اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ۇزاقتى قىستاعىنداعى باعىمشىلىقتان، اۋلا شارۋاشىلىعىنان ۇلگى كورسەتكەن وتباسىن ناق مايداندا كوزدەن كەشىرۋ قيمىلى بۇقاراعا يگىلىك اكەلدى

التاي گازەتىنىڭ ءتىلشىسى لۇي ۋىنتيڭ حابارلايدى. قۋان ءسىلام ۇلى جاقىنعى كۇندەردەن بەرى قورا ـ قالتقىلارىن تازالاپ، مالدى قىس قىرىنان امان وتكىزۋدىڭ قامىنا كىرىستى. جاڭادان سالىنعان 200 شارشى مەترلىك جىلى قوراسىن كورگەن ونىڭ جۇزىنەن قۋانىش لەبى ەستى.

قۋان ـــ كوكتوعاي اۋدانى دۇرە قالاشىعى ۇزاقتى قىستاعىنىڭ تۇرعىنى. ول قىستاقتاعى باسىم كوپ ساندى اۋىلداستارى سياقتى باعىمشىلىق كاسىبىنە سۇيەنىپ كەلەدى. 2017 ـ جىلى «التاي گازەتى» مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ۇزاقتى قىستاعىندا تۇراتىن قىزمەت اترەتى «ەكى كوشەت، ءبىر بالاپان» ينجەنەرياسىن ارقاۋ ەتىپ، جەرگىلىكتى ورىنداعى بۇقارانى اۋلا شارۋاشىلىعىن دامىتۋعا شابىتتاندىردى. قۋان بەلسەنە سايكەسىپ، وتباسىنداعىلاردى جەتەلەپ، اۋلاسىنان كوكونىس باقشاسىن ازىرلەدى. ەگىمشىلىك تەحنيكاسىن بەرىلە ۇيرەنىپ، كوكونىس ەگۋمەن بارىنشا اينالىسىپ، اشتى ەڭبەگىنىڭ ءتاتتى جەمىسىن تاتتى. بيىل قىستاقتا تۇراتىن قىزمەت اترەتىندەگىلەردىڭ وتباسىن ارالاپ ۇگىت جاساۋدىڭ ارقاسىندا، قۋان ايماقتىڭ ەگىنشىلىك رايونىندا مال شارۋاشىلىعىن بارىنشا دامىتىپ جاتقانىنان حاباردار بولىپ، ساياساتتىق جاقتان سۇيەمەلدەۋگە قول جەتكىزىپ، يەلەگەن جەر اۋماعى 200 شارشى مەتر كەلەتىن جىلى قورا سالدىردى. «جاڭادان سالعان قوراعا قىستا 40 نەشە باس سيىر باعۋعا  بولادى، مالدى قولدا باعۋ ارقىلى كىرىسىمدى ارتتىرسام دەگەن ويدامىن» ـ دەدى قۋان تولىق سەنىممەن.

جۋىقتا، قىستاقتا تۇراتىن قىزمەت اترەتى، قىستاق «ەكى كوميتەتى» القاسىنداعىلار ونباسىلارىن جانە قىستاق ۋاكىلدەرىن قۋاننىڭ وتباسىنا ەرتىپ بارىپ، ناق مايداندا ۇيرەنۋگە، تاجىريبە توپتاۋعا ۇيىمداستىردى. قىستاق تۇرعىندارى ۋاكىلدەرى وزدەرىنىڭ اۋلا شارۋاشىلىعىن جانە ەگىنشىلىك رايونىندا مال شارۋاشىلىعىن دامىتۋدا ورىن تەپكەن ماسەلە جونىندە پىكىرالماستىردى.

«التاي گازەتى» مەكەمەسى پارتكومىنىڭ شۋجيى، باس رەداكتورى داي ۋيگو بىلاي دەدى: «جىل باسىنان  بەرى، ‹التاي گازەتى› مەكەمەسى پارتكومى ‹ۇعىسۋ، تيىمدىلىك جاساۋ، توعىستىرۋ› قيمىلى بويىنشا قىستاقتا تۇراتىن قىزمەت اترەتىندەگىلەردەن ايماقتىڭ ەگىمشىلىك رايونىندا مال شارۋاشىلىعىن دامىتۋ جونىندەگى ءتيىمدى ساياساتتارىن وتباسىلارىنا دەيىن ۇگىتتەۋ، تۇرعىنداردىڭ ءداستۇرلى باعىمشىلىق كوزقاراسىنا بۇرىلىس جاساۋ، ءوندىرىس ـ تۇرمىس ءتاسىلىن جاڭالاۋ، اۋلا شارۋاشىلىعىن بەلسەنە دامىتىپ، كىرىسىن ارتتىرۋ، اۋقاتتانۋ ارناسىن كەڭەيتۋ ارقىلى ەگىنشى ـ مالشىلاردىڭ ءوندىرىس قۋاتىن كۇشەيتۋ قاتارلىلاردى ساياحاتتىڭ ۇشقان قۇستاي دامۋىن جەبەۋدەگى قوزعاۋشى كۇشكە اينالدىرىپ، اۋىل ـ قىستاقتى گۇلدەندىرۋدىڭ تىڭ كومەسكى كۇشىن قالىپتاستىرۋدى تالاپ ەتتى».

بيىل 4 ـ ايدا، «التاي گازەتى» مەكەمەسى پارتكومنىڭ القاسىنداعىلار تولىق تەكسەرۋ ـ زەرتتەۋ جۇرگىزۋ نەگىزىندە پارتكوم ارناۋلى جيىن اشىپ، ۇزاقتى قىستاعىنا 30 مىڭ يۋان سۇيەمەلدەۋ قاراجاتىن بەرىپ، وسى ارقىلى ەگىنشى ـ مالشىلاردىڭ مالدى قورادا باعۋ، بورداقىلاۋ ارقىلى ءوندىرىس بەلسەندىلىگىن ونان ارى قوزعاۋدى اقىلداسىپ بەلگىلەدى.

«‹التاي گازەتى› مەكەمەسىنىڭ بەرگەن سۇيەمەلدەۋ قاراجاتىنىڭ ونىمدىلىگىن بارىنشا ايگىلەۋ ءۇشىن، ىلگەرىندى ـ كەيىندى 3 رەت تالقى ءماجىلىسىن اشىپ، بيىل اۋلا شارۋاشىلىعىن دامىتقان جانە جاڭادان جىلى قورا، سۇرلەم ۇراسىن سالعان، سونداي ـ اق اسىل تۇقىمدى مال ەنگىزگەن وتباسىلارىن قاراجاتپەن سيلادىق. قازىر اۋلا شارۋاشىلىعىن دامىتقان، جەمىس اعاشىن جانە كوكونىس ءتۇرىن كەڭ كولەمدە ەككەن، ونى ويداعىداي باسقارعان 20 وتباسىنىڭ ءارقايسىسىنا 200 يۋان؛ جىلى قورا سالعان 20 وتباسىنىڭ ءارقايسىسىنا 500 يۋان؛ سۇرلەم وراسىن سالعان 10 وتباسىنىڭ ءارقايسىسىنا 400 يۋان؛ مال تۇقىمىن بەلسەنە ساپالاندىرىپ، اسىل تۇقىمدى مال ەنگىزگەن 8 وتباسىنىڭ ءارقايسىنا 500 يۋاننان سيلىق اقشا تاراتتىق» ـ دەدى ۇزاقتى قىستاعىنىڭ 1 ـ شۋجيى، قىزمەت اترەتىنىڭ باستىعى گۇلناز.

گۇلناز بىلاي دەدى: «بۇدان بىلاي قىستاقتا تۇراتىن قىزمەت اترەتى ەگىمشىلىك، باعىمشىلىق قاتارلى جاقتاردان ىسكە كىرىسىپ، يدەيالىق جاقتان جەتەكتەۋ، ۇلگى ارقىلى جەتەلەۋ، تەحنيكالىق جاقتان سۇيەمەلدەۋ، تاربيەلەۋ قاتارلى فورمالار ارقىلى ءار ۇلت بۇقاراسىنىڭ كىرىسىنىڭ ءۇرتىس ارتۋىنا كەپىلدىك ەتەدى».

جاۋاپتى رەداكتور : ءاننا اكىمقان قىزى