التاي ايماقتىق دەنساۋلىق ساقتاۋ، سالاماتتىق جۇيەسى <اۋەلگى ماقساتتى ۇمىتپاي، بورىشتى ەستە بەرىك ساقتايىق> التىن تاۋدىڭ سالاماتتىق ساپارى اتىنداعى كوكتەم مەرەكەسىن قارسى الۋ ادەبيەت-كوركەمونەر ساۋىق كەشىن وتكىزدى

اۋەلگى ماقساتتى ۇمىتپاي، بورىشتى ەستە بەرىك ساقتايىق

  ءوز ءتىلشىمىز جۋ داندان حابارلايدى. 1-ايدىڭ 11-كۇنى، التاي ايماقتىق دەنساۋلىق ساقتاۋ، سالاماتتىق جۇيەسى <اۋەلگى ماقساتتى ۇمىتپاي، بورىشتى ەستە بەرىك ساقتايىق> التىن تاۋدىڭ سالاماتتىق ساپارى اتىنداعى كوكتەم مەرەكەسىن قارسى الۋ ادەبيەت-كوركەمونەر ساۋىق كەشىن وتكىزدى.

  «كۇن شۋاعى نوسەرلى جاڭبىردان كەيىن بولادى»، «قول جۋۋ ٴبيى»، «تاۋ ٴانىن پارتياعا ارنايىق»، «ماداق گيمناستيكاسى» «جاستىق شاق»، كورىنىس تەاترى «جاۋاپكەرشىلىك ارقالاۋ جانە اۋەلگى ماقسات، بورىش» سياقتى ويىن نومەرلەرى كورەرمەندەردىڭ كوڭىلىنەن شىقتى، ايماقتىق دەنساۋلىق ساقتاۋ، سالاماتتىق جۇيەسىندەگى ٴار دارەجەلى كادرلار، قالىڭ ەمدەۋ قىزمەتكەرلەرى باس قوسىپ، 70 جىلدان بەرى ەلىمىزدىڭ جاڭا ٴداۋىر ۇلى ىسىنە قادام تاستاپ قول جەتكىزگەن شۇعىلالى تابىستارىن ايگىلەپ، دەنساۋلىق ساقتاۋ، ەمدەۋ شەبىندەگى قالىڭ كادرلار، ەمدەۋ قىزمەتكەرلەرىنىڭ ۇلى وتانعا دەگەن ىزگى تىلەگىن ٴبىلدىردى.

  شاربات نابيولا ايماقتىق حالىق شيپاحاناسىنىڭ سەستراسى، بيىل ونىڭ سەسترا بولعانىنا 14-جىل، ول تىلشىگە بىلاي دەدى: «بۇگىنگى ويىن نومەرلەرىنىڭ كوبى ەمدەۋ سالاسىنداعى الدىڭعى شەپ قىزمەتكەرلەرىنىڭ قىزمەتىن كورسەتىپ، تەرەڭ اسەر قالدىردى، وسى كەلە جاتقان جاڭا جىلدا جاقسى ىستەپ، اۋرۋ- سىرقاۋلارعا اناعۇرلىم جاقسى قىزمەت وتەيمىن».

  سوڭعى جىلداردان بەرى، ايماقتىق پارتكوم مەن اكىمشىلىك مەكەمەسىنىڭ دۇرىس باسشىلىعىندا، شينجياڭعا باعىتتامالى كومەكتەسەتىن ولكە، قالالاردىڭ قالتقىسىز كومەگىندە، ايماقتىق دەنساۋلىق ساقتاۋ، سالاماتتىق جۇيەسى ەمدەۋ، ٴدارى-دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتۋدى جەدەلدەتىپ، دارەجەگە ٴبولىپ ەمدەۋ ٴتۇزىمى قۇرىلىسىن تارتىپپەن ىلگەرىلەتىپ، «نەگىزگى ساتىعا قىزمەت وتەۋ ساپارى»، «وتباسى شيپاگەرلەرىنىڭ كەلىسىم بويىنشا قىزمەت وتەۋى» سياقتى قيمىلداردى كەڭ كولەمدە ورىستەتىپ، ەمدەۋ داۋ- شارلارىنان ساقتانۋدىڭ، ونى جويۋدىڭ باياندى مەحانيزمىن العاشقى ادىمدا ورناتتى. حالىقتىڭ دەنساۋلىعىن ينفورماتسيالاندىرۋ قۇرىلىسىن جاپپاي كۇشەيتىپ، نەگىزگى الەۋمەتتىك دەنساۋلىق ساقتاۋعا قىزمەت وتەۋدىڭ تەڭگەرىلۋ دەڭگەيىن ورنىقتى جوعارىلاتىپ ، سالماقتى اۋرۋلاردان ساقتانۋ جانە ونى ەمدەۋ، تۇرعىنداردىڭ دەنساۋلىق ساپاسى دەڭگەيىن ورنىقتى جوعارىلاتتى.

  ايماقتىق پارتكومنىڭ مۇشەسى گۇلنۇر نۇرعالي قىزى بىلاي دەدى: «حالىق بۇقاراسىنىڭ جاپپاي دوڭگەلەك داۋلەتتى قوعام قۇرىپ شىعاتىن تاماشا تۇرمىسقا دەگەن تالپىنىسى كوپ ساتىلى، الۋان ءتۇرلى دەنساۋلىق قاجەتىن قوزعاپ، دەنساۋلىق ساقتاۋ قىزمەت وتەۋ كاسىبى ءۇشىن ءتىپتى دە كەڭ دامۋ كەڭىستىگىن جاراتىپ بەردى، دەنساۋلىق ساقتاۋ جانە سالاماتتىق ىستەرىنىڭ دامۋى تاپتىرماس تاريحي ورايعا ءدوپ كەلدى، ٴبىز، ٴسوز جوق، يدەيا مەن ارەكەتتى ورتالىقتىڭ، اۆتونوميالى رايوندىق پارتكومنىڭ جانە ايماقتىق پارتكومنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، باستان-اياق العا باسۋ رۋحاني كۇيىن ساقتاپ، ەڭ باتىل، ەڭ سانالى، ەڭ شىنايى ارەكەتپەن حالىقتىڭ باقىتىن كوزدەپ، ورنىقتىلىق، دامۋ ٴۇشىن قۇلشىنۋىمىز كەرەك، جاڭا داۋىردەگى جاڭا جورىقتا الدا تۇرىپ، تىڭ ۇلەس قوسىپ، وڭىرلىك دەنساۋلىق ساقتاۋ، سالاماتتىق ىستەرىنىڭ دامۋىن ىلگەرىلەتەيىك».

اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى