ، حالىق ءۇشىن ناقتى ىستەردى ۇزدىكسىز ويداعىداي ىستەپ، ارناۋلى تاقىرىپتىق دەموكراتيالىق تۇرمىس جيىنى مەن ۇيىمدىق تۇرمىس جيىنىندا رەتتەۋ ـ تۇزەتۋدى تياناقتاندىرۋدى ويداعىداي يگەرىپ، بۇقارانىڭ باقىلاۋىن سانالىلىقپەن قابىلداۋ كەرەك. تاباندىلىقپەن مەحانيزم ورناتىپ، ءتۇزىم جاعىنداعى ولقىلىقتاردى ۇزدىكسىز تولىقتاپ، جۇڭگو كوممۋنيستىك پارتياسى 19 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتۋ‘جونىندەگى كەلەلى ورنالاستىرۋىن مۇقيات دايەكتىلەندىرىپ، تياناقتاندىرىپ، ءتۇزىمدى تياناقتاندىرۋدى مىقتى يگەرىپ، فورماشىلدىقتان، تورەشىلىكتەن بارىنشا ساقتانۋ كەرەك. بورىشتى تاباندىلىقپەن ارقالاپ، ورنىقتىلىق، دامۋ قىزمەتتەرىن ءبىر تۇتاس جوسپارلاپ ىلگەرىلەتىپ، نەگىزگى تاقىرىپتىق تاربيەنى وراي ەتىپ، نەگىزگى تاقىرىپتىق تاربيەنى ورىستەتۋدەن قاۋلاعان كوتەرىڭكى جىگەردى اۋەلگى ماقساتتان اينىمايتىن، بورىش ارقالايتىن، ءىس تىندىراتىن قۇدىرەتتى قوزعاۋشى كۇشكە، پارتيا ورتالىق كوميتەتىنىڭ شەشىمدەرى مەن ورنالاستىرۋىن جانە اۆتونوميالى رايوننىڭ قىزمەت ورنالاستىرۋلارىن بۇلجىتپاي دايەكتىلەندىرۋدىڭ، تياناقتاندىرۋدىڭ ناقتى امالياتىنا، قىزمەت دەڭگەيىن جوعارىلاتۋدىڭ جانە ءىس جۇزىندىك ماسەلەلەردى شەشۋدىڭ ناقتى تالابىنا اينالدىرۋ كەرەك“.

  جينالىس تەلەۆيزور ـ تەلەفون ءماجىلىسى فورماسىندا اۋداندارعا (قالاعا، كورىنىس رايونىنا)، اۋىلدارعا (قالاشىقتارعا، فەرمالارعا، كوشە ءىس باسقارمالارىنا) دەيىن اشىلدى. ج ك پ اۆتونوميالى رايوندىق 9 ـ قۇرىلتايىنىڭ ۋاكىلدەرى، ايماقتاعى ورىنباسار مەڭگەرمە دارەجەلىدەن جوعارى باسشى كادرلار؛ التايداعى دەمالىسقا، پەنسياعا شىققان مەڭگەرمە دارەجەلى قارت جولداستار، جاقىنعى 5 جىلدا باسىشلىق قىزمەت ورنىنان كەتكەن ورىنباسار مەڭگەرمە دارەجەلى باسشى جولداستار؛ ايماقتىق ءتارتىپ تەكسەرۋ كوميتەتىنىڭ ورىنباسار شۋجيلارى، باقىلاۋ ـ تەكسەرۋ كوميتەتىنىڭ ورىنباسار مەڭگەرۋشىلەرى؛ ايماقتىق پارتكومنىڭ ءارقايسى بولىمدەرىنىڭ، كوميتەتتەرىنىڭ، كەڭسەلەرىنىڭ، ايماقتاعى ءارقايسى كوميتەتتەردىڭ، كەڭسەلەردىڭ، مەكەمەلەردىڭ، حالىقتىق توپتاردىڭ، ءارقايسى كاسىپورىن، ءىس ورىندارىنىڭ، التايدا تۇراتىن ءارقايسى ورىنداردىڭ پارتيا، اكىمشىلىگىنىڭ نەگىزگى جاۋاپتى جولداستارى؛ ايماقتىق پارتكومنىڭ ءارقايسى ارالاپ تەكسەرۋ گرۋپپاسىنىڭ باستىقتارى؛ ايماقتىق نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسىنىڭ قاتىستى جاۋاپتى جولداستارى نەگىزگى ءماجىلىس الاڭىندا جينالىسقا قاتىناستى.

جاۋاپتى رەداكتور : ءاننا اكىمقان قىزى