اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

2020 ـ جىلى «جىبەك جولىن ساياحاتتاپ، قار-مۇز ويىندارىنىڭ قىزىعىنا باتۋ» مادەنيەت، ساياحات جونىندە اۋىس ـ كۇيىس جاساۋ، تانىستىرۋ قيمىلىنىڭ ادەبيەت-كوركەمونەر كونسەرتى شىحىزى قالاسىندا قويىلدى

جىبەك جولىن ساياحاتتاپ، قار-مۇز ويىندارىنىڭ قىزىعىنا باتايىق

  ءٴتىلشىمىز قۇرمانگۇل جەڭىسبەك قىزى حابارلايدى. 1-ايدىڭ 6-كۇنى التاي ايماقتىق پارتكوم مەن اكىمشىلىك مەكەمەسى ۇيىمداستىرعان 2020 ـ جىلعى «جىبەك جولىن ساياحاتتاپ، قار ـ مۇز ويىندارىنىڭ قىزىعىنا باتۋ» مادەنيەت، ساياحات جونىندە اۋىس-كۇيىس جاساۋ، تانىستىرۋ قيمىلىنىڭ ادەبيەت-كوركەمونەر كونسەرتى شىحىزى قالاسىندا سالتاناتپەن وتكىزىلدى.

  وسى رەتكى كونسەرتتە ونەرپازدار شاشۋ انىمەن قوناقتارعا دەگەن قۇرمەتىن ٴبىلدىردى. التايدىڭ قۇت بەلگىسى «الىمەن» بىرگە قارا جورعا ٴءبيىن بيلەپ كونسەرت شىمىلدىعىن اشتى. ساۋىق كەش «كىرشىكسىز ٴوڭىر قاناس، قارلى مەكەن التاي»، «كورىكتى شينجياڭ، اسەم كورىنىس»، «جىبەك جولىن ساياحاتتاپ، قار ـ مۇز ويىندارىنىڭ قىزىعىنا باتۋ» اتتى ٴۇش بولىمنەن قۇرالدى. مۇنىڭ ىشىندە «التايدا بايىرعى قار شاڭعىمەن اڭ اۋلاۋ بارىسى بەينەلەنگەن كونسەت نومىرىندە» وسىزامانعى فورمامەن بايىرعى قار شاڭعى تەبۋ بارىسىن كورەرمەندەردىڭ كوزالدىنا ەلەستەتتى. شەرتەر مەن قوبىز سەكىلدى ٴداستۇرلى مۋزيكا اسپاپتارىمەن «قار - مۇز الەمى» ٴانى ورىندالدى، قازاقتىڭ ٴداستۇرلى مۋزيكا اسپاپتارى ارقىلى التايدىڭ قار - مۇز كورىنىسى تاماشادا جاندى بەينەلەندى، ۇلى تابيعاتتىڭ ادامزاتقا سيلاعان شاتتىعى مەن قۋانىشى بەينەلەنىپ، ادام مەن تابيعاتتىڭ جاراسىمدىلىعى ايگىلەندى.

  كونسەرتتى كورگەن شىحىزى قالاسىنىڭ تۇرعىنى مين مەيشي بىلاي دەدى:«التاي ايماعىنىڭ قار - مۇز مادەنيەتىنىڭ تاريحى ۇزاق، تامىرى تەرەڭ، قار - مۇز بايلىعى بۇكىل ەل بويىنشا بىرەگەي، ادامزات قار شاڭعى ونەرىنىڭ جارىققا شىققان مەكەنى، ءٴبىز قار جاۋسا بولعانى التايداعى قار شاڭعىنى ەسكە الامىز. بۇگىنگى كونسەرت جۇڭگوداعى قارلى مەكەن التايداعى ەرەكشە سالت ـ سانا مادەنيەتتى ايگىلەدى، ارتيستەر جاس ٴارى جالىندى ەكەن، ٴاربىر ويىن ءنومىرى ەرەكشە تارتىمدى بولدى، بۇكىل الاڭداعى كورەرمەندەر دە بار ىنتا ـ پەيىلدەرىمەن كونسەرتتى تاماشالادى. التايدىڭ ٴداستۇرلى مادەنيەتى مەنى باۋرادى».

  قيمىل ٴبىر جاعىنان التايدىڭ مول مادەنيەت بايلىعى مەن وڭىرلىك مادەنيەت ەرەكشەلىگىن شوعىرلى تۇردە ايگىلەدى، ەندى ٴبىر جاعىنان، مادەنيەت سەنىمىن بەكەمدەپ، جۇڭحۋانىڭ ٴداستۇرلى مادەنيەتىن ساۋلەلەندىرۋمەن بىرگە، التايدىڭ قار - مۇز بايلىعىن كونسەرت فورماسى ارقىلى ساحنادا ايگىلەپ، كورەرمەندەردى تامساندىردى. وسى رەتكى مادەنيەت ساياحاتتى تانىستىرۋ، اۋىس-كۇيىس جاساۋ قيمىلى ەكى جەردىڭ اۋىس ـ كۇيىسى، بارىس-كەلىسىنىڭ جاڭا باستاماسىنا اينالدى، شىحىزى حالقىنىڭ «ادامزاتتىڭ شاڭعى ونەرى جارىققا شىققان جەر» التاي جونىندەگى تانىمى اناعۇرلىم تەرەڭدەدى، سونىمەن بىرگە ەكى جەردىڭ مادەنيەت-كوركەمونەرى، ٴتۇرلى جاقتارداعى اۋىس ـ كۇيىسى مەن دامۋىن جەبەۋ رولىن اتقاردى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى