اعاجاي-التاي تورابى   ›   اقپارات ايدىنى   ›   احپارات اعىمى

بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسىنىڭ جارىس ەرىكتىلەرىن دۇنيە جۇزىنەن قابىلداۋ قيمىلى باستالدى

  

  «حالىق گازەتى»، 12 - ايدىڭ 5 - كۇنى، بەيجيڭ (ءتىلشى جي فاڭ). بەيجيڭ 2022 - جىلعى قىسقى وليمپيادا جارىسى مەن مۇگەدەكتەر وليمپياداسى بويىنشا جارىس ەرىكتىلەرىن دۇنيە جۇزىنەن قابىلداۋ قيمىلى 12 - ايدىڭ 5 - كۇنى رەسمي باستالدى. بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى قىسقى وليمپيادا سپورت جارىسىنا 27 مىڭ ەرىكتى، قىسقى مۇگەدەكتەر وليمپيادا سپورت جارىسىنا 12 مىڭ ەرىكتى قابىلداۋدى، 2021 – جىلى 6 - ايدىڭ 30 - كۇنىنە دەيىن قابىلداپ بولۋدى جوسپارلادى. جارىس ەرىكتىلەرى بەيجيڭ، يانچيڭ، جاڭجياكوۋ سىندى 3 جارىس رايونىندا جانە باسقا دا قاتىستى ورىندار مەن قۇرىلعىلاردا قىزمەت وتەيدى. 

 جارىسقا ەرىكتى بولىپ قىزمەت وتەۋدى ءوتىنىش ەتۋشىلەر مىناداي 5 ءتۇرلى نەگىزگى شارتتى ازىرلەۋى كەرەك: جۇڭگونىڭ زاڭ - ەرەجەلەرىنە بويسۇنۋ؛ 2022 – جىلى 1 - ايدىڭ 1 – كۇنىنەن بۇرىن 18 جاسقا تولۋ؛ ەرىكتىلەر قىزمەت وتەۋىنە قاجەتتى نەگىزگى ءبىلىم مەن ونەردى يگەرۋ؛ حانزۋ تىلىندە نەمەسە اعىلشىن تىلىندە سويلەسە الۋ؛ جارىس اتتاعان ۋاقىتتا ەرىكتى قىزمەت وتەۋمەن قامداي الۋ. بەيجيڭ قىسقى وليمپيادا سپورت جارىسىن ۇيىمداستىرۋ كوميتەتى ءار سالاداعىلارعا ءادىل، كەمسىتۋسىز تىزىمدەلۋ ورايىن جاراتىپ بەرەدى.

جاۋاپتى رەداكتور : ءاننا اكىمقان قىزى