اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتوعاي اۋدانىندا «ٴبىر يۋاندىق» ساياحات ارناۋلى اۆتوبۋزى ىسكە قوسىلدى

جىبەك جولىن ساياحاتتاپ، قار-مۇز ويىندارىنىڭ قىزىعىنا باتايىق

  ەرىكتى ءٴتىلشى بو شۋان حابارلايدى. 1-ايدىڭ 6-كۇنى كوكتوعاي اۋدانىنداعى اۋدان ورتالىعىنان تاراتى قىستاعىنا قاتىنايتىن «ٴبىر يۋاندىق» ساياحات ارناۋلى اۆتوبۋزى رەسمي ىسكە قوسىلدى، بۇكىل ەلىمىزدىڭ جەر-جەرىنەن كەلگەن ساياحاتشىلار تۇڭعىش رەت «ٴبىر يۋاندىق» ساياحات ارناۋلى اۆتوبۋزىنا وتىرىپ كوكتوعايعا، ەرتىس وزەنى بويىنداعى 1 ـ قىستاق تاراتىعا كەلىپ، ونداعى ۇلتتىق سالت ـ سانانى سەزىنىپ، جەرگىلىكتى ەرەكشەلىكتەگىٴدامدى تاعامداردان ٴدام تاتىپ، ءشاتتىققا شومدى.

  ساياحاتشىلار جول بويىنداعى كورىنىستەردەن ٴلاززات الىپ قانا قويماي، قار ۇستىندەگى ساماۋرىن سورپاسى، ەت سياقتى جەرگىلىكتى ەرەكشە تاعامداردان ٴدام تاتتى، الاۋ كەشىندە كوپشىلىك شاتتىقپەن ءبىر اراعا باس قوسىپ، ٴان ايتىپ، بيگە باستى. ساياحات پەن ٴدامدى تاعام، كوركەم كورىنىس، مادەنيەت سياقتى كوپ ٴتۇرلى فاكتورلار تاراتى قىستاعىنىڭ وزىندىك ەرەكشەلىگىن تولىق بەينەلەنىپ، ساياحاتشىلاردى باۋرادى.

  «تاراتى قىستاعىنىڭ كورىنىسى وتە كوركەم دەپ ەستۋشى ەدىم، وسى رەت ساياحات ارناۋلى اۆتوبۋزىنا وتىرىپ وسى اراعا كەلىپ، بۇل ارانىڭ كەشكى كورىنىسن، تاماشا تابيعاتىن تاماشالادىم، وزگەشە ەرەكشەلىكتەگى قازاقى تاعامداردان ٴدام تاتتىم، توتەنشە قۋانىشتامىن»،-دەدى يۇنناننان كەلگەن ساياحاتشى حۋاڭ جۋ.

  ۇعىسۋعا قاراعاندا، اۋدان ورتالىعىنان تاراتى قىستاعىنا قاتىنايتىن «ٴبىر يۋاندىق» ساياحات ارناۋلى اۆتوبۋزى ٴار كۇنى ساعات 16 دا كوكتوعاي اۋداندىق قوناق سارايىنىڭ ەسىك الدىنان ۋاعىندا جولعا شىعىپ، ساعات 22 دە تاراتى قىستاعىنان كوكتوعاي اۋدان ورتالىعىنا قايتا قايتىپ كەلەدى ەكەن.

  «تاراتىنى تۇندە ساياحاتتاۋ جەرگىلىكتى ورىنداعى ايگىلى تانىمالدىققا اينالدى، ۇلتتىق سالت ـ سانانى ايگىلەۋ جانە ەرەكشە ساياحاتتى سىرتقا باعىتتاۋ سياقتى جاقتاردا توتەنشە ماڭىزدى رول اتقاردى. ساياحات ارناۋلى اۆتوبۋزىنىڭ قاتىناۋى مادەنيەت پەن ساياحاتتىڭ توعىسۋىن، ساياحات جەلىسى بويىنداعى كورىنىس تۇيىندەرىن بىرىكتىرۋدى، قاتتى بولشەك جۇمساق بولشەكتەرىنىڭ ۇشتاسۋىن شىنايى ايگىلەپ، ٴار ۇلت بۇقاراسى مەن قالىڭ ساياحاتشىلارعا زور قولايلىلىق تۋدىردى»،-دەدى كوكتوعاي اۋداندىق ۇكىمەتتىڭ ورىنباسار اكىمى جاڭ سۋحۇڭ.

  ۇعىسۋعا قاراعاندا، اۋدان قالاشىعىنان تاراتى قىستاعىنا قاتىنايتىن «ٴبىر يۋاندىق» ساياحات ارناۋلى اۆتوبۋزى كوكتوعاي اۋدانىنىڭ قالا-اۋىلدارىنداعى الەۋمەتتىك قاتىناستى ٴبىر تۇلعالاندىرعان «ٴبىر يۋاندىق» حالىققا تيىمدىلىك جاساۋ ارناۋلى جەلىسى نەگىزىندە قۇرىلعان. بۇل حالىق تۇرمىسىن شىنايى جاقسارتىپ، حالىققا يگىلىك جەتكىزەتىن حالىق تىلەگى ينجەنەرياسى، حالىق تىلەگىنە قۇرمەت ەتەتىن حالىق تۇرمىسى نىسانى، كوكتوعاي اۋدانىنداعى ٴار ۇلت بۇقاراسىنىڭ ٴجۇرىس-تۇرىسىنىڭ حاۋىپسىز، قولايلى بولۋىن شىعار ٴتۇيىن، حالىق بۇقاراسىنىڭ قاتىناس جاعىنداعى قاجەتىن قاناعاتتاندىرۋدى تياناق ەتىپ، كوكتوعاي اۋدانىنىڭ ەكونوميكاسى مەن قوعامىنىڭ، سونداي ـ اق ساياحات كاسىبىنىڭ ٴارى جاقسى، ٴارى تەز، جاراسىمدى دامۋىن جەبەۋدىڭ ماڭىزدى بەينەسى. قازىرگە دەيىن اۋدان بويىنشا 8 جەلى اشىلىپ، تۇرعىن اۋىلى، شاكۇرتى قالاشىعى، كوكتوعاي قالاشىعى سياقتى 8 اۋىل ـ قالاشىق، 37 قىستاقتى (الەۋمەتتىك اۋماق) قامتىدى، 70 مىڭنان استام ەگىنشى ـ مالشى يگىلىگىن كوردى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى