اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىڭگىل اۋدانى قاسقىر تاماشالاۋ باقشاسىن قۇرىپ، قىسقى ساياحاتتىڭ تانىمالدىعىن ارتتىردى

  ەرىكتى ءتىلشى تيان جينيان، جاڭ حايلۇڭ حابارلايدى. 1-ايدىڭ 1-كۇنىنەن 2-كۇنىنە دەيىن «شينجياڭ جاقسى جەر جىبەك جولىن ساياحاتتاپ، قار مۇز ويىندارىنىڭ قىزىعىنا باتۋ» قيمىلىنىڭ جەلىلەس قيمىلى «جاڭا جىلدا شىڭگىلدى ساياحاتتاپ، قار-مۇز بازارىنىڭ دۋمانىن سەزىنۋ» جانە شىڭگىل اۋدانىنىڭ قار - مۇز دەنە تاربيە ساياحات مەرەكەسى شىڭگىل اۋدانىندا سالتاناتتى باستالدى. باتىس تەرىستىك قاسقىر تاماشالاۋ باقشاسى ساياحاتشىلاردىڭ الدىمەن تاڭدايتىن ساياحات ورنىنا اينالدى.

  قاسقىر ساحاراداعى ەڭ ۋاكىلدىك سيپات الاتىن جابايى حايۋاناتتاردىڭ ٴبىرى، شىڭگىل اۋدانىنىڭ باتىس تەرىستىك قاسقىر ەكولوگيالىق باعىمشىلىق عىلىم - تەحنيكا شەكتى سەرىكتىگىنىڭ جاۋاپتىسى گاۋ ۋيدۇڭ مول قاسقىر باعۋ تاجىريبەسىنە يە بولىپ، باتىس تەرىستىك قاسقىرلارىن تاماشا تىرشىلىك ورتاسىمەن قامدادى.سونىمەن بىرگە، شىڭگىل اۋدانىنداعى ٴار ۇلت بۇقاراسىنىڭ قاسقىرعا بولعان تانىمىن كىتاپتاردا نەمەسە توراپ بەتتەرىندە عانا قالدىرىپ قويماي، بۇقاراعا باتىس تەرىستىك قاسقىرىن تاماشالايتىن تەكشە ازىرلەپ، شىڭگىل اۋدانىنىڭ ساياحات كاسىبىنىڭ دامۋىن ٴونىمدى تۇردە جەبەدى.

  شىڭگىل اۋدانىنىڭ قىسقى ۇلتتىق سالت-سانا مادەنيەت ساياحات مەرەكەسى كەزىندە باتىس تەرىستىك قاسقىر باقشاسى كوپتەگەن ساياحاتشىلاردى وزىنە باۋرادى. قىس ماۋسىمىندا كۇن سۋىق بولادى، قاسقىرلاردىڭ تىرشىلىك جاعدايى ساياحاتشىلاردى سۋرەتكە تۇسىرۋگە ىنتالاندىردى.

  ساياحاتشى گۇلسىمبات بىلاي دەدى: بۇگىن ۇيدەگى بالالاردى ەرتىپ، شىڭگىل اۋدانىنداعى باتىس سولتۇستىك قاسقىرىن كورۋگە كەلدىك، بالالار قاسقىردى ءوز كوزدەرىمەن كوردى.

  ساياحاتشى ما فۋچىڭ بىلاي دەدى: بۇگىن اپايىم جەزدەم مەنى قاسقىر باقشاسىنا ەرتىپ كەلدى، بۇل جەردەگى قاسقىرلاردىڭ كەيبىرى ايبارلى كورىنسە، كەيبىرەۋى وتە سۇيكىمدى سەزىلدى، وتە قىزىقتى.

  شىڭگىل اۋدانى جاراتىلىستىق بايلىق پەن گۋمانيتارلىق بايلىق ابزالدىلىعىنا تىعىز سۇيەنىپ ساياحات كاسىبىن دامىتىپ، شىڭگىل اۋدانىنىڭ باتىس تەرىستىگىندەگى قاسقىر باقشالارىنىڭ مولدىعى مەن قىسقى ساياحات تۇرلەرىن جانە كولەمىن كەڭەيتىپ، قىسقى ساياحات تانىمالدىعىن بەلسەنە جاراتتى. شىڭگىل اۋدانىنىڭ وڭىرلىك ساياحات ەرەكشەلىگىن ساۋلەلەندىرىپ، قار - مۇز مادەنيەتى ارقىلى ساياحات مازمۇنىن جوعارىلاتىپ، قاسقىر باقشاسى مادەنيەتى ارقىلى قار - مۇز ساياحاتىن جەبەپ، شىڭگىل اۋدانىنىڭ ەكونوميكالىق، قوعامدىق ىستەرىنىڭ دامۋىن جەبەدى.

  شىڭگىل اۋدانى باتىس تەرىستىك قاسقىر ەكولوگيالىق باعىمشىلىق عىلىم - تەحنيكا شەكتى سەرىكتەستىگىنىڭ جاۋاپتىسى گاۋ ۋيدۇڭ بىلاي دەدى: «كوپشىلىككە قاسقىر باقشاسىن ۇگىتتەۋ ٴۇشىن، شىڭگىل اۋدانى قاسقىر مادەنيەتى كورمەسىن اشىپ، تۇرلىشە قاسقىرلاردى، سونداي - اق ولاردىڭ ۇقساماعان جاقتارىن كوپشىلىكتىڭ اناعۇرلىم ىشكەرىلەي تۇسىنۋىنە مۇمكىندىك جاسادى.

  بۇدان كەيىن شىڭگىل اۋدانى وزگەشە جاراتىلىستىق كورىنىستەر مەن وزگەشە قاسقىر مادەنيەتىن تياناق ەتىپ، مادەنيەتتىڭ ٴمانىن تەرەڭ اشىپ، كاسىپتىك ساياحات جوبالاۋ سەرىكتەستىكتەرىن قاسقىر باقشاسى مادەنيەت ونىمدەرىن جوبالاۋعا ۇسىنىس ەتىپ ، «ازىق - تۇلىك، تۇرار جاي، ساياحات، كوڭىل اشۋ، قاتىناس، زات ساتىپ الۋ » سىندى التى فاكتوردى نەگىز ەتەدى. جاتاق، اس - سۋ، كوڭىل اشۋ سياقتى سايكەستى قىزمەت وتەۋ قۇرىلعىلارى قۇرىلىسىن ونان ارى كەمەلدەندىرىپ، كورىنىس رايونىنىڭ مادەنيەت قۇرىلىسىنىڭ دارەجەسىن جوعارىلاتۋدى ىلگەرىلەتىپ، بۇقارانىڭ قىسقى مادەنيەت تۇرمىسىن ونان ارى بايىتىپ، قار - مۇز ساياحات كاسىبىنىڭ بارىنشا توعىسۋىن ىلگەرىلەتىپ، شىڭگىل اۋدانىنىڭ قىسقى ساياحاتتىڭ كورىگىن قىزدىرىپ، شىڭگىل اۋدانىنىڭ قىسقى مادەنيەت ماركاسى مەن ساياحات قالاسىنىڭ تانىسقىسىن تەز ارادا قالىپتاستىرادى.

  شىڭگىل اۋدانى باتىس سولتۇستىك قاسقىر ەكولوگيالىق باعىمشىلىق عىلىم-تەحنيكا شەكتى سەرىكتەستىگىنىڭ جاۋاپتىسى گاۋ ۋيدۇڭ جانە بىلاي دەدى: بۇدان كەيىن ٴبىز قاسقىر مادەنيەتى كاسىپ باقشاسىن بىرتىندەپ كەمەلدەندىرىپ، ويما ويۋ، سۋرەت سىزۋ، كەستە تىگۋ ارقىلى قاسقىر مادەنيەتىن اناعۇرلىم تەرەڭ بەينەلەيمىز، سول ارقىلى قاسقىر مادەنيەتى ەكولوگيالىق تاقىرىپتىق باقشاسىن ۇگىتتەپ، تانىستىرىپ، التاي ايماعىنىڭ تانىسقىسىنا اينالدىرامىز، وسىلاي بولعاندا ساياحاتشىلار بارعان سايىن كوبەيىپ، جەرگىلىكتى ەگىنشى ـ مالشىلاردى كىرىسىن ارتتىرىپ، بايۋعا باستايتىن بولادى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى