اعاجاي-التاي تورابى   ›   اقپارات ايدىنى   ›   سۋرەتتى حابارلار

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى جابىلدى

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى جابىلدى

  چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين قاتىناستى، نۇرلان ءابىلماجىن باسقاردى ءارى ءسوز سويلەدى

  1 - ايدىڭ 9 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس زالى.□ سۋرەتتى گازەتىمىزدىڭ جالپىلىق اقپارات قۇرالدارىنىڭ ءتىلشىسى لي رۇي تۇسىرگەن

  گازەتىمىزدىڭ جالپىلىق اقپارات قۇرالدارىنىڭ تىلشىلەرى لي ياڭ، ۋاڭ شيڭرۇي، ياۋ تۇڭ 1 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى ءتۇرلى كەڭەس تارتىپتەرىن تولىق ورىنداپ بولعان سوڭ، 1 - ايدىڭ 9 - كۇنى تۇستەن بۇرىن شينجياڭ حالىق سارايىندا جابىلدى.

  چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ءتوراعالار مىنبەسىنەن ورىن الدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا، جاڭ بو، مۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، ءيىلھام سابىر، ما شيۇڭچىڭ، ابدۇرىقىپ ءتومۇرنياز ءتوراعالار مىنبەسىنىڭ الدىڭعى قاتارىنان ورىن الدى.

  ساعات 10نان 30 مينۋت وتكەندە، جابىلۋ ءماجىلىسى باستالدى. نۇرلان ءابىلماجىن بىلاي دەپ جاريالادى: اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنە قاتىناسۋعا ءتيىستى مۇشە 513 ادام، ناقتى قاتىناسقانى 462 ادام، بەلگىلەنگەن ادام سانىنا ۇيلەسەدى.

  ءماجىلىس اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ تۇراقتى كوميتەتتىڭ قىزمەتىنەن بايانداما جونىندەگى قاۋلىسىن، اۆتونوميالى رايوندىق ساياسي كەڭەس ۇسىنىس جوبا كوميتەتىنىڭ اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن، اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ ساياسي قاۋلىسىن ماقۇلدادى.

  نۇرلان ءابىلماجىن بىلاي دەدى: اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى جالپى مۇشەلەردىڭ ورتاق قۇلشىنۋىنىڭ ارقاسىندا ءتۇرلى كەڭەس تارتىپتەردى تولىق ورىندادى. ءار ۇلت، ءار سالا مۇشەلەرى وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن مۇقيات قاراپ، كەڭەسىپ، تالقىلاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋمەن تىعىز بايلانىستىرىپ، اۆتونوميالى رايوننىڭ ورنىقتىلىق، دامۋ، رەفورما كەلەلى ماسەلەلەرىن ارقاۋ ەتىپ، بەلسەنە سىندارلى اقىل - كەڭەس بەرىپ، مول جەتىستىككە قول جەتكىزدى.

  نۇرلان ءابىلماجىن بىلاي دەپ باسا دارىپتەدى: بيىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن، كەدەيلىكتەن دالمە - ءدال ارىلتۋدان قامال الۋ شايقاسىنىڭ جەڭىسىنە قول جەتكىزەتىن، ”13 - بەسجىلدىق“ جوبانى جۇزەگە اسىرۋدى اياقتاتاتىن جىل. تۇتاس رايونداعى ءار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ءار ۇلت، ءار سالا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورتالىقتىڭ ساياسي كەڭەس قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ءسوزسىز جەڭىسكە جەتەتىن سەنىم، اسقاق كۇرەس جىگەرى، قاجىرلى ارەكەت ارقىلى نازاردى باس نىساناعا شوعىرلاندىرۋ، جاڭا بورىش ارقالاۋ، ناقتى ىستەپ، تياناقتاندىرۋدى يگەرۋ كەرەك. پارتيانىڭ ساياسي كەڭەس قىزمەتىنە جالپى بەتتىك باسشىلىعىنا بۇلجىماي تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، پارتيانىڭ باسشىلىعىنا تاباندى بولۋدى ساياسي كەڭەستىڭ بارلىق قىزمەتىنە ءسىڭىرىپ، ساياسي كەڭەس ىستەرىنىڭ باستان - اياق دۇرىس بەتالىستى بويلاي نىق قاداممەن العا ىلگەرىلەۋىنە شىنايى كەپىلدىك ەتۋ كەرەك. ارناۋلى كەڭەسۋ قۇرىلىمىنىڭ وزگەشە ابزالدىلىعى مەن رولىن تولىق ساۋلەلەندىرىپ، ”ارناۋلى“ بولۋدىڭ ابزالدىلىعىن ساۋلەلەندىرىپ، ”ارناۋلى“ بولۋدىڭ دەڭگەيىن ايگىلەپ، ”ارناۋلى“ بولۋدىڭ ىسكەرلىگىن كورنەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تياناقتاندىرۋدى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى قىزمەت نەگىزگى جەلىسى ەتۋدەن بۇلجىماي، حالىق ساياسي كەڭەسىنىڭ شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى ماڭىزدى رولىن اناعۇرلىم ويداعىداي ساۋلەلەندىرۋ كەرەك. يدەيالىق - ساياسي جەتەكشىلىكتى كۇشەيتۋ، ورتاق تانىمدى كەڭ كولەمدە ۇيىستىرۋ بورىشى مەن مىندەتىن شىنايى ارقالاپ، ساياسي كەڭەسكە قاتىناسقان ءارقايسى پارتيا - توپتاردى، ۇيىمداردى جانە ءار ۇلت، ءار سالا قايراتكەرلەرىن جەتەكتەپ، پارتيانىڭ جاسامپاز نازارياسى مەن لۋشيان، باعىت - ساياساتتارىن ىشكەرىلەي ۇيرەنىپ، دايەكتىلەندىرىپ، بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، ونىمدىلىك كورسەتۋىنە دەم بەرىپ، جۇڭگوشا سوتسياليزمگە تاباندى بولۋدى جانە ونى دامىتۋدى وزەك ەتكەن ورتاق يدەيالىق - ساياسي نەگىزدى ۇزدىكسىز بەكەمدەۋ كەرەك. حالىق ساياسي كەڭەس قىزمەت ءتۇزىمىن اقاۋسىزداندىرۋ جانە كەمەلدەندىرۋ جاعىندا تۋراشىلدىقتان تايماي، جاڭالىق اشىپ، جاڭا داۋىردەگى حالىق ساياسي كەڭەسىنىڭ بورىشى مەن مىندەتىن كوزدە ۇستاپ، ساياسي كەڭەس قىزمەتىنىڭ تۇزىمدەنۋ، جۇيەلىلەنۋ، تارتىپتەنۋ دەڭگەيىن ۇزدىكسىز جوعارىلاتىپ، ءتۇزىم ابزالدىلىعىن شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى باياندى كوركەيتۋدىڭ جونگە سالۋ ونىمدىلىگىنە شىنايى اينالدىرۋ كەرەك. ساياسي كەڭەس مۇشەلەرىنىڭ جاۋاپكەرشىلىك ارقالاۋىن سانالى تۇردە كۇشەيتىپ، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ماڭگىلىك تاقىرىپ، ومىرلىك تاقىرىپ ەتىپ، ساياسي كەڭەستى ءتۇسىنىپ، كەڭەسە ءبىلىپ، ۇكىمەت ءىسىن كەڭەسۋگە شەبەر بولىپ، تارتىپكە بويسۇنىپ، قاعيدانى دارىپتەپ، ءمورال - قۇلىققا باسا ءمان بەرىپ، ساياسيدى يگەرۋ، تەكسەرۋ - زەرتتەۋ، بۇقارامەن بايلانىس جاساۋ، سەلبەسىپ بىرگە ىستەۋ قابىلەتىن جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋ، تياناقتاندىرۋ بارىسىندا جۇرەكتىلىكپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ، جاپپاي دوڭگەلەك داۋلەتتىلىكتىڭ شەشۋشى شايقاسىنىڭ شەشۋشى جەڭىسىنە قول جەتكىزۋ، ”13 - بەسجىلدىق“ جوبانى تابىسپەن اياقتاتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ جولىندا قاجىماي - تالماي كۇرەس جۇرگىزۋ كەرەك.

  اۆتونوميالى رايوندىق حالىق قۇرىلتايىنداعى، ۇكىمەتتەگى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايوننان دەمالىسقا، زەينەتكە شىققان ورىنباسار ولكە دارەجەلىدەن جوعارى ءبىر ءبولىم ساقا جولداستار، ت. ب لار دا ءتوراعالار مىنبەسىنەن ورىن الدى.

  ءماجىلىس ايبىندى مەملەكەت ءانى ىشىندە جابىلدى.

جاۋاپتى رەداكتور : ءاننا اكىمقان قىزى