اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التايدىڭ ساياحاتى قالايشا وسىنشاما جانداندى ...

1 ـ ايدان10 ـ ايعا دەيىن ايماق جيىنى 31 ميلليون 800 مىڭ ادام(رەت)ساياحاتشى قابىلدادى؛ قاناس كورىنىس رايونىنىڭ قابىلداعان ساياحاتشى سانى تۇڭعىش رەت 10 ميلليون ادامنان (رەت) استى

التايدىڭ ساياحاتى قالايشا وسىنشاما جانداندى ...

التاي گازەتنىڭ ءتىلشىسى حۋ جۇنشيۋ

2019 ـ جىلى 1 ـ ايدان 10 ـ ايعا دەيىن ايماق جيىنى 31 ميلليون 800 مىڭ ادام (رەت) ساياحاتشى قابىلداپ، قاناس كورىنىس رايونىنىڭ قابىلداعان ساياحاتشى سانى تۇڭعىش رەت 10 ميلليون ادامنان (رەت) اسىپ، تۇتاس جىلدىق ساياحاتشى قابىلداۋ مىندەتىن  2 اي بۇرىن ورىندادى:

قاناس قوم قىستاعى مەملەكەتتىك اۋىل ـ قىستاق ساياحاتىنداعى ءتۇيىندى قىستاق ەسىمدىگىنە تابىستى ەنگىزىلدى: التاي گەنەرال تاۋى قار شاڭعى     الاڭى جۇڭگو قار شاڭعى الاڭىنداعى 10 ەگەيدىڭ بىرىنە، وڭىرلىك ەرەكشەلىككە يە قار شاڭعى الاڭىنا اينالدى:

التاي ساياحاتىنىڭ قىزعىندىلىق دارەجەسى بۇكىل ەل بويىنشا 2 ـ ورىندى يەلەپ، ساياحاتشىلاردىڭ ارماندايتىن ساياحاتتاعى كوزدەۋلى جەرىنە اينالدى ...

بيىل ايماقتاعى ءار ۇلت كادر ـ بۇقاراسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، «ءمولدىر سۋ، جاسىل تاۋ _ـ باعا جەتپەس بايلىق، قار ـ مۇزدىڭ ءوزى ـــ اسىل قازىنا» تانىمىن بەرىك تىكتەپ، شىنشىل بولىپ، ناق ىستەپ، قاجىرلىلىقپەن كۇرەس جۇرگىزىپ، ساياحاتتىڭ دامۋ جولىندا تىنباي ەڭبەك كورسەتىپ، مول تابىسقا كەنەلدى.

جوعارى دەڭگەيدە جوبا جاساپ، جوعارى دەڭگەيدە جەبەپ، جۇڭگوداعى قار ـ مۇز كاسىبى (شاڭبايشان +التاي تاۋى) سەلبەسىپ دامۋدان ۇلگى كورسەتۋ رايونىن بىرلىكتە قۇردى

ارمان ۇيرەنۋدەن، كاسىپ امالياتتان باستاۋ الادى.

«دۇنيە ءجۇزى دارەجەلى ساياحاتتاعى كوزدەۋلى جەر، دۇنيە ءجۇزى دارەجەلى قار ـ مۇز سپورتىنداعى كوزدەۋلى جەر» قۇرۋداي ارمانعا قۇلاش سەرمەگەن وسى بارىستا، ايماعىمىزداعى ءار ۇلت كادر ـ بۇقاراسى ايماقتىق پارتكومنىڭ، اكىمشىلىك مەكەمەسىنىڭ ءبىرتۇتاس شەشىم ـ ورنالاستىرۋىندا جۇدىرىقتاي جۇمىلىپ، ساياحات كاسىبىنىڭ دامۋىن جەبەدى.

ايماق جوبانى الدىمەن اتقارۋدان جازباي، جوبا جاسالىسىمەن ارەكەتكە كەلىپ، «التاي ايماعىنىڭ وڭىرلىك ساياحاتىن دامىتۋ جوباسىن» جوعارى دەڭگەيدەگى جوبا ەتىپ، «التاي ايماعىنىڭ قار ـ مۇز ساياحات كاسىبىن دامىتۋ جوباسىن»، «التاي ايماعىنىڭ جەكە كولىكپەن ساياحاتتاۋىن دامىتۋ جوباسىن»، «التاي ايماعىنىڭ اۋىل ـ قىستاق ساياحاتىن دامىتۋ جوباسىن» جاساپ تۇراقتاندىرىپ، شينجياڭعا كومەك بەرگەن ولكە، قالالاردىڭ قار ـ مۇز كاسىبىنىڭ دامۋ ابزالدىلىعىنان پايدالانىپ، «شاڭبايشان +التاي تاۋى» ەكى ورىننىڭ سەلبەستىك وداعىن قۇرىپ، جۇڭگو قار ـ مۇز كاسىبى دامۋىندا سەلبەستىك جاساۋدان ۇلگى كورسەتۋ رايونىن كۇش سالا قۇرۋمەن بىرگە، اۋداندارداعى (قالا) كورىنىس رايون، كورىنىس تۇيىندەرىنىڭ جوباسىن جاساۋ قاتارلى قىزمەتتەردى باستادى.

وسىمەن ءبىر ۋاقىتتا، ايماقتىق پارتكوم، اكىمشىلىك مەكەمەسى ىلگەرىندى ـ كەيىندى ايماقتىڭ قىسقى قار ـ مۇز ساياحاتىنىڭ ناق مايدان كوزدەن كەشىرۋ ءماجىلىسىن، «ماسەلەنى ىزدەپ تابۋ، ولقىلىقتى تولىقتاۋ، ءالسىز نىسانداردى كۇشەيتۋ، دامۋدى جەبەۋدەي» قىسقى ساياحات تالقى ءماجىلىسى قاتارلىلاردى اشىپ، «ساياحات كاسىبىندەگى ءتۇيىندى نىسان قۇرىلىسى، ساياحات جاعىنداعى الەۋمەتتىك قىزمەت وتەۋ جابدىقتارى قۇرىلىسى، ساياحاتتى باسقارۋ ءتۇزىلىسى رەفورماسى، ساياحاتتا سەلبەستىك جاساۋ، بازاردى باقىلاپ ـ باسقارۋ» قاتارلى ساياحات كاسىبىن دامىتۋ بارىسىنداعى ءتۇيىندى ماسەلەنى ارقاۋ ەتىپ، «التاي ايماعىنىڭ ساياحات كاسىبىندەگى قامداۋ جاعىنداعى قۇرىلىمدىق رەفورمانىڭ سىناق ءتۇيىندى جوباسىن» «ابزالدىلىقتى ساۋلەلەندىرىپ، تۇلعالىق كاسىپتى جاراتىپ، التاي ايماعىنىڭ ساياحات     كاسىبىندە جوعارى ساپالى دامۋدى جەبەۋدىڭ قىزمەت جوباسى» قاتارلىلاردى جاساپ، كاسىپ جۇيەسىن قۇرۋ، ايگىلى ماركا جاراتۋ، سارا لەنيانى مولايتۋ، مەرەكە ـ مەيرام جارىس     تۇرلەرىن وتكىزۋ، قار ـ مۇز كاسىبىن دامىتۋ، دامۋداعى ولقىلىقتاردى تولىقتاۋداي 6 ءىرى نەگىزگى مىندەتتى تۇراقتاندىرىپ، «دۇنيە ءجۇزى دارەجەلى ساياحاتتاعى كوزدەۋلى جەر، دۇنيە ءجۇزى دارەجەلى قار ـ مۇز ساياحاتىنداعى كوزدەۋلى جەر، دۇنيە ءجۇزى دارەجەلى قار ـ مۇز سپورتىنداعى كوزدەۋلى جەر» قۇرۋداي ۇلى نىسانانى ورتاعا قويىپ، ساياحات كاسىبىنىڭ دامۋىن جەبەيتىن قۇدىرەتتى بىرىككەن كۇش قالىپتاستىردى.

وڭىرلەر بىرلەسىپ ارەكەتكە كەلىپ، قادام سايىن ىلگەرىلەپ، «جەر ءجانناتى __ قاناس، قارلى مەكەن ـــ التاي» ايگىلى ماركاسىن اسقاقتاتتى

بيىل 10 ـ ايدىڭ 27 ـ كۇنىنەن باستاپ التاي (قاناس) اۋە جايى تۇتاس جىلدىق قاتىناۋدى جۇزەگە اسىرىپ، قىستا التايعا كەلىپ ساياحاتتايتىن ساياحاتشىلاردىڭ ءجۇرىس ـ تۇرىسىنا قولايلىلىق جاراتىپ، ساياحاتشىلاردىڭ القاۋىنا بولەندى. مىنە، بۇل ايماعىمىزدىڭ «تەز كەلىپ، اسىقپاي ساياحاتتاۋداي» ساياحات قاتىناسى جۇيەسىن قالىپتاستىرۋىنىڭ ايعاعى.

«ساياحاتشىلاردىڭ جولعا كەتەتىن ۋاقىتىن قايتكەندە قىسقارتۋ، ساياحاتشىنى قايتكەندە ويداعىداي ساياحاتتاپ قايتاتىن ەتۋ، سونداي ـ اق ولاردى ەڭ تاماشا قىزمەت وتەۋمەن قامداۋ ... وسىلاردىڭ ءبار ـ ءبارى ءبىزدىڭ ويلاستىراتىن ماسەلەمىز، ساياحاتتىق قىزمەت وتەۋدى، ءسوزسىز، ويداعىداي، تىندىرىمدى ىستەپ، دۇنيە جۇزىلىك دەڭگەيگە جەتكىزۋىمىز كەرەك» ـ دەدى 11 ـ ايدىڭ 22 ـ كۇنى التاي ايماقتىق پارتكومنىڭ شۋجيى جاڭ يان قىسقى ساياحاتقا اتتانىسقا كەلتىرۋ ماجىلىسىندە قايتالاي باسا دارىپتەپ.

«تەز كەلىپ اسىقپاي ساياحاتتاۋداي» ساياحات قاتىناسى جۇيەسىن تەزدەتە قۇرۋ ءۇشىن، بيىل التاي ايماعى «ءتورت رايون، ءبىر بەلدەۋ» قىسقى ساياحات جانە «ءۇش وزەك N اينالما» جازعى ساياحاتتىڭ تۇلعالىق ورنالاستىرۋى بويىنشا شينجياڭنىڭ ءىشى ـ سىرتىنا ساياحاتتاۋ، ابزالدىلىقتارىن ءوزارا تولىقتاۋ ارقىلى «جەر ءجانناتى ـــ قاناس، قارلى مەكەن ـــ التاي» ايگىلى ماركاسىن اسقاقتاتتى؛ «حيلۇڭجياڭ ـ التاي»، «جيلين ـ التاي» ساياحات ارناۋلى پويەزى 12 كەزەك قاتىناپ، جيلين ولكەسىنەن 45 كەزەك ۇشاق جالداپ الدى: ءۇرىمجى، قاراماي، حوتان قاتارلى شينجياڭ كولەمىندەگى 8 قالاعا تىكە قاتىناۋ نەمەسە ايالداۋدى جۇزەگە اسىرىپ، ءۇرىمجى، سانجى، قاراماي، شاۋەشەك، بيڭتۋان 10 ـ شىسىنىڭ سولتۇستىك شينجياڭ ءوڭىرىنىڭ شىعىس، باتىس ساياحات لەنياسىمەن تۇتاسۋدى جۇزەگە اسىردى.

وسىمەن قاتار، ايماعىمىزداعى    اۋداندار (قالا) كورىنىس رايون بىرلەسىپ ارەكەتكە كەلىپ، قاناس ـ التاي ـ   كوكتوعاي اۋدانىنا باۋىرلاي اينالىپ ۇشۋ لەنياسىن اشىپ، چونجى ـ شىڭگىل اۋدانىنىڭ سارتوعاي اۋىلى، تايكەشكەن وتكەگى ـ كوكتوعاي اۋدانىنىڭ تۇرعىن اۋىلى، كوكتوعاي اۋدانىنىڭ دۇرە قالاشىعى ـ بۋرىلتوعاي اۋدانىنىڭ قاراماعاي قالاشىعى، بۋرىلتوعاي        اۋدانىنىڭ ۇلىڭگىر كولى ـ التاي قالاسى ـ بۋىرشىن اۋدانى ـ قاناس كورىنىس رايونى ـ بيڭتۋان 10 ـ شىسى 185 ـ تۋان، قاراتوقتىنىڭ كولى كورىنىس رايونى ـ قابا اۋدانىنىڭ اققايىڭ باقشاسى، قابا اۋدانىنىڭ شىبار قالاشىعى ـ جەمەنەي وتكەگى، جەمەنەي اۋدانىنىڭ قويتاس كورىنىس رايونى ـ قوبىقسارى ساياحات اينالما لەنياسىن اشتى. «نەگىزگى لەنيادا بۇكىل ەلگە ۇشۋ، تارماق لەنيادا شينجياڭعا ۇشۋ، جالپىلىق لەنيادا كورىنىس رايونىنا قاتىناۋداي» اۋە تورابىن العاشقى   قادامدا قالىپتاستىردى.

ايماق «التاي ايماعىنىڭ 2019 ـ جىلعى ساياحات بازارىن ‹100 كۇن›  ارناۋلى رەتكە سالىپ، وڭاۋ قيمىل جوباسىن» بەلگىلەپ، كولىك توقتاتۋ، دارەتحانا جانە ماي قۇيۋ پۋنكتى قاتارلى نەگىزدىك قۇرىلعى قۇرىلىسىن كەمەلدەندىردى. كورىنىس رايونىنان 36 دارەتحانا، قالا رايونىنان 9 دارەتحانا، اس ـ سۋ رايونىنان 1296 دارەتحانا، اۋىل ـ قىستاقتان 24 مىڭ 417 دارەتحانانى جاڭادان نەمەسە وزگەرتىپ سالىپ، 1293 حابارلاسۋ نەگىزدىك پۋنكتى قۇرىلىسىن باستاپ ىستەدى. شۇڭقىر قالاشىعى، قويتاس كورىنىس رايونى قاتارلى ورىننان 5 كولىك توقتاتۋ الاڭى قۇرىلىسىن ورىنداپ، كولىك توقتاتۋ ورنىنان 1000عا مولايتۋمەن بىرگە، ساياحاتتىڭ قاۋىرت كەزىندە كورىنىس رايونىنان ۋاقىتتىق كولىك توقتاتۋ الاڭىن كەڭەيتىپ اشىپ، ساياحاتشىلاردىڭ كولىك توقتاتۋى قيىن بولۋ ماسەلەسىن شەشتى.

ەرەكشەلىكتى كورنەكتىلەندىرىپ، سارا تۋىندى جاراتىپ، ەرەكشەلىككە يە حالىقتىق قونالعى، تاۋارلانعان، ءبىر تۇلعالانعان ساياحات شاعىن قالاشىعىن بار كۇشپەن جاراتتى. بيىل ايماق حالىقتىق قونالعىدان 194ىن سالىپ، توسەك ورىن سانى 4300دەن استى. التاي قالاسىنداعى «قۇرجا» مادەنيەت اۋلاسى، كوكتوعاي اۋدانى كوكتوعاي قالاشىعى تاراتى قىستاعىنداعى حالىقتىق قونالعى،  بۋىرشىن اۋدانى قىزىل جاپىراق حالىقتىق قونالعىسى قاتارلىلاردىڭ دەنى ساياحاتشىلاردىڭ توراپتان كۇن بۇرىن تاپسىرىس بەرەتىن ورنىنا اينالدى.

بيىل ايماق اۋىل ـ قىستاقتى گۇلدەندىرۋ ستراتەگياسىن ىشكەرىلەي اتقارىپ، «التاي ايماعىنىڭ حالىقتىق قونالعىسىنىڭ اقاۋسىز دامۋىن جەبەۋ جونىندەگى جەتەكشى پىكىردى» بەلگىلەپ، «كاسىپورىن + قىستاق پارتيا ياچەيكاسى +سەلبەستىك كووپەراتيۆى + شارۋالار وتباسى» مەحانيزمىن قۇرۋعا ىزدەنىس جاساپ، شارت ـ جاعدايى بار اۋىل ـ قالاشىق، قىستاقتاردىڭ سەيىل ـ  سەرۋەن ەگىن شارۋاشىلىعى، ەرەكشە ءتۇس العان قىستاق، حالىقتىق قونالعى، شارۋالار ساياجايىن نەگىز ەتكەن اۋىل ـ قىستاق ساياحاتىنىڭ جاڭا كاسىپ ٴتۇرىن دامىتۋعا تاربيەلەپ جانە سۇيەمەلدەپ، بۋىرشىن چيليتان بالىقشىلىق قىستاعى، قاناس قوم قىستاعى قاتارلى ەرەكشە ءتۇس العان اۋىل ـ قىستاق ساياحاتىنان ۇلگى كورسەتەتىن قىستاقتاردى قالىپتاستىردى.

ساياحاتتىڭ قىزعىندىلىعىن جانە ساياحاتشىلاردىڭ ات سالىسۋىن جوعارىلاتۋ ءۇشىن، ايماق دەنە تاربيە جارىس تۇرلەرىن كوبەيتىپ، تەبىن جاراتىپ، دالالىق ساياحات، جاياۋ ٴجۇرۋ، اتپەن ساياحاتتاۋ، لاگەر، قاتەرلى بارلاۋ قاتارلى دالالىق دەنە تاربيە ٴتۇرىن  اشتى؛ جەر باۋىرلاي ۇشۋ ساياحات نىساندارىن جالپىلاستىرىپ، موتورلى قايىق، تولقىندى جالداي ءجۇزۋ قاتارلى سۋ ٴۇستى دەنەتاربيە نىساندارىن ورىستەتتى؛ ات ءۇستى ونەرى سپورت كاسىبىن دامىتىپ، بايگە قيمىلىن ۇيىمداستىرىپ، ات ٴمىنىپ ساياحاتتاپ، دالا تابيعاتىن سەزىنۋ نىساندارىن جالپىلاستىردى؛ وڭىرلىك ەرەكشەلىككە يە كوركەمونەرلىك مادەني قيمىلداردى ورىستەتتى. بۇگىنگى كۇنى بۋىرشىن اۋدانىنىڭ «قاناس سالتاناتى»، كوكتوعاي اۋدانى تاراتى قىستاعىنىڭ «شاشۋ كەشكى ساياحاتى»، قاناستىڭ قومىنداعى الاۋ كەشى قاتارلى ايگىلى ماركالاردىڭ اتاق ـ داڭقى شىعا باستادى.

تۇيە، جىلقى، سيىر، قوي، التىن، اسىل تاس جانە شىرىندى جەمىس قاتارلىلاردى ارقاۋ ەتىپ، ايماق ساۋدا كوشەسى، ءدامدى تاعامدار كوشەسى، ءتورت ماۋسىمدى كەشكى بازار قاتارلىلاردى قۇرۋدى جەدەلدەتۋمەن بىرگە، جاسىل ءتۇستى ورگانيكالى ەگىن ـ مال شارۋاشىلىق ونىمدەرى بايلىعىن جانە مول گەولوگيالىق بايلىق ابزالدىلىعىن ارقاۋ ەتىپ، «جيڭليڭ اۋلەتى» جەلىلەس مادەنيەت ونىمدەرىن، سونداي ـ اق اققايىڭ جانە شىرعاناق دەنساۋلىقتى كۇتىمدەۋ ونىمدەرىن، ساۋىر سيىر، قوي ەتى ونىمدەرىن، سۋىق سۋ بالىعى قاتارلى جوعارى سورتتى ساياحات ونىمدەرىن زەرتتەپ اشىپ، «التاي ساۋعاسى» دۇكەنىن، بىرلەسپە دۇكەن قۇرىلىسى قادامىن جەدەلدەتىپ، «التاي ساۋعاسى» ناقتى زات دۇكەنى مەن لەنياداعى ساتۋدى تىرەك ەتكەن تيجارات تورابىن قالىپتاستىردى.

جارىس تۇرلەرىن وزدىرىپ،مەرەكەنىڭ مەرەيىن اسىرىپ، ساياحاتتىڭ مادەني مايەگىن جانە دەڭگەيىن ۇزدىكسىز جوعارىلاتتى

ايماق ماۋسىم وزگەرىسى جانە بوگەنايى بولەك گۋمانيتارلىق مادەنيەتكە، ۇلتتىق سالت ـ سانا قاتارلىلارعا ۇشتاستىرىپ، باستى تاقىرىبى كورنەكتى، مازمۇنى باي، وزگەشە تۇسكە يە مەرەكەلىك جارىس ءتۇرى قيمىلدارىن وزدىرىپ، قيمىلدار ارقىلى ساياحات كاسىبىنىڭ ۇشقان قۇستاي دامۋىن جەتەلەدى. «التاي ايماعىنىڭ 2019 ـ جىلعى ساياحات مەرەكەسىن قۇتتىقتاۋ قيمىلى جوباسىن» عىلمي جاساۋ نەگىزىندە ايماق 14 ـ كەزەكتى شينجياڭ قىسقى ساياحات كاسىبى ساۋدا كورمەسى، 30 ـ كەزەكتى باتىس سولتۇستىك ساياحات سەلبەستىك رايونى جينالىسى، بەيجيڭ قىسقى وليمپيادا جينالىسى ۇيىمداستىرۋ كوميسسياسىنىڭ قار ـ مۇز مادەنيەت جاسامپازدىعى جوعارى دارەجەلى باسشىلاردىڭ تالقى مىنبەرى، جۇڭگو ساياحاتى جاستار وداعى جىلدىق جينالىسىنا تابىستى ءوتىنىش بەرىپ، ازىرلىك كوردى؛ «1000 كۇن شاڭعى تەبۋ، قىسقى وليمپيادا جينالىسىنا قادام تاستاۋ، وتانعا داڭق اپەرۋ» بەيجيڭ 2022 ـ جىلعى قىسقى وليمپيادا جينالىسىنا 1000 كۇندى شەگەرىپ ەسەپتەۋ سەرت بەرۋ قيمىلى، 5 ـ ايدىڭ 19 ـ كۇنگى جۇڭگو ساياحات كۇنى «مىڭ شاقىرىمدىق ساياحات كاريدورى، 100 جەكەنىڭ كولىكپەن ساياحاتتاۋى»، قاناس حالىقارالىق قاتەرلى بارلاۋ، دالا جارىسى، تۇڭعىش كەزەكتى جۇڭگو. حالىقارالىق التىن، اسىل تاس، قاس تاس مادەنيەت مەرەكەسى قاتارلى سارا ونىمدەر مەرەكە قيمىلدارىن ىلگەرىندى ـ كەيىندى تابىستى وتكىزدى. اتاپ وتۋگە تاتيتىنى، تۇڭعىش كەزەكتى جۇڭگو. حالىقارالىق التىن، اسىل تاس، قاس تاس مادەنيەت مەرەكەسى ەل ءىشى ـ سىرتىنان 360 مىڭ 600 ادام (رەت) ساياحاتشىنى باۋراپ، ساۋدا ايىرباس سوماسى 53 ميلليون 568 مىڭ يۋانعا جەتىپ، ساياحاتتاعى ۋنيۆەرسال تۇتىنىلىم 270 ميلليون يۋان بولدى.

ايماعىمىزداعى اۋداندار (قالا، كورىنىس رايون) جۇڭگو دەنە تاربيە ساياحاتىنداعى لاگەر جينالىسى جانە جۇڭگو دالا اۆتو كولىك كلوبتارىنىڭ بىرلەسكەن جارىسى (جەمەنەي پۋنكتى) قيمىلى، كوكتوعاي اۋدانىنىڭ بايگە جارىسى، 4 ـ كەزەكتى «ەرتەگىدەگى شەكارا قالا. بۋىرشىن ءدامى» ءدامدى تاعامدار مەرەكەسى، قابانىڭ اققايىڭ ورمانىنا دەيىنگى مارافون جارىسى قاتارلى قيمىلداردى ىركەس ـ تىركەس تابىستى وتكىزىپ، جەر ـ جەردەگى ساياحاتشىلاردى كەڭ كولەمدە ات سالىسۋعا باۋراپ، «جەر ءجانناتى ـــ قاناس، قارلى مەكەن ـــ التايدىڭ» ساياحات مادەنيەتى مايەگى مەن ايگىلىلىك دارەجەسىن جوعارىلاتتى.

ۇگىتتەپ تانىستىرىپ، ۇزدىكسىز جاڭالىق جاراتىپ، التايدى دۇنيە جۇزىندەگى تاڭداۋلى قىسقى ساياحاتتاعى كوزدەۋلى جەر ەتىپ قۇرادى

بۇرىن التايدىڭ قىسقى ساياحات بايلىعى، اسىرەسە، قار ـ مۇز بايلىعى اشىلماي كەلدى، قىسقى ساياحاتتاعى ايگىلى ماركانىڭ ايگىلىلىك دارەجەسى مەن ىقپال قۋاتى كەمشىل بولدى.

ساياحات ونىمدەرىنىڭ جالپىلاسۋىن تابىستى تيجارات ۇگىتىنەن بولە قاراۋعا بولمايدى.بيىل ايماق ساياحات كاسىبىن دامىتۋ ارناۋلى قارجىسىنان جانە ساياحات بازارىن اشۋ قارجىسىنان جيىنى 15 ميلليون يۋان ازىرلەپ، ساياحات ايگىلى ماركاسىن جان ـ جاقتىلى، جىل بويى ۇگىتتەدى؛ اۋدانداردى (قالا، كورىنىس رايونىن)، ساياحات كاسىپورىندارىن شينجياڭنىڭ 3 ـ كەزەكتى كوكتەمگى كورمەسىنە، 2019 ـ جىلعى شي ـ ان جىبەك جولى حالىقارالىق ساياحات كورمەسىنە، 2019 ـ جىلعى جۇڭگو باتىس سولتۇستىك ساياحات تيجارات كورمەسىنە، بەيجيڭ قالاسى ازيا مادەنيەت ساياحاتى كورمەسىنە، 6 ـ كەزەكتى جۇڭگو، رەسەي كورمەسىنە، 30 ـ كەزەكتى حاربين ساۋدا جارمەنكەسىنە، 2019 ـ جىلعى حالىقارالىق قىسقى سپورت (بەيجيڭ) كورمەسى قاتارلى   مەملەكەتتىڭءتۇرلى كورمەگە، ساۋدا كەڭەسىنە، تانىستىرۋ ماجىلىسىنە         قاتىناسۋعا ۇيىمداستىرىپ، «جەر ءجانناتى ـــ  قاناس، قارلى مەكەن ـــ التايدىڭ» ايگىلى ماركا داڭقى اسپانداي ءتۇستى. نانجيڭ، چاڭشا، شي ـ ان، گۋاڭجوۋ، جىڭجوۋ، چىڭدۋ، ۋ ـ حان، چۇڭچيڭ قاتارلى «شوقتىعى بيىك قالالاردىڭ» جاساندى سەرىك كانالىندا 4 اپتاعا جالعاسقان كەسكىندى ۇگىت فيلىمىن تاراتىپ، ىشكى ولكەدەگى اناعۇرلىم مول ساياحاتشىنى التايعا كەلىپ ساياحاتتاۋعا باۋرادى؛ اۆتونوميالى رايوندىق مادەنيەت، ساياحات مەڭگەرمەسىنىڭ «شينجياڭ جاقسى جەر» ۇگىت تەكشەسىن، دوۋيىڭ، جينرىتۋتياۋ، حوشان لەزدىك كەسكىنى قاتارلىلاردان پايدالانىپ، ايماقتىڭ ساياحات ىستەرىن ۇگىتتەپ، شينجياڭنىڭ ءىشى ـ سىرتىنداعى 10  نەشە اقپارات مەديالارىن التايعا كەلىپ تىلشىلىك جاساۋعا، ىشكەرلەي حابارلاۋعا ۇسىنىس ەتتى. قازىرگە دەيىن، شينحۋا اگەنتتىگى باسىپ تاراتقان التاي ساياحاتى جونىندەگى ماقالالار 212 گە، ورتالىق تەلەۆيدەنيا ستانسياسىنىڭ حابارلاعان حابارى 105 كە جەتتى.

14 ـ كەزەكتى شينجياڭ قىسقى   ساياحات كاسىبى ساۋدا كورمەسى التاي قالاسىندا اشىلدى، 2019 ـ جىلى التايدىڭ قىسقى ساياحاتىنىڭ تىڭ داستانىن جازىپ قالتىرۋىن اسىعا كۇتەمىز.

جاۋاپتى رەداكتور : ءاننا اكىمقان قىزى