اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«قارلى مەكەن ساۋىتى» اتىنداعى مەملەكەتتىك كوركەمونەر مەكتەبى ستۋدەنتتەرىنىڭ قار ويما جارىسى التاي قالاسىندا باستالدى

  اۆتونوميالى رايوننىڭ « 1+3+3+ رەفورما جاساۋ، ەسىك اشۋ » تالابىن دايەكتىلەندىرىپ، جاڭا دامۋ ۇستانىمى ارقىلى قىسقى ساياحات كاسىبىنىڭ كولەمىن ۇزدىكسىز ۇلعايتىپ، قىسقى ساياحات كاسىبى ونىمدەرىنىڭ دارەجەسىن جوعارىلاتۋ ءۇشىن 1-ايدىڭ 11-كۇنى «قارلى مەكەن ساۋىتى» اتىنداعى مەملەكەتتىك كوركەمونەر مەكتەبى ستۋدەنتتەرىنىڭ قار ويما جارىسى «جۇڭگوداعى قارلى مەكەن» تاماشالاۋ باقشاسىندا ( التاي قالالىق تاجىريبە باستاۋىش مەكتەبى ) اشىلدى.

  وسى رەتكى جارىس «قارلى القاپ سۇيىسپەنشىلىگى . قىسقى وليمپيادا ارمانىن» نەگىزگى تاقىرىپ ەتىپ، جارىس پەن باۋلۋدى ۇشتاستىرۋعا تاباندى بولىپ، زامانىمىزداعى ستۋدەنتتەردىڭ قار ـ مۇز كوركەمونەرىنىڭ جاسامپازدىق ورەسىن تولىق ايگىلەپ، قار ـ مۇز ساياحاتىنىڭ مازمۇنىن بايىتىپ، «قىسقى وليمپيادا سپورت جارىسىن قارسى الۋ » اتىنداعى قويۋ قار ـ مۇز سپورت ورتاسىن قالىپتاستىردى. وسى كەزەكتى مەملەكەتتىك كوركەمونەر مەكتەبىندەگى ستۋدەنتتەردىڭ قار ويما جارىسىنا قاتىناسقان شەبەرلەر جەكە ـ جەكە ورتالىق اسەمونەر شۋەيۋانى، جۇڭگو اسەمونەر شۋەيۋانى، چيڭحۋا داشۋەسى اسەمونەر شۋەيۋانى، لۋشۇن اسەمونەر شۋەيۋانى سياقتى ەلىمىزدەگى 20 اسەمونەر شۋەيۋانىنان كەلگەن ستۋدەنتتەر، ولار 3×3×3تەكشەمەتر كەلەتىن قاردا تۋىندى جاراتادى، جارىس 1-ايدىڭ 15-كۇنى اياقتايدى.

  جيڭدى قالاشىعى فارفور داشۋەسى مۇسىنشىلىك فاكۋلتەتىنىڭ وقۋشىسى چىن جيادۇڭ بىلاي دەدى: بۇل مەنىڭ تۇڭعىش رەت التايعا كەلۋىم، قارلى مەكەننىڭ اتاعى بەكەر شىقپاپتى، وسى رەتكى جارىستا مەن ۇيرەنگەن ونەرىم ارقىلى تاڭداۋلى قار ويما تۋىندىلارىن جاراتىپ، قار ويما ونەرىنىڭ ەرەكشەلىگىن ايگىلەسەم دەيمىن.

  التايدىڭ قارلى مەزگىلى ۇزاق، كىرشىكسىز، اپپاق، تازا قار التايدىڭ وزگەشە قار - مۇز بايلىعىن جاراتتى. «ادامزاتتىڭ شاڭعى ونەرى جارىققا شىققان جەر»، «جۇڭگوداعى قارلى مەكەن» رەتىندە، تاياۋ جىلداردان بەرى، التاي قالاسى باس شۋجي شي جينپيڭ العا قويعان « 300 ميلليون ادامدى قار ـ مۇز سپورتىنا ات سالىستىرۋ» ۇندەۋىنە بەلسەنە ٴۇن قوسىپ، ٴتۇرلى قىسقى قار ـ مۇز جارىسى قيمىلدارىن وتكىزىپ، وقۋشىلاردىڭ شاڭعى تەبۋىن، بۇقارالىق شاڭعى سپورتىن زور كۇشپەن جالپىلاستىردى، قار ـ مۇز سپورتى، قار ـ مۇز ساياحات كاسىبى ٴۇرتىس، اقاۋسىز، تەز دامىدى. وسى رەتكى قار ويما جارىسىنىڭ وتكىزىلۋى بۇكىل ەلدەگى كوركەمونەر مەكتەپتەرىندەگى ستۋدەنتتەرگە قار - مۇز قيمىلى مەن قار - مۇز كوركەمونەر جاسامپازدىعىنا قاتىساتىن تەكشە ازىرلەپ بەرۋمەن بىرگە، «ادامزاتتىڭ شاڭعى ونەرى جارىققا شىققان جەر»، «جۇڭگوداعى قارلى مەكەن» ماركا ىقپال كۇشىن ونان ارى كەڭەيتىپ، قىسقى قار - مۇز مادەنيەتىنىڭ جالپىلاسۋىن جانە دامۋىن التاي قالاسىنىڭ قىسقى قار-مۇز جارىسىنىڭ، قار - مۇز ساياحات كاسىبىنىڭ قارىشتاپ دامۋىن جەبەيتىن ماڭىزدى كۇشكە اينالدىردى.

  التاي قالاسى التاي تاۋى ساياحات شەكتى سەرىكتەستىگىنىڭ ورىنباسار باس ديرەكتورى، قايىڭ ساياحات شەكتى سەرىكتەستىگىنىڭ باس ديرەكتورى ليۋ لانيىڭ بىلاي دەدى: بۇل رەتكى جارىسقا بۇكىل ەلدىڭ جەر ـ جەرىندەگى 20 نەشە جوعارى مەكتەپ، 60 تان استام شابەر قاتىناستى، سول كەزدە ساياحاتشىلارعا 20 دان استام قار ويما تۋىندىلارىن ارنايمىز، 1 ـ ايدىڭ 15 ـ كۇنى كەشتە سيلىق تاراتۋ سالتى وتكىزىلەدى، التاي ەل ٴىشى ـ سىرتىنان كەلگەن ساياحاتشىلارعا كوركەمونەر جاعىنداعى سالتاناتتى جينالىس سيلايتىن بولادى.

  تانىستىرۋعا قاراعاندا، وسى كەزەكتى مەملەكەتتىك كوركەمونەر مەكتەپتەرى ستۋدەنتتەر قار ويما جارىسىن التاي قالالىق حالىق ۇكىمەتى مەن چيڭحۋا داشۋەسى اسەمونەر شۋەيۋانى بىرگە ۇيىمداستىرعان، التاي قالالىق مادەنيەت، دەنە تاربيە، راديو، تەلەۆيزيا جانە ساياحات مەكەمەسى، التاي قالالىق اققايىڭ ساياحات شەكتى سەرىكتەستىگى ۇستىنە العان، مەملەكەتتىك كوركەمونەر مەكتەپتەرى مەن امبەباپ جوعارى مەكتەپتەردىڭ كوركەمونەر كاسىبى فاكۋلتەتتەرى قولداۋ كورسەتكەن. جارىس تاقىرىپ تاڭداۋ جانە وي جۇگىرتۋ، جاڭالىق جاراتۋ، جاسامپازدىق قيىندىعى، شەبەرلىك جانە تەحنيكا، كوركەمونەرلىك بەينەلەۋ قۋاتى سىندى 5 جاقتان سارالانادى، 3 عىلمي سيلىق، 5 تاڭداۋلى سيلىق، 12 ەستەلىك سيلىق بەرىلەدى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى