اعاجاي-التاي تورابى   ›   زاڭ-تارازى   ›   عىلىمي ماقالالار

جاناي داۋىل قىزى ۇلتتار ىنتىماعىن ءىس جۇزىندىك ارەكەتتە ايگىلەدى

  ۇسىنىس ەتىلگەن ءتىلشى لي حۇيليڭ حابارلايدى. ول كلاس جەتەكشىسىنىڭ كلاستى باسقارۋىنا كومەكتەسەتىن «كىشكەنتاي كومەكشى»، اۋىرىپ قالعان ساباقتاستارىنا سابىرلىلىقپەن جەتەكشىلىك ەتەتىن «مۇعالىم»، كلاستاعى ساباقتاستارىمەن ىنتىماعى جاراسقان «كىشكەنتاي انار ءدانى». ول بۋىرشىن اۋدانى سىرلى كول جولى باستاۋىش مەكتەبىنىڭ 6 ـ جىلدىق 3 ـ كلاس وقۋشىسى جاناي داۋىل قىزى. ول ءمورالدى دا ءبىلىمدى، باسقالارعا كومەكتەسۋدى قۋانىش سانايتىن قازاق قىزى، ۇلتتار ىنتىماعىنىڭ وڭ ەنەرگياسىن تاراتۋشى.

  «نۇرباق، بۇگىن ءبىز جەلپۋىش فورمالى ساناق سۋرەتىن ۇيرەندىك. بۇل ماسەلەنى تۇڭعىش رەت ۇيرەنىپ وتىرمىز، قيىنداۋ بولۋى مۇمكىن. ساعان ءبىر ـ بىرلەپ تۇسىندىرەيىن. الدىمەن كەشەگى ۇيرەنگەن ساباقتى پىسىقتايىق» ـ دەدى جاناي ساباقتاسى نۇرباقتىڭ ۇيىنە بارىپ ونىڭ ساباق پىسىقتاۋىنا كومەكتەسكەندە.

  بيىل 10 ـ ايدا نۇرباق اۋىرىپ، مەكتەپكە بارا الماي قالدى. ول ساباق ناتيجەم تومەندەپ، ۇيرەنۋ قارقىنىنا ىلەسە الماي قالامىن با دەپ قاتتى الاڭدادى. كلاستا ۇيرەنۋدە الدىڭعى قاتاردا تۇراتىن جاناي وقۋدان تاراعاننان كەيىن نۇرباقتىڭ ۇيىنە بارىپ وعان پىسىقتاۋ جاساپ بەردى ءارى ونىڭ تاپسىرماسىن مەكتەپكە الىپ كەلىپ وقىتۋشىنىڭ تۇزەتىپ بەرۋىنە تاپسىردى. ۇزاق ۋاقىتتان بەرى، ءار كۇنى وقۋدان تاراعاننان كەيىن، ولار بىرگە ۇيرەنىپ، جاقسى دوستارعا اينالدى.

  كلاستا كىمدە قيىنشىلىق بولسا اشىق جارقىن، مەيىرىمدى جانايدى ىزدەيدى، ول كوپشىلىككە قىزۋ ىنتامەن كومەكتەسەدى. ساباقتاستارى ونى كلاستىڭ «كىشكەنتاي كۇنى» دەپ سۋرەتتەيدى، ول ءىس جۇزىندىك ارەكەتى ارقىلى ماڭىنداعى ادامدارعا ىقپال جاسادى.

  جاناي تىلشىگە: «ءار ۇلت حالقى اسەم گۇل سەكىلدى، ءبىز ءبىر ـ بىرىمىزگە سۇيەنىپ ءومىر سۇرگەندە عانا وتان سىندى وسى ءبىر ۇلكەن گۇل باقشانىڭ گۇلدەرىن قۇلپىرتا الامىز» ـ دەدى. جانايدىڭ ەڭ ۇناتىپ جەيتىنى ايكۇلشە. ورتا اترەت باستىعى بولعان ول وقۋشىلاردىڭ قول ۇستاسۋ قيمىلىن ۇنەمى ۇيىمداستىرىپ ورىستەتىپ، ءار ۇلت ساباقتاستارىمەن بىرگە ءتۇرلى قيمىل وتكىزىپ، ءار ۇلت ساباقتاستارى اراسىندا تەرەڭ دوستىق ورناتتى.

  6 ـ جىلدىق 7 ـ كلاسىنىڭ وقۋشىسى چىن يىڭيىڭ تىلشىگە: «جاناي ەكەۋىمىز دە كىتاپ وقۋدى جاقسى كورەمىز. ساباق ارالىعىندا ۇنەمى كىتاپ الماستىرىپ وقيمىز. اسەرىمىزدى ءبولىسىپ، مەكتەپتىڭ كىتاپ وقۋ جارىسىنا بىرگە قاتىناسامىز» ـ دەدى.

  سوناۋ الىستاعى جيلين ولكەسى تۇڭحۋا قالاسى ليۋحى قالاشىعى جەڭىس باستاۋىش مەكتەبىنىڭ وقۋشىسى لي انبو جانايدىڭ جاقسى دوسى. 3 جىلدان بەرى ءبىر پارشا حات ارقىلى ول شينجياڭنىڭ ءدامدى تاعامى مەن كوركەم كورىنىسىمەن تانىستى. جاناي لي انبوعا: «مەنىڭ اۋىلىم كوركەم، ادامدارى دا جاقسى، اۋىلىم تۋرالى اڭگىمەلەر دە كوپ، سەنىڭ قوناق بولىپ كەلۋىڭدى قارسى الامىن» ـ دەپ ۇسىنىس حات جازدى. ول تىلشىگە: «ماقالا جازۋعا جاقسى ماشىقتانىپ، بولاشاقتا بۋىرشىننىڭ اڭگىمەسىن جاقسى جازىپ، كورىكتى مەكەندى اناعۇرلىم كوپ ادامعا تانىستىرۋعا كۇش سالامىن» ـ دەدى.

  تۇرمىستا جاناي ءوز كۇشىنە سۇيەنەتىن بالا. 3 جىلدىڭ الدىندا اكەسى قايتىس بولعان. اقىلدى جاناي قۇلشىنا ۇيرەنىپ، شەشەسىن الاڭداتپادى. ۇيرەنۋ ارەدىگىندە شەشەسى جۇمىس ىستەيتىن اسحاناعا بارىپ، وعان كومەكتەسىپ، ىدىس ـ اياق جۋىپ، تازالىق ىستەدى.

  جاناي تىلشىگە: «ءار ۇلت حالقى اناردىڭ دانىندەي تىعىز ۇيىسۋى كەرەك. ءار ۇلت وقۋشىلارى اناردىڭ دانىندەي، تەك ءبىر نيەتپەن ىنتىماقتاسساق بولعانى، ۇلتتار ىنتىماعىنىڭ وڭ ەنەرگياسىن تاراتا الامىز» ـ دەدى.

جاۋاپتى رەداكتور : ءاننا اكىمقان قىزى