اعاجاي-التاي تورابى   ›   اقپارات ايدىنى   ›   ماڭىزدى حابارلار

جاڭا داۋىردەگى اسكەري ىستەر ءتالىم - تاربيە باعىتىن دايەكتىلەندىرىپ، اسكەري ىستەر اكادەميا - مەكتەپتەردىڭ رەفورما جاساۋىن، جاڭالىق اشۋىن تەرەڭدەتىپ، ءمورالدى دا قابىلەتتى، جوعارى ساپالى، ماماندانعان، جاڭاشا اسكەري ىستەر دارىندىلارىن باۋلۋ كەرەك

شي جينپيڭ بۇكىل ارمياداعى اكادەميا - مەكتەپتەردىڭ باستىقتارىن شوعىرلاندىرىپ وقىتۋ كۋرسىنىڭ ساباق باستاۋ سالتىندا بىلاي دەپ باسا دارىپتەدى

  جاڭا داۋىردەگى اسكەري ىستەر ءتالىم - تاربيە باعىتىن دايەكتىلەندىرىپ، اسكەري ىستەر اكادەميا - مەكتەپتەردىڭ رەفورما جاساۋىن، جاڭالىق اشۋىن تەرەڭدەتىپ، ءمورالدى دا قابىلەتتى، جوعارى ساپالى، ماماندانعان، جاڭاشا اسكەري ىستەر دارىندىلارىن باۋلۋ كەرەك

  11 - ايدىڭ 27 - كۇنى تۇستەن بۇرىن بۇكىل ارمياداعى اكادەميا - مەكتەپتەردىڭ باستىقتارىن شوعىرلاندىرىپ وقىتۋ كۋرسى مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىنا قاتىناسىپ ءارى ماڭىزدى ءسوز سويلەپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بۇكىل ارمياداعى اكادەميا - مەكتەپتەردىڭ باستىقتارىنا جانە اسكەري ىستەر ءتالىم - تاربيە شەبىندەگى جولداستارعا ىقىلاستى سالەم جولدادى. سۋرەتتە: شي جينپيڭ شوعىرلاندىرىپ وقىتۋ كلاسىنداعى بارلىق كۋرسانتتاردى شىن ىقىلاسپەن قابىلدادى. □ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 11 - ايدىڭ 27 - كۇنى بەيجيڭنەن بەرگەن حابارى (تىلشىلەر مەي شىشيۇڭ، ليۋ جيمەي). بۇكىل ارمياداعى اكادەميا - مەكتەپتەردىڭ باستىقتارىن شوعىرلاندىرىپ وقىتۋ كۋرسى 11 - ايدىڭ 27 - كۇنى تۇستەن بۇرىن مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىنا قاتىناسىپ ءارى ماڭىزدى ءسوز سويلەپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بۇكىل ارمياداعى اكادەميا - مەكتەپتەردىڭ باستىقتارى مەن اسكەري ىستەر ءتالىم - تاربيە شەبىندەگى جولداستارعا شىن ىقىلاستى سالەم جولدادى. ول بىلاي دەپ باسا دارىپتەدى: ارميانى قۇدىرەتتەندىرۋدىڭ جولى ادامدى ورىندى ىستەتە بىلۋدە. جاڭا داۋىردەگى اسكەري ىستەر ءتالىم - تاربيە باعىتىن جاپپاي دايەكتىلەندىرىپ، دارىندىلار ارقىلى ارميانى قۇدىرەتتەندىرۋ ستراتەگياسىن جاپپاي اتقارىپ، اسكەري ىستەر اكادەميا - مەكتەپتەردىڭ رەفورما جاساۋىن، جاڭالىق اشۋىن جاپپاي تەرەڭدەتىپ، دارىندى جەتىلدىرۋدى اناعۇرلىم كورنەكتى ورىنعا قويىپ، ءمورالدى دا قابىلەتتى، جوعارى ساپالى، ماماندانعان، جاڭاشا اسكەري ىستەر دارىندىلارىن باۋلۋ كەرەك.

  تۇستەن بۇرىن ساعات 10نان 30 مينۋت وتكەن مولشەردە شي جينپيڭ مەملەكەت قورعانىسى داشۋەسىنە كەلدى. قىزۋ قول شاپالاق ءۇنى ىشىندە شي جينپيڭ شوعىرلاندىرىپ وقىتۋ كلاسىنداعى بارلىق كۋرسانتتاردى شىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.

  شي جينپيڭ سوزىندە بىلاي دەپ اتاپ كورسەتتى: اسكەري ىستەر ءتالىم - تاربيە ءىسىن دامىتۋدا، ءسوز جوق، جالپىلاي باسقاراتىن باعىت بولۋ، قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ سىندى ءتۇبىرلى ماسەلەنى ويداعىداي شەشۋ كەرەك. جاڭا داۋىردەگى اسكەري ىستەر ءتالىم - تاربيە باعىتى − پارتيانىڭ ارمياعا شارتسىز باسشىلىعىنا تاباندى بولىپ، مەملەكەتتى قۇدىرەتتەندىرۋ، ارميانى گۇلدەندىرۋ ءۇشىن قىزمەت وتەپ، ونەگە كورسەتىپ ادام تاربيەلەپ، سوعىس ءۇشىن ادام تاربيەلەپ، ءمورالدى دا قابىلەتتى، جوعارى ساپالى، ماماندانعان جاڭاشا اسكەري ىستەر دارىندىلارىن باۋلۋ. جاڭا داۋىردەگى اسكەري ىستەر ءتالىم - تاربيە باعىتى − اسكەري ىستەر ءتالىم - تاربيە قىزمەتىن ويداعىداي ىستەۋدىڭ نەگىزگى بويسۇنۋ ولشەمى، ونى دۇرىس ۇيرەنۋ، ءتۇسىنۋ، تيتتەي دە بۇلجىماستان دايەكتىلەندىرۋ، تياناقتاندىرۋ كەرەك.

  شي جينپيڭ بىلاي دەپ باسا دارىپتەدى: دارىندىلار ارقىلى ارميانى قۇدىرەتتەندىرۋ ستراتەگياسىن جاپپاي اتقارىپ، ارميامىزدىڭ اكادەميا - مەكتەپتەرىنە رەفورما جاساۋدى، جاڭالىق جاساۋدى جاپپاي تەرەڭدەتىپ، اكادەميا - مەكتەپتەر قۇرىلىسىنىڭ تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتۋ كەرەك. بۇكىل ارمياداعى اكادەميا - مەكتەپتەر تاربيەلەۋ مەن دارىندى جەتىلدىرۋ جۇيەسىندە ءبىلىم بەرۋدىڭ تۇرعىسىنا تاپتىشتەي ءۇڭىلىپ، اكادەميا - مەكتەپتەر قۇرىلىسىن جوعارى دەڭگەيدە جوبالاۋدى جانە ۇزاق بولاشاقتىق جوسپارلاۋدى كۇشەيتىپ، فۋنكتسياسى ايقىن، جاندى ۇشتاسقان ءبىلىم بەرۋ، ادام تاربيەلەۋ جۇلگەسىن قالىپتاستىرۋ كەرەك. ءپان - ماماندىق قۇرىلىسىن كۇشەيتىپ، نازاردى ارميانى قۇدىرەتتەندىرۋدىڭ نىسانا - تالاپتارىنا شوعىرلاندىرىپ، جاۋىنگەرلىك قۋات ولشەمىنە تاباندى بولىپ، يكەمدى رەتتەۋ مەحانيزمىن اقاۋسىزداندىرىپ، ساباق پەن وقۋلىقتى ءتۇيىن ەتكەن وقۋ - وقىتۋ جۇيەسى قۇرىلىسىن كۇشەيتىپ، اكادەميا - مەكتەپتەردىڭ عىلمي زەرتتەۋلەرىنىڭ وقۋ - وقىتۋمەن ۇشتاسۋىن كۇشەيتۋ كەرەك. جوعارى ورەلى وقىتۋشىلار قوسىنىن قالىپتاستىرىپ، قالىڭ وقىتۋشىلاردى مۇرات - سەنىمدى بەكەمدەۋگە، نازاريامەن قارۋلانۋدى كۇشەيتۋگە، ونەگە كورسەتىپ ءوزىن تاربيەلەۋگە، شوگەلدىكپەن ءبىلىم بەرۋگە جانە ءبىلىم الۋعا تاربيەلەپ، جەتەكتەپ، كوش باسشى، ۇزدىك دارىندىلاردى، ورتا جاس، جاس تىرەكتى دارىندىلاردى باۋلۋ تەبىنىن ارتتىرىپ، وسى زامانعى سوعىسقا جەتىك ايگىلى ۇستازداردان ءبىر توبىن جەتىلدىرىپ، جوعارى، ورتا دارەجەلى ۇزدىك قولباسشىلاردىڭ اكادەميا - مەكتەپتەرگە بارىپ ساباق سويلەۋ جولىن اشىپ، سىرتقى ساپالى ءبىلىم بەرۋ كۇشتەرىنەن جانە بايلىقتارىنان ويداعىداي، جەتكىلىكتى پايدالانۋ كەرەك. اسكەري ىستەر ساياساتى - ءتۇزىمى رەفورماسى اياسىندا اكادەميا - مەكتەپتەر قۇرىلىسىنىڭ سايكەستى تۇزىمدەرىن جوسپارلاپ جانە ىلگەرىلەتىپ، دارىندىلاردىڭ ساپالىق ولشەمى، دارىندىلاردى جەتىلدىرۋ ۇلگىسى، وقىتۋ ساپاسىن مەڭگەرۋ، ءبىلىم بەرۋدى باسقارۋ جانە جۇرگىزۋ سياقتى جاقتاردا امالياتتىق ىزدەنىستى كۇشەيتىپ، ءتۇزىم مەحانيزم جاعىنان اكادەميا - مەكتەپتەر قۇرىلىسىنداعى قايشىلىقتار مەن ماسەلەلەردى شەشۋ كەرەك.

  شي جينپيڭ بىلاي دەپ اتاپ كورسەتتى: اكادەميا - مەكتەپتەردىڭ باستىقتارى ساياسيدى دارىپتەپ، ءبىلىم بەرۋگە جەتىك بولىپ، شايقاس جۇرگىزدى زەرتتەپ، باسقارۋعا شەبەر بولىپ، ءوزىن قاتاڭ تارتىپكە سالىپ، ءبىلىم بەرۋدىڭ، مەكتەپتى جونگە سالۋدىڭ مايتالمانى بولۋ كەرەك. قىزمەت ورنىنىڭ تالابىنا سايكەسەتىن ساياسي ساپاعا جانە ساياسي قابىلەتكە يە بولۋ، يدەيالىق جاقتان، ساياسي جاقتان مەكتەپ قۇرۋ، مەكتەپتى جونگە سالۋ كەرەك. اسكەري ىستەر ءتالىم - تاربيە قىزمەتىن قىزۋ ءسۇيىپ، ءبىلىم بەرۋ ۇستانىمىن جاڭالاپ، ءبىلىم بەرۋ زاڭدىلىعىن يگەرىپ، كاسىپتىك جەتىلىمدى كۇشەيتىپ، اسكەري ىستەر ءتالىم - تاربيەسىنىڭ داۋىرمەن بىرگە العا باسۋىن ىلگەرىلەتۋ كەرەك. باستاماشى بولا وتىرىپ اسكەري ىستەردى زەرتتەپ، سوعىستى زەرتتەپ، شايقاس جۇرگىزۋدى زەرتتەپ، اكادەميا - مەكتەپتەردە سوعىستى زەرتتەيتىن، سوعىس جۇرگىزۋگە تاربيەلەيتىن، سوعىس جۇرگىزۋدى ۇيرەنەتىن ستيل قالىپتاستىرىپ، سوعىس ءۇشىن ادام تاربيەلەۋدى تىڭعىلىقتى تياناقتاندىرۋ كەرەك. وقىتۋدى قاتاڭ باسقارىپ، ۇيرەنۋدى قاتاڭ باسقارىپ، زەرتتەۋدى قاتاڭ باسقارىپ، ەمتيحاندى قاتاڭ باسقارىپ، وقۋ - وقىتۋداعى، عىلمي زەرتتەۋدەگى ناقتى قيىنشىلىقتاردى كوكىرەك كەرنەگەن ىستىق ىنتامەن شەشىپ، اكادەميا - مەكتەپتەردىڭ وسكەلەڭ شوعىرلى بىرلىگى مەن حاۋىپسىز، ورنىقتىلىعىن ساقتاۋ، ىنتىماقتى، قاربالاس، قاتاڭ، جالىندى تاماشا جاعدايدى ساقتاۋ كەرەك. پارتيالىلىق جەتىلىمدى كۇشەيتىپ، ستيلدىك - تارتىپتىك داعدى قالىپتاستىرۋدى كۇشەيتىپ، امالياتتان ۇيرەنۋدى كۇشەيتىپ، قاي - قاشان دا، قاي جەردە دە وزىنە قاتاڭ تالاپ قويىپ، ءوزىنىڭ تاماشا وبرازىمەن اكادەميا - مەكتەپتەردىڭ جاقسى ستيلىنە جەتەكشى بولۋ كەرەك.

  شي جينپيڭ سوڭىندا بىلاي دەپ باسا دارىپتەدى: بۇكىل ارميا اكادەميا - مەكتەپتەرگە كوڭىل ءبولۋ، اكادەميا - مەكتەپتەرگە قولداۋ كورسەتۋ، اكادەميا - مەكتەپتەر قۇرىلىسىن الدىمەن دامىتىلاتىن ورىنعا قويۋ، جەتەكشىلىك ەتۋ مەحانيزمىن اقاۋسىزداندىرىپ، قىزمەتتە بىرىككەن كۇش قالىپتاستىرىپ، ارميامىزدىڭ اكادەميا - مەكتەپتەرىنىڭ ءتالىم - تاربيە جانە دارىندى باۋلۋ قىزمەتىن تىزە قوسا وتىرىپ تىڭ دەڭگەيگە كوتەرۋ كەرەك.

  شۇي چيلياڭ وقۋ باستاۋ سالتىن باسقاردى، جاڭ يوۋشيا، ۋي فىڭحى، لي زوچىڭ، مياۋ حۋا، جاڭ شىڭمين وقۋ باستاۋ سالتىنا قاتىناستى.

  وقۋ باستاۋ سالتى تەلەۆيزور - تەلەفون ءماجىلىسى فورماسىندا اشىلدى، بۇكىل ارمياداعى اكادەميا - مەكتەپتەردە بولىمشە ءماجىلىس ورنى دايىندالدى. ءارقايسى سوعىستىق رايونداردىڭ، ءارقايسى ارميا، اسكەر تۇرلەرىنىڭ، اسكەري ىستەر كوميتەتى ورگانىنىڭ ءار تاراۋىنىڭ، اسكەري ىستەر عىلىم اكادەمياسىنىڭ، مەملەكەت قورعانىسى داشۋەسىنىڭ، مەملەكەت قورعانىسى عىلىم - تەحنيكا داشۋەسىنىڭ جانە قارۋلى ساقشى قوسىندارىنىڭ نەگىزگى باسشىلارى ساباق باستاۋ سالتىنا قاتىناستى.

جاۋاپتى رەداكتور : ءاننا اكىمقان قىزى