اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

30- كەزەكتى باتىس سولتۇستىك ساياحات سەلبەستىگى رايونى ءماجىلىسى التايدا وتكىزىلدى

باتىس سولتۇستىك مادەنيەت ـ ساياحاتىنىڭ جوعارى ساپالى دامۋىن بىرلىكتە ىلگەرىلەتتى

  التاي گازەتىنىڭ ءتىلشىسى جۇڭ چۇنچۇن، پراكتيكانت رىن زۋ ـ ىر حابارلايدى. 11 ـ ايدىڭ 27 ـ كۇنى 30 ـ كەزەكتى باتىس سولتۇستىك ساياحات سەلبەستىگى رايونى ءماجىلىسى التايدا وتكىزىلدى. شانشي، گانسۋ، چيڭحاي، نيڭشيا، شينجياڭ جانە شينجياڭ ءوندىرىس ـ قۇرىلىس بيڭتۋانى مادەنيەت ـ ساياحات تاراۋلارىنىڭ ۋاكىلدەرى، ولكەلەردىڭ (اۆتونوميالى رايونداردىڭ) قالا مادەنيەتى جانە ساياحات تاراۋلارىنىڭ جاۋاپتىلارى جانە مامان ـ وقىمىستىلارى قاتارلىلار باتىس سولتۇستىك ءوڭىردىڭ مادەنيەت ـ ساياحات سەلبەستىگى توڭىرەگىندە ىشكەرىلەي تالقى جۇرگىزدى. اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، ۇكىمەت كەڭسە مەڭگەرمەسى پارتگرۋپپاسىنىڭ مۇشەسى گاۋ جىمين، شينجياڭ ءوندىرىس ـ قۇرىلىس بيڭتۋانى پارتكومىنىڭ، بيڭتۋاننىڭ ورىنباسار باس حاتشىسى تۇڭ يىڭ، اۆتونوميالى رايوندىق مادەنيەت جانە ساياحات مەڭگەرمەسى پارتگرۋپپاسىنىڭ شۋجيى ۋ حۋامين، اۆتونوميالى رايوندىق مادەنيەت جانە ساياحات مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى گۇلي ابىلەم، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن ـ ان قاتارلىلار وسى رەتكى ماجىلىسكە قاتىناستى.

  گاۋ جىمين بىلاي دەدى: «بۇگىنگى شينجياڭ، بۇگىنگى باتىس سولتۇستىك ءوڭىر جۇڭگونىڭ ساياحات كاسىبى دامۋىنىڭ ماڭىزدى ارتۋ ۇيەگىنە جانە قارجى قوسۋ وشاعىنا اينالدى. باتىس سولتۇستىكتەگى ولكەلەردىڭ (اۆتونوميالى رايونداردىڭ)، بيڭتۋاننىڭ مادەنيەت ـ ساياحات تاراۋلارىنىڭ ءوزارا سەلبەسىپ، ءوزارا سايكەسىپ، بىرلىكتە قۇلشىنىپ، سەلبەستىك رايونى جۇلگەسىن قۇرۋ نەگىزىندە، وڭىرلىك شارۋاشىلىق جۇرگىزۋ تەكشەسىن كۇش سالا قۇرۋىن، ساياحاتتىڭ ىركىلىسسىز قىزمەت وتەۋ ارناسىن قۇرۋىن، ءىرى ساندىق مالىمەتتەن ورتاق يگىلىكتەنۋ مەحانيزمىن كەمەلدەندىرىپ، باتىس سولتۇستىك ساياحات اقىل ـ پاراسات قويماسىن قۇرىپ، بايلىقتان، بازاردان، ينفورماتسيادان جانە مۇددەدەن ورتاق يگىلىكتەنۋدى جەدەل جۇزەگە اسىرۋىن، باتىس سولتۇستىك ساياحاتىنىڭ سارا لەنياسىن، ونىمدەرىن اشىپ، باتىس سولتۇستىك ساياحات ماركاسىن جاراتۋىن، ەل ءىشى ـ سىرتىنان كەلگەن ساياحاتشىلاردى باتىس سولتۇستىككە نازار اۋدارۋعا، باتىس سولتۇستىككە بارۋعا، باتىس سولتۇستىكتى تۇسىنۋگە باۋراپ، باتىس سولتۇستىك ساياحاتىنىڭ قاۋىرت، تەز دامۋىن جەبەۋىن ءۇمىت ەتەمىز. سونىمەن بىرگە، شينجياڭ اناعۇرلىم اشىق، باۋىرمال بەينەمەن، اناعۇرلىم ناقتى، ۇتىمدى شارالارمەن، اناعۇرلىم شىنايى قىزمەت وتەۋمەن اناعۇرلىم تاماشا سەلبەستىك دامۋ تەكشەسىن قۇرىپ، كوپشىلىكپەن بىرگە قول ۇستاسا العا باسىپ، شىنايى سەلبەستىك جاساپ، باتىس سولتۇستىك ءوڭىردىڭ ساياحات كاسىبىن دامىتۋدىڭ تاماشا داستانىن بىرگە جازۋعا كۇش سالادى».

  ماجىلىستە تاعى «29 ـ كەزەكتى باتىس سولتۇستىك ساياحات سەلبەستىك رايونى كەزەكشى ولكەلەردىڭ، اۆتونوميالى رايونداردىڭ وڭىرلىك سەلبەستىكتى ىلگەرىلەتۋ قىزمەت بايانداماسىن»، «30 ـ كەزەكتى باتىس سولتۇستىك ساياحات سەلبەستىگى رايونى ءماجىلىسىنىڭ مادەنيەت ـ ساياحات سەلبەستىگى ۇسىنىس بايانداماسى جونىندەگى تۇسىنىكتى» جاريالادى؛ 5 ولكەنىڭ (اۆتونوميالى رايونداردىڭ) مادەنيەت ـ ساياحات مەڭگەرمەسىنىڭ جانە بيڭتۋاننىڭ مادەنيەت ـ دەنەتاربيە، راديو ـ تەلەۆيزيا جانە ساياحات تاراۋلارىنىڭ قاتىستى جاۋاپتىلارى وي ورتاقتاسىپ، تالقى جۇرگىزدى؛ ۇسىنىس ەتىلگەن مامان ـ وقىمىستىلار جاڭا جاعدايداعى باتىس سولتۇستىك مادەنيەت ـ ساياحات سەلبەستىگىن دامىتۋ جونىندە جەكە ـ جەكە ارقاۋ ءسوز سويلەدى؛ چيڭحاي ولكەلىك مادەنيەت جانە ساياحات مەڭگەرمەسى مەن اۆتونوميالى رايوندىق مادەنيەت جانە ساياحات مەڭگەرمەسى وڭىرلەردىڭ سەلبەستىك كەزەكتى ءماجىلىس تۋىن الماستىردى. وسىدان كەيىن ءماجىلىس «باتىس سولتۇستىك ساياحات سەلبەستىك رايونىنىڭ مادەنيەت ساياحاتىنىڭ جوعارى ساپالى دامۋىن (التاي) ىلگەرىلەتۋ جارناماسىن» جاريالاپ، بۇرىنعى باتىس سولتۇستىك ساياحات كاسىبىنىڭ سەلبەستىك ءادىسى مەن ۇلگىسىن مادەنيەت ـ ساياحات كاسىبىنىڭ توعىسپالى سەلبەسۋىنە قاراي جاپپاي ىلگەرىلەتىپ، باتىس سولتۇستىك ءوڭىردىڭ مادەنيەت ـ ساياحاتىنىڭ ەرەكشەلەنۋىن، حالىقارالانۋىن، جۇيەلىلەنۋىن، جوعارى ساپالى، باياندى دامۋىن قۇلشىنا ىلگەرىلەتۋگە كۇش سالدى.

  ءماجىلىس مايدانىندا 5 ولكەنىڭ (اۆتونوميالى رايوننىڭ) مادەنيەت جانە ساياحات مەڭگەرمەسىنىڭ، سونداي ـ اق بيڭتۋاننىڭ مادەنيەت ـ دەنەتاربيە، راديو ـ تەلەۆيزيا جانە ساياحات تاراۋلارىنىڭ قاتىستى جاۋاپتىلارى «جىبەك جولى سىرلى باتىس سولتۇستىك» اتىنداعى2019 _ 2020 ـ جىلعى قىسقى، كوكتەمگى مادەنيەت ـ ساياحاتىن بىرلەسىپ جالپىلاستىرۋ ارەكەتىن باستاپ، باتىس سولتۇستىك ءوڭىردىڭ قىسقى، كوكتەمگى مادەنيەت ـ ساياحات بازارىنىڭ ورلەۋىن كوتەردى.

  ۇعىسۋعا قاراعاندا، شانشي ولكەسىنىڭ، گانسۋ ولكەسىنىڭ، چيڭحاي ولكەسىنىڭ، نيڭشيا حۇيزۋ اۆتونوميالى رايونىنىڭ، شينجياڭ ۇيعۇر اۆتونوميالى رايونىنىڭ جانە شينجياڭ ءوندىرىس ـ قۇرىلىس بيڭتۋانىنىڭ ساياحات باسقارۋ تاراۋلارىنان ۇيىمداسقان باتىس سولتۇستىك ساياحات سەلبەستىك رايونى ەلىمىزدە ەڭ ەرتە قۇرىلعان، كولەمى ەڭ ۇلكەن وڭىرلىك ساياحات سەلبەستىك ۇيىمى ەكەن، قۇرىلعان 30 جىلدان بەرى، باتىس سولتۇستىك ساياحات سەلبەستىك رايونى رايون ىشىندەگى بىرلەسىپ ۇگىت جۇرگىزۋدى، بايلىقتان ورتاق يگىلىكتەنۋدى، ونىمدەردى بىرگە جەبەۋدى، ابزالدىلىقتاردى ءوزارا تولىقتاۋدى، ءبىرىن ـ ءبىرى قولداپ ـ قۋاتتاۋدى كۇش سالا ىلگەرىلەتىپ، وڭىرلىك ساياحات كاسىبىن بىرگە قۇرۋ، بىرگە يگىلىكتەنۋ بارىسىندا تەز دامۋىن جۇزەگە اسىرعان، ەل ءىشى ـ سىرتىنداعى ساياحات بازارىنداعى باسەكەلىك قۋاتى مەن اتاق ـ ابىرويى كۇن سايىن ارتقان. 2018 ـ جىلى باتىس سولتۇستىك ءوڭىردىڭ ساياحات كاسىبى «ءبىر تريلليون يۋاندىق كاسىپ سالاسىنىڭ جاڭا داۋىرىنە» رەسمي قادام تاستاپ، ساياحات كاسىبى باتىس سولتۇستىكتەگى ولكەلەردىڭ (اۆتونوميالى رايونداردىڭ) ماڭىزدى تىرەكتى كاسىپ سالاسى مەن قوعام، ەكونوميكا ىستەرىنىڭ دامۋىنىڭ ماڭىزدى قوزعاۋشى كۇشىنە اينالعان.

جاۋاپتى رەداكتور : ءاننا اكىمقان قىزى