اعاجاي-التاي تورابى   ›   زاڭ-تارازى   ›   تارازى

مەملەكەتتىك قارا، سۇرقيا كۇشتەردى الاستاۋ كەڭسەسىنىڭ ارنايى جىبەرگەن تەكسەرۋ – جەتەكشىلىك ەتۋ گرۋپپاسى حىبەي سياقتى 10 ولكە، قالاعا ورنىعىپ، «دالمە - ءدال باقىلاۋ - جەتەكشىلىك ەتۋ» قيمىلىن ورىستەتتى

  شينحۋا اگەنتتىگى، 12 - ايدىڭ 11 - كۇنى، بەيجيڭ (ءتىلشى شيۇڭ فىڭ). مەملەكەتتىك قارا، سۇرقيا كۇشتەردى الاستاۋ كەڭسەسىنىڭ ارنايى جىبەرگەن تەكسەرۋ – جەتەكشىلىك ەتۋ گرۋپپاسى 12 – ايدىڭ 10 – كۇنى ورتالىقتىڭ قارا، سۇرقيا كۇشتەردى الاستاۋ قيمىلىنىڭ 1 – كەزەگىندە باقىلاۋ – جەتەكشىلىك ەتۋ جۇمىسى ورىندالىپ بولعان حىبەي، سانشي، لياۋنيڭ، فۋجيان، شاندۇڭ، حىنان، حۋبەي، گۋاڭدۇڭ، چۇڭچيڭ، سىچۋان سىندى 10 ولكە، قالاعا ورنىعىپ، ارناۋلى باقىلاۋ ـ جەتەكشىلىك ەتۋدى جاپپاي ورىستەتتى. بۇل ورتالىقتىڭ كەڭ كولەمدى، تولىق قامتىلاتىن قۋزاۋ - جەتەكشىلىك ەتۋى ءبىر مەزەت اياقتالعاننان كەيىنگى ۇدايىلانعان، جىلجىمالى، ۇياشىق ىزدەۋ ۇلگىسىندەگى ارنايى جىبەرىلگەن جەتەكشىلىك ەتۋشىلەردىڭ رەسمي جۇمىسقا كىرىسكەنىنەن دەرەك بەرەدى.

 وسى رەتكى ارنايى جىبەرىلگەن قۋزاۋ - جەتەكشىلىك ەتۋگە مەملەكەتتىك قارا، سۇرقيا كۇشتەردى الاستاۋ كەڭسەسى ۇسىنىس ەتكەن تۇڭعىش توپتاعى ارنايى جىبەرىلەتىن ارناۋلى باقىلاۋشىلار قاتىناستى، ولاردىڭ كەيبىرەۋى قىزمەتتەگى ساياسي - زاڭ ورىندارىنىڭ مەڭگەرمە، مەكەمە دارەجەلى باسشى كادرلارى، كەيبىرەۋى ەندى عانا زەينەتكە شىققان نەمەسە ەكىنشى شەپكە شەگىنگەن ولكە دارەجەلى ساياسي - زاڭ ورىندارىنىڭ مەڭگەرمە (مەكەمە) دارەجەلى باسشى كادرلارى، كەيبىرەۋى ورتالىقتىڭ 3 - كەزەكتى باقىلاۋ - جەتەكشىلىك ەتۋىنە قاتىناسقان ساياسي - زاڭ ناقتى ىستەر ماماندارى بولدى. ارنايى جىبەرىلگەن باقىلاۋ - جەتەكشىلىك ەتۋ گرۋپپالارى ارناۋلى كۇرەستىڭ «توسىلۋ ءتۇيىنىن»، «جانعا باتار ءتۇيىنىن» ارقاۋ ەتىپ، حالىق بۇقاراسىنىڭ اڭىسى كۇشتى، دەلو باسقارۋدىڭ اياق الىسى باياۋ بولعان دەلولارعا، ارناۋلى كۇرەس قىزمەتى پارمەندى ىلگەرىلەتىلمەگەن ايماق، قالالارعا قاراتا يكەمدى قۋزاۋ - جەتەكشىلىك ەتەدى؛ ءتۇيىندى قىزمەت، ءتۇيىندى دەلو، ءتۇيىندى دەرەك، ءتۇيىندى رايون سياقتىلاردى قاداعالاپ، دالمە - ءدال باقىلاۋ - جەتەكشىلىك ەتەدى.

جاۋاپتى رەداكتور : ءاننا اكىمقان قىزى