ءبىر جاعادان باس، ءبىر جەڭنەن قول شىعارىپ، قايراتتانا ىستەيمىز

رايونىمىزداعى ءار ۇلت كادر - بۇقاراسى ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن، ۇيرەنگەننەن كەيىن كوكىرەك كەرنەگەن اسەرلى سەزىممەن مىنالاردى ءبىلدىردى −

ءبىر جاعادان باس، ءبىر جەڭنەن قول شىعارىپ، قايراتتانا ىستەيمىز

  2019 - جىلى 12 - ايدىڭ 31 - كۇنى ساعات 19دا مەملەكەت ءتوراعاسى شي جينپيڭنىڭ سويلەگەن 2020 - جىلعى جاڭا جىلدى قۇتتىقتاۋ ءسوزى ورتالىق راديو - تەلەۆيزيا باس ستانسياسى جانە ينتەرنەت ارقىلى تيانشاننىڭ وڭتۇستىگى مەن سولتۇستىگىنە تارالدى. بۇل وتكەن ءبىر جىلداعى كۇرەس جۇرگىزۋ بارىسى مەن شۇعىلالى تابىستاردى ەسكە العان ايبىندى جارناما، سونىمەن ءبىر ۋاقىتتا ”ءبىر جاعادان باس، ءبىر جەڭنەن قول شىعارىپ، قايراتتانا ىستەۋ“دىڭ جاڭا دابىلىن قاقتى. رايونىمىزداعى ءار ۇلت كادر - بۇقاراسى ءسوزدى ەستىگەننەن، ۇيرەنگەننەن كەيىن بارىنشا مەيىرگە بولەنىپ، شابىت الدى. كوپشىلىك كوكىرەك كەرنەگەن اسەرلى سەزىممەن مىنالاردى ءبىلدىردى: جاڭا ءبىر جىلدا شي جينپيڭنىڭ جاڭا ءداۋىر جۇڭ−گوشا سوتسياليزم يدەياسىنىڭ جەتەكشىلىگىندە، نازاردى شينجياڭ قىزمەتى باس نىساناسىنا شوعىرلاندىرىپ، بوران - شاشىننان قورىقپاي، كەدەرگىلەردەن تايسالماي، ۋاقىتپەن جارىسىپ، ەكپىندەي ىلگەرىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى سالتاناتتى اسەم كارتينانىڭ تاماشا شينجياڭ تاراۋىن جازامىز.

■ ماڭداي تەرىمىزدىڭ جەمىسىن تاتىپ، تىڭعىلىقتى ىستەپ، نىق قاداممەن العا ىلگەرىلەدىك

  ”2019 - جىلى ءبىز ماڭداي تەرىمىزدىڭ جەمىسىن تاتىپ، تىڭعىلىقتى ىستەپ، نىق قاداممەن العا ىلگەرىلەدىك“. ءتوراعا شي جينپيڭنىڭ 2020 - جىلعى جاڭا جىلدى قۇتتىقتاۋ سوزىندە وتكەن ءبىر جىلداعى ەلىمىزدىڭ ەكونوميكالىق دامۋ، رەفورما جاساۋ، ەسىك اشۋ، حالىق تۇرمىسىن جاقسارتۋ، كەدەيلىكتەن ارىلتۋدان قامال الۋ سياقتى جاقتاردا قول جەتكىزگەن تابىستارىن ەگجەي - تەگجەيلى كورسەتىپ، جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قۇتتىقتاۋ سىندى ەستەن كەتپەس كورىنىستەردى ەسكە الدى، سونىمەن بىرگە: ناتيجەگە جاڭا داۋىردەگى كۇرەسكەرلەردىڭ جۇرەك قانى مەن ماڭداي تەرى ءسىڭىپ، وزگەشە كەرەمەت جۇڭگو كەلبەتىن، جۇڭگو كۇشىن ايگىلەدى، - دەپ اتاپ كورسەتتى.

  ”2019 - جىلى ەلىمىزدىڭ قول جەتكىزگەن شۇعىلالى ناتيجەلەرى ادامدى شابىتتاندىرادى، رەسپۋبليكانىڭ 70 جىلدىق كۇرەس جاساۋ قادامى ادامدى جەلپىندىرەدى، جۇڭگولىق رەتىندە مۇنى شەكسىز ماقتانىش سەزىنەمىن ءارى وتانشىلدىقتىڭ مىعىم كۇش - قۋاتى مەنى تەرەڭ اسەرلەندىردى“. قول تەلەفوننان ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن كەيىن، باعىراش اۋدانى شيحاي ەكولوگيالىق ساياحات شەكتى سەرىكتەستىگى، شينجياڭ بىنتۋ - بىنۋ ەلەكتروندىق ساۋدا ىستەرى شەكتى جاۋاپكەرشىلىك سەرىكتەستىگى باعىراش تارتۋ - تارالعى دۇكەنىنىڭ قىزمەتكەرى ۋاڭ شيجۇن تەبىرەنە بىلاي دەدى: ” 2019 - جىلى ءبىز شىن مانىندەگى ۇلكەن سيعا يە بولدىق، ءدارى - دارمەك ساتىپ العاندا باعاسى ءتىپتى دە ارزاندادى، تۇرمىسىمىز ءتىپتى دە قولايلى بولدى، وتە - موتە، ينتەرنەت قارقىنىنىڭ تەزدەۋى، اقىسىنىڭ ارزانداۋى ءبىزدىڭ ەكراندى ءتىپتى تەز شارلاۋىمىزعا مۇمكىندىك تۋدىرىپ قانا قويماي، ەلەكتروندىق ساۋدانىڭ دامۋىن دا تەزدەتتى. بۇكىل ەلدىڭ جەر - جەرىندە ءبىزدىڭ ەلەكتروندىق ساۋدا تۇعىرى ارقىلى جەرگىلىكتى ەرەكشە ونىمدەردى ساتىپ الاتىن ادامدار بارعان سايىن كوبەيدى، ءبىزدىڭ بولاشاققا دەگەن سەنىمىمىز تىپتەن ارتا ءتۇستى“.

  ”ءتوراعا شي جينپيڭنىڭ 2020 - جىلعى جاڭا جىلدى قۇتتىقتاۋ ءسوزى 2019 - جىلداعى كەلەلى ىستەردى سارالاپ جانە حالىق تۇرمىسىنا ساياتىن شاعىن ىستەردى قورىتىندىلاۋى حالىقپەن كوڭىلى توعىسقان ىقىلاستى پەيىلىن، وتاندى كوڭىل تورىنە قويعان شىنايى سۇيىسپەنشىلىگىن شىنايى اڭعارتىپ، ادامدى ەرەكشە اسەرلەندىردى جانە جەلپىندىردى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى ورگان پارتكومىنىڭ ارناۋلى مىندەتتەگى ورىنباسار شۋجيى ۋىن جىچي تەرەڭ سەزىممەن بىلاي دەدى: اۋەلگى ماقسات پەن بورىش − ءبىزدىڭ جاڭا داۋىردەگى ۇزاق جورىق ساپارىن ويداعىداي باسۋىمىزدىڭ سارقىلماس قوزعاۋشى كۇشى. دەنساۋلىق ساقتاۋ، سالاماتتىق جۇيەسىندەگى كادر رەتىندە حالىقتىڭ سالاماتتىعىن وزەك ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ”سالاماتتى شينجياڭ“ قۇرىلىسىن ىلگەرىلەتۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كۇش - قۋات ارناۋعا دەم بەرەمىن.

■ شەشۋشى شايقاستىڭ شەشۋشى جەڭىسىن جۇرگىزىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزەمىز

  2020 - جىل كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. اتوي سالۋ دابىلى قاعىلدى. ءتوراعا شي جينپيڭنىڭ جاڭا جىلدى قۇتتىقتاۋ ءسوزى رايونىمىزداعى ءار ۇلت كادر - بۇقاراسىن ”ءبىر جاعادان باس، ءبىر جەڭنەن قول شىعارىپ، قايراتتانا ىستەپ، نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلۋ“داي ىنتا - جىگەرمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋگە شابىتتاندىردى.

  ”ءتوراعا شي جينپيڭنىڭ جاڭا جىلدى قۇتتىقتاۋ ءسوزى اسقاق تا تارتىمدى، بىزگە العا باسۋ بەتالىسىن كورسەتىپ، ءسوزسىز، جەڭىسكە جەتۋ سەنىمىن ۇستەدى“. جاڭاشار اۋدانى ارال اۋىلى پارتكومىنىڭ شۋجيى جان باڭجوۋ بەكەم تۇردە بىلاي دەدى: ”ءبىز ماڭىزدى تاپسىرمانى ەستە بەرىك ساقتاپ، ولقىلىقتاردى ءتىپتى دە تىڭعىلىقتى تۇردە تولىقتاپ، نەگىزدى اناعۇرلىم بەرىكتەپ، سەنىمدى بەكەمدەپ، قاجىرلىلىقپەن كۇرەس جۇرگىزىپ، قازىرگى ولشەم بويىنشا اۋىل - قىستاقتاعى كەدەيلەردىڭ تۇگەلدەي كەدەيلىكتەن ارىلۋىن، كەدەي اۋدانداردىڭ تۇگەلدەي كەدەيلىك قالپاعىن الۋىن ۋاعىندا جۇزەگە اسىرىپ، تۇتاس اۋىلداعى بۇقارانى باستاپ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا اياق باسامىز“.

  ”ءتوراعا شي جينپيڭ: وتانىمىزدىڭ ۇلان - بايتاق دالاسىنا نازار سالساق، بارلىق جەردەن جاڭا وزگەرىس، جاڭا بەينە بايقالادى، - دەدى. قىستاقتا مەن ءار كۇنى دەرلىك جاڭا وزگەرىس، جاڭا بەينە بايقايمىن“ قىستاق ”ەكى كوميتەت“ القاسىنداعىلار مەن ءبىر ءبولىم بۇقارامەن بىرگە تەلەۆيزوردان تىكە تاراتىلىمدى كورگەننەن كەيىن شينجياڭ ينجەنەريا شۋەيۋانىنىڭ حوتان قالاسىنىڭ جييا اۋىلى كىرپى ءمالى قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى جوۋ تاۋ وسىلاي دەدى.

  جوۋ تاۋ بىلاي دەدى: 2019 - جىلى كىرپى ءمالى قىستاعى جونىنەن ايتقاندا، جەمىسى مول ءبىر جىل بولدى. قىستاقتا تۇتاس قىستاق بويىنشا كەدەيلىكتەن ارىلۋ جۇزەگە استى، وتباسىلارى ىشەر استان، كيەر كيىمنەن تارىقپايتىن تاماشا كۇندەر وتكىزۋدە. 2020 - جىلى ءبىز ءتوراعا شي جينپيڭنىڭ تالابى بويىنشا كەدەيلىكتەن ارىلۋ تابىستارىن بەكەمدەپ جانە جوعارىلاتىپ، ”باسقا كاسىپ سالاسىنا ويىستىرىپ جۇمىستاندىرۋدى نەگىزگى ارنا، كاسىپ سالاسىن دامىتۋدى تىرەك، قوعامنىڭ ەڭ تومەنگى شەككە كەپىلدىك ەتەتىن“ كەدەيلىكتەن ارىلتۋدان قامال الۋ وي جەلىسىنە ۇزدىكسىز تاباندى بولىپ، بۇقارانىڭ ىستەرىن ءوز ىسىمىزدەي كورىپ، بىرىنەن سوڭ ءبىرىن تولاسسىز ىستەپ، ءبىر - بىرلەپ بار ىنتامەن كومەكتەسىپ، ءبىر قادام ءبىر قادامنان تىڭعىلىقتى سۇيەمەلدەپ، قىستاق تۇرعىندارىمەن ءبىر جاعادان باس، ءبىر جەڭنەن قول شىعارىپ، قايراتتانا ىستەپ، قول ۇستاسا كورىكتى مەكەندى بىرگە قۇرامىز.

■ ۋاقىتپەن جارىسىپ، ەسىل ساتتەردى زايا كەتىرمەيمىز

  ”جاراسىمدى، ورنىقتى ورتا بولماسا، تىنىش ءومىر، شات - شادىمان تىرشىلىك ەتەتىن مەكەن قايدان بولسىن!“ 2019 - جىلى 12 - ايدىڭ 31 - كۇنى كەشتە شينجياڭ حالىقارالىق ۇلكەن بازاردىڭ مۇز ءۇي ءدامدى تاعامدار كوشەسىندە ساۋداگەر ءپاريدا ءالي ۇلكەن ەكراننان ءتوراعا شي جينپيڭنىڭ 2020 - جىلعى جاڭا جىلدى قۇتتىقتاۋ ءسوزىن تىڭداي ءجۇرىپ، بۋى بۇرقىراعان سۇرلەنگەن تاۋىق ەتىن ساياحاتشىلاردىڭ الدىنا قويدى، وسى ءسوزدى ەستىگەن ساتتە ول باس بارماعىن كورسەتىپ القادى.

  ءپاريدا كوڭىلدەنە بىلاي دەدى: ”2019 - جىلى ءبىر جىلدا، شينجياڭنىڭ جاراسىمدى، ورنىقتى قوعامدىق ورتاسىنىڭ ارقاسىندا، ۇلكەن بازارعا جەر - جەردەن ساياحاتتاي كەلگەن ساياحاتشىلار ەرەكشە كوپ بولدى، مەن تيجارات جۇرگىزىپ وتىرعان مىنا ’حوتان ءجۇز جىلدىق سۇرلەنگەن تاۋىق ەتى‘ دۇكەنىمنىڭ ساۋداسى وتە كۇسەت، ءار كۇنى 100دەن استام تاۋىق ساتامىن. جاڭا ءبىر جىلدا، مەن تىنباي قۇلشىنا كۇرەس جۇرگىزىپ، شاعىن دۇكەننىڭ تيجاراتىن ويداعىداي جۇرگىزىپ، كوپشىلىكپەن بىرگە كورىكتى مەكەنىمىزدى ويداعىداي قورعايمىن!“.

  شينجياڭ جۇڭتاي حيميا توقسۇن ەنەرگيا حيميا شەكتى سەرىكتەستىگى كاربيد زاۆودى ساپا تەكسەرۋ ورتالىعىنىڭ ۋچاسىتكە باستىعى لي جيا سول مەزەتتە - اق قول تەلەفونىنان حابار كوردى، ول بىلاي دەدى: ءتوراعا شي جينپيڭنىڭ جاڭا جىلدى قۇتتىقتاۋ سوزىندەگى تىلگە تيەك ەتكەن ءاربىر ءىسى تۇگەلدەي بۇقارامەن تىعىز قاتىستى، ادامعا بارىنشا ىقىلاستى سەزىندىرىپ، شابىت بەرەدى. جاڭا ءبىر جىلدا، مەن ءتوراعا شي جينپيڭنىڭ سويلەگەن جاڭا جىلدى قۇتتىقتاۋ ءسوزىن جان دۇنيەمدەگى رۋحاني كۇشكە اينالدىرىپ، ”ۋاقىتپەن جارىسىپ، ەسىل ساتتەردى زايا كەتىرمەۋ“ ارىنىمەن، كاسىپتىك بىلىمدەردى ۇزدىكسىز ۇيرەنىپ، وزىندىك ساپامدى جوعارىلاتىپ، ءوز قىزمەت ورنىمدى تياناق ەتىپ، كاسىپتەستەرىممەن ءبىر نيەتپەن ىنتىماقتاسىپ، قايراتتانا ءىس تىندىرىپ، جوعارى ساپالى دامۋدىڭ مىعىم كۇش - قۋاتىن ۇيىستىرامىن.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ورگان پارتكومىنىڭ ارناۋلى مىندەتتەگى ورىنباسار شۋجيى رىن شياۋچياڭ مىنالاردى ءبىلدىردى: جاڭا ءبىر جىلدا ماڭىزدى تاپسىرمانى ەستە بەرىك ساقتاپ، نازاردى باس نىساناعا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، اۆتونوميالى رايوندىق پارتكومنىڭ ”1 +3 + 3 + رەفورما جاساۋ، ەسىك اشۋ“ قىزمەت ورنالاستىرۋى بويىنشا، بولاتتاي بەرىك سەنىممەن، ۋاقىتپەن جارىساتىن كۇش - قايراتپەن، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ۇزدىكسىز تەرەڭدەتىپ، باقىلاۋ - باسقارۋ ءتۇزىلىس مەحانيزمىن كەمەلدەندىرىپ، مەملەكەت مەنشىگىندەگى كاپيتالدىڭ كۇشەيۋىن، ساپالىلانۋىن، الۋەتتەنۋىن ىلگەرىلەتىپ، باس نىسانانى جۇزەگە اسىرۋ ءۇشىن بەلسەندى ۇلەس قوسامىن.

(تىلشىلەرىمىز جاڭ يانفاڭ، لي ياڭ، شى شين، چاۋ جين، ءپاريزات ابدۇل، يۇي شي، ءجازيرا نەسىپبەك، حان شينيان، دۋ جيانحۇي جازعان)

جاۋاپتى رەداكتور: ءاننا اكىمقان قىزى