اۆتونوميالى رايوننىڭ كەدەيلىكتەن ارىلتۋدان قامال الۋداعى «قىسقى جورىققا» جەتەكشىلىك ەتۋ گرۋپپاسى بۋىرشىن اۋدانىندا قىزمەتكە جەتەكشىلىك ەتتى

كەدەيلىكتەن ارىلتۋدان قامال الۋدىڭ قىسقى جورىعى

  تاياۋدان كۇننەن بەرى، اۆتونوميالى رايوننىڭ كەدەيلىكتەن ارىلتۋدان قامال الۋ بويىنشا جاپپاي تەكسەرۋ جانە «قىسقى جورىق» 6 ـ رايونى ون التىنشى جەتەكشىلىك ەتۋ گرۋپپاسى بۋىرشىن اۋدانىنا كەلىپ، كەدەيلىكتەن ارىلتۋدان قامال الۋداعى «قىسقى جورىققا» جەتەكشىلىك ەتۋ قىزمەتىن ورىستەتتى ٴارى تاربيەلەۋ ٴماجىلىسىن اشتى. 18 سالا، تاراۋدىڭ نەگىزگى جاۋاپتىلارى مەن كەدەيلەردى سۇيەمەلدەۋ قىزمەتكەرلەرى ماجىلىسكە قاتىناستى.

  1-ايدىڭ 9-كۇنى كەدەيلىكتەن ارىلتۋدان قامال الۋداعى «قىسقى جورىق» قىزمەتى جونىندەگى اڭگىمە ماجىلىسىندە، جەتەكشىلىك ەتۋ گرۋپپاسىنىڭ ورىنباسار باستىعى شوكىرات شاۋكەت بۋىرشىن اۋداندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە ورىنداردىڭ ٴوز مىندەتتەرى بويىنشا كەدەيلىكتەن ارىلتۋدان قامال الۋ بويىنشا جاپپاي تەكسەرۋ جانە قىسقى جورىقتىڭ ورىستەتىلۋ جاعدايى جونىندەگى قىزمەت مالىمەتىن تىڭداپ ءبىر- بىردەن باعا بەردى.

  ناق مايداندا كەدەيلەردى سۇيەمەلدەيتىن 50 نەشە كادرگە قايتكەندە جالپى قىزمەتكەرلەردى تاربيەلەۋ قىزمەتىن ويداعىداي ورىستەتۋگە بولاتىنى توڭىرەگىندە تاربيە جۇرگىزدى، مۇشە ورىنداردىڭ «قىسقى جورىق» جاپپاي تەكسەرۋ بارىسىنداعى باستى مىندەتى مەن ناقتى جاۋاپكەرشىلىك جۇمىس ٴبولىسىن ايقىندادى، ٴارى العىس ايتۋ تاربيەسى، ساياساتتىق ۇگىت ـ لەكسيا، تەحنيكالىق شەبەرلىككە باۋلۋ، نىسانداردى تياناقتاندىرۋ سياقتى قىزمەتتەردى قالاي ويداعىداي ىستەۋ جونىندە باعىتتامالى، جارامدى پىكىر- ۇسىنىستاردى العا قويدى .

  شوكىرات شاۋكەت مۇشە ورىنداردان اۋىل، قالاشىق ،( قىستاقتاردىڭ)الەۋمەتتىك اۋماق( كەدەيلىكتەن ارىلتۋدان قامال الۋ دىڭ« قىسقى جورىعى» بويىنشا قاۋىرت تاربيەلەۋ قىزمەتىن ورىستەتۋدى تالاپ ەتتى، ارحيۆ تۇرعىزىلىپ، كارتچكا بەرىلگەن كەدەي وتباسىلارىن جاپپاي تاربيەلەۋ قىزمەتىنىڭ تالابىنا مەڭزەس، تاربيەلەۋ ونىمدىلىگىنە باسا ٴمان بەرىپ، شوعىرلى تۇردە بەتپە ـ بەت تاربيەلەۋ مەن وتباسىلارىن ارالاپ جاعداي ۇعىسۋ تۇيىندەرىنە سايكەس تاربيەلەۋدى ٴوزارا ۇشتاستىرۋعا كۇش سالىپ، ٴار جاقتاعى كۇشتەردى بىرىكتىرىپ، شوعىرلى تاربيەلەۋدى ويداعىداي ۇيىمداستىرىپ، «كادرلار كەدەيلەردى سۇيەمەلدەۋ ساياساتىن تۇسىندىرۋ، ءتورت ءتۇرلى قارت جولداستار پارتياعا العىس ايتۋ تاربيەسىن جۇرگىزۋ، اۋقاتتانۋ مايتالمانداردى تاجىريبەلەرىن بايانداۋ، قاتىستى تاراۋلار شارۋالاردىڭ سۇراۋىنا جاۋاپ بەرۋ، دومبىرا ۇگىت اترەتى قاتىستى ساياساتتاردى ۇگىتتەۋ» سەكىلدى تاسىلدەردەن ۇتىمدى پايدالانىپ، ءار ۇلت بۇقاراسىنىڭ مول تابىسقا كەنەلۋىنە مۇمكىندىك جاساۋدى تالاپ ەتتى.

  ماجىلىستەن كەيىن، جەتەكشىلىك ەتۋ گرۋپپاسى 5 گرۋپپاعا ءبولىنىپ، تاربيەلەۋ قىزمەتىندە ساقتالعان جەتەرسىزدىكتەردى ۇستىندە تەكسەرىپ تاۋىپ، مۇشە ورىنداردان كەدەيلىكتەن ارىلتۋدان قامال الۋدىڭ ءبىرىنشى شەبىندەگى تيپتەردى تاڭداپ، ءارقايسى كاسىپ، تاراۋلاردىڭ الداعى جەردە تاربيەلەۋ قىزمەتىن ءتارتىپتى ورىستەتۋىنە ايقىن باعدار كورسەتۋىن تالاپ ەتتى. سونىمەن بىرگە ويماقى قالاشىعى قارا جال قىستاعىنىڭ ەگىنشى ـ مالشىلاردىڭ كەشكى ۇيرەنۋى، نەگىزگى ساتىداعى ۇگىتشىلەردىڭ ۇگىت ـ لەكسيا جاساۋى سياقتى قىزمەتتەردىڭ ورىستەتىلۋ جاعدايىنا باقىلاۋ ـ تەكسەرۋ جۇرگىزدى.

  1-ايدىڭ 10-كۇنى جەتەكشىلىك ەتۋ گرۋپپاسىنداعىلار ىلگەرىندى - كەيىندى ويماقى قالاشىعى شاڭتۇبەك قىستاعىنا، قاتاي قىستاعىنا جانە بۋىرشىن قالاشىعى شەگەتاي قىستاعىنا بارىپ، «قىسقى جورىق « بويىنشا بارلىق قىزمەتكەرلەردى اتتانىسقا كەلتىرىپ، وتباسىلارىن ارالاپ جەتەكشىلىك ەتۋ قىزمەتىن ورىستەتتى ، گرۋپپا مۇشەلەرى ەگىنشى - مالشىلار بۇقاراسىمەن بەتپە - بەت اڭگىمەلەسىپ، ەمدەۋ، وقۋ - اعارتۋ، تۇرعىن ءۇي سياقتى حالىققا ءتيىمدى ساياساتتاردىڭ تياناقتانۋ احۋالىن، پارتيانىڭ حالىققا تيىمدىلىك جاساۋ ساياساتتارىن، سونداي - اق ەگىنشى - مالشى بۇقاراسىنىڭ قىسقى كۋرسقا قاتىناسۋىنىڭ ناتيجەسىن ەگجەي - تەگجەيلى ۇعىستى. جەتەكشىلىك ەتۋ گرۋپپاسى ماسەلەنى بەتكە الۋدان جازباي، ماسەلەنى نەگىزگى ساتىنىڭ وزىندە، باسىنان شەشۋگە شىنايى مۇمكىندىك جاسادى.

  1 ـ ايدىڭ 11 ـ كۇنى جەتەكشىلىك ەتۋ گرۋپپاسىنداعىلار ويماقى قالاشىعى اقتۇبەك قىستاعىنا كەلىپ، «كوكتەم مەرەكەسىن قارسى الۋ، كەدەيلىكتەن ارىلتۋ جونىندە اڭگىمە ايتۋ، پارتياعا العىس ايتۋ «كەڭەسىن وتكىزدى، كوپشىلىك ٴان ايتىپ، بيگە باستى، قىستاق تۇرعىندارى ەڭ قاراپايىم تاسىلمەن پارتياعا العىس سەزىمىن ٴبىلدىردى .

  ماجىلىستە سوڭعى جىلداردان بەرى كەدەيلەردى دالمە ـ ٴدال سۇيەمەلدەۋ، تۇرعىن ٴۇي ورتاسى، اۋىل ـ قىستاقتى گۇلدەندىرۋ، اۋىل ـ قىستاق ەمدەۋىن قامتاماسىز ەتۋ، وقۋ ـ اعارتۋ سياقتى حالىق تۇرمىسىنا قاتىستى قولامتالى تاقىرىپتاردى ارقاۋ ەتە وتىرىپ، كوپشىلىك تۇرمىستاعى وزگەرىستەر جونىندە اقتارىلا اڭگىمەلەستى . قىستاق تۇرعىنى مۇقيات تولەۋحان ۇلى پارتيا مەن مەملەكەتتىڭ ابزال ساياساتىنا شىن جۇرەكتەن العىس ايتتى، ول تەبىرەنە بىلاي دەدى: قازىر ٴبىز جاڭا ۇيگە كوشىپ كىردىك، ناۋقاس كورسەتۋىمىز قامتاماسىز ەتىلدى، ٴبىر يۋاندىق الەۋمەتتىك اۆتوبۋز قاتىنايدى، باقتتى شىن مانىندە سەزىنە الدىق.

  ويماقى قالاشىعى اقتۇبەك قىستاعى بۇرىن مەملەكەتتىڭ كەدەيلەردى سۇيەمەلدەۋ، وركەندەتۋ ٴتۇيىندى قىستاعى بولاتىن، 2014 ـ جىلى كەدەي قىستاق قاتارىنان شىعارىلدى، سوڭعى جىلداردان بەرى ۇزدىكسىز بەكەمدەۋ، جوعارىلاتۋ ارقىلى قازىر قىستاق تۇرعىندارىنىڭ تۇرمىسى دوڭگەلەك داۋلەتتى تۇرمىسقا قاراي ارشىندى قادام تاستادى.

  وسى رەتكى جەتەكشىلىك ەتۋ قىزمەتى بۋىرشىن اۋدانىنىڭ قىسقى جورىق» قىزمەتىن ورىستەتۋدە نەداۋىر كۇشتى جەبەۋ جانە جەتەكشىلىك ەتۋ سيپاتىنا يە بولىپ «قىسقى جورىق» بويىنشا بارلىق قىزمەتكەرلەردىڭ تاربيەلەۋدەگى جاۋاپكەرلىك سەزىمى مەن كوكەي تەستىلىك سەزىمىن كۇشەيتىپ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋگە نەگىز قالادى .

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى