اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

14 ـ كەزەكتى شينجياڭ قىسقى ساياحات كاسىبى ساۋدا كورمەسى اشىلدى

  14 ـ كەزەكتى شينجياڭ قىسقى ساياحات كاسىبى ساۋدا كورمەسى اشىلدى

  ءتىلشىمىز جىڭ ميڭ حابارلايدى. 11 ـ ايدىڭ 27 ـ كۇنى اۆتونوميالى رايوندىق مادەنيەت جانە ساياحات مەڭگەرمەسى باس بولىپ، التاي ايماقتىق اكىمشىلىك مەكەمەسى ۇستىنە الىپ وتكىزگەن 14 ـ كەزەكتى شينجياڭ قىسقى ساياحات كاسىبى ساۋدا كورمەسى التاي مادەنيەت ساياحاتىن دامىتۋ ورتالىعىندا رەسمي اشىلدى. وسى كەزەكتى قىسقى ساياحات ساۋدا كورمەسى «شينجياڭ جاقسى جەر ـــ جىبەك جولىن ساياحاتتاپ، قار ـ مۇزدانءلاززات الايىق» دەگەن نەگىزگى تاقىرىپ ەتكەن، مادەنيەت پەن ساياحاتتىڭ توعىسۋىن نەگىز، كورمە مەن ساۋدا ايىرباسىن وزەك، شينجياڭنىڭ قىسقى ساياحات ايگىلى ماركاسىن سومداۋدى نەگىزگى ماقسات ەتەدى، شينجياڭنىڭ قىسقى مادەنيەت ساياحات ونىمدەرى مەن نىساندارى ايىرباس تەكشەسىن كۇش سالا قۇرىپ، شينجياڭنىڭ قىسقى مادەنيەتىنىڭ جانە ساياحاتىنىڭ دامۋىن جەبەيدى، شينجياڭ قىسقى ساياحاتىنىڭ وزەكتى باسەكەلىك قۋاتىن كۇشەيتەدى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز كورمەنىڭ اشىلعاندىعىن جاريالادى. مەملەكەتتىك مادەنيەت جانە ساياحات مينيسترلىگى بايلىقتى اشۋ مەڭگەرمەسىنىڭ ورىنباسار باستىعى شى يانجيە، جۇڭگو قار شاڭعى قوعامىنىڭ ءتوراعاسى، بەيجيڭ قىسقى وليمپيادا ۇيىمداستىرۋ كومسسياسى باياندى دامۋ كوميتەتىنىڭ ورىنباسار مەڭگەرۋشىسى جاۋ يىڭگاڭ، مەملەكەتتىك دەنەتاربيە باس مەكەمەسى قىسقى سپورتتى باسقارۋ ورتالىعىنىڭ ورىنباسار مەڭگەرۋشىسى، جۇڭگو قار شاڭعى قوعامىنىڭ ورىنباسار ءتوراعاسى حۇڭ جياڭ، بەيجيڭ قىسقى وليمپيادا ۇيىمداستىرۋ كومسسياسى مادەنيەت قيمىلى ٴبولىمىنىڭ ورىنباسارى گاۋ تيان، جۇڭگو گۋاڭدا توبى پارتكومىنىڭ مۇشەسى، ورىنباسار باس ديرەكتور فۋ ۋانجۇن، اۆتونوميالى رايوندىق حالىق ۇكىمەتىنىڭ ورىنباسار باس حاتشىسى گاۋ جىمين، اۆتونوميالى رايوندىق مادەنيەت جانە ساياحات مەڭگەرمەسى پارتگرۋپپاسىنىڭ شۋجيى ۋ حۋامين، التاي ايماقتىق پارتكومنىڭ شۋجيى جاڭ يان جانە باتىس سولتۇستىك ساياحات سەلبەستىك رايونىنا مۇشە ورىنداردىڭ مادەنيەت، ساياحات تاراۋلارىنىڭ باسشىلارى، حيلۇڭجياڭ ولكەسى، جيلين ولكەسى قاتارلى شينجياڭعا كومەك بەرگەن ولكە جانە گۋاڭشي، حىبي چۇڭلي قاتارلى دوس ولكە، قالا، سونداي ـ اق مادەنيەت جانە ساياحات تاراۋلارىنىڭ باسشىلارى، اۆتونوميالى رايوننىڭ ءارقايسى قاتىستى مەڭگەرمە، مەكەمەلەردىڭ، بيڭتۋان مادەنيەت جانە ساياحات مەڭگەرمەسىنىڭ باسشىلارى، التاي ايماعىنىڭ باسشىلارى، مەملەكەتتىك ءارقايسى ءىرى اۆياتسيا سەرىكتەستىگىنىڭ جاۋاپتىلارى، ءارقايسى ساياحات ورىندارى، ساياحات كاسىپورىندارى، شينجياڭنىڭ ءىشى ـ سىرتىنداعى مامان ـ وقىمىستىلار، اقپارات دانەكەرلەرىنىڭ ۋاكىلدەرى، دوۋيىن مىقتىلارى قاتارلىلاردان جيىنى 430 دان استام ادام اشىلۋ سالتىنا قاتىناستى.

  جاڭ يان سوزىندە بىلاي دەدى: «اۆتونوميالى رايوننىڭ 14 ـ كەزەكتى شينجياڭ قىسقى ساياحات كاسىبى ساۋدا كورمەسىنىڭ نەگىزگى مايدانىن تاعى دا التايعا ورنالاستىرۋىنىڭ ءوزى اۆتونوميالى رايوندىق پارتكومنىڭ، ۇكىمەتتىڭ التايعا دەگەن وراسان زور قولداۋى، كوڭىل ءبولۋى جانە سەنىمى. بۇعان ايرىقشا قۋانىشتامىز ءارى داڭق سانايمىز. اۆتونوميالى رايوندىق پارتكومنىڭ، ۇكىمەتتىڭ كوڭىل ءبولۋى مەن قولداپ ـ قۋاتتاۋىندا، 14 ـ كەزەكتى شينجياڭ قىسقى ساياحات كاسىبى ساۋدا كورمەسىن ءساتتى، تابىستى وتكىزىپ، كوپشىلىككە التايدا كوڭىلدى ساپاردا بولىپ، ەستەن كەتپەس اسەر قالدىراتىندىعىمىزعا سەنىمىمىز كامىل».

  جاڭ يان بىلاي دەدى: «قىسقى ساياحات ـــ ساياحات ارقىلى شينجياڭدى گۇلدەندىرۋ ستراتەگياسىنىڭ ماڭىزدى قۇرامداس بولەگى. التاي ايماعى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە باستان ـ اقىر تاباندى بولىپ، باس شۋجي شي جينپيڭنىڭ ‹جالپى حالىق قار ـ مۇز سپورتىنا ات سالىسۋ› ۇلى ۇندەۋىنە ءۇن قوسىپ، ‹ءمولدىر سۋ، جاسىل تاۋ ـــ باعا جەتپەس بايلىق، قار ـ مۇزدىڭ ءوزى اسىل قازىنا› تانىمىن بەرىك ورناتىپ، بايلىق ابزالدىلىعىن ساۋلەلەندىرىپ، ىزدەنىس جاساۋ، جاڭالىق اشۋعا باتىل بولىپ، تاباندىلىقپەن تىندىرىمدى قىزمەت ىستەيدى، ءبىز دۇنيە ءجۇزى دارەجەلى ساياحاتىنداعى كوزدەۋلى جەر، دۇنيە ءجۇزى دارەجەلى قار ـ مۇز سپورتىنداعى كوزدەۋلى جەردى قۇلشىنا جاراتادى، اۆتونوميالى رايوننىڭ قىسقى ساياحاتىن دامىتۋ ءۇشىن اتويلاپ الدا ءجۇرىپ، ۇلگى بولىپ، ساياحات ارقىلى شينجياڭدى گۇلدەندىرۋ ستراتەگياسىن ويداعىداي اتقارۋ ءۇشىن التايدىڭ ۇلەسىن قوسادى!».

  اشىلۋ سالتىندا جيىنى 3 كەزەك كەلىسىمگە قول قويىلدى، تٴبىرىنشى كەزەكتە كەدەن مەن جەرگىلىكتى ورىن ۇكىمەتىنىڭ سەلبەستىك تىلەكناماسى، قار شاڭعى كاسىبى جونىندەگى ستراتەگيالىق سەلبەستىك، شاڭبايشان ـ التاي تاۋى ەكى جاقتىڭ قار ـ مۇز مادەنيەتىن ورتاق قۇرۋداعى سەلبەستىك تىلەكناماسى قاتارلى 5 كەلىسىمگە قول قويىلىپ، شينجياڭنىڭ مادەنيەت ساياحاتىن دامىتۋ ارناسىن كەڭەيتتى، مىنە، بۇل ۇكىمەتتىڭ وڭىرلىك سەلبەستىگىنىڭ، كاسىپ قۇرىلىمىنا تەڭشەۋ جۇرگىزۋدىڭ ءونىمدى ىزدەنىسى.

  وسى رەتكى قىسقى كورمە كوپتەگەن قارجى قوسۋشىلاردى وزىنە باۋرادى. 2 ـ كەزەكتى قول قويۋ سالتىندا گەنەرال تاۋى حالىقارالىق قار شاڭعى دەمالىس رايونى نىسانى، «جۇڭحۋا جىبەك جولى» نەگىزگى تاقىرىپتىق كوڭىل اشۋ باقشاسى، بۋىرشىن اۋدانىنىڭ قاناس ۇلتتار ىنتىماعى العاباسارلىعى اۋە كاسىبى باقشاسى قاتارلى 5 نىسانعا قول قويىلدى، بۇل ۇكىمەت پەن كاسىپورىن اراسىنداعى جانە ءىرى تيپتەگى مەملەكەت يەلىگىندەگى كاسىپورىندار مەن حالىق باسقارۋىنداعى كاسىپورىندار اراسىنداعى جاڭالىق اشقان سەلبەستىك. بۇل شينجياڭنىڭ مادەنيەت ساياحاتى كاسىبىنىڭ مازمۇنىن بايىتىپ، مادەنيەت پەن ساياحاتتىڭ دامۋىنداعى كومەسكى كۇشتى اشىپ، كاسىپ مەحانيزمىنىڭ دامۋىن جەبەدى.

  وڭىرلىك سەلبەستىك، كاسىپ قۇرىلىمى جانە دامۋ مەحانيزمىندەگى ىزدەنىستەن تىس، 3 ـ كەزەكتى قول قويۋ جانبۇلاق كورىنىس رايونىنىڭ اسپالى جول قۇرىلىسى، حايشالانتيان رەستوران قۇرىلىسى، ۇشاقپەن جەر باۋىرلاي ۇشىپ ساياحاتتاۋ لاگەرى قاتارلى 6 نىسان مادەنيەت ساياحاتى كاسىبىنىڭ نازىك وڭىرلەرىن شوعىرلاندىرىپ، ەرەكشە ءتۇستى سەزىنۋ نىسانىن، رەستوران قۇرىلىسى قاتارلىلاردى دامىتۋ جوباسىنا ەنگىزىپ، ءتۇرلى كاسىپتەردىڭ توعىسۋىن ، ءتۇرلى فورمادا گۇلدەنۋىن جەبەدى، سونداي ـ اق شينجياڭ مادەنيەت ساياحاتى كاسىبىنىڭ جوعارى ساپادا دامۋىن ىلگەرىلەتتى.

  3 كەزەكتى قول قويۋ جەكە ـ جەكە باعىت ـ ساياسات، ستراتەگيالىق كەلىسىم، ءىرى تيپتەگى نىسانعا قارجى قوسۋ جاعىندا جيىنى 16 ءتۇرلى كەلىسىم تابىسىنا يە بولىپ، كەلىسىم سوماسى جيىنى 18 ميلليارد 30 ميلليون يۋان بولدى. وسى كەلىسىم تابىستارى شينجياڭنىڭ مادەنيەت ساياحاتى ىستەرىنىڭ ۇشقان قۇستاي دامۋىن جەبەرى حاق.

  بۇدان تىس، ەل ـ ءىشى سىرتىنداعى ماماندار دۇنيە جۇزىلىك اسقار تاۋ قارشاڭعى ەكونوميكالىق تالقى مىنبەسىندە باس قوسىپ، شينجياڭنىڭ قار ـ مۇز ساياحاتىنا جٶسپار جاساپ، قار ـ مۇز ساياحاتى ەكونوميكاسىن بىرگە اقىلداستى؛ مەملەكەتتىك زەردەلى ساياحات ءتۇيىندى تاجىريبەحاناسىنىڭ اعا زەرتتەۋشىسى سۇن مىڭياڭ «2019 ـ جىلعى جۇڭگو قار ـ مۇز ساياحاتى ءىرى ساندىق مالىمەتىن» جاريالادى؛ «جۇڭگٶنىڭ قار شاڭعى اتاسى» شان جاۋجيان مىرزا «ەڭسە كوتەرۋ، جۇڭگٶ قار ـ مۇز ىستەرىنىڭ دامۋ جٶلى» دەگەن تاقىرىپتا ارقاۋ ءسوز سويلەدى، بەيجيڭ قىسقى ولمپياداسىن ۇيىمداستىرۋ كوميسسياسى مادەنيەت قيمىل ءبولىمىنىڭ جەتەكشىلىگىندە قار ـ مۇز مادەنيەتى، كوركەمونەر جاسامپازدىعى جوعارى دارەجەلى باسشىلارىنىڭ تالقى مىنبەسى التايدىڭ قار ـ مۇز بايلىعى مەن 2022 ـ جىلعى قىسقى ولمپيادا اراسىنداعى بايلانىس جونىندە كورەگەندىكپەن تالقى ورىستەتتى.

  وسى كەزەكتى قىسقى ساياحات كورمەسىندە «دۇنيە جۇزىلىك كوز ايادا، حالىقارالىق ولشەمدە، جۇڭگٶشا ەرەكشەلىكتە، جوعارى دەڭگەيلى ورىن تۇراقتاندىرۋدا» تاباندى بولىپ، توعىستىرۋ، ات سالىسۋ جانە تاراتۋ سيپاتىن جٶعارىلاتتى. وسى ارالىقتا 30 ـ كەزەكتى باتىس سولتۇستىك ساياحات سەلبەستىك رايونى جينالىسىن، «قىستا شينجياڭدى ساياحاتتاۋ» جۇڭگوداعى قارلى مەكەندەگى سۋرەت كورمەسى، التاي ءدامدى تاعامدار مادەنيەتى مەرەكەسى، قار ـ مۇز جابدىعى جانە قار ـ مۇز مادەنيەتى سارا تۋىندىلار كورمەسى، شەكارا اتتاعان ەلەكتروندىق ساۋدا باجىسى كەشىرىم ەتىلگەن تاۋارلار كورمەسى، «ادامزاتتىڭ قار شاڭعى مەكەنى شاتتىعى»، «جىبەك جٶلى سەرۋەنى، قار ـ مۇزدان ءلاززاتتانۋ» ساۋىق كەشى، «قۇتتى مەكەن شينجياڭعا ساياحات. توراپ مىقتىلارىنىڭ 8 ـ كەزەكتى تاقىرىپتىق قيمىلى»، جۇڭگو ساياحاتى جاستار بىرلەستىگىنىڭ 2019 ـ جىلعى 8 ـ كەزەكتى جىلدىق جينالىسى قاتارلى جەلىلەس قيمىلداردى ورىستەتتى. سونداي ـ اق قار ـ مۇز ساياحات كاسىبىنىڭ دامۋ ۇلگىسى، دۇنيە ٴجۇزىنىڭ قار ـ مۇز ەكونوميكاسى تاجىريبەسىنەن تەڭ يگىلىكتەنۋ قاتارلى جاقتاردا شينجياڭنىڭ قىسقى ساياحاتىنىڭ دامۋى جونىندە ىشكەرىلەي ىزدەنىس جاسادى، بۇل ءبىر رەتكى جوعارى دەڭگەيدەگى ءوزارا ۇلگى الۋ، ءوزارا ۇيرەنۋ سىندى ءونىمدى اۋىس ـ كۇيىس، ەل ءىشى جانە حالىقارالىق قار ـ مۇز كاسىبى ارقىلى دۇنيە ٴجۇزى ساياحاتىنىڭ كوزدەۋلى جەرىن، دۇنيە جۇزى قار ـ مۇز ساياحاتىنىڭ كوزدەۋلى جەرىن، دۇنيە جۇزى قار ـ مۇز سپورتىنىڭ كوزدەۋلى جەرىن قۇرۋدى نىسانا ەتىپ، قيمىل مازمۇنىنىڭ، قيمىل فٶرماسىنىڭ دارەجەسىن جان ـ جاقتىلى جوعارىلاتتى. نازاريالىق زەرتتەۋدەن امالياتتىق دالەلدەۋگە، بازارعا تالداۋ جاساۋدان كاسىپ سالاسىن تياناقتاندىرۋعا، تاياۋ مەزگىلدىك نىسانادان بولاشاقتىق جوباعا دەيىن، شينجياڭنىڭ قار ـ مۇز ساياحات كاسىبىن دامىتۋدىڭ جاڭا جاعدايىن قالىپتاستىرىپ، جۇڭگو قار ـ مۇز ساياحاتىن دامىتۋدىڭ شينجياڭ ۇلگىسىن قالىپتاستىرۋعا كۇش سالدى.

  14 ـ كەزەكتى شينجياڭ قىسقى ساياحات كاسىبى ساۋدا كورمەسى شينجياڭنىڭ قار ـ مۇز بايلىعى مەن قار ـ مۇز مادەنيەتىن ايگىلەيتىن تەرەزە. التاي ايماعىن قامتىعان شينجياڭنىڭ ابزال قار ـ مۇز بايلىعىن شوعىرلى ايگىلەدى، وسى كەزەكتى كورمە كەزىندە بەيجيڭ قىسقى ولمپياداسىن ۇيىمداستىرۋ كومسسياسىنىڭ مادەنيەت قيمىل ءبولىمى جەتەكشىلىك ەتىپ وتكىزگەن «قار ـ مۇز مادەنيەت ـ كوركەمونەر جاسامپازدىعى جٶعارى دارەجەلى باسشىلار تالقى مىنبەسى» قار ـ مۇز مادەنيەتى، قار ـ مۇز كوركەمونەرى، قار ـ مۇز ساياحات كاسىبى قاتارلى سالالاردىڭ مازمۇنىن ىشكەرىلەي اشىپ،جالعاستىردى، مۇنداعى ماقسات: التايدىڭ، ٴتىپتى، شينجياڭنىڭ قار ـ مۇز فاكتورى مەن 2022 ـ جىلعى بەيجيڭ قىسقى ولمپياداسىنىڭ اراسىنداعى بايلانىسقا زەرتتەۋ جۇرگىزىپ، سول ارقىلى قار ـ مۇز كاسىبىنىڭ دامۋىن اناعۇرلىم ىلگەرىلەتۋ.

  ۇعىسۋعا قاراعاندا، شينجياڭ قىسقى ساياحات كاسىبى ساۋدا كورمەسى 2006 ـ جىلدان بەرى ءۇرتىس 13 ـ كەزەك وتكىزىلگەن، كورمەنىڭ كولەمى، قيمىل مازمۇنى جانە قاتىناسقان ادام سانى جىل سايىن ارتىپ، ىقپالى دا ۇزدىكسىز كەڭەيدى. 2006 ـ جىلدان بۇرىن شينجياڭ قىس ماۋسىمىندا نە بارى 900 مىڭنان استام ساياحاتشى (رەت) قانا قابىلدايتىن. 10 نەشە جىلدىق قۇلشىنىس جانە دامۋ ارقىلى 2018 ـ جىلى 1 ـ ايدان 3 ـ ايعا دەيىن، 10 ـ ايدان 12 ـ ايعا دەيىن شينجياڭ 30 ميلليوننان استام ساياحاتشى (رەت) قابىلدادى. 2019 ـ جىلى 11 ـ ايدان 2020 ـ جىلى 3 ـ ايعا دەيىن، شينجياڭنىڭ جەر ـ جەرى ءتۇرلى مادەنيەت ساياحاتى قيمىلىنان 319 ىن وتكىزەدى، سونداي ـ اق جۇڭگو جاستارى مەن ورەندەرىنىڭ قار شاڭعى تەبۋ جارىسى، 2020 ـ جىلعى شينجياڭ بويىنشا تەز سىرعاناۋ جارىسى قاتارلى 120 ءتۇرلى قار ـ مۇز سپورت قيمىلىن وتكىزەدى.

جاۋاپتى رەداكتور : ءاننا اكىمقان قىزى